نصايح + واجبات للي بتسكن عند حمولة ؟!

[شـيـوخـهـ]

بنات طيب والزوج نفسه
مثلاً هم عندهم خدم ويطبخون لهم
شراح أسوي لو بأول العرس قالي لا أنتي أطبخي الغدا مو الخدامه ؟
يعني تدبيسه :d​

أو بشكل عام كان أعتمادهم على الخدامه ولما تجي زوجة ولدهم يرمون كل شيء عليها
هني شلون نتصرف ؟؟​

انا حاسه هالامور هي اللي تشربك العلاقة بين حرمة الولد والحموله
النزله وسوي لنا وحطي لنا وألخ . . ​

أنا حابه أطلع بخبرات كثيره من اهل التجارب وأخذ خبره بالتعامل قبل اروح لهم ​

تدرين لا تصيرين شقرديه وايد يعني مو تصيرين هبة ريح وانا اطبخ لك .. لا لي بغى عشا طبعا احنا نتكلم عن عقب مستحيل من اول شهر بيقول لج طبخي لي سوي لي ولي قال الشكوى لله العشا ممكن تسوين بس تبين الصراحه اشوف الي تقول ما اعرف وبس مجابله ريلها تصير غاليه عنده وطلباتها اوامر

انتي قيسي الامور لما تدخلين عليهم ولا تفتحين على عمرج باب بالطبخ والقعده بالمطبخ سوي نفسج ماتعرفين وغيره والله شوف عيني محد قالي :eh_s(10)::eh_s(10): الي تستعبط تصير غاليه عند ريلها

ساعديهم بس لا تطبخين قولي ما اعرف وما اعتقد اهله بيخلونج تطبخين لان تقولين عندهم خدم وياكلون من الخدم فما اعتقد بيخلونج تطبخين

 

[عسل حدي]

انا شهر وانحشت ماقدرت وسكنت بروحي ماعرف انتحل شخصيه مو لي واجامل طووول اليوم

 

[unknown1988]

الله يعينج ما اؤيد احد يسكن مع حموله تقيد وااااااااايد

وبعدين ان شاءالله بيصير عندكم يهال والغرفه مراح تكفي ..

نصيحه بنات اي وحدة بتتزوج تشرط سكن خاص .. تاخذ راحتها بلبسها ولقمتها وتفتك من القيل والقال ..


حتى لو كانوا اهل الريل عسسسسسل ماراح تاخذين راحتج لان مو مكانج

 

[((shoOoshoOo))]

اذا صارت لاسمح الله مشكله تخصهم لاتتدخلين لو شنوووووو

واذا موقف بايخ صغير مااعجبج من خواته لاتقوولين له طنشي اما اذا سالفهةجايده قوليله عشان يكون بالصوره

 

[بنفسج ..~]

أب


أب


أب

 

[بنفسج ..~]

صراحه كلامكم حطيته ترجيه بأذني
وودي يصير هالموضوع مرجع لنا المقبلات على الزواج والحمولة

رفع طبعاً للأفادة

 

[SugarBride]

حبيبتي الله يسعدج ويوفقج :** إنشـآلله تكسبينهم وتجوفين كل خير
البنـآت كفوآ بالكـلام عندي لج نصيحة خلج دـآيماً وسط
لا وايد وايد وايد تدلعينهم ولا وايد وايد وايد ما تراعين لهم

وـآذا صـآرت أي مشكلة آو شي لا تحطين ف بـآلج عدآوة أو شي
اعتبريهم مثل خوـآتج و خالتج مثل آمج ...

 

[متوترة]

شوفي حبي اهم شي الرسميه ومو كل شي تسولفين فيه
خليك اول الايام مثل المجرمه بس تستجوبين ولاتسالين عن اي شي
شلونك خالتي شخبارك وين بتروحين بروح مشوار صغير وارجع تبين شي واذا الحت اضحكي ولاتردين عليها
افضل شي .
خالتك لاتحسبينها مثل امك نصيحه والله تبلشك وتزعجك لاخذت عليك وتعودت بتجلس بكرا تسالك نمتي مع ولدي او لا

الطبخ عندهم شغاله يازيناها زيناه اريح لك ولاتطبخين الا شي مشتهيه رجلك سالفه تطبخين وتذوقين خالتك احذفيها اول الشهور خصوصا
خلي بعدين تذوقينها شي بسيط .. لان اي كان بتجلس تقول حلو وعند ولده شبلا طبخه كذا ..

يعني خواته = اعتبريهم مثل الصديقات بتاعت الجامعه تسولفين معاهم حزه الحزه وتنسين شقلتو.. ولايدخلون بخصوصياتك ولايدخلون بخصوصياتك

وبعدين لاتاخذين دور البنت الولهانه وتقولين اخوك (زوجك) وش يحب ياكل وش يحب اللوان وش يحب يشرب وووو الخ
انتي اكتشفي ذوقه بنفسك وبسؤال تحب اسوي لك عصير برتقال تفاح ...؟؟؟ وهكذا .

اخوانه : سلام رد سلام جالسين قومي لاتجلسين عندهم عيب خصوصا اول الايام بتطقين حنك ووالخ ..

جلستك لاتطلعين لهم الا وقت مثل قبل اذان المغرب بساعه وارجعي غرفتك تحججي بالصلاه واجلسي ومو كل يوم
ترزين وجهك ترا كثر الترزز يقل من قيمتك ..
خصصي يوم ل اهلك يوم لعشاء تطلعون انتي وياه .
لاسالوك عن شي او قالو متى بتروحين السوق بنروح معاك قولي مادري وروحي بدون مايدرون ولاقالو ليه قولي استعجلت وهو مستعجل
يالله امداني القط كم شغله وجيت الله يعين عجل شوي .< بكذا تفرحينهم انك ماتاخذين مصروف واجد من اخوهم وان السوق مو كل مره تجينه وان جيتيه جيته ع السريع

غير كذا تطلعين لهم بلبس محترم مو مره كشخه ولامره مميؤوس منه . حطي كريم وفوقه بودر وقلس وشويه بلاشر وكحل جوا العين ومسكرا .. وارسمي حواجبك عشان يعرفون عنك انك بنت مرتبه وزوجك ترا يستانس لاشافك مرتبه وجالسه عند اهله..


ولاجاء ضيوف خاصين ل اهل رجلك اياني اياكي تخبين نفسك وتركضين معاهم انتبهي خليك عاقله .. تكرمتي شيلي القهوه
حطيها ع السفر اذا عندهم بنات ماتزوجو اياني اياكي تلمسين القهوه وتقهوين .. خليهم هم واذا اكبر منك ومتزوجات وقليل تشوفينهم
لاقهوي ومو كل مره لاجوهم ضيوف ترزين وجهك خلي لك قيمه وفقده ويسالون عنك ...

هذا الي ببالي وانا ساكنه عند حمولتي بس بشقه خاصه فوق فيها كل شي . ولي درج وباب خاص . بس مع كذا مو مرتاحه
وانتي الله يعينك .. ع الحمام والغرفه ..حاولي تفاتحين رجلك . بموضوع البيت المستقل من البدايه ... اذا قال ماتبين اهلي قولي ابي مطبخ اطبخ ع ذوقي .واكشخ والبس مو لابغيت المطبخ غيرت لبسي وبهذله لو تنام واصرخ سمعو فشله

والله يوفقك ويسخر لك زوجك وتنتقلين ببيت خاص فيك عاجلا غير اجل

كلامي مو مرتب بس ان شاء الله يكون فهمتي مقصد بحسن نيه

 

[حواري]

اهم شي الهدوء في الحياة الزوجيه و التكتم على المشاكل بقدر المستطاع
و طبعا السنع بلبس و النظافه و الاهتمام و هذا شي طبع فينه يعني مو لهم لنه اصلا و تكونين على طول معطره و مبخره مكانج خوفا من الزيارات المفاجئة
و طبعن لابد من المساعدهالمطبخيه مو انج تدخلين معاهم المطبخ لا انتي مو مجبوره خصوصا لو ماكان عندج مطبخ مو مجبوره بالعكس اهمه مجبورين يوفرولج مطبخ حتى تتحقق شروط منزل الزوجيه و من شروط المنزل وجود مطبخ
و من اللازم انج تنزلين و انتي معاج اي شي حلو من ايدج الحلوه
انا عن نفسي احب المطبخ فدايما تلقيني بالمطبخ افتر و افكر و اسويلي طبخه حلوه و مرات اجرب المجابيس و هسوالف معني ما اكل بس انزل فيهم
و انا نباتيه فعلى طول غداي و عشاي سلطه فدايمن احسب حسابهم بالسلطه مالتي الي اسويها يعني السلطه الشوربه هذي دايمن اسويها و انزل لاني انا مسويه مسويه حق نفسي
لاكن بحكم ضيق الوقت اغلب الاحيان اسوي اكلي سريع و اقعد بشقتي لاني اكون تعبانه و ابي اكل لقمتي و اريح لاكن على الاقل مرتين يشوفوني معاهم عسفره
بنفس الوقت لاتعودينهم على وجودج الدائم لان الانسان طبيعي ينشغل و يتعب من الضغوط و يحتاج ان يقعد في بيته يرتاح و هشي ممكن بعض الحمايل ما تستوعبه فانتي من البدايه عوديهم ان في حدود ترى الميانه الزايده ممكن تثقل عليج او عليهم فخليج رسميه و لاكن بنفس الوقت حبوبه و اجتماعيه و هشي يعتمد على شخصية كل وحده فينه و ربي يوفق الجميع

 

[شروق &]

صراحه نادرا عندنا الوحده تسكن مع اهل زوجها
بس اهم شي تذكري كل شي يروح الا الذكر الزين واتمنى لك التوفيق

 

[التوق]

انا بعد حموله
عاد انا ابالغ ببجوتي حيل ماحب احد يكلمني كلمه او يشارهني اقعد ابجي
حتى هو عرفني يقولي بسرعه تبجين واذا زعلتي ترضين بكاكاو
وكل اخوانه طلعوا بشقه واللي بيتزوج معاه وقبله هم بيطلعون بشقه الا هووو محنج يبي معاهم وياريت شقه عندهم يسكتني فيها
لا غرفة وحمام ومن الحين احاتي امه ومعاملتها مع ان يقولي مالها شغل باحد بس مانقتني من طيب خاطر

 

[بنفسج ..~]

^


نفس الحال بالضبط
الله يعينا ويعينج ^^

 

[سـٌگر معـقـود]

موضووع حلوو اب اب

< متزوجه حديثااا وساكنه مع حمووله
نصايحكم حلوه وخبراتكم من واقع تجربه
هالشي حلوو بالموضوع موبس نصايح والواقع شي ثاني :/
عطوناا تجاارب بعد

 

[برنسس أوراق]

خلج سنعه ونظيفه وخفيفة .. غرفتج مسؤوليتج انتي بتنظيفها وكل شي .. كل جم يوم ( لو مرة بالأسبوع)دشي المطبخ سوي حلو وسنعي وأشرفي عالجاي والقهوة .. ولي جوكم ضيوف ارتزي وشيلي وحطي وأشرفي وقدمي.. شغل ريلج وأغراضه إنتي تشرفين عليها ولي بغى وطلب اكل بغير وقت الوجبات الرئيسية فهالشي مسؤوليتج إنتي مو الخدامه وخواته .. وخلج دايم هادية وصوتج لايعلى ..


وكل شي يصير فبيتهم مايطلع بره .. وسمفونية أمك وخواتك حاولي ماتنقال الا بالشديد القوي لما يصير في ضرر مباشر لج ولا الأشيا التافهه طنشيها عشان لايقول انا ماخذ وحده نكدية وماتحب أهلي ومتحقطه لهم..

ودايم بدي النية الزينة وكل شي تسوينه اول شي يكون لوجه الله مو عشان يقولون فلانه سوت وحطت ..

الله يوفقج ويتمم عليج كل خير

كفيتي ووفيتي
كنت بقول نفس الكلام
موفقة حبوبة

 

[سور المدينه]

استفدت من الموضوع وايد
لاني نفس الوضع

مرتاحه معاهم بس مافي خصوصيه خاصه المطبخ اي شيء بتسوينه او بتاكلينه البيت كله يعرف

 

[Aloe Vera]

انا اشوف من حقج عالاقل شقه متكاملة منفصلة هذا اقل اقل شي ممكن الوحدة تقبل فيه
ولا غرفة و حمام مستحيل و في هضم لحقوقج البسيطة
و ماعندي نصيحة غير لاتقبلين هذي العيشة
اذا زوجج مايقدر يوفر شقة هذا معناته ان غير مستعد للزواج

 

[*Pink Girl*]

ما اايد السكن عند اهل الزوج
معروف يجيب المشاكل الله يعينك بصراحه

 

[بنفسج ..~]

أب


أب

 

[beealh]

مثل ما قالولج على حسب تربيتهم بل بيت وعاداتهم انا قاعده بغرفتين و حمام بس محد يطبخ عندهم غير خالتي ما ياكلون من ايد احد و ك حكم اني موظفه ما اقدر اطبخ ارد 3 من الدوام بس ما احتك فيهم حيل سوالف عاديه وسلام اهم شي كسبي ريلج و خالتج بس نصيحه اسرارج بينج وبين ريلج خليها بينكم لا تطلع حق احد خاصتن حريم الاخوان وخلي مشاكلج معا ريلج برى البيت عشان لحد يسمع

 

[هيبة ملك]

الله يعينج.

اهم شي. خليج رسميه ولاتطيحين الميانه معاهم