نتوكل على الله ونخطبها ولا نشوف غيرها (( حركاتها لج علييييها ))

[najla86]

بنات شفيكم

مو معقوله بنت عشرين هذا لبسها وهذا رقصها

يامعوده اذا هذا وصفج

مستحيل اخطب لاخوي جذي

استغفر الله هاذي شكلها مبلتعه وعوبا

امانه وين الخجل والسحا

اذا اهيا من الحين جذي عقب الزواج شنو بتلبس وشلون بترقص وشبتسوي

على فكره كلنا نعرف نرقص شرقي ونلبس قصير ونكشخ وحلوات بس بادب وسحا ونرقص بينا وبين نفسنا يعني مع بنات عمي او بنات خالي
بس ما اتجرا ارقص جذي جدام العرب لا وبعد بجراه

وعمرها 20 يا ناس

شفيكم

يما الله يستر علينا

انا ترا ماشككت باخلاقها بس الخجل والحيا والتكانه شي ضروووووووووووووري بصفاة البنيه

الله يكتبلكم اللي فيه الخير

مدري احس اخوج بياخذها

 

[ام كوشه منكووشه]

رد : نتوكل على الله ونخطبها ولا نشوف غيرها (( حركاتها لج علييييها ))

حبوبه لا تستعيلووون خلي اخوج يستخير وانتوا دام اهوا مسافر اخذوا وقتكم سئلوا عنها عدل
والله يكتب اللى فيه الخير

 

[*بسبوسه*]

البس مو مقياس
وبعدين احسن اكيد اخوج بيستانس على ان مرته نوعيتها تحب الكشخه ولرقص بدال لا يقولكم مرتي ماتعرف تهتم بنفسها ول اتعرف ترقص ومن هالحجي

بس اهم شي اسؤلو عن اخلاقها يمكن البنت عشان صغيره وبالجامعه تحب الشي الغريب وتمشي مع الموضه

بشرينا شلي يصير بعدين

 

[جوري وبنفسج]

السلام عليكم

أختي الغالية دام أمج كاشة منها . فالأفضل تصرفون عنها نظر لأنها ممكن في المستقبل بعد الزواج ما تتوالم معاكم وتصير مشاكل أنتم في غنى عنها .

وخلي أخوج يصلي إستخارة أفضل .

أنا لو ولدي ما أرضى يأخذ وحدها جريئة لهدرجة . ​

 

[كتكات احمر]

امبيه ترا اللبس مو مقياس شفيكم كليتوا البنت

شوفوا دينها اخلاقها طريقتها في الكلام ادبها حياها ...

كل هذا بعدين اللبس الله يهديكم بس

 

[" ميــــــنو "]

استخيرو والله يقدم الي فيه الخير ..

 

[غرور وايل]

استخيروا
بسس دام امج ما ارتااحت لهاا لالالالالالالا والف لالالالالالالالا

 

[Apple-q8]

لا دور غيرها وموكل البنات بالهسن نفس الشي بالعكس في بنات زينين وتربيتهم سنعه بالله هذي يايين يشوفنها تطلع لسانها وتسوي حركات ولابسه عاري حلات البنيه بسترها وخجلها

 

[ديانا سبنسر]

الصراحة انا ماحب هالنوعية من البنات صج ماتستحي شلون تلبس هالملابس والناس جايين يخطبونها يعني قلنا تلبس وتكشخ بس خير الامور الوسط هذي ان خذاها اخوج راح تخليه مايعرفكم بالمرة مبين عليها قوية ومفتحة باللبن اللهم احفظنا دور بعد وايد بنات الحلال جمال واخلاق وثقافة موبس دورون الحلا

 

[LuLiTa]

اذا عن اللبس عااادي ,, بنية صغيرة و مزيونة و جسمها حلو ليش ما تلبس القصير و الضيج ؟؟ اذا اهي ام هالمواصفات ما لبست جذي منو اللي راح يلبس ؟؟؟

بس لما البنت تعرف ان الناس يخطبونها تستحي شوي
اهي كان جريئه تضحك وتسولف معانا واتدلع حييييييل
وطول ما اهي قاعده حاطه رجل على رجل فوق ما النفنوف قصير مع هالقعده شبيصير

حبيبتي البنت بتراويكم ميزاتها ,,, و اهي قاعدة بين حريم ,,,,و ما تدلعت و تجرأت جدام رياييل عدل و لا لأ ؟؟؟؟؟ و بذمتج ما مرت عليج بنية بهالعمر ما تتدلع و تتنهوص ؟؟؟؟

 

[الدلوعة أمون]

عادي بنت تحب تكشخ زي البنات

وش فيها ماسوت شي غلط

ولاتنسين عمرها صغير استخيروا وشوفوا النصيب وين

​

 

[أبله كويتيه]

بما اني ماعرف البنت مابي احط بذمتي من جم تصرف

هذا ولدكم والشور شوركم

والله يكتب الي فيه الخير

 

[يبقى الوله]

ستخيرو وسـألو عنها وعسى لله يوفقها ويوفق اخوج

ولاتحكمين عليها من لبس كل البنات الحين يلبسون جذي

ولله يكتب للي فيه الخير

 

[الحسن الرقيق]

انا ما اقـدر احكـم على البنت من رقصهاا .. بس اول شي فكرت فيه ..
تصرفهااا بالخطبه .. يعنـي معقوله امها ولا خواتها ماا شافوا لبسهاااا وماقالوا عيـب اذا جـذي يعنـي باجر لاسمح الله مشكله بينها وبين اخوج محد راح يعلمهاا الصـح ويعقلـها ..
او قالوا واهي عانـدت فـ اهنيـه مشكلـه ثانـيه ..

 

[سفيرة العشق]

رد : نتوكل على الله ونخطبها ولا نشوف غيرها (( حركاتها لج علييييها ))

مادري بس حلاة البنت حياوية وكافي ان امج كشت منها مادري بس انا أعرف ان هالحركات يسوونها البنات بين بعض مو جدام الحريم الكبار احتراما لهم
وهذي تدري انكم يايين خطاب عيل اذا كان الوضع عادي شبتسوي

بس ترى من ناحية ثانية هذي اللي بتونس اخوج بعد الزواج وتضبطة يعني نفس المواصفات اللي يبيها وجمال ودلع اكيد يبي جذي

 

[اميره1980]

اذا مو مرتاحين و قلبكم ناقزكم بلاها خلاص
خلاخوج يستخير و ان شاء الله كل الخير يكون له

 

[Stay alive]

حبيبتي مو كل البنات جذي لا والله فيه الزين وفيه الشين وهذي اسمحيلي جريئه حييييييييييييل حييييييييييل

اذا ما استحت جدامكم واهي ماتعرفكم شلون بعدين ؟!!

ترى اهم شي اخلاق البنت وحياها قبل لا تدورون الجمال شوفوا الاخلاق .. وبقولج شغله حطيها في بالج ..

الشي اللي يكش قلبج منه وانتي متردده وموقف تفكيرج عنه .. اتبعي قلبج لان القلب ما يكش الا من شي مو زين

والله يكتبلكم الخير وين ما كان ويوفقكم بس هذي نصيحه وحبيت اقدمها لج وارد عالخوات اللي قالوا ترى كل البنات جذي .. لان مو صحيح هالحجي .. الدنيا لي الحين بخير والبنت بأخلاقها وحياها مو بجرأتها وتدلعها وحركاتها ..!

 

[Stay alive]

حبيبتي مو كل البنات جذي لا والله فيه الزين وفيه الشين وهذي اسمحيلي جريئه حييييييييييييل حييييييييييل

اذا ما استحت جدامكم واهي ماتعرفكم شلون بعدين ؟!!

ترى اهم شي اخلاق البنت وحياها قبل لا تدورون الجمال شوفوا الاخلاق .. وبقولج شغله حطيها في بالج ..

الشي اللي يكش قلبج منه وانتي متردده وموقف تفكيرج عنه .. اتبعي قلبج لان القلب ما يكش الا من شي مو زين

والله يكتبلكم الخير وين ما كان ويوفقكم بس هذي نصيحه وحبيت اقدمها لج وارد عالخوات اللي قالوا ترى كل البنات جذي .. لان مو صحيح هالحجي .. الدنيا لي الحين بخير والبنت بأخلاقها وحياها مو بجرأتها وتدلعها وحركاتها ..!

 

[أم المهــى]

خله يصلي صلاة الاستخارة والله يوفقه ان شاء الله

 

[كويتيه مذهله 87]

احنا دخلنا بيتين كلهم مثل اللبس قصير احسن علشان تشوفين جسمها عدل وباقي جسمها اهم شي شوفوا اخلاقها

وكل عرس بنت ترقص يعني مافيه شي غريب