ميتى بجي ومفتشلة من نفسي ومادري وين اودي ويهي

[غنج اهلها]

الله يهديج

وصدقيني هالعصبية والنرفزة ماراح تستفدين منها الاانها راح تفقدج ناس تحبينهم

لااااازم تخففين منها قدماتقدرين

 

[عيون@@الحب]

والله عورتي قلبي عسى ربي يخليكم حق بعض وانت بعد مسكي نفسج من العصبيه اذا صار نقاش بينكم وحسيتي بيشتد غيري الموضوع على طول او قومي وطلعي عن الدار واستغفري وايد والله يخليكم حق بعض

 

[ام اغلى الناس]

اختي خلاص انسي اللي صار دام انه رد لج
اقترح تسوين له مفاجأه سفره لاي دوله يحبها و تقولين له هذا تجديد لحياتنا ولازم ننسى اي زعل صار لنا

 

[حنين الفرح]

عمري والله قطعتي قلبي عندج للحين عوضيه نسيه الي صار منج عطيه الحنان الله يهديج

 

[ودآعتك قلبي]

الله يهديج كلش إلا أصله .. كثري أستغفاااااار ..

 

[احبكم ذاتي]

لا لازم تحاولين تضبطين اعصابج مايصير مهما كان هذا ريلج وهالكلام مايجوز وفكري فيها ليمتى كل ماصارت سالفة قمت اتكلم بكلام غلط وحاولي تسكتيييين ليما يها الوضع
واللة يهديكم لبعض ان شاللة

 

[!!إنت دنيتي!!]

حبايبي ما قصروتوا و الله العظيم فرحتوني بردودكم وطيرتوا قلبي و عطيتوني دافع اصير انسانة ثانية
مشكورين على كل الكلام سواء الصارك و الا اللين و بفضلكم لساني رب لك الحمد ماقام يوقف من الاستغفار

 

[دانة الدنيا1]

الله يهديج ويهديني وياج ياختج والله وانتي تقولين كلامج احسه جنه عني انا جذيه عصبيه وما اقدر امسك نفسي وغيوره امبيه ابدع فيه مرات والله العظيم يكسر خاطري على عيوبه بس مايسوي الهوالات اللي اسويها والله فعلا روحي حق استشاريه فعلا راح ترتاحين خصوصا بجلسات الاسترخاء انا جربتها والله واستفدت وصرت اكثر هدوء بس انشغلت ورديت اعصب بس شنسوي يوم حلو ويوم مر هذا وانا بأول الطريج جذيه الله يعيني بس وانتي لابغيتي تعصبين عدي من 10 لين 1 تنازلي ولاتتكلمين باي كلمة تمسه حرام اذا اهو محترم معاج لاتدوسن على كرامته باجر والله تولهين على حتى طراقاته لوووووول
الله يسعدكم ويهنيكم مع بعض ويديم المحبه والاحترام والدنيا محد ماخذ منها شي يابنت الحلال وترى حتى احنا عصبيات بس والله قلوبنا عسل 5 دقايق ونطخ بس عاد تذكري انه كل كلمة تجرح مثل المسمار لاغرزتيه بالطوفه وشلتيه يبقى اثره والكلمة لاانقطت يبقى اثرها مغروس بالقلب وانت اختاري غرسج عاد

 

[حــور دنـيـتي]

مااقدر اقول اكثر من الي قالوه البناات يعطيهم العافيه
ترا بهالزمن صعب تلاقين ريال جذي
ذكري ربج وايد واستغفري وايد
وتذكري وايد حريم دشو الجنه لانهم اسعدو ازواجهم فكري بالجنه الي بتحصلين عليها برضا ريلج ترا مالج غيره بالدنيا الاهل الله بخليهم لج بس ماراح يكونون معاج مثل ريلج ونسيه طلعي معاه سينما قعده عالبحر سفره بالويك اند يومين شويه بس حلوين ابتسمي بويهه على طول اذا كانت الابتسامه صدقه شلون اذا كانت حق ريلج وديربالج والله يوفقج ويهنيج يارب

 

[الحنــونــة]

المسااامح كريم انسي خلاص ... بس لاتعيدينها

 

[حور الروقي]

الحمدالله انه عداها

دير بالج مره ثانيه حبيبتي


وحاولي تحكيم بروحج ترى الرجال مو خسران شي واقرب تفكير له كحل للامور الطلاق

والله يوفقج ويرضى علييج

 

[miss_jamsheer]

تسامحي منه وسويله ليله حلوه وتعذري انج ماتعيدينها وخلاص انسوا اللي صار

 

[طوق البنفسج]

الله يصلح ما بينكم ..
دايما ادعي اللهم اجعلني من الكاظمين الغيظ .. و ابدل غضبي سكينه ..

و الله يعينج و اتخلصين من العصبيه

 

[مضاوي 75]

الله لا يحرمكم من بعض ..

والله حاسه فيج لاني نفسج ساعات افقد اعصابي

وويفلت لساني وتعالي شوفي عاد ..

بس اهم شي جربي هالحركات

قبل لا يغط بالنوم حيل ويروح بنوم عميق

قربي منه وسوي روحج ما تدرين انه صاحي

وتلمسي ظهره وغطيه عامليه مثل طفل صغير

صدقيني تسوي شغل هالحركات ..:wqedqw:

صح كلامها

 

[3emya_Berry]

انسي الموضوع الحين وساحلي فيه ودلليه وونسيه وضحكيه وخليه ينسى وصيري وحده ثانيه خلاص

 

[سرقت النوم]

الله يحفظكم و يكافيكم شر الحسد و العين

و تحملي تعيدينها ترا مبين على ريلج ما يتغشمر بهالسوالف والدليل مدخل اخوج بالموضوع على طووول قاله ما ابيها لو بيكتم عالسالفه ما قال هالشي لأخوج

حبيبتي ديري بالج على ريلج و بما انج تمدحينه يمكن هالشي حسد او عين لن مو كل من حب خذا حبيبه ديري بالج و اذا ما بينكم عيال حاولي تحملين بإذن الله منه قريب عشان تبينين انج تحبينه و تبين عيال منه

 

[EL jowhra]

اللة يهديكم لبعض انشاللة , واعتقد اللي صار قرصة اذن تعلمتي منها ودرس لج
انشاللة استفدتي منه , انشاللة يرد احسن من اول يارب .

 

[أحبه موت]

حبيبتي بعد قلبي حمدي ربج مليون مرة ان عندج ريل مثله
وعودي نفسج اتوسين كنترول على كلامج صج الواحد بلحظة غضب يقط حجي ما يثمنه ويكون معذور حزتها بس في حجي الواحد مايقدر ينساه ويصير بقلبه
لاتخسرين حبكم عشان كلمه قلتيها بلحظة غضب مسكي ريلج بإيدج وريولج
وتسامحي منه واعتذريله ويبيله هديه وبينيله انج ندمانه عالكلام الي قلتيه ووعديه ان هالشي مايتكرر ثاني مرة
الله يسخركم لبعض ويهديكم يارب ويهدي سركم

 

[جواهر البحرينية]

الله يهديج عندج الريال الي بالف ريال واسوين فيه جذي انتي ما اجوفين الدنيا واشلون صايره خيانات واهمال واهانات ما سمعين عن زوجات عايشين في جحيم مع ازواج خساره فيهم كلمه ريال ولا والريال احبج وما خذج عن حب ؟؟؟؟

والله في نسوان ريايلهم ما يسووون بيزة صابرات ويبون الرضا يبون يوم هني مسكينه الوحده منهم افرحها يوم ويعيشها العذاب اسنين ورغم ذي تصبر لان تنطر هاليوم الحلو والي يمكن جذب او حق مصلحه له والله في نسوان صابرات لان بس ما عندها مكان اتروحله الا الشارع والريال اعرف ويبتدي ايزيد من الاهانات

استغفري ربج وحمديه كل دقيقه وسجدي في اليوم الف مره انه رزقج بزوج ذهب


اذا تهاوشتو لا ادشين وياه في نقاش غيري المكان الى اهو فيه واستغفري وحتى لو اهو غلاطان لا تراددينه لان انتي الخسرانه في النهايه ويوم يغلط اهو بحقج سكتي ولا تردين عليه تالي بيرجع يتاسف ويراضيج ام لين لاترددين ينقلب الموضوع ضدج وخصوصا انج عصبيه ومافي شي مستحيل غيري من نفسج ولا تخسرين حياتج والسبه السانج

 

[*سوسو ستار*]

الحمدلله انها عدت هالمره على خير بس خلاص مره ثانيه اذا حسيتي انج معصبه طلعي من الدار وروحي كسري صحون سوي اي شي طلعي فيه حرتج بعيد عن ريلج



والله يوفقكم ويسعدكم ويبعد عنكم الزعل