نتوكل على الله ونخطبها ولا نشوف غيرها (( حركاتها لج علييييها ))

[عتيبيه ناعمه]

رد : نتوكل على الله ونخطبها ولا نشوف غيرها (( حركاتها لج علييييها ))

شوفي اختي لبس القصير والرقص المصري هذا عادي انا البس قصير وارقص مصري عدل وحتى بنات خالتي واغلب رفيجاتي عادي بس اللي مو عادي التعري والحركات اللي ما تسويها بنت عاقل شنو تغمز وغيره وايد جريئه وبعدين تسولف وياكم بالخطبه مادري اتكلم عن نفسي وانا قريبه من عمرها وربي مت وقت الخطبه اصلا بطلعة الروح نزلت من فوق ودخلت عليهم وحتى وهم يحاولون يجروني بالحجي ما ارد عليهم هذا وهم يقربون لي شلون ناس اول مره تشوفهم ومو حلوه تحط ريل على ريل قدام ام الزوج في شي اسمه احترام

برايي اتبعو راي الوالده اهي تعرف اكثر والله يهني اخوج

 

[يتيمة العقـد]

يا شين اللي لا رقصت غنت ويييييييييييييييع ندري حافظه الاغنية ، يا حلاة البنت بحياها

 

[ساندريلا]

استخيروا شوفوا شنو الي الله كاتبه

 

[أم بدر المطيري]

بعدو عنها هذي بالرقص جذيه وماستحت جدامكم عيل بعدين شنو الله يستر عليها يبا مثل ماقالو البنات الكويت متروسه بنات غيرها وانتو كشيتو من شفتوها خلاص ليش تسالين اختي او قطعي الشك باليقين وحاولي تشوفينها بره اذا كانت مثلا تشتغل روحي دوامها وانشالله تطلع غير
والله يوفق الجميع

 

[noorq8]

بس لما البنت تعرف ان الناس يخطبونها تستحي شوي
اهي كان جريئه تضحك وتسولف معانا واتدلع حييييييل
وطول ما اهي قاعده حاطه رجل على رجل فوق ما النفنوف قصير مع هالقعده شبيصير

حبيبتي أنا قريت الردود لكن مشاركتج هذي ستوب عندها ...........البنت مو مال زواج .
من بديهيات الأخلاق ان العروس اللي جايين يشوفونها ماترز رجل على رجل جدام أهل المعرس عيييييب وشق جيب هذي الفكره اللي براس امج وسئليها في آداب للقاء الخطبه وهالبنت ماطبقت هالآداب من أولوياتها اللبس المحتشم والجلوس المهذب والبنت حسب وصفج بوداي والسنع بوادي .(بقولج سالفه صارت لنا احنا ,رحنا نشوف بنت لأخوي ويوم دخلت قعدت وحطت رجل على رجل جدام اخوي غمز لنا قوموا ويوم طلعنا قال هذي ناقصه تربيه ,عرفتي اشلون نظرة الكبار للبنت وقت الخطبه
استخيروا ولا تستعجلون والديره متروسه مزايين والله يوفقكم.

 

[ba6bo6a1]

البنات ما قصروا بس خلي امج تكلم اخوج و تقوله انها ما ارتاحت ... و هو يقرر

 

[اميرة-الاحجار]

لا شوفو غيرها حدها جريئئه ومافيها حيا وخجل شكلهم وايد فري وخرو عنها بلا عوار راس

 

[سامرية قديمة]

شوفي ترى اذا اهي الجعدة في الغالب تصير جذي لانها تقلد خواتها من اهي صغيرة فتصير جريئة انا اقول سالو عنها والمثل يقول من السكوتي موتي ومن المطقطق لاتخافي

 

[غربــــة اِحساس]

يازين االحيا والحشمه
ماحب هالنوع بصراحه واكش منهم حيييييييل
حتى بقعدات الحريم ترى مايجوز التفصخ واللبس العاري
نلبس ونكشخ بس ماله داعي نطلع كل مفاتنا ونبرزها يعني تعالو شوفو اللي عندي!!!
خل اخوج يستخير

معاها

 

[Anestazya]

حدها جريئة واللبس له علاقة بشخصية البنت

 

[lovely jojo]

خلي اخوج يستخير

 

[روحي تحبه غصب]

اصرفواااااااااااااا نظر عن الخطبه لان امج موعاجبتها تصرفاتها وماتناسب اخوج

 

[أم كادي]

ما اشوف فيها شي غلط عادي

 

[وسومه الحلوة]

مادري صح بنات هالوقت بعضهم جذي بس مايمنع الحيا أنا لو لاخوي مادري مااخذها بالعرس تلبس الي تلبسه بس يوم جيتوهم. والحيا مطلوب فالبنت حتى انتوا تتعبون معاها لان هالنوعيه تعطي الناس طاف وخيره أنكم شفتوها بعرس عقب الخطبه حطي بالج الجريئه تحلل كل شي بمزاجها وامج مره كبيره كشت منها شمعناته هذا يعني لها نظره بشي*وانت كيفك هذا راي

 

[مملوحة_الوصايف]

رد : رد: نتوكل على الله ونخطبها ولا نشوف غيرها (( حركاتها لج علييييها ))

يازين االحيا والحشمه
ماحب هالنوع بصراحه واكش منهم حيييييييل
حتى بقعدات الحريم ترى مايجوز التفصخ واللبس العاري
نلبس ونكشخ بس ماله داعي نطلع كل مفاتنا ونبرزها يعني تعالو شوفو اللي عندي!!!
خل اخوج يستخير

معاها لو انا مكانكم اغض النظر عنها وفي الف غيرها واستخيييرو احسن

 

[عادي من قلبي أشيلك]

الله يرزق اخووج بالبنت الصالحه

اذا هي جذي قاعده ترقص ولا استحت منكم تخيلي شكلها باجر بعرس احد من جماعتكم اكيد بترقص مثل هالرقص
ولبسها في بيتهم جذي وانتو مو متعودين ع هاللبس اكيد بتلبس جذي عندكم



والزين مو كل شي لا تغرم بشكلها
وخووج اذا قلتيله اكيد بيوافق لانه شاااب ويبي وحده حلووه ودلووعه واذا تزوج مايبي الا البنت اللي ساتره نفسها وتستحي

 

[Alia]

انا ماحب احكم على اي انسان من لبسه صدقيني ماتبين الصجيه الا بالعشرة اذا البنت طبيعيه وحليوة نطروا سمعوا راي اللي بيتزوجها وبيعيش معاها ببيت واحد افضل واذا محد فيكم ارتاح صكوا بابها والله يكتب اللي فيه الخير

ملاجظة: يمكن البنت تبي تبرز جمالها لكم لووول من حقها تبي تتزوج وانتوا بس حريم اللي يايييين تشوفونها في بنات يفكرون جذي ترى

لكن والله لو امي الله يطول بعمرها او اختي العودة وتشوفها لابسه جذي قبببببببببببه ههههههههههههههههههههههههههه لانه اهلنا وايد محافظين ملوت اول اللي عندهم البنت حتى صوتها لازم ماينسمع وايد

 

[يالبا قلبي]

رد : نتوكل على الله ونخطبها ولا نشوف غيرها (( حركاتها لج علييييها ))

حبوبه مدام من البدايه امج ما تبيها
وانتوا كشيتوا منها

خلاص


عشان باجر مو توهقون وتقولون ياليت اللي جرى ماكان

 

[أم فتوته]

أغلب البنآت جذي
دامها بين حريم سوت جذي عآدي بس يمكن اهي جريئه بزياده سألو عنها وعن أخلاقها وخل اخوج يستخير
والله يكتب الي فيه خير انشالله

 

[الأميرة الحزينة]

ابعد عن الشر وغنيله هذي تخرع صراحه الله يستر عليها بس دام عمرها 20 بعد ما تزوجت وجذي شلون عقب الزواج وبعد جم سنه ...؟؟ ترا الحريم الكبار لهم نظرة امج صاجه شوفوله وحده ثقيله البنات الحلوين واايد والجمال م كل شي ونصيحه شوفوا حق اخوكم غيرها قبل ما يرد ويشوفها