نصايح امي قبل العرس وشلون اتصرف واقول اذا وحده قطت علي كلمه اوغثتني روعه حق كل عروس

[هيبهـ ملكيهـ]

وووووووين نصاااااااااايحكم بناااااااات ترا كلنا محتاجين لهشي ناطرينكم

 

[• JoJo •]

حدي متحطمه بنات جد جد متحطمه شنو هذا شنو ؟؟؟؟؟؟؟؟؟


امس جالسين امي وابوي يتناقشون بسالفه المهر والعرس يقولون المهر ما يتعدى 40 الف ريال بس !!!!!!!! بالله شنو تجيب اربعين الف ,, اذا سوارة ذهب بس لحالها 2000 ريال !!!!!!!!!!!!!!!

من غير اللبس والتجهيزات الثانية

والطامه الكبرى ويييييييييييييين

مو مقتدرين على حفلة العرس واذا بنسوي عشا عائلي يكون حساب العشا من المهر حقي ,, وحتى حساب العشا حق الملكه يكون من المهر !!!!!!


بالله شنو هذاا ؟؟ احس راسي مفترررر من امس مو مصدقه مو مستوعبه اللي قاعد يصير صدق والا انا احلم ؟؟؟؟


حدي متحطمه وقليلة كلمة متحطمه فيني

 

[• JoJo •]

واااااااااااااسوووني ساعدوني ماعرف شنو اسوي

 

[• JoJo •]

شلون اقسم المهر ؟؟؟؟؟؟؟؟ خاصة انه راح يكون بيد ابوي مو بيدي


ببكي بنات غاصه بحلقي وربي وضايقه فيني الدنيا

 

[كويتية222]

اللي اعرفه

ان الحياة مو خناقات ومعارك وحجي حريم

الحياة دار مرور وليس قرار

بالمختصر عاملي الكل بما تحبي ان يعاملوكِ

ودائما خلي رب العالمين نصب عينيكِ

وبترتاحين صدقيني

هالشي انا اتبعه في حياتي ومرتاحة ولله الحمد

 

[Arwatiii]

وايد وايد حلو الموضوع يليت يتثبت

 

[لكبريائي مهابه]

جوريه الورد..يااااعمررري والله حاسه فيييييك ياااقلبي وبعدييين
ليش كل شي عليييييك ..ليه مو الحفله على الرجااال وبعدييين وييين اخوانك وخوااااتك
حتى لو تتدينيييين عشااان هاذي احلى ليله العمررررر
والمهررر يكوون بيدك احسن عشان تحددين اللي تبييينه واللي تاخريينه
واهم شي الذهب اول شي حتى لوطقم حلوو...اتمنى تجاوبيني عشان
اكملك واساعدك انشاالله..

 

[• JoJo •]

لكبريائي مهابه


آآه بس وربي مدري وش اقول وش اخلي

يقول الحفلة بتكلف وغالية حيل فوق طاقتهم ,, اوكي اانا مابي حفله الله يعفي عنا وعنهم

بس المهر قاهرني ,, وش يكفي ؟؟؟؟؟؟؟ واللي باط كبدي اكثر انه محدد من المحكمه هالشي يعني ما يتعدا 40 الف للجميع وللحين ما اخذته بعد الملكه ان شاءالله

عشان كذا اخواني والناس اللي حواليني كلهم نفس كلام بعض

كان بخاطري حفلة عرس مثل الباقيين واروح اسوي ليزر واخذ كورس عرايس مثل غيري

والله جالسة ارتب نفسي من عناية جسم وشعر وعلاج من مكافأت الجامعه مابي تجي حزة اتوهق واهلي على قد حالهم

ااااااااااااااااااااه ياربي تفرجها بس

يارب ماخاب من دعاك ورجاك يارب

 

[You FOR Me Only]

شوفي حبيبتي في ناس ينحطون على الجرح يبرا مو الكل لازم تتعاملين معاهم برسميه بالعكس انتي بنفسج بتعرفين شنو نوعية حمولتج اذا كانو طيبين وعلى نياتهم صيري وحده منهم خواته خواتج وامه امج ماله داعي تجهزين نفسج كانج داخله حرب وترى اذا صارت لج مواقف محرجه الحموله السنعه هي اللي بترد عليهم ومابيرضون حد يغلط عليج في بيتهم توكلي على الله هاي اهم شي ولا تفكرين بطريقه سلبيه وتحاتين وايد ترى بالنهايه مهما كان اللي قدامج شري من طيبج غصب بيحترمج وبيتغير

اهم شي ااهل زوجج امه وابوه وخواته اما اهله الباقي اذا ماتقبلوج بكيفهم واذا كسبتي اللي داخل هم بيخلون اللي برا يعملون لج الف حساااب ..

بالتوفيق حبيبتي توكلي على الله وتعوذي من ابليس

 

[الزين 85]

اهم شي تكونين واثقه بنفسج ولاتحسسينهم انهم ارفع منج بالمستوى اكشخي والبسي
وخلج غامضه واذا احد جرحج ردي عليه بابتسامة يستحقر عمره فيهااااا ودوم ترفعي عن الرد والرجل يحب اللي تكشخ ومهتمه بعمرهاا ونظيفه وبيتها نظيففف واهم شي تحطين امه بعيونج تكسبينه عدل

 

[لكبريائي مهابه]

جوريه الورد..عمرالسعااده ماكااانت بالفلوووس
انا مااقولك هالكلام الاوانا حااطه نفسي مكااانك...واهم شي حطي بباليك
انهااا تكفي انشاالله وفيهااابركه..وشووفي البنااات اللي اقلل مو اللي اكثررر
ترى بتتعبييين كثييير وانتي عرووس يبيلك الرااحه عشاان بشرتك ترتاح..
اتذكر وحده هنا بالمنتدى تقول ان صديقتهااا مهرها الف دينار يعني 12
الف ريال بسسس هاذي اللي فعلاا ماتكفيييي..
انا بقولك كييف تتصرفيين فيه وانتي حره بتمشيين عليه ولالا
بس من رايي..
اول شي تصدقي فييه ولو بخمسين تقوليين ماتكفيي اقولك بتباارك انشاالله
وربك يطرح فيهااا البركه..
وبعدهاا على طول ابتدي بالذهب طقم واسواره تكفيي ..خليه هو يشتري طقم بعد
الزوواج..
وبعدهاااا شوفي الاشياء اللي بباليك تحسينهااا اهم من المهم يعني الليزر
تشوفيينه اهم ولا الملااابس وهكذاااا
وبعدييين بتتذكريين نفسك وبتضحكييين لان اهم شي
تكونين مرتاحه مع زوجك..
وياما بنااات ماخلو شي ماحطوووه واخرتهاااا للاسف طلاااق
الله يباركلك بمهرك ويوووفقك..

 

[• JoJo •]

يابعد قلبي انتي فديييييييييتك وربي خففتي همي وشرحتي صدري بمساعدتك

والله انا مثلك قلت بأتصدق لو ريال بس ,,

بس انا كان سبب خوفي وقلقي ان وحده معي بس بمطنقه ثانية بتتزوج وجاها مهرها 60 الف تقول صرفت فوق 40 الف ذهب بس

انا هني ارتبكت وخفت بديت اجمع واطرح واقسم واضرب لين تعبت نفسيتي ,,

بالملكه راح البس واكشخ واتزين حالي حال غيري الحمدلله

والعرس الله يعوضنا خير وان شاءالله يارب انها خيرة من ربي وكسر شر ,,

بس راح احاول من جديد ويارب تنفع محاولاتي ,,

وحق تقسيم المهر ابوي وامي قايلين من قبل المهر راح يبقى بأيده بس يعطيني اللي ابيه ذهب ولبس وكله ,,

الله يكتب اللي فيه الخير يارب وعسى ربي يوفقك ويسعدك دنيا واخرة ,, اللهم آمين

 

[مــســك]

شوفي حلات الوحده تكون ثقيله مع حمواتهااا .. ما تطيح الميانه .. لان اذا طيحت الميانه .. خلاص طاحت شخصيتهااا ..


وخاصه اذا كانت ساكنه عند حمولتها .. حلاتها ما تنزل يومياا .. عشان يشتاقوون لقعدتها ..






انتي خليج زينه معاهم وكلمتج موزونه ..



وان شاءالله ما يصير الا كل خير ..

 

[ابدااع]

هيبه ملكيه الله يجزاك خير على الموضوع جاء بوقته وحنا غافلين وطاقتنا البوهه
بس ابي نصايحكم متى اجي عندهم ومتى اقوم واذا قالولوي اجلسي وحسيتي اني مالي خلق اقعد شسوي
مع اني شقتي بروحي مو مع حمولتي بنات لاتبخلون علينا جداااااااااااا محتاجين نصايححححححححححححح

 

[lady 33]

اهم نصيحه ان الواحد يبتعد عن الغرور و الكبر و يعامل الناس بطريقة راقيه عشان يعرفون مستواه و نقطه مهمه اني ما اطيح الميانه مع الكل لا اخلي علاقتي رسميه و حلوووووه

 

[هيبهـ ملكيهـ]

ماقصرتو وصح نفس ماقالت ابداع متى نجي عندهم وجم نقعد عندهم وانا بعد موعندهم بشقه بروحي ناطرين نصايحكم نبي نصايح بكل شي وخصوصا المتزوجات شنو النصيحه اللي قالوها لج وطبقتيها واستفدتي ممنها وشفتي اثرهاا بحياتج الزوجيه ناطرينكم صبايا

 

[ريومه2011]

لي باااااااااااك ان شاء الله........

 

[البسمةالعذبه]

شلون اقسم المهر ؟؟؟؟؟؟؟؟ خاصة انه راح يكون بيد ابوي مو بيدي


ببكي بنات غاصه بحلقي وربي وضايقه فيني الدنيا

هلا حبيبتي

صعبه والله 40 الف مهر بهالزمن

انزين ابوج ما يقدر يساعدج !!!


انا لي ترتيب عدل لج لي عوده قريبه

 

[البسمةالعذبه]

حبيبتي لا تعصبين ولا تزعلين ان شاء الله بيكون لج عرس حالج حال اي بنت

انتي مب كل يوم بتعرسين

انا حضرت عرس من ارقا وافخم العروس بقطر والتقديمات كانت شاي وقهوه ومكسرات والعشا فقططططططط

العرس بقاعه

انتي ما تقدرين تسوين عرس ؟ خل ابوج يحجز لج القاعه مب شرط قاعه غاليه ؟؟؟؟

وطقاقه لا تجيبين جيبي دي جي !! ارخص واريح من هواش الطقاقات

اذا بتسوين عرس هاي بيلعب بميزانيتج من قلب مب قادره اركز

لكن اذا مب مسويه عرس عادي سوي عشا في بيت ابوج وبس اعزمي الجماعه المقربين عمامج وخالاتج واهله بس

واذا قالوا نبي نعزم خل امج تقول ما يكفي البيت !!

والبسي فستان عروس وبس

اهم شي انتي تستانسين

وترا سويتي عرس كبير والا صغير الناس غصب بيذموووووون

بني آدم ما يملى عينه الا التراب

انتي خلي فلوسج فالذهب ووناستج وسوي العرس فالبيت ولا عليج من حد

الله يعينج والله وان شاء الله تستانسين وتفرحين ولا تزعلين

يمكن هو خير لج ولو عنده فلوس الدنيا جابها لج اكيد يبي يفرح عروسته

بس هاذي ماديته ،

وفي حديث عن رسول الله صلى الله عليه وسلم

( أقلكن مهرا أكثركن بركة) مب حافظة الحديث عدل

المهم انا اشوف تستانسين وتوسعين صدرج

المهم من الزواج الاشهار والستر لج وله

تزوجي فالبيت عادي وحطي دي جي و روحي شهل العسل سافري

والله يوفقج لا تحاتين لان العرس بالقاعه يكلف ومليون شي بتحطين يا تصوير >> كوشه زفه دي جي عشا تقديمات

توزيعات

>>>> الحل يا ابوج يسوي لج عرس يا ما تسوين لان هذا الحل الانسب والله

الله يسعدج

 

[البسمةالعذبه]

السلام عليكم ...

بالنسبة لي انا امي قالت لي ششششششششي وصدق مستحيل انساه مع انه يمكن شي عادي
بس من تجربة اختتتتي الكبيرة حيييييييييييييييل استفادة
المهم ......

تقوووووول لاسمح الله صارت مشكلة بينك انتي وزوووووووووجك او هاوشك من دوون سبب او ايآ كان
تقول لا تكلمينه بهاللحظه او تسألينه او كذآ ..
خلك مبتسمه وآمر تدلل
بسسسسسسسسس متى تعاتبينه ؟؟؟؟؟؟؟
تقول بفرآآآآآآآشششششششششك
قولي مثلا حبيبي انت تدري اني احبك وانتا دنيتي وتدري اني مااسوي شي
قاصصدة ازعلك او اضايقك
ونزلي لك كذا دمعتين مع انه الاكيد ان هم بروووووووووحهم ينزلوون
وتقووووووووووووووووووووول شووووفي التغير بعدها
لان الرجل يجي بالملاطفة ولا يحب العناااااااااااااااااااااااااااااااد حطي تحتها 100 خط
ولا يحب النقاش اذا كان معصب ...
وتذكرررري ان تصرفاتك ودلعك وحنااااانك يجيب رأس اثقل رجااااااااااااااااااال

وبالنسبة لحالتك اههههههم ششششششششششششي الثقه لاتعطين مجال
يتكلمون عن لبسك او شعرك او ميك اب خلي كل شي ررررزة وبنفس الوقت يبين انه ماركة ونعوووووووووووم
ويطلععععععععع انوثتك وخليهم يضربوا المثل بأخلاقك وتربيتك وكشختك وكلللل شي فيك استغليه لصااالحك

وهذا مايحضرني حاليآ وان شاء الله اطل عليك كل فتره وفتره

السموحه منج حبيبتي هذا اكببببببببببببببببببببببر غلط ان تفتحين مشاكل او حساسيات في غرفة النوم

مممنووووووووووووووع عيل اشلون ع السرير

ترا هالكلام مب من مخي انا جايبته << احضر عند ناعمه الهاشمي والدكتور يوسف البدر

لان هو جنبج فالسري ومتخيله ان الجو رومانسي او هادي او الرجال تعبان وما صدق ينسدح يبي يرتاح

الا انتي قايمه تنقصين عليه واكيد بيقولج اي اي وبيسكت يبي ينام >>

بس انتي بهالطريقه قاعده تهدمين بيتج لان كل ما يصير بينج وبيه تاش على طول بيذكر ان الموضوع بينفتح في غرفة النوم وع السرير

طبعا بينفر من السرير هذا اول شي لان بيذكره بالمشاكل

ثاني شي بطلع برا غرفة النوم وعادي يسوي له غرفة ثانيه

وعقب قولوا ليش ما ينام عندي ريلي !!!!!!!!!!

خلي بينج وبينه نص ساعه كل يومين ومحدده هالوقت ان اذا في نقاش ينحل بهالوقت وبسرعه

عشان ما تكبر المشاكل

والله اكبر غلط تطلبين منه شي ع السرير

بتربطين المشاكل بغرفة النوم وانتي ما تحسين

:eh_s(8):