نتوكل على الله ونخطبها ولا نشوف غيرها (( حركاتها لج علييييها ))

[عاشقه رويشد]

البنات ماقصروو والله يكتب اللي فيه الخير

 

[pure-poison]

رد : نتوكل على الله ونخطبها ولا نشوف غيرها (( حركاتها لج علييييها ))

شوفو غيرها اذا مومرتاحين لها البنات على افا من يشيل

 

[حلا قطر]

اهم شي اخلاقها اذا هي اوك توكلوا على الله

 

[در الـبحـور]

السلام عليكم و رحمة الله و بركاته

شوفي يا قلبي احنا ما نحكم على الناس طيب و أنا ما أحكم على أخلاق البنت أبد

لكن أقولج بالنسبة لأمي و أنا شخصيا البنت الجريئة بالهطريقة أبد ما تعجبنا اشخلت حق الزوج إذا فاصخة و خالصة بره

و أصلا ما يجوز عورتها تطلع لو حتى بين حريم الله المستعان عسى الله يهديها و يصلحها

هذا رايي أنا ما أدري شنو أخلاقها و لا أحكم عليها بس الجريئة بالطريقة هاذي لو أخوي ما زوجته إياها

و يا حلاة الحياء ترى الحياء شعبة من شعب الإيمان سبحان الله

و الله يوفقكم و استخيروا يا فلبي من استخار الله ما ندم

و أنا مع أمج الأفضل تشوفون وحدة ثانية و الله يوفقكم

 

[جوك احلى جو]

الله يكتب اللي فيه الخير ان شاءالله

 

[غصن الغلا]

صراحه من كلامج لها جريئه حيل وماتستحي البنت لما تنخطب تستحي لما الحريم يشوفنها ماتنطق بكلمه وتلبس محتشم وماتحط رجل على رجل لما بشوفها اخوج شنو راح تلبس الله يستر عليها اشلون راح تقابله

 

[ذات الهمة العالية]

يازين االحيا والحشمه
ماحب هالنوع بصراحه واكش منهم حيييييييل
حتى بقعدات الحريم ترى مايجوز التفصخ واللبس العاري
نلبس ونكشخ بس ماله داعي نطلع كل مفاتنا ونبرزها يعني تعالو شوفو اللي عندي!!!
خل اخوج يستخير

صح
وترى للبنت عورة حتى لو بين الحريم
ومن يقول ان البنات صاروا أغلبهم جذية غلطان
ماخلت ولا عدمت
وما كان الحياء فى شىء إلا زانه
والجريئة أكيد تبى كل شىء على مزاجها وممكن تعاند
عليكم بالأستخارة والسؤال
والله يكتب فيه الخير
والحمد الله الذى عافانا ممن ابتلاهم به ربى وفضلنا عن كثير ممن خلق
لما اتذكر حريق الجهراء أخاف
الله يحسن خواتيمنا ويثبتنا على طاعته والقول الثابت فى الحياة النيا والآخرة اللهم آمين

 

[MeMe.Q8]

صج ان الناس لها بالظاهر بس انتو سألو عنها شوفو احد يعرفها بالجامعه يشوف حركاتها برا بالجامعه وجذي ..
وانشالله تكون زينه والله يوفقكم ..

 

[طرطعانه]

قولي لاخوج .. لقينا بنت مزيونه ونفس مواصفات اللي تبيها

بس جريئه .. اذا عادي عنده ,, اخطبوها

واذا لا .. دوروا غيرها


ترى هالسالفه مايبيلها تفكيير ولا مساعدات ولا شي

 

[جـوود الحب]

رد : نتوكل على الله ونخطبها ولا نشوف غيرها (( حركاتها لج علييييها ))

يازين الحياء (الحياء شعبه من الايمان )
احنا البنطلون يقعدون يتكلمون عليها فما باللك قصير ..الله يكتب اللي فيه الخير

 

[shaikhat elbnat]

حبيبتي كلام امج صح .. لا تبونها
الواحد ما يحط بذمته .. يعني ما ندري اذا كانت زينه او مو زينه
بس المفروض تكون تستحي .. مو داشه بهالكشل و اترقص و اتطلع لسانها .. حركات عياره
الجمال مو كل شي و بتلاقون احسن منها

 

[اوراد***]

رد: رد : نتوكل على الله ونخطبها ولا نشوف غيرها (( حركاتها لج علييييها ))

انتي كشيتي منها

و قلبج دليلج

جريئة وهي بنت ! مادري بس الله يستر علينا و عليها
انا لو بمكانج ما افكر اكمل اوقف خلاص


دايمن الدين اهم شي اهم من الجمال والجسم والشهادة والاصل

وانتي من الحين قلبج ماكلج
نصيحة وقفي ستوب خلاص باجر يمكن تندمين والله يستر على البنت وعليكم
وعسى ربي يكتب الخيرة

اهم شي الادب والاخلاق

 

[دكان الفريج]

ماادري بس انا اشوف انها جريئه حيل

 

[كبرياء أمراه]

هذي بعرسها شنو بتسوي

حبيبتي الجمال يريح العين جم يوم بس الاخلاق هيا البافيه

مادري بس حركة يوم تروحون تخطبونها قوووووووووووويه

 

[سارونهh_a_z]

واااااااااااااااااااااااااي يمااااااااااااااا

وجهه نظري لوووو مو ملكه جمال لو احلى وحدة بالكون كله مابيها حق اخوووووووووووووووووووووي مستحيل


ياحلات الخجوله القطوه المغمضه يمعودة حتى لو مجامله بس هذي فاصخه الحيا مره وحدة كللللللللللللللللش ما ارتاح حق هالنوعيات ربي لايبيلنا

 

[ريماس21]

مادددددددددددددري شقووووووووووووولج

بس دام امج ما رتاحت لها خلاص دورله بنت ثانيه

سبحان الله الله عطى الام احساس
تعرف الزين وشين لعيالها

 

[حصوونه]

رد : نتوكل على الله ونخطبها ولا نشوف غيرها (( حركاتها لج علييييها ))


سألوا عنها عدل

واذا للحين ما تخرجت شوفوها بالجامعه من بعيد لبعيد

أو اذا موظفه شوفوها بمكان شغلها

لا شفتوها برا بتعرفون اهي تطلع بأي لبس وأي شكل

دامكم مترددين .. تركدوا وسألوا عنها عدل قبل لا ترفضونها أو توافقون عليها

 

[3emya_Berry]

امبي نص ردود البنات احسها اي شي امبي شفيها لو بست جذي بين حريم بتقولون عورة بقولكم بالعروس ما تتفصخون ولا يت عالمسكينه هذي الحين استغفر الله الله يكتب الي فيه الخير احتفظوا لكلامكم هذا لكم لا تتكلمون عن بنت انتو ما شفتوها مجرد ان وحده راحت شافتها حق اخوها وكتبت عنها جم كلمه كلكم طبيتو فيها حرااااااااااااااااااااام الي تقول حرام عورة ما عرفت ان هم عرام الغيبه استغفر الله

 

[Tom ♥ Jerry]

.


انا اقووول حيآتي لا تحكمين عليها من الظآهر ..
يعني مو بس تشوفين لبسها و شكلها و تهز هز
ترا اغلب البنات جيي الحين عفيه روحي العروووس و شوفي كل البنات يرقصون و يلبسون و يظحكون و و و
هل كلهم مو زينيين يعني ؟

انا الي اهيه انا البس مرات قصير و مرات عاري ..
و ارقص رقص و اهز هز على قولتج و تزوجت من كان عمري 17 سنه !
و كآني مآسكه بيت و ريال و ان شاء الله عيال اشيل و احط و اقوم و اقعد
حبيبتي البنت من الدآخل سئلوآ عنهآ دآخلها شنو

و بعدين اذا يت على اللبس و اهيه زينه من الدآخل
لا تخلونهآ تروح من ايدكم :/ موضوع اللبس هاذا أخوج يقدر يتحكم فيه بعد الزوآج شوي شوي باللين ..

يقولها انا مآ آحب احد يشوف جسمج الا انا ولو كآنوآ حريم و كيت و كيت
و يعدلها عاااادي حبيبتي

بس سئلوآ عنهآ من الدآخل

 

[ماريا ابنة الحي]

انا اشوفج مركزه على جمالها
سألتي عن اخلاقها؟
اهم شي الاخلاق قبل الجمال

ماتسوى عليج باجر يتزوجها اخوج وتبهدل عيشتكم واخوج من كثر ماراح يكون منجذب لها راح يكون معاها على طول

سألي عن اخلاقها اهم شي

ومو معناتها لو لبست لبس جريء او رقصت مصري يعني مو خلوقه

بس لفتت نظري شغله مهمه
شلون تحط ريل على ريل جدام حريم كباروعند امها؟

المهم استخيري
وماخاب من استخار
والخيره فما اختاره الله
ماتدرين يمكن البنيه من نصيب اخوج
استخيري