نصايح امي قبل العرس وشلون اتصرف واقول اذا وحده قطت علي كلمه اوغثتني روعه حق كل عروس

[بيبي دول]

اختي جورية من قال ان الصالة والحفلة والديجي على العروس شكووو!!! المهر ملك لج والذهب اشتري طقم ناعم بعشر الاف ريال خلاص الذهب انتهى عصره محد يلبس انتي جهدي للزوج مو للناس اهم شي الثوب الابيض وسوي ناعم رخيص والباقي ملابس تلبسينها وجم دراعة وساعة ناعمة ومكياج وعطور اشتري شي يكفيج شهر العسل وبعدين اللة يسخرلج زوجج يشتريلج كل شي

 

[الفيصليه]

انا نصيحتي لكم
خلج غامضه يعني لا تصيرين مكشوفه لزوجج واهله لان الرجال يحب المره الغامضه
اما اهله لادخلتي سولفي واضحكي سوالف عامه وسطحيه لاتدخلين نفسج معاهم حيل
اما اذا قطو عليج نغزه ردي عليه باحترام هذا اذا كان عندج رد اما اذا ما عرفتي تردين طالعيهم بثقه وابتسمي ابتسامه تحيرهم صدقيني اختي مجربه هالاسلوب مع خالتها وعقب ماتقط عليها الكلمه تلف اختي عليه وتطالعها بثقه بعدين تتقدم وتحط رجل على رجل وتبتسم تقول والله انه خالتي انعفست وقامت ترقع
تقول الحين كلهم يخافون مني حسبالهم انه وراي شي
اما زوجج طلعي نفسج عنده بمظهر الذكيه الفرفوشه الحلوة الي تحبه وتموت على اهله
وما اوصيكم كل السوالف والمواقف الي تصير تحت تنقل بالحرف الواحد وعاد هو يفهم الي انتي تبينه يفهمه بس انتي تقولينها بحسن نيه وعلى انها سوالف عاديه
ولا تعودينه على طيحت الحظ ودلعينه ترا يتعبج
واذا قالج قومي نطلع حتى لو انه الفجر وانت فيج نوم قومي معاه عشان مايصير ثقيل طينه وتعودينه على الطلعات
هذا كل الي يحظرني الحين
وبالتوفيق للجميع....
اييييه بعد شي ثاني مهم الله الله بامه كل يوم حبي راسها ترا بتكبرين بعينه وعين امه وابوه بعد هالبوسه بتلين قلب امه اذا كانت في شر وحتى قلبه بيلين لج..

 

[شاعرهـ]

السسلام عليكم


اول شي حبيبتي احنا فينا عيب يالحريم ان من تتزوج البنت ماخذه فكرة غلط عن الحمولة او الخالة او الخوات


شدعوة الاهل ماخذوا لولدهم وحدة واصرفوا اللي وراهم ودونهم عشان اييبون مرة ويتهاوشون معاها


انا دايما نصيحتي لكل وحدة بتتزوج انتي شنو ودج تكون مرت اخوج


صيري للحمولة مثل ماتبين مرت اخوج تكون لكم




يعني

1-
ماحب الولد يتزوج وكل شوي رايح لخواته والا امه سوي لي عشا والا غدا روحي ييبي لي روحي حطي لي


يبا هذا ليش متزوج .... ماخذ له قطعة اثاث من ايكيا مثلا


فلازم الزوجة تقوم بحقوق زوجها من ناحية الكرش ههههه اقصد الطبخ وهذا شي مهم

((الوصول لقلب الرجل من معدته )) :eh_s(15):

همن الحمولة ماتحب مرت الولد كل شوي ياية وماكله معاهم وشاربة وبس تمسح ايدها بالطوفة .. يعني انا احب انزل لخالتي مرات يعني مو دايم و معاي طبق اونسهم فيه .. اسوي لهم قهوة وشاي او اي فتنق وحركة في الطبخ


2-


البنت لازم تكون انثى مع ريلها .. يعني ماحب البنت اللي ترفع صوتها على ريلها والا تكلمه كانه واحد من الربع

بعدين مايفرق بينج وبين رفيجه


3- وقت غضب الريال يعني لمن يكون معصب عليج او على اي شي ثاني لازم تسكتين وتسوين نفسج تسمعين لها مو تنطشين وتعطينه نظرة سخرية ولا تجادلينه .. لا خليج ساكتة ليمن يخلص كلامه وبعد مايخلص خليه بروحة عشان يرتاح شوي ويحس بنفسه لان الريال يصير مو صاحي وقت مايعصب .. وبعد مدة سوي له شي بارد يشربه




4- اي شي يقوله لج على طول ان شاء الله ولازم الطاعة دام هالشي مافي معصية للخالق .. حتى لو قالج مافي روحة اليوم لبيت اهلج قوليله ان شاء الله .. ياما حريم رياييلهم حجرين عليهم بس بسبب طاعة الحريم يتغيرون هالرياييل



5- اياني واياج تقاطعين ريلج لانج زعلانه عليه حتى لو غلط عليج .. لانه مع الوقت بيتعود على هالشي وممكن يقاطعج شهور .. ممكن تتبعين اي اسلوب ثاني الا الزعل واذا زعلتي لايطول اكثر من نص ساعة


6- ماحب البنت اللي دايم تطلب من زوجها يعطيها فلوس وبس حياتها طلعني وسو لي وحط لي خاصة فاول سنة زواج لان بيحس فيها انها طماعة

7- طبعا النظافة والكشخة والسنع فاللبس والبيت والريحة الحلوة تلعب دور

8- البنت مو اربع وعشرين ساعة فبيت اهلها لا يعني يومين بالاسبوع حلو .. ولازم الوحدة تكون في استقبال ريلها اذا رجع البيت






هذي الاشيا تعلمت منها من خبرتي ونصايح امي وخواتي

عندي موضوع حلو فايميلي اذا لقيته بحطه هني





ان شاء الله استفدتوا من كلامي



موفقين

 

[شاعرهـ]

قبل ان تتزوجي اسالي نفسك كيف يريدني فارس احلامي ..!!





[يجب على الفتاة قبل ان تقدم على الزواج ان تعرف نظرة الشباب الى فارسات احلامهم:

1
يريدك انثى:
كل انثى تلدها امها انثى لكن هل تبقى كذلك ؟ هل سألتي نفسك هل انا تلك الانثى التي يبحث عنها آدم.
(2)

يريدك جميلة:
لا تقولي انا عادية و لا اقل من العادية ففي وقتنا هذا لا توجد امرأة غير جميلة لكن توجد امرأة مهملة.
(3)

يريدك انيقة:
ما رأي زميلاتك و صديقاتك بك ؟ هل يرونكي انيقة ؟ و اذا لم تكوني كذلك هل انتي مستعدة للتغيير.
(4)

يريدك لبقة:
لا عجب اذا قالوا ان نصف جمال المرأة في لسانها. هل تعرفين زوجة ولي عهد بريطانيا الجديدة (كاميلا) ؟ هل تعلمين ان تشارلز فضلها على الفاتنة البارعة الجمال ديانا رغم انها غير جميلة ؟ هل تعرفين لماذا ؟ انه اللسان.
(5)

يريدك خلوقة:
و بالذات مع اهله و أمه. تذكري ان امه حملته تسعة أشهر و تحملت بكائه و شقاوته سنوات طويلة. تذكري ان الجنة تحت قدميها و ليست تحت قدميك. تذكري ان أي خطأ في التعامل او سوأ تصرف من قبلك مع الناس سيلصق في
زوجك فالناس لا يقولوا فلانة سوت كذا و كذا بل يقولون زوجة فلان سوت كذا و كذا. تذكري ان الناس ينظرون اليك كمرآة لزوجك فاحسني تمثيله اينما كنتي.
(6)

يريدك دينة:
من تحفظ الله في السر و العلن تحفظ بيتها و زوجها في وجوده و غيابه.
(7)

يريدك حيوية (سنعة):
المرأة الحيوية برد و سلام على نفس زوجها. هو لا يريدك قطعة اثاث في البيت , يريدك شعلة من الحركة و النشاط.
-8-

يريدك ذكية:
قادرة على التفكير على المبادرة على المشاركة في بناء عش الزوجية في بناء مستقبلكما و مستقبل ابنائكما. المرأة الذكية تعيش زوجها عيشة هنية.
(9)

يريدك صديقة:
يبوح لكي بهمومه تصبحين الملجأ (الوجداني) له بعد الله عندما تضيق به السبل. يريدك ان تشاركيه اهتماماته.
(10)

يريدك عشيقة:
مثل ماانتي لديك مشاعر و احاسيس و فراغ عاطفي يحتاج للملأ بالحب و الحنان هو كذلك ينتظر منك ان تكوني له الصدر الدافيء و القلب العاشق الولهان.

 

[شاعرهـ]

نسيت ارد عليج بسالفة النغزات


عادي ابتسمي وردي عليهم بصراحة

يعني قالوا ليش حاطة تقويم .. وشكله مغشوش ومش عارفة ايش

قولي حلو التغيير بالعكس وماكان فيها عيب كبير لا كان بسيط

..


سالفة الطلاق

ردي بابتسامة << اهم شي

كل شي قسمة ونصيب

 

[هيبهـ ملكيهـ]

واااااااااااااي بعد عمري بنات فديتكم ماتقصروووون صج صج استفدت حيييييييل والله كل كلمه تقولونها حيل تفيدني وتفيد غيري عرايس وهم تفيد بنات متزوجين لهم مده ويمكن ناسين هالشغلات هذه ترا النصيحه بجمل ناطرين العسولات اموااااااااااااح

 

[@نداوي@]

ما افتش وراه

 

[المزه]

اهم شي احترمي اهله ولا تشكينهم عنده اذا غلطو عليج انتي اخذي حقج منهم بوقته وانسي الموضوع

 

[أسطورة الجمال]

شوووفي حبيبتي ابيج تكووونين الجنه المثاليه
واتسيرين حبوبه و طيبه و مرحه
اكيد اهم عاد غصب عليهم راح يحبونج و يحترمونج
خلي السنع و الكلمه الطيبه سلاحج الاول و الثاني و الثالث0000 والعاشر بعد
اكيد راح ينفع لازم تتعبين وتنقهرين عشاااان مصلحتج و تعيشين حياه سعيده
بس هاا اذا حبوووج واكيد انشا الله راح يحبونج اذا
سوتي هذا كله لا تقطين الميانه حيل لان اذا قطيتي الميانه لابد يكون في
هواااش0
و اذا ما نفع معاهم لا عاد ردي بس برد محترم بس خلتج لا تردين عليها
لانها الكل بالكل وعامليها مثل امج
وبخصوص التقوييم اذا قالووولج
ليش حاطه وقطوا عليج نقزات
قولي شسوي الزين ما يكمل
وما الكمل الا سبحانه
وبعدين اسناني مافيهم شي بس تعرفون
الانسااان طاااع
طبعا كل هذا تقولينه بضكه و ابتساااامه


الله يتمم عليييج وانشاالله يحبووونج وتحبينهم و تاكدي اذا حبوج راااح يحبج
عين السيح الي اهو زوجج​

 

[هيبهـ ملكيهـ]

اوووووووووووباااااااا لعيون العسوووووولات

 

[هيبهـ ملكيهـ]

وين نصاااااااايحكم ياعراااااااااايس اب لعيونكم

 

[آتعــبني غـلآآك]

اب لعيونكم

 

[هيبهـ ملكيهـ]

ااااااااااااااااااااب لعيوووووووونكم

 

[هيبهـ ملكيهـ]

حياكم بنات امهات متزوجات محتاجين نصايحكم الكل بحاجتها وخصوصا المقبلين ع الزواج

 

[شـيـخــهـ الزيـنـاتــــ }..]

السموحه منج حبيبتي هذا اكببببببببببببببببببببببر غلط ان تفتحين مشاكل او حساسيات في غرفة النوم

مممنووووووووووووووع عيل اشلون ع السرير

ترا هالكلام مب من مخي انا جايبته << احضر عند ناعمه الهاشمي والدكتور يوسف البدر

لان هو جنبج فالسري ومتخيله ان الجو رومانسي او هادي او الرجال تعبان وما صدق ينسدح يبي يرتاح

الا انتي قايمه تنقصين عليه واكيد بيقولج اي اي وبيسكت يبي ينام >>

بس انتي بهالطريقه قاعده تهدمين بيتج لان كل ما يصير بينج وبيه تاش على طول بيذكر ان الموضوع بينفتح في غرفة النوم وع السرير

طبعا بينفر من السرير هذا اول شي لان بيذكره بالمشاكل

ثاني شي بطلع برا غرفة النوم وعادي يسوي له غرفة ثانيه

وعقب قولوا ليش ما ينام عندي ريلي !!!!!!!!!!

خلي بينج وبينه نص ساعه كل يومين ومحدده هالوقت ان اذا في نقاش ينحل بهالوقت وبسرعه

عشان ما تكبر المشاكل

والله اكبر غلط تطلبين منه شي ع السرير

بتربطين المشاكل بغرفة النوم وانتي ما تحسين

:eh_s(8):

هي تقصد يخليه يسامحها بالفراش

يعني تطلب رضاه

بالعكس اتوقع احسن وقت

 

[عروس مطيريه]

بعد

وين نصاااااااايحكم ياعراااااااااايس ​

 

[شـيـخــهـ الزيـنـاتــــ }..]

ايي

نبي نصايح بعد

 

[خشف العذارى]

للرفع

 

[هيبهـ ملكيهـ]

موووووووووووبي زعلييييييت عليكم وين نصاااااااااايحكم كلنا نبي بعد

 

[رحيل الشمس]

الله يوفقج ويوفق بنات المسلمين

نصيحتي كوني امراه صالحه في بيتج واي خبال قديم او اي شي احتفظي فيه لنفسج وبما انج مطلقه سابقا لاتجيبين طاريه بزينه او بشينه علشان مايسير مجال مقارنه واهم شي العقل وما اقصد انج فيج شي لكن الثقل وخليج قد الاختبارات الي بسويها لج والدلع الزايد الي متصنع ماله داعي مرات يقلب الجبد حتي لام الوحده ماينفهم تسير جنها هنديه باللهجه دلع له وقته

واهم شي طبعا لاتنسين صلاتج والله مافي غير الله التوفيق عنده سبحانه
وبس وعسى الله يوفق الجميع
وملاحظه الحياة الزوجيه تراها جد مومثل مافاهمين بنات هالجيل علبالها كل يوم بياخذه يفرفر فيها والا كل يوم بقابلها هي اول الايام بعدين تسير حياة ابوج وابوي وامج وامي اتمنى فهمتيني