مو قادره اشيل من بالي طليقه زوجي

[الاهله]

السلام عليكم

بنات انا سبق وكتبت موضوع ان حماتي دايم تتكلم عندي عن طليقه زوجي

الموضوع الان انى مو قادره انسى ان زوجي كان متزوج دايم يجيني وسواس انه ممكن يرجع لها

او انه يحبها ومن اسوى شي اتذكر كلام حماتي واهون مثل اذا جيت اسوي حلى اتذكر كلام حماتي تقول

كان يحب الحلى الي تسويه زوجته قبل واهون واذا جيت بتعدل وبلبس هم اتذكر كلام حماتي واهون

احس ان حياتي اختربت طليقته دايم ببالي بوجهي مع انى عمري ماشفتها

مو عارفه كيف اتخلص من التفكير هذا الي اتعبني

احيانا اجلس اساله انت تحبها ؟ بتردها ؟ نسيتها؟ وواجد اساله وهو يتضايق من هالشي

موعارفه شلحل ساعدوني بارائكم جزاكم ربي الجنه

 

[ارماني]

اولاً ..لاتفكرين فيها ولاتعبين نفسج لان كثر التفكير فيها بتصير نفسيتج زفت
ثانياً ..ماعليج من اللى تقوله لج حماتج عنها اكيد حماتج غيرانه منج وتبتي تشغل بالج بأي شي عن زوجج
ثالثاً .. لاتسألين زوجج دايا عن طليقته ولاتذكرينه فيها هو لوصج يبيها ويحبها ماكان طلقها وتزوجج
انتي بطريقتج الخاصه حلو تخليه ينساها للأبد مع اني اتوقع انو مايدري عنها شي ...
وبالنسبه لحماتج احقريها ولاتردين عليها ...





ان شاء الله اكون افدتج ...



(مومتزوجه)

 

[منووله مشعل]

من صجج تسالينه تحبها وبتردها:eh_s(14):

وربي انج تنرفزييين ...اسمحيلي بس غلط واكبر غللللللللللللللط تذكرينه فيها ...جذي بتعطينه مجال للمقارنه بينكم ...

انسي طليقته والرجال لوبغا يردها والا ياخذ غيرها ماراح ياخذ رايج ولابيردعليج "الرجال اذا يبي شي يسويه يسويه والله مايرده شي "

انتي عيشي حيااتج ولا تحطينها ببالج كلللللللللش ...

وزووجج عامليه انج امه وابوة وصديقه وزوجته ورفيجته وكل شي ...

ريحيه عشان ترتاحين ...

الله يوفقج ويهنيج ويسخرلج زووجج يارب ...

:eh_s(8):

 

[بقلبي انت]

وليش تسألينه هالاسئله خلاص كل واحد راح بطريجه واذا كان صج يحبها كان ماطلقها اكيد ماتفاهموا
لا تفتحين عليج باب انتي الخسرانه فيه اهو نساها ليش تسألينه لا تخلينه يفكر بالماضي شي وانتهي
وهني دورج لازم اتكشخين له وتهتمين بنفسج وتسوين الاكل والحلا إلي يحبه
من ايدينج انتي خليج دايم في باله لا تهتز ثقتج بنفسج ولاتفتحين مواضيع زواجه الاول وتتكلمين عن طليقته لا تصيرين خبله
اسفه بس حسيتج موعارفه تتصرفين وهالشغله مايبيلها تفكير اصلا خلاص شي بالماضي لا تنبشينه

واذا عن حماتج لتكلمت عن طليقة زوجج وقفيها عند حدها وقوليلها لاتتكلمين عنها جدامي ولا جدام زوجي شكلها حماتج تبي تستفزج وتحرج وتضايقج الظاهر توج متزوجه عشان جذي قاعده تضايقج قوي شخصيتج ووقفيها عند حدها قوليلها بنت الناس راحت بحال سبيلها وكلن شاف نصيبه ولا تتكلمين عنها لاجدامي ولا جدام احد ثاني واي شي يحبه زوجج سويه بدون تردد

 

[أسم والسلام]

حماتج لابارك الله فيها تبي تخرب حياتج انسي السالفه ودلعي ريلج وخليه يموت فيج

 

[ام حتحوتين]

وليش تسألينه هالاسئله خلاص كل واحد راح بطريجه واذا كان صج يحبها كان ماطلقها اكيد ماتفاهموا
لا تفتحين عليج باب انتي الخسرانه فيه اهو نساها ليش تسألينه لا تخلينه يفكر بالماضي شي وانتهي
وهني دورج لازم اتكشخين له وتهتمين بنفسج وتسوين الاكل والحلا إلي يحبه
من ايدينج انتي خليج دايم في باله لا تهتز ثقتج بنفسج ولاتفتحين مواضيع زواجه الاول وتتكلمين عن طليقته لا تصيرين خبله
اسفه بس حسيتج موعارفه تتصرفين وهالشغله مايبيلها تفكير اصلا خلاص شي بالماضي لا تنبشينه

واذا عن حماتج لتكلمت عن طليقة زوجج وقفيها عند حدها وقوليلها لاتتكلمين عنها جدامي ولا جدام زوجي شكلها حماتج تبي تستفزج وتحرج وتضايقج الظاهر توج متزوجه عشان جذي قاعده تضايقج قوي شخصيتج ووقفيها عند حدها قوليلها بنت الناس راحت بحال سبيلها وكلن شاف نصيبه ولا تتكلمين عنها لاجدامي ولا جدام احد ثاني واي شي يحبه زوجج سويه بدون تردد

درر وربي
سلمت يمينك

 

[{عسوله مطير]

لايلعب عليج شيطان .. أنت بشطارتج تقدرين تخلينه يتعلق فيج ..ومايفكر بغيرج

 

[محتارة وبصيح]

لو يحبها ليش يطلقها وليش ما رجع لها

 

[الـــدفـــشـــة]

مع منووووله بالراي

اكبررررررررررررررررر غلط انج تذكرين زوجج بطليقته
خلاص انسيها وعيشي حياتج ولاتخلين هالشي يخرب العلاقه بينكم

لاتذكرين زوجج بطليقته اقولج اياه للمرا الثانيه نصيحه والله

 

[اينااس]

شكلك انتى الى بتخلينه يرده من اسالت عليه

لا تذكر ينه فيه تفتح مخه على شي اهوو نااسي يمكن او مااايبي

لبسي و كشخه النااس هذى غيوور وماتحب تشوووف احد مستاانس
ذكر تنى بحمااتى دايماا تقول لى كلام عشاان اغاار وتخاانق مع زووجى

بس ابعيد عن عين والله يااخذ حق منه وعلى الى سويه

 

[محاميه كويتيه]

اول شي حطي في بالج انه طلقهاااا خلااااااص يعني ماوصل للطلاق الا هو مايبيها وماتزوج الا وهو حاط في باله انه ماراح يردلها
ثاني شي لا اتييبن طاريهاااا كلش كلش خليه ينساها مره وحده
وحماتج لي يابت طاري طليقة زوجج لا تكلمينها بس بينيلها انج تضايقتي يعني قومي دشي غرفتج اول ماتييب طاريها عشان لا تصير مشاكل

 

[سلاسل ذهبيه]

تعوذي من الشيطان يابنت الحلال وعيشي حياتج وحماتج لاتهتمين لكلامها

 

[عادت ذكرياتي]

الله يوفقكم ...

 

[Tulips]

ليش اتخلينه غصب يفكر فيها ويحن لها ؟؟

مره ثانيه لما حماتج تتكلم عن طليقته قوليلها ماعليه مره ثانيه ماتيبين طاريها لا جدامي ولا جدام ريلي لانه هالشي يضايقني وايد

وانتي وقفي مقارنتج بنفسج مع طليقته .. خلاص المره تطلقت وراحت بسبيلها الله يوفقها .. صفي النيه علشان الله يوفقج بحياتج

وشيلي المرا من راسج وبدال هالواوس شغلي نفسج بريلج وببيتج تعلمي اشلون تكسبينه وتحببينه فيج

ولا تسئلين الريال عنها مره ثانيه لانج جذي قاعد تثبتينها بمخه غصب

 

[مشكلتي متروسه]

هذا أكبر غلط أنتي تسوينه المفروض ما تقولين حقه جذي راح يتذكرها بحلوها و بمرها و لو ريلج يبيها و يحبها جان ما طلقها و خذاج جان عاش على ذكرها لحد الحين و مالج شغل فيه حماتج تبي تسوي مشاكل و الله و اعلم ما يكون سبب طلاق ريلج من زوجته بسببها بعد أهم شي طنشي كلامها و عيشي مع ريلج أحلى اللحظات و عسى الله يوفقكم ان شاء الله

 

[بنوته كيوت q8ya]

لاااا تخربيين حياااتج بأيدج لاتييبين طاري الموضوع واهوا ماطلقها الااا عااايفهاا وانتي الحين ع ذمته لاتقصريين عليه بشي ادري والله الموضوع صعب بس اضغطي ع نفسج عشانه وحماتج اذا يابت الموضوع قوليلها اهيا ماضي وانتهى خلاص مليت من الموضوع شالسالفه .. وكشخي ولبسي وحطي ببالج اكيد انتي احلا واذا بقيتي تسوين حلا ولا اي شي تفنني خليه يحب اللي تسوينه انتي.. لاتفكرين فيها اذا طرت تعوذي من الشيطان والله كرييم*

 

[دموع~]

البنات ما قصروا
لا تجيبين طاري لا عند ريلج ولا اهله
ولا تفكرين فيها
واشغلي نفسك ببيتج وريلج
ووقفي حماتج عند حده بس باسلوب تغير الموضوع
والله يوفقج

 

[ابدا يالغالي مانساك]

انسي الماااااضي وخلي حياتج ياقلبي
صفحه جديده من حياتج وحياته
ولا تعطي لاحد ان ياثر بحياتج

 

[عـِرۈۈق قلبــه]

لا تجيبين طاري لا عند ريلج ولا اهله
ولا تفكرين فيها​

 

[حلآآآتي غير]

ياحياتي الله يعييينج

بس غلط تذكرينه فيها وتقوليله تبي تردها

عسى الله يوفقج معاه ويسخره لج

جم صارلج متزوجه ياقلبي ؟