السلام عليكم يا بناات شلوونكم..انا مشكلتي ماشوف انها مشكله بس المجتمع غصب يسوونها مشكله..انا عمري 23 سنه وتوني متخرجه من كليه الهندسه والحمدلله حلوه مافيني شي بس ماصار لي نصيب اتزوج لحد الحين واعتقد 23 سنه مو سن عنوسه بس لان كل رفيجاتي تقريبا تزوجوا والي ما تزوجوا مرتبطين فتلقين كل وحده عندها واحد..وانا ماعندي مشكله مع هالشي لكن احس اهمه عندهم هالمشكله..يعني ملاحظه على وحده من رفيجاتي انها من تزوجت تتجنب تسولف اي شي عن حياتها مع زوجها ..طبعا انا ما اطلب تقولي مشاكلها او حياتها الخاصه بس قصدي السوالف العاديه وين رحنا وين يينا ..يعني اذا سألتها شي عن حسن نيه تجاوب على قد السؤال مع العلم انها من اعز صديقاتي و دايما تعودنا مانخش على بعض شي..ومو بس هي بعد عندي جم رفيجه اشوفها لبعض تقول رحت مع ريلي او شريت حق ريلي او ..بس معاي تتجنب تقول كأنها تخاف احسدها عشان اهي متزوجه وانا لا ..فبصراحه انا وايد متضايقه وصار فيني يالله اي واحد يتقدم بتزوجه بس عشان اتماشى معاهم بعدين لمه افكر اقول شفيني انا خبله ! قولولي بناااات شرايكم ؟
