نحشت من بيت اهلي ورحت عند زوجي بدون مهر!!

[shak!shoka]

انشالله مو منحاشه اخر الليل علشان ريلج المصون مو قادر يجمع لج جم فلس !!
ريل طايح حظ و اسمحيلي انتي اكثر منه

صرااااحه حراام اهلج والله ابتلشوا و تفشلوا جدام الناس
الله يعينهم
وشوي الي سووا فيج !

 

[♥ SWeeRa ♥]

الله تتلكم عن المهر
احنا بالكويت نملج وعلى مايسوي اوراقه وينزلون له الدوله الـ 4 مادري الـ6 لكل واحد يتزوج
بعدين يقدمها لزوجته

انا اخذت مهري عقب 4 شهور ملجه وللحين ماتزوجت وبتصيرلي سنه ماتزوجت




ويا صاحبة الموضوووووووووووووووع
اول ماخلصت من قصتة مت من الضحك
اسمحيلي والله انتي مطيوره ومنتي صاحيه
في وحده تنحاش تالي الليل
علبالج الرجال كل يوم بيدلعج وكل بيقولج كلام حلو نفس اللي بالتلفون وكل مطاعم وطلعات
وطلباتج اوامر
لا ياماما

صبري سنه وتشوفين زوجج الحقيقي

 

[♥ SWeeRa ♥]

الا صج
*زوجج شلون رضا ياخذج اخر الليل .!
*ام زوجج واهل زوجج شلون استقبلوج.!
*ابوج شلون درا.!
* ابوج لما درا شسوا فيج .! وشسوا بزوجج.!


تدرين لو ابوي اقل شي يسويه
يطلقني منه والا يقوله لك اسبوع ان ماجبت المهر تطقلها
اتوقع هذا رد ابوي

 

[قرمزيه]

يسلم فمج ياكلي دلع قلتي اللي بقوووووووله كفيتي ووفيتي

 

[برستيج سعوديه]

عيووني غلط تنحاشين حتى هو بينقد عليك وبيقول هذي بعدين بتنحاش لو صار بينا شي
و توكم صغار تدرسون عيشو حياة الملكه والخطبه والمهر بيتيسر يعني كل اللي تزوجو كان عندهم فلوس ؟!
ربك ييسر الامور لبني أدم

 

[زهرة البرتغال]

باين شكلج صغيررررر

يمكن ماوصلتي العشرين اصلاً

الله يهداج

اذا هذي غلطتج
اتوقع عقلج غير ناضج
ومتاثره بتلفزيون


شاوري اهلج وشوفي شنو يقولون لج وسويه

فشلتيهم

مشتطه ورايحه عند الريل

حمدالله الذي عافاناا


يعني حليتي المشكله !!!


بس ماني زايده حجي


شاوري اهلج وبس

 

[bride2011]

ليه ترخصين نفسك
مو قادره تصبرين سنه
ماتبين مهر شلون بتجهزين نفسك
المهر والصداق اقره الاسلام كرامه وعز للمراه ورفع لقيمتها
اسمعي كلام اهلج

 

[كليـ دلعـ]

يسلم فمج ياكلي دلع قلتي اللي بقوووووووله كفيتي ووفيتي

ع راسي يالغاليه

 

[pinkoosha]

امبييييييييييييييييييييه حمدالله والشكررررررررررررررررررررررررررررررررر اشفيكم على البنت اكلتوها!!!!!

البنت تقول لكم انها مااااااااالجه حلاله يحل لها وتحل له,,, و على فكره ترا لها الحق انها تشيل اغراضها وتروح تسكن عندها من غير لحد يفج حلجه من اهلها بس واضح انه اهلها وايد متدخلين بحياتها واهيه معطتهم الحريه ....المهم
اول شي قبل لا ارد عليج, انتي شنو كويتيه؟ انزين حظريه ولا بدويه؟

 

[♥ SWeeRa ♥]

بنكوشا ياقلبي
اهي ملجت على عينا وراسنا
قالت لج البنت تطلع وتكلمة بفتره الملجة



بــــــــــــــــــــــــــــــــــس
قدام النااااااااااااااااااس البنت ببيت اهلها
ماعطاها مهرها
يعني اللي نعرفه واللي نشوفه قدامنا
تملج .. عقبها السي سيد يجيب المهر تجهزللعرس وعقب العرس كيييييييييييييييييييييفها هي وياه
يسطفلووووووووووووووووووون
بس البنت مطيوره الله يهداها توها صغيره
استانست على الكلام الحلو والمطاعم والطلعات
واستهانت بالمهر
شكله طماع قص عليها بجم كلمة وخلاها تروح معاه من غير مهر

 

[حبيبه هيثم]

بنات حرام انتى مالجا يعنى مكتوب اكتابج وماعطاج مهر يعنى كان ينطر يكون نفسا مثلا ههههه وانتى الله يهديج بس فشله صح

 

[نونو العصله]

مدامها في بيت ابوها
هو مسؤول عنها
والسالفه مو سلطه تروحله من ورا اهلها
اوكي بلشرع حلالها
بس العادات والتقاليد
واحنا في مجتمع شرقي
يعني عادي باجر بنتج تروح بيت ريلها من وراج

كام واب ربو وتعبو
من حقهم يفرحون
مو سهالات السالفه
محنا في اوروبا
عشان تروح بيكفها ليت ريلها
الا اذا اهلها موافقين ويدرون
من حقهم علينا الطاعه
ويا زين دعواتهم لنا بلتوفيق
المعرس ياني في وضح النهار وخطبني من بيت اهلي
ما اجي انا مثل الحراميه ونصاص اليالي
اروحلها
لازم الوحده تغلي نفسها
عشان الناس تغليها
يا ريتج سالتي قبل لا تتهورين


ما اقول الا الله يصلح حالج و يهديج

 

[♡ فاطمه ♡]

الموضوع ومافيه مو طاحت من عينه بالعكس حبيبتي ياقلبي ياعمري فقدتي ثقة اهلش فيش بكل بساطه

.... والله يقدملش الي فيه الخير ... ويفرجها على زوجش ويجب المهر ونفرح فيكم بئذن الله

والله ان اهلش غلطو وم ملكو لكم وهو مو قادر يجيب المهر

 

[السليلة]

يبوووووي اكبر غلط

 

[كريزية]

لاااااا غلط كبيييييييييير اللي سويتيه احبه اوكي بس ما اسوي هالسوالف
اذا اهلج يسترون عليج شيقولون اهله ؟؟؟؟؟؟؟ ولما اقولج اهله مو بس امه وابوه لاااااااا
خواته خالاته عماته الخ .... انتي بنية وتعرفين الحريم يبون اي سالفة عشان يحشون ويتكلمون
وانتي مافكرتي عقب 10 سنين جدام ما تتوقعبن ريلج بيعايرج على هالحركة
الحين البنات وقت الملجة لي راحت تشوف شقتها وطولت بالقعدة معاه قسم بالله يتكلمون ويقولون الشين عنها
وترى اهوا ريااااااااااال يعني يقدر يدبر نفسه واييب مهر من اهله ربعه انشالله يتسلفون
بعد مايصير تروحين بيت ريلج لا ملابس ولا مكياج ولا جهاز عدل ولا لا !!!!!
لا ترخصيييييين نفسج لااااااا ترخصيييييين نفسج لاااااااا ترخصين نفسج 3 مرات اقولها
والله يستر عليج ويهديج

 

[أم عزيـز]

الحمدالله انج تدرين ان اللي سويتيه غلط وهذا شي زين

بس اللي موزين ان صورتج يمكن اهتزت بعين زوجج لان انحشتي من غير سبب

وبعدين بعرف ليش المهر بعد سنه ؟
احنا المهر من الحكومه 4 الاف وحتى ما ياخذ اكثر شهرين اذا طول

وصدقيني اهلج من خوفهم عليج وانهم يبونةيعزونج ويرزونج ويخلونج غاليه عندهم وعزيزه
لا ترخصين نفسج بعين اهلج وبعين زوجج

الحين صار اللي صار اهم شي تصلحين علاقتج بأهلج وتعترفين لزوجج انج ندمانه انج كسرتي كلمة اهلج وطلعتي عن طوعهم
خليه يعرف انج متحسفه على تصرفج مع اهلج وانهم عزيزين عليج ومكانتهم كبيره وزعلهم جايد بالنسبه لج

واذا يبيج ويحبج وشاريج خل يسرع بسالفه المهر بس لا تقطين روحح عليه وتحسسينه انج ميته على الريل !

والله يكتب اللي فيه الخير

 

[خفايا الروح]

الحمدلله الذي عافانا ..

 

[سحايب برنس]

ماقصروا البنات بالردود
الله يعينج غلطتج ماتنسي
عليج بالدعاء ان الله ينسي زوجج واهله سالفتج هاذي ويسهل امرج وتعرسين

 

[tbola]

الله يهدييج بس اكيد غلط الي سويتي

 

[ترف بابا]

اهلج على حق - نطري شوراج ؟