نصايح + واجبات للي بتسكن عند حمولة ؟!

[ايوت]

حتى انا اوافق الي فوقي
فكري زييين
اذا يقدر زوجج يسوي شقة

انا في شقة كاملة مطبخ و غرفتين نوم و حمامين و صالة و مجلس
في بيت حمولتي فوق
و مع ذلك احس اني مقيدة شوي
لان ايييي صوت يبين
مثلا اذا سهرت الليل ما اقدر اعلي صوت التلفزيون حددة وااطي عشان لاحد يحس
و نفس الشي اذا باشغل الميكروويف
و اي صوت ثاني
و لازم اكون مجهزة ملابس محتشمة لاي وقت احد يدق عليي الباب
و حتى النوم و الطبخ
رغم انهم وايييييييد طيبين الحمدالله ربي العالمين

نصيحتي
حطي لك ثلاجة و غلاية و كبت صغيرون تحطي فية مثلا الاكل السريع
اندومي ، توست ، جبن ، شبسات ، اشياء خفيفة و سريعة
عصير و ماي
مو معقولة اذا عطشتي نص الليل تنزلين تحت او العصر اذا جعتي تنزلين
و اذا تبين تحتفلين مع زوجج و جايبة كيك لو شي
ماراح تحطينها تحت اكيد !
و البنات ماقصروا بالنصايح
والله يوفقج

 

[سكرة هانم]

الله يعيينج انا نفس الحال
شوفي على حسب تربيتهم وبيتهم اذا من اهل السنع وسمعتهم واصله فلج درب الخير يارب
واذا صيتهم مو ذاك الزود هم اتمنالج درب الخير

انا عبالي جذي سويت وشلت وحطيت وقمت وقعدت اخر شي شحصلت غير غيره وحسد والله كريم


نصيحه عامه ومهمه

لا تقولين كل صغيره وكبيره لاهل زوجج سواء حدث صارلج ويخصج او يخص اهلج
لاتقعدين تجابلينهم 24 ساعه لان اذا صارتلج ظروف ولهيتي راح يقولون وينج وما وينج ويتشرهون فخلج بالسليم دايما
سلام وقعه خفيفه وصعدي غرفتج وسنعيها
خلج ثقيله ورزينه مو قرقه وسوالف

وبس والله يهنيج ويوفقج يااارب

**معاها لا تعودينهم على طول عندهم ولا تعودينهم كل شي تقولين شريت سويت رحنا شرالي ماااااااااالهم شغل سلام وعليكم السلام وسوالف عاامه
ا**هلج لا تيبين طاريهم كلللللللش
** عوديهم ان لج وقت خاص في عوايل يبون الجنه 24 ساعة معاهم لا في وقت برتاح وقت بشوف تلفزيون بقعد مع ريلي
**ولا تشتطين وايد اول الزواج الوحده بتوريهم سنعها وتالي تنصدم شوفي اهم شلون اسلوبهم وقعدتهم
يعني مثلا في عوايل البنات ماتسوي شي كل شي عالخدم مو ترزين عمرج وتشيلين وتحطين لا صيري مثلهم قعدي يم ريلج وخلي الخدم يشتغلون والعكس في عوايل البنات يشيلون ويحطوين ويقدمون سوي مثلهم عشان لا يقولون شايفه نفسها

 

[oshi_q88]

موووفققةة ي الغغغغلا
دعوآتج الله يرززقني

 

[عزوتي خمس صقور]

صراحه لو انا مستحيل اوافق اسكن مع حموله لو شنوووو
لا ظيم والله ماتنازل عن الشقه بس الله يعينج

 

[هدوووشه]

اااااااااااااااب

 

[ليدي بجد]

الله يكون بعون الي بتسكن مع اهل زوجهاااا

 

[غُروبِكَ]

و الله حتى انا احاتي هالموضوع ,

الله يتمم امورنا علي خير ي رب

 

[بنفسج ..~]

أب

أب

 

[كتالونيه]

يابناااات قمنا نحاتي حمولتنا حيل
انا طبعا جيتهم بكل ثقه واحب اسولف ودايما انزل
لهم وطبعا انا راعية فزعات اشوف كل اهلهم يمدحوني
وبالاخير خالتي ام زوجي اول كانت حليوه معاي
واللحين تحب تمسك الزله ع كل شي
حتى خدامتي ماتخليها بحالها
اذا مانزلت زعلو ويقولون هذي فيها وفيها وانا حقيره
واذا وقفتي معاهم بكل شي وطحتي مريضه يزعلون
لا هذي مو مريضه اكيد مطنشه وقامو يخطبون لزوجي
وزوجي يضحك ويقول من قال اخطبو لي عاد طبعا
يوصفون جسم البنت وحلوه وتشتغل
طبعا انا اقول الحمدالله عيب انا بنت ناس مايدرون انه كل شي يرد عليهم
لا واذا جا بالرمضان حامل لازم تطبخين علبالج يبون اكلج لا علشان يغثونج بس
واخر شي صكرت ع نفسي باب شقتي و اولاً زوجي ثم عيالي ثم انا ثم لا شي
ولاكن انزلهم اسلم واقعد نص ساعه بس واصعد



طبعا كرهناج بالحموووله هههههع
اهم شي خليج طيبه مع ام زوجج وحاولي تعرفين
طبعهم اذا هم طيبين عامليهم مثل مايعاملونج واذا هم شر
صكري عليج باب شقتج وادعي الله يهديهم

 

[بنفسج ..~]

بنات طيب والزوج نفسه
مثلاً هم عندهم خدم ويطبخون لهم
شراح أسوي لو بأول العرس قالي لا أنتي أطبخي الغدا مو الخدامه ؟
يعني تدبيسه :d

أو بشكل عام كان أعتمادهم على الخدامه ولما تجي زوجة ولدهم يرمون كل شيء عليها
هني شلون نتصرف ؟؟

انا حاسه هالامور هي اللي تشربك العلاقة بين حرمة الولد والحموله
النزله وسوي لنا وحطي لنا وألخ . .

أنا حابه أطلع بخبرات كثيره من اهل التجارب وأخذ خبره بالتعامل قبل اروح لهم

 

[بنفسج ..~]

بنات طيب والزوج نفسه
مثلاً هم عندهم خدم ويطبخون لهم
شراح أسوي لو بأول العرس قالي لا أنتي أطبخي الغدا مو الخدامه ؟
يعني تدبيسه :d

أو بشكل عام كان أعتمادهم على الخدامه ولما تجي زوجة ولدهم يرمون كل شيء عليها
هني شلون نتصرف ؟؟

انا حاسه هالامور هي اللي تشربك العلاقة بين حرمة الولد والحموله
النزله وسوي لنا وحطي لنا وألخ . .

أنا حابه أطلع بخبرات كثيره من اهل التجارب وأخذ خبره بالتعامل قبل اروح لهم
​

 

[بايعتهاا]

الله يوفقج ويسعدج

وأهنيج لأنج تفكرين تكسبينهم , غيرج يقولون خل يولون

 

[رزه وكشيخه]

أول شيء ألف مبروك يا عروسه مقدما

الردود تخرع وتحبط الله يهديهم بس شنقول حريم خخخخ

- أسرارج وأسرار أهلج وزوجج وحمولتج لاااااااا تطلع لأي أحد لأن أي سر ينكشف اعرفي ان المصايب بتجيج على راسج
- أما سالفة الطباخ أكيد أول الأيام اهم اللي يطبخون ويوصلونه لشقتج برسم الخدمه أو ينادونج تاكلين معاهم وعادة شهر العسل المعرس والعروس يكونون من مطلعم لمطعم بس إذا طلعت حمولتج من النوع الأقشر واللي يحبون مرة الولد تطبخ لازم يكون دور بينج وبين باقي حريم حموانج أو خوات زوجج , وإذا عندهم جنات (كنات أي حريم حموانج خخخ) شوفي شلون نظامهم وراح تعرفين يطبخون أو لا , وحمولة عن حمولة تفرق أنا أعرف وحده موظفه وساكنه مع حمولتها ويوصلون لها الأكل لشقتها برسم الخدمة الغدا والعشاء والريوق , وفي ناس خدامتهم اللي تطبخ وما يطلبون من مرة ولدهم شيء , وفي خالات ما يواطنون أحد يدخل مطبخهم خصوصا حريم عيالهم فاهو على حسب حمولتج
- إذا جاكم ضيوف راح ينادونج خوات زوجج أو أمه كشخي ونزلي , العروس ما تقهوي من أول الأيام خلج ضيفة شرف بأول الأيام وبعد شهر العسل عادي قومي وساعديهم بصب القهوه واستقبال الضيوف
- لا تصيرين رسميه اللي صنم ما تتكلم إلا يس ونو ههههه ولا تصيرين قرقه ما تسكتين , خلج وسط وحبوبه وسوالفج تكانه وحلوه
- شقتج مملكتج الخاصه لا تعودين خوات زوجج يجون يسهرون عندج ويطيحون الميانه وياخذون أغراضج وملابسج بالذات غرفة النوم لحد يدخلها غيرج انتي وزوجج وانتي اللي نظفيها مو الخدامه
- ملابسج وملابس زوجج مسؤوليتج انتي اللي تغسلينهم وتكوينهم وألحين كل شيء صار مريح غسالة اوتامتيك وكواية بخار ع الراحه
- لا تقعدين طول اليوم مجابلتهم راح يملون منج وتصير مشاكل , قعدي شوي بعدين اصعدي قولي عندي شغل , ونفس الشيء حمولتج خليهم ياخذون راحتهم ببيتهم مو طول اليوم مجابلتهم
- إذا كان في حريم لحموانج الثانين دير بالج منهم لأن راح تشتغل الغيره وراح يحاولون يخربون عليج أو يحشون بحمولتج عندج لا تعطينهم ولا تاخذين منهم شيء وإذا فتحوا طاري عندج قولي ما أحب الحش , ودايما قطي وراء ظهرج كلام الحريم
- خالتج أم زوجج اكسبيها بالهدايا بين فترة وفترة وإذا طلبت منج تروحين معاها جيرانكم أو عزيمه روحي وتعرفي على العايله وخلي الكل يذكرج بالخير وصيري اجتماعيه عشان الناس تقدرج وتعزمج , وشجعي ولدها يبرها ولا تحرشينه على أمه مهما كان ولا تحرشينه على خواته
- لا تمدحين زوجج عندهم ولا عند أي أحد ولا تسبينه لأنه ولدهم وشيء طبيعي راح يوقفون معاه
- مشاكلج أنتي وزوجج حلوها بينكم لا تدخلين أهلج أو أهله لأن كل واحد راح يصف مع ولده وبنته

ولا تخافين من بعض الردود ترى السكن عند الحموله لها حسنات أحيانا يعني مثلا انتي تداومين وهم يسوون غداج أو يمسكون عيالج أو ....الخ

الله يوفقج ويسعدج ويسخر زوجج وأهله لج

 

[بنفسج ..~]

^

يا حياتي كلامج يطمن الله يطمن قلبج ونصايحج ذهب ^^

 

[سمراء كويتية]

الله يوفقج حبيبتي

1) زوجج رقم واحد اهتمي فيه من أكل من لبس من نظافة
2) خالتج عامليها مثل أمج واحسني الظن فيها
3) لاتدخلين بخصوصيتهم وخلي حياتج خاصة فيج
4) أي مناسبه في البيت خل يكون لج دور مميز فيها كونج عروس
5) لا تخلين مسؤليات الحمولة تاخذ من حياتج الشخصية يعني أول شي زوجج وبعدين الحمولة.
6) أي سالفة تصير بالبيت حاولي ماتدخلين أو تسألين ريلج بيقول عنج حشرية.

:eh_s(15)::eh_s(15)::eh_s(15):

 

[بنفسج ..~]

اب

أب

 

[يستفزني غلاك]

بقولج اللي اشوفه ضروري غرفتج خليهاا يوميااا نظيفه حتى الحمام لاتقوولين حليوين مايعلقون وعاادي
لاحبيبتي الحين كل شي يشوفونه


شي ثاني
خالتج لاتقطعين بالنزله
لايقولون لج الناس شخبااااااررري الحين احد ينزل
لا انزلي و خلي لج حيااه بالبيت مو تنقلب الدنيا وانتي ماتدرين عنهم
حتى الرجال يحبج اكثر
ماقولج يومياااا لا
بس لو بالاسبوع مرتين اومره


احترمي اهله لاتسبينهم قدامه ترى مهما صار هذول اهله و تقبلي مروري

 

[بنفسج ..~]

أب

أب

أب

 

[دانة_ دبي]

1- خلج طيبة معاهم و في بعض الاحيان محتاجة تكونين رسمية يعني لا مطيحة الميانة 24 ساعه ولا انج رسمية دايما

2- خلي عندج خصووصية و اهل زوجج ع ما تعودينهم
ماله داعي تنقلين خصوصيتج و تتكلمين عن اسرارج انتي و زوجج

3- و انتي طالعة و داخلة عوديهم ع ها الشي لان انا صارت لي و ام زوجي تشتكي اني ما استأذن منها يوم اطلع وانا ما سمحت لها ابدا يعني خلج جادة ف ها الامور و الخصوصية خط احمر


4- بين فترة و الثانية سوي لهم سويتات مثلا مرة كل اسبوع او كل خميس او لما يكون عندكم زوار


5- اهم شي الخصوصية و اشدد عليها لا تنقلين اسرارج لهم او طلعاتج او روحاتج

6- اقعدي معاهم

7- اما عن الطبخ ما انصحج تعودينهم تكونين بالمطبخ دايما و يوميا ساعديهم ف الويك اند و حسب استطاعتج دام الخدم موجودين

 

[شـيـوخـهـ]

بالبدايه دخلي عليهم من غير لا تحطين اي اعتبارات او احكام مسبقه عن وضعهم

طبيعي ان زوجج تهتمين فيه من الى من ملابس واكل وغيره تشرفين على اكله او تحضرينه له

بالنسبه لخالتج ام ريلج عديها بحسبة امج واحتسبي الاجر فيها يعني نصحيها وحبيها طبعا هالكلام مو من اول يوم يتحدد بالعشره وعقب على حسب حاجتها

بخصوص الضيوف لي قالوا لج عندنا ضيوف اليوم تعالي لا تقصرين طلبي لج حلو ولا سويلج حلو وباشري الضيوف

لا تتدخلين بمشاكلهم مهما كانت ولا تبدين رايج فيها

احرصي دايما ان تكون لج خصوصيه وفي حدود مايتجاوزونها يعني لا تشتكين من ولدهم عندهم مهما يكون هذا ولدهم ماراح يرضون

انا الحمدالله مع حمولتي ومرتاحه لاني عادتهم اهلي ولي شفت شي ماعجبني غضيت النظر ومشيت الموقف ما ادقق وايد ولا كل شي يصير او اسويه لهم اعطي خبر لريلي لاني مو قاعده امثل او اتطيب فيهم عشان ريلي اتطيب فيهم من طيب اصلي ودايما احتسب الاجر وان الله ايسر اموري وان يذكروني بالخير والحمدالله