ميتى بجي ومفتشلة من نفسي ومادري وين اودي ويهي

[كارلوفي فاري]

حبيبتي الحمدالله الموضوع ماصار اكبر من جذيه وانتي خلاص عرفتي غلطتج وكل انسان معرض للغلط بس اهم شي مايعيط الغلط وبعدين فكي عن الرجال شوي خنقتيه بالتوسل والبجي هو اللحين متضايق منج فقعدتج قدامه وحنتج عنده يمكن تزود البغض انتي خليه يهدى وياخذ راحته شوي وانتي حاولي تسوين شي يطيح الحطب بينكم بحفلة صلح على شويه مفاجئات خليه الابتسامة تبين على وجهه وقدمي بعدين الاعتذار لكن حنه وبجي وضيقة خلق ماله داعي وبعدين اقل عليه خلاص مو معناته غلطتي تذلين روحج له -والله يصلح الامور فيما بينكم ويعدلها انشالله

 

[maryooooma]

نصيحة مني هذا انا الي اشوفة من امي و ابوي اذا صارت سالفة عودة محد يتكلم دايما يمسكووون نفسهم بالاستغفااار وو يتعوذووون من ابليييس و انا تعلمت هالشي من اهلي واللله كان الساني متبري مني من تعودت اسغفر عند كل سالفة والله ماقامات تطلع مني كلمة وحدة تغث الي جدامي

 

[عواشه *_^]

دام انه سامحج هالمره
حاولي كثر ما تقدرين تمسكين نفسج و ما تكررين الغلطه
ترى بعض الرياييل حتى لما تسبينهم على غشمره و انتي تضحكين يحسبونها صج و يعتبرونها اهانه

نصيحتي لج لا تضيعين ريلج منج و روحي لاستشاريه اسريه تساعدج تتخلصين من عادتج
و حضري دورات

هذي الدورات وايد مفيده لكم بنات و لأني عارفه اسلوب هالدكاتره انصحكم فيها

انا حضرت دورة من قبل عن الحوار الاسري للدكتور أيوب الأيوب و وايد استفدت منها

 

[شقرديـه عالطل]

والله انا اعتبر قصتج للعبره
لان انا وااايد احاتي لساني مستقبلا احس ماكو ريل يتحملني لان صج صج متبري مني بس انشالله اتعلم من قصصكم يارب
وانا اقول لو تحجزيلج شاليه او فندق تغيرين جو انتي ويااه احسن عقب هالهوشه

 

[Heaven Light]

حبوبة مرة ثنية ان عصبتي ..

طلعي من الغرفة اللي اهو فيها على طول وروحي توضي وضوئج للصلاة حتى لو كانت عليج الدورة لأن الوضوء يطفئ الغضب ..

وصلي اذا عليج صلاة اما اذا ما عليج صلاة دشي غرفة ظلمة بروحج و خلي بس على لسانج كلمة استغفر الله ..


​

 

[نثية زوجها]

حبيبتي هاذا مو كلام اكببببببببببببببببببر غلط ‏
اتعايريين ‏
الرجال ‏
تخيلي لو طلقج من لحظتها الله لايقول شلون ينفع الندم
انتي حطي براسج اذا صارت مشادة كلامية روحي الغرفه
لين تحسين تقدرين اتناقشينه بهدوء اعصاب وثاني شغله
الزوج لو تطلبين منه شغله تافهه بس باسلوب جاف وحاد
والله مايجيبها ولو تطلبين اغلى شغله باسلوب هادي ورومانسي
والله يحط لج القمر بإييد والشمس بإييد شفتي الاسلوب شلون
يفرق ولو تجربين اسلوبج الحين مع اي احد راح تعصب حتى لو من
اهلج فما بالج زوجج شريكج بهالحياه والله ما تغمض عيني
اذا حسيت اني مخطية بحقه اقوم احب راسه واخليه يسامحني
باسلوب هادي اقوله كلامك صح وعلى راسي وانت الغالي
والله ينسى الزعل كله حرام تهدمين بيتج عشان شغله صغيرة
وانتي مكبرتها اوعدي نفسج اذا صار شي تفكريين مية مرة قبل
لاتنطقين بكلمة وقولي افبالج ماراح اعيش فبيت اهلي مثل عيشتي فبيت
زوجي وكافي الاستقلالية بالحياة والاستقرار والحمدلله عالى ‏
نعمة
الزواج والاستقرار وراحة البال واتمنى افدتج

 

[توووفية]

بقولج معلومة او حطيها براسج زييين لو شنو حب الريال ابيعج اذا مل منج هالسوالف تملل الريال المعاير وطولة للسان على طووول بس نا اقول الا الله يهديكم حق بعض ويصفي قلوبكم على بعض

 

[FiOnKa]

الله يهدي سركم ,, و يصلح حالكم

لا تعيدينها و مسكي نفسج

 

[rayare]

حاولى تتحكمين بعصابج و ادعى

 

[مـيـراس]

عسا الله يلين قلبه وينسى اللي الي صار

والله يكون بعونج وعون الجميع

 

[wujud]

عورتي قلبي وربي عورتي قلبي
اخييييه خلي الي بالقلب بالقلب
فديتج
الله لا يفرقكم انشالله طول العمر مع بعض
وانشالله اتغيرين

 

[أنا Top أنا]

الله يهديج ديري بالج على رجلج

لا يروح منج

ترى ما عاد به رياجيل

 

[مفتاح التجوري]

نصيحة لج استغفري و قولي استغفر الله انه كان غفارا 1000 مرة بنيه تغير نفسة وتسكين غضبه
واقري يس 7 مرات للحوائج
و الصلاة على النبي ترى فيها بركة و اقري البقرة يمكن حايشتكم اعوينه حاسته ماتدرين
وانتي هدي نفسج مو من الانوثه طولة اللسان
خلييج اشوي انثويه
العصبية والنرفزة حق الصبيان

 

[السولعيه]

الله لا يفرقكم


انصحج تصدقين لان الصدقه ترفع المصيبه

 

[SaD FaCe]

الله يعييينج..!

اذا يتلج الحاله والعصبيه حاولي كثر ما تقدرين تمسكين نفسج وما تتكلمين كللللش !!

لان اللسان اذا فلت ويييه صارت بلاوي ..!


الله يسخركم حق بعض ..

 

[مشغول وشاغلنى]

الله يهديج للي يحبه ويرضاه ياوخيتي هذا زوجك اللي اختارج من بين كل البنات والله سبحانه ورسوله الكريم وصونا بالطاعه له

{{ لولا السجود لغير الله لامرت الزوجه ان تسجد لزوجها }}

شوفي شلون رسولنا الحبيب الذي لاينطق عن الهوي وصانا ..؟؟؟

تعوذي من ابليس وتري هذيك الليله اللي انتي مكبره المخده الله وملائكته غضبانين عليييييييييييج,,,,,؟؟؟؟

تري والله الوحده ماله الا زوجها لاتقولين اهلي واهلي اذا جت الصاجه كل واحد مصكر علي روحه وعياله ولايدري عنج

تكفين لاتزعلين مني بس حسيت انج ضايعه ومحتاجه المشوره

{{ يابخت من بجاني ولاضحك الناس علي }}

الله يخليه لج ويبعد عنكم الشيطاين وعيون الحاسدين

 

[نواااال]

لسانج بيضيعج حطي لسانج بحلجج واسكتي ابلعي العافيه فيه رياييل يصبح مرته بطراق
ويمسيها بطراق واهي مو مسويه شي تخيلي ومو مطوله لسانها بس ياحرام علشان زوجج طيب معاج اخذتي راحتج وتماديتي بالحجي
شتسوي عليج لو طلقج الريال اهم شي عنده كرامته والاحترام اهو الاساس بينكم ترضين اهو يقلل من قيمتج ويعايرج باصلج اكيد لا
استغرب منج لج عين تنامنين واهو زعلان وبره البيت عفيه قلب

 

[kuwaitya-frawla]

يا قلبي تحكمي بنفسج واعصابج ما يصير جذي دامه زين وخوش ريال لا تخسرينه

 

[نوووور الشمس]

اللة يهديج لة

 

[عيون@@الحب]

والله عورتي قلبي وحاسه فيج ابي افيدج بش حاولي اذا اشتد النقاش بينكم مسكي نفسج على قد ما تقدرين وطلعي برة الدار وقعدي استغفري على قد ما تقدرين صدقيني راح تحسين الغصب الي فيج كله راح