مو متزوجه..هو ذنبي ؟

[آلسحرآلحلال]

اول شي انتي تووج صغيرة
وتوج يااادوب داخلة دنيا
مشالله متخرجة من كلية الهندسة
ودنياااااااااااا قدامج .. و وراج وظيفة
وحياه كاملة ..

وراح يجيج النصيب اللي يصك على ريايل رفيجاتج
كلـــــــــــــهم ....~

ربج كـــــريم

 

[Leann]

ما شاء الله ربي يوفقج دنيا و أخره
حبيبتي كلنا عايشين نفس حالتج .. و انا داشة ٢٢ و هم النغزات و الاسئلة المصاخه من كل صووب و أهلي مسوين لي مناحه كل يوم يقولون لي راح تعنسين و تقعدين عندنا
و انا ولا هامني بالطقاق كلما يا طاري هالسالفة او احد قالي اضحك عليهم من صغر عقولهم
بس انتي لا تخلين احد يحسسج ان مالج قدر بس لان مو متزوجة ما شاء الله عليج انتي خريجه جامعة و مهندسة و هالشي يحق لج تفتخرين فيه
و على سالفة الصديقات اللي يتزوجون صدقيني احسن لج ما يقولون شي
انا اللي اعرفهم و تزوجوا غاثيييييييييييييييينييي ليل نهار ريلي يحب هذا فلان وداني هالمكان فلان شرالي هالشي .. انا ما احس انه فخر الوحدة تقول ريلي شرالي و الا ريلي يابلي يعني ..سوالفهم وايد بايخه يعني اخر همي ريلج شنو يحب ياكل على الغدا
و اذا عندها عيال اففف بعد تلوع جبدج زيادة عبالها ولدها فلتة زمانه ماكو احد طيب و شاطر و ذكي غيره اهوه
خليهم ساكتين احسن لا يتكلمون و اذا حاسة تبين صديقة مثل ما قالوا البنات دوريلج بنات مو متزوجات انا جذي سويت من كثر ما قعدة رفيجاتي صارت تنمل و سوالف بايخه و اشياء شخصية حييل ما ودي اسمعها شوي شوي تعرفت على بنات من عمري مو متزوجات لكن ما قطعت علاقتي برفيجاتي القدم

و الله يوفقج و يرزقج على قد نيتج ​

 

[يا حبنـي له..}]

رد : مو متزوجه..هو ذنبي ؟

ليش اخذيتها بنيه سيئة..يمكن البنيه قصدها ماتجرحج لان من وجه نظرها انج تأخرتي بالزواج

 

[بنت ابويksa]

انشاءالله انك تتقوزي واحد كامل والكامل الله والي نفسك فيه ويحترون ذيك اللحضه

 

[طموحه بزياده]

تحمليها وخليج رسميه ااذا اهيا تغيرت شتسوين بعد

 

[Cander]

ههههههههههه

عيل انا 26 سنة

بس مايهمني اي شي ولا يهمني كلام المرضي المنتشرين وايد

والمتزوجات خل يعابلون بروحهم ورياييلهم ومشاكلهم مع بعض بدال ما ينتقدون غيرهم

ماعليج من احد يبة الوحدة تقعد جذي ولا تاخذ واحد مغازلجي او عينة زايغة او نفس اللي منتشر الحين ( شاذ ) والعياذ بالله

 

[ريتشل]

لا يكون اهما طاحوا على كنز علي بابا:klhfl: وانتي بعدج تدورين عليه..صاجة في بنات جذي :cxxxp:.. ترى محد اقل من احد والبنت العزباء ما ينقصها شي ولا تقل عن المتزوجه بشي لي متى واحنا حياتنا تتمحووووور حول الررررررررجل :jumpon:..
انتي مهمه ورافجي الناس اللي صداقتج تهمهم ,, ولا يغيرهم شي والله يوووووووفقج يا زنوب:eh_s(8):

كلامها :s142:
وانتي هذول الصديقات مو صديقات صج لانها لو عادتج رفيجتج ماخافت انج تحسدينها
وانا مريت على كذا صديقه جذي نفسج
وعندي رفيجات متزوجات بالعكس صداقتنا نفس قبل لا يتزوجون
والحين بين معدنهم فوخري عنهم

 

[زبــــــــدة]

اي انا عمري 22 وحاسه بهالشي بعد ...مع ان عادي ماهمني الزواج .... متى ما يه نصيبي يه ...

بس الناااااس ... تبط الجبد ... شنسوي بعد ...

 

[روح امها]

بييه من صجج عاد انا عندي وايد رفيجات تزوجوا قبلي يعني اعمارهم على 18 و 19 بعدها من تزوجت اقطعت علاقتي فيها
وانا تزوجت كان عمري 21 ردوا العلاقات معاي لان تزوجت والحين تطلقت اقطعوا بالمرة يخافون لاني مطلقة
الحمدالله والشكر واللي مافيهم خير ما تسال عني ما اسال عنها

 

[الخشف النداويه]

رد : مو متزوجه..هو ذنبي ؟

عادي حبيبتي مالج شغل هذول عقولهم ناقص المفروض تترفعين عنهم وبعدين عمرج 23 يعني توج بنوته صغيره والعمر قدامج

 

[فخامه كبريائي]

بيييييييييييييييييه يا كثر هالاشكال ....عاد الله و الرجل ...وووووووووووووع ...

الله يكبر عقولهم ....و ترا و الله توج صغيره ...عيشي حياتج هيصي ...لاحقه عالمغثه ...صيري نفسي <<<يلعن ام الثقه ..هههههههههه

 

[Tutti-Frutti]

رد : مو متزوجه..هو ذنبي ؟

وااااي من صجج
ترى توج صغيره

لا يهمج كلام الناس
ونصيبج راح اييلج انشالله

اما عن رفيجاتج ترى عادي واايد ناس ما يحبون يتكلمون بابسط شي عن حيااتهم مع ازواجهم

 

[قوطي نيدو]

الله يرزقج الزوج الصالح

و لا يهمج اتكلموا و لا لأ

طاااااااااف

 

[aṕriliå]

رد : مو متزوجه..هو ذنبي ؟

عااادي دام الموضوع فعلا مايهمج بيني للناس جذي


بعدين لا توافقين على اي واحد على ابو تسكتين الناس


بعدين البنت ببيت اهلها معززة مكرمة وبيت زوجها يمكن تنعز يمكن تنذل


والله يوفقج ويكتب لج اللي فيه الخير

يااارب

 

[brettey]

رد : مو متزوجه..هو ذنبي ؟

لا لا ذنب عظيم انج ماتزوجتي هذه جريمه لا تغتفر
استغفر الله
يبا ماعليج منهم رحت وطلعت مع ريلي يتفلسفون جدام بعض المرتاحه ما تتكلم عن حياتها
وماتدرين يمكن حاسدينج على حياه العزوبيه الي عايشتها
للاسف احنا بمجتمع تفكيرهم سطحي وتافهه عندهم الوحده اذا ظلت لي سن 25 من غير زواج يعني عانس
تفاهه
وطعيني لا تتزوجين اي واحد والسلام عشان تصيرين مثلهم باجر تندمين مثل ما ندموا غيرج تسرعوا بالزواج علبوا خايفين لا يفوتهم القطار واخرتها الندم اخذي واحد تتاكدين من اخلاقه ويكون سنع واهم شي يكون فيه بينكم توافق فكري يعني انتي مهندسه ماشاء الله ماعليج قاصر تاخذين واحد ماعنده شهاده ؟لا طبعا
والله يوفقج يارب وينولج مرادج

 

[الجوهرة777]

لا حبيبتي مو ذنبج << ذنب المجتمع الجاهل


ان شاء الله الحياة جدامج وان شاء الله الله بيرزقج بالزوج الصالح

لا تستعجلين وتاخذين اي واحد علشان ترضينهم <<ارضاء الناس غاية لا تدرك

ارضي ربج وضميرج وما عليج بالناس