نعره البنات وقت الزواج

[خالف تعرف]

اي والله صاجه اغلب الي يتزوجون يتحولون تصير نفسيه ويع وتسوي حركات بويها الحمدالله والشكر غير هذا يا انها تصير كتومه بطريقه مرعبه يا ريلي يقول ريلي نام ريلي بطل عيونه ريلي يحب هالمطعم ريلي قالي قصي ريلي قالي اسوي ريلي وريلي وريلي وتقول اشياد ماتنقال وان رحنه السوق اقولها شرايج بهالبده تقولي ريلي مايحب هالون انا شكو بريلج اف قطع ياكره هالنوعيه والنوعيه الي قلتيها

 

[mareea]

اي و الله صاجه

الحمد لله و الشكر

انا اعرف وحده قمت ما اكلمها الا نادرا من كثر مالوعت جبدي ... ريلي و ريلي و ريلي

يبووووووووووي

يعني محد تزوج غيرهم

على شنو النفسيه و القطاعه ؟؟

مايشوفون شر

 

[وصوف]

يا ربييييييييييييييييييييييييييييي
اكره الي كذا
شكل الرجال من كثر مايتغزل فيها يطيرها
وتصدق عمرها هههههههههههههههههههههههه

 

[kuwaitya_zoGaa]

محد يدري شنو ظروف الناس
بس الرفيجات اللى من عمر طبعا العلاقه تكون قويه ومستمره ولازم الزوج يحترم رغبات زوجته
لكن فى بنات ممكن ياثرون على الزوجه من الناحية الاخلاقيه او من ناحيه التفكير او يتدخلون في حياتها الشخصيه او مايحترمون حياتها الزوجيه فلازم الوحده تتخلا عنهم

 

[m!ss craze]

شوفي فيه بنات جد زوجها يكون هو العلة ف يالموضووع

بس فيه بنات مسكينة لانها ماصدقت تنخطب وفيها عقدة الننننقص

انا اعرف لك وحدة كانت اقل بنات خالاتها وعمانه تزوجت قامت تقلل من ثقة بنت خالتها لدررجة انها تقول انيت سمينة ما احد بيخططبك ولا احد مدحها ماتوووصله لها

الحمدالله الذي عافاني مما ابتلاااهم به

لان بكرة بنتزززوج وماندري ايش الرجال الي بناخذهم
يارب ارزقني زوج مررن و سلس ف يالتعامل ولايمنعني من صديقااااتي

 

[miss.unique]

اول شي موضوعوووووعج عجيب وانا طرى على بالي نفس السؤال .. شفيهم البنات يستخفون حمدالله والشكر !! وهذا يصير اول فترة الزواج لان يكونون مو مصدقين انهم تزوجوا !!

بالنسبة حق رفيجتج هذي حدها طاااف وبالطقاق فيها , ميته مو مصدقة انها تزوجت بس بعدين رح تكتشف ( حتى لو بينها وبين نفسها ) كان تصرف تاهف وسخيف ومالله داعي

وو سؤال !! شكو الزوج يدخل بعلاقاتي ويا البنات اهوو شكو ؟ هذا الشي تدخل منه , يعني لو الحين الزوجة قالت حق زوجها هد ربعك الي تعرفهم قبل الزواج رح يسمع كلامها ويهدهم؟ امانة شالعقلية الحمدالله والشكر هذا يدل انه بعض الرياييل معقدين ...

وحبيت اعلق على شغلة , انا من رايي اذا البنت تزوجت ماله داعي تقول حق رفيجاتها او البنات عن علاقتها اهي وريلها .. الا الاشياء الحييييييييل عادية ممكن بس غيره لاء

 

[حلوه بس بلووه]

هذيل مرضى الله يعينهم على نفسهم ولا يبلانا يارب

 

[مترفة هوآزن ~]

يووووووه ياكثر ماتصير لي هالمواقف


تعالي ياقلبي بـ اقولج شئ يضحك


صديقتي انخطبت وملجت وتحدد عرسها وبعدين قالت لي

وبكل وقاحه تقول لي ترى لي ثلاث سنين مملجه

عصبت شوي وصار الوضع عادي خصوصا

انها بتزوج بعيد عن منطقتنا

لا والي يضحك تقولي الله لايسامحج اذا انخطبتي ولا قلتي لي

عالم مريضه حلال عليها كل شئ وحرام على غيرها

يعني الامانه بنحسدها على زوجها ؟؟ مافيها شئ

انا مع الي ماتتكلم في خصوصياتها بس عاد مو تصير غامضه ومنطمه وساكته بالمجالس لعيون سي السيد ؟؟


لا بعد بنت خالتي بعد زواجها سافرت برى وانا شاده حيلي اتصل واسال عنها يوم ارجعت ماقالت لي


هذا حال الدنيا ..

تعقيبا على كلام الي تقول ازواجهم مانعينهم ؟؟

ليه هذوليك بنات حرام ؟ او بنات اخلاقهم مو زينه ؟؟ او يعني بيخربون حياتكم

هذا اسمه طمس واستغلال شخصية الزوجه

انا لو يقولي تركي صديقاتج باقول همن انت اترك ربعك

مو انا انعزل عن العالم ويكرهوني واتسبب بالالم لناس عاشوا معي

وانت مستمر بعلاقتك مع ربعك ..

وسلامتكم :

 

[بيلسآن~]

لأن الحيـن بنآتنـا أكبر طمووحاتها الزواج ، ولا تزوجت خلاص بعد حققت هدفها في الحياة و ماتبي من الدنيا شي !!

وتشووف ان زوجها كنز ثمين حصلت عليه بعد انتظار طـويل فأكيد ماتبي احد يحسدها عليه او ياخذه منها ؟ اوكي ماقلنا شي الحذر واجب بس عاد مو تتغيرين ع اعز الناس واقربهم لج

الحمدلله والشكـر مآدري لمتى الزواج يسبب هوس لكل بنت ؟؟

 

[مدّهره !]

الصديقات علاقة سنين وعلاقه إجتماعيه مهمه بحياتنا كــ بشر ....~
ع أي أساس أجحد وجودهم بعد الزواج !!!
شخصيتي ,, صديقاتي ,, عملي و و و أستقلاليه تامه لي فقط طبعاً مالم يأتِ ضرر
والحمد لله أكيد ماراح يجي منهم ضرر ماشفت قبل الزواج عيوبهم بشوفها بعده !!
طبعاً المنظور يختلف من بنت لـ بنت ....

 

[zoqa]

الي مايبيج مره ماتبينه عشر
والي باعج بيعيه برخص التراب !
والرفيجه بدالها الف رفيجه ميته عليها ؟
اهي الخسرانه وباجر بدور احد يفضفض لها وماراح تلقاج !
وبعدين يمكن خيره حبيبتي .. وهالنوعيه استغفرالله واايد موجودين
احمد ربي واشكره ع نعمة العقل :× احس فيهم مرض !! :s​

 

[boliana_q8]

ماقصرتوا يا بنات
الله يعطيكم العافية عالنصايح
والله يهدي بناتنا ويكمل لهم عقلهم ويصيرون خوش اوادم

 

[Miss McDonald]

• الحمدلله والشكر ناقصين عقل !
• يعني تزوجتي مسوية انجآز ؟! ولا خايفه تبوقين ريلهآ !؟
• الله يكمل كل عاقل بعقله !

 

[PuPa^^SWeeT]

فيه بنات لهم ظروفهم

بس بنات لا اهم فعلا يشوفون نفسهم


انا اقولج اللي مايبيج لا تبينه


ومالج شغل فيهم

 

[opera]

اول شي كل واحد وظروفه

ثاني شي .. طبيعي انه البنت تتغير بعد الزواااج وكلنا تغيرنا ليش مكبرين الموضوع ومسوينها سالفه .. كل وحده تغيرت حتى لو تشوف نفسها ماتغيرت بس الناس يشوفونها تغيرت




انا قبل لا اتزوج كنت كل مكان اروح مع رفيجاتي .. الحين تزوجت ريلي مايرضي اطلع اي مكان ومو مع كل رفيجاتي .. شنو اسوي يعني اعانده واتهاوش وياه عشان رفيجاتي .. ناقشته وحولت اعرف الاسباب وبس مقفل ومن حقه

يعني اقولج سالفه

مره رفيجاتي تواعدو يروحون جوكلت بار البدع .. وقلت حق ريلي مارضى وحاولت وحنيت ابي اطلع معاهم عصب وقالي : اذا انتي ترضين على نفسج تروحين تقعدين بهالمكان روحي !!

انا اشصار فيني متتت وقتها صج المكان حددده x ومن حقه يمنعني

قلت حق رفيجاتي تدرين اشقالو: ريلج مايثق فيج !!
:eh_s(4):

شكووو الثقه بمكان كله قززز


ومره همن كانو بيروحون ستاربكس يقعدون وريلي مايرضى اروح اترزز بالكافيهات

تدرين شنو قالو مثل ما انتي قلتلي : شايفه روحها وتغيرت وميته عالزواج ومن هالحجي !!!!

بالله منو الصح ومنو الغلط





وبعدين اول سنه زواج البنت ماتنلام فيها تكون حايسه و تحاول تتأقلم مع الوضع اليديد و تكون لاهيه وطايره بالحب صج ماتنلام اذا شوي اهملت رفيجاتها

بس بعدين تستقر وتتعدل الامور وترد بس همن مو مثل قبل

يعني انا قبل كل يوم ادق على رفيجاتي ونسولف بالساعه

الحين كل 3 او 4 ايام مره وهذا من مشاغل الحياه ا

المتزوجه مو فاضيه نفس العزابيه


بعدين السوالف الخاصه مالا داعي تقعد 24 ساعه تسولف فيهم .. في وايد مواضيع ممكن نتكلم فيها بعيد عن الريل

والمره اللي تسولف ريلي وريلي على طووول هذي تشيحط عالفاضي

 

[kekat kakaw]

الحمدلله و الشكر

 

[فديت من سماني]

صديقتي انا و صديقاتي تخيلو تزوجت و جابت بنت و ما قالت لنا

كانت تتصل و ترسل لنا مسجات بس عمرها ما قالت انها تزوجت :eh_s(10):

سمعنا بالصدفه و كلنا انصدمنا

 

[تبطي عظم!]

في وحده من رفيحاتي تزوجت بعدي. بشهر وغيرت رقمها وما ادري عنها اي شيء

بس ماتشووف شر انا الحمد لله ماتغيرت على احد مع اهلي مثل ما انا ولا صوب عماتي وخالاتي كلش ماتغيرت غير اني نضجت شوي

وصرت احاسب نفسي ع الحرف والنظره والضحكه لانه كل شيء بعد الزوج محسووب عليج حتن السوالف ~

 

[coralia]

الحمد لله والشكر شالحكمة من هالتصرفات ؟ ​

 

[zoqa]

اول شي كل واحد وظروفه

ثاني شي .. طبيعي انه البنت تتغير بعد الزواااج وكلنا تغيرنا ليش مكبرين الموضوع ومسوينها سالفه .. كل وحده تغيرت حتى لو تشوف نفسها ماتغيرت بس الناس يشوفونها تغيرت




انا قبل لا اتزوج كنت كل مكان اروح مع رفيجاتي .. الحين تزوجت ريلي مايرضي اطلع اي مكان ومو مع كل رفيجاتي .. شنو اسوي يعني اعانده واتهاوش وياه عشان رفيجاتي .. ناقشته وحولت اعرف الاسباب وبس مقفل ومن حقه

يعني اقولج سالفه

مره رفيجاتي تواعدو يروحون جوكلت بار البدع .. وقلت حق ريلي مارضى وحاولت وحنيت ابي اطلع معاهم عصب وقالي : اذا انتي ترضين على نفسج تروحين تقعدين بهالمكان روحي !!

انا اشصار فيني متتت وقتها صج المكان حددده x ومن حقه يمنعني

قلت حق رفيجاتي تدرين اشقالو: ريلج مايثق فيج !!
:eh_s(4):

شكووو الثقه بمكان كله قززز


ومره همن كانو بيروحون ستاربكس يقعدون وريلي مايرضى اروح اترزز بالكافيهات

تدرين شنو قالو مثل ما انتي قلتلي : شايفه روحها وتغيرت وميته عالزواج ومن هالحجي !!!!

بالله منو الصح ومنو الغلط





وبعدين اول سنه زواج البنت ماتنلام فيها تكون حايسه و تحاول تتأقلم مع الوضع اليديد و تكون لاهيه وطايره بالحب صج ماتنلام اذا شوي اهملت رفيجاتها

بس بعدين تستقر وتتعدل الامور وترد بس همن مو مثل قبل

يعني انا قبل كل يوم ادق على رفيجاتي ونسولف بالساعه

الحين كل 3 او 4 ايام مره وهذا من مشاغل الحياه ا

المتزوجه مو فاضيه نفس العزابيه


بعدين السوالف الخاصه مالا داعي تقعد 24 ساعه تسولف فيهم .. في وايد مواضيع ممكن نتكلم فيها بعيد عن الريل

والمره اللي تسولف ريلي وريلي على طووول هذي تشيحط عالفاضي

al7mdllah w alshker ? la rfejat ! wla ag3ad bkafeh m3a rfejte bmojam3 alflani ! wla 6l3at :s !
!! 3yail shyabe mnha
tn7kr blbet ! yr'9a oho agola la t6la3 m3a rab3k ! bsafl feni wyl3an 5ayre ! :eh_s(10):

w ba3den ahy t3rfha mn 13 sna ! w 3shra ! bs eni agoum agolha " وانتي بالذات مايبيني احتك فيج ومادري ليش مايحبج يمكن يغار لانج رفيجتي حيل " !!!!!

-

:eh_s(4):​