مو قادره اشيل من بالي طليقه زوجي

[روعة خيال]

حماتج هذي مينونه!!

تبي تخرب بينكم بس ما تدري شلون

 

[sweet-kamelia]

يقول شكسبير . . المرأه العاقلة لا تغار . . قيل : ولماذا فقال : لان الغيره أعتراف بأن هناك امرأه أجمل منها !....

لاتخربين حياتج بيدج حبيبتي

 

[غير كل الناس]

وحماتج ليش ماعندها ذوق

قولي لها تري الكلام عن فلانه قدامي ماله داعي راحت وتطلقت والله يستر عليها والحين هو زوجي انا

 

[الشيب الفلاحي]

ليش حبيبتي تتعبين نفسيتج عشانها اهو لج اللحين مو لها ,وعن تجربه من اول اسبوع لي عرفت سبب الطلاق ,عشان ما يقعد السبب يقرقع بقلبي ,وعشان اتجنب اللي ما يحبه زوجي :rerrerek:

وتعاهدت انا وريلي ما اجيب لا انا ولا هو طاريها , وخلفنا صبيان وبنات ,وكانا عشرة عمر والحمد لله

واذا على خالتج ,انا سمعت اكثثثثثثثثثثثثثثثثثثثثثثثثثثر وحياتج اكبر طاف ,طليقتة كانت ملكه جمال ,بس صدددددددق عمر الجماااااااااااااال ما كان كل شي .

كسبي ريلج واذا على العجيز كم هديه ,على ذيك الصووووووغه المحترمه,بتنسيها الاوله _03BA:

 

[قل علها خيره]

إنتي من الاول ليش تعطين مجال لحماتج تجيب سيرتها جدامج مفروووووض ماتسمحين لها تجيب سيرتها لابالشينه ولا بالزينه ,, اخاف تكووون لاحظت انج مهتمه بموضوووعها وقامت تغثج وتزيد إسسسستغفرالله مابي اظلمها ~
الخلاااااصه شيليها من بالج وانتبهي لزووجج

 

[GOLDEN_FISH]

حماتج اذا يابت طاري طليقته جعميها شحقا تسمعين لها وتعطينها مجال هذي مو صاحيه حمد الله والشكر لاتعطينها مجال مرة ثانيه ان يابت طاري قوليلها رجاءا لاتتكلمين عنها وتيبين طاريها جذي راح تتادب وماراح تتكلم عنها جدامج

 

[زوجة عزيز]

الله يعينج مجربه هالشي انا صج شي يقهر

 

[*يارا*]

صباح الورد,,,,,,,,,,,,,,,,,,,,,,,,,,,,,,,,,,,,,,,,,,,,,
حبيبتي لاتعورين راسه بلأسئله ولا تكرهينه بالقعده معاج .. وانسي حماتج وذكري الله وعيشي أحلى أيام حياتج معاه حبييه واكرميه بيحبج لا تنكدين على نفسج ولا على ريلج وأهم شي حبي نفسج وأغليه بيغليج

 

[الاهله]

الحمد الله كلامكم كله واحد مافي اختلاف هذا الشي يطمنى

بنات الله يجزاكم كل خير بعد عمري انتو كل وحده ترد وتكتب نصيحتها كنها تعرفني من قبل

انا احب الكويت من قبل بس حبيتها ازيد يوم شفت طيبتكم ونيتكم الصافيه

يارب كل وحده ردت علي ان الله يرزقها من حيث لاتحتسب

 

[miss swan]

لو يحبها جان متطلقها وتزوجج
وحماتج دقريها كل مايابت الطاري سوي روحج ماتسمعينها​

 

[غربه الروح]

خليج واثقه من نفسج هذا اهم شي
واذا كلمتج حماتج النسره قوليلها ما يهمني انتي اللي قهريها ببروده اعصابج
واهتمي بنفسج ودلعي ريلج وسويله كل شي اهوا يحبه وراح ينسى طليقته ويحب كل شي من ايدج
ولا تذكرينه انه كان متزوج من الاساس
والله يوفقكم

 

[:: Diva ::]

يا اختي عيشي حياااااااتج لا تخلين ماضي يخرب عليج
و حماتج حقريها و لا بتعطينها مجال تهدم بيتج ؟

 

[صمت المرافئ]

تعتقدين لو يبيها ويحبها ... يطلقها ؟؟؟
وحماتج الله يهديها شنو قصدها !!!
المفروض ما تييب سيرتها
إذا مرة ثانية يابت سيرتها وفقيها عند حدها باحترام وأدب
إذا كررت قومي عن المجلس علشان تستحي على ويهها
وطليقة زوجج انسيها حبيبتي وعيشي حياتج
والله يوفقكم :eh_s(7):
​

 

[sKntyny]

قولي لحماتج لو تكرمتي لا تيبين طاريها لانها خلاص راح في حال سبيلها والله يوفقها اهوا دخل على حياه جديده وزوجه جديده ..!!
وراح تسكت

 

[فوق الثريا محلي]

الي يطلق ما يحب خلاص انسيها و لا بعد ماشفتيها وطنشي حماتج شكلها هي الي طفرت الاولى

 

[pusy cat]

والله شكله بيردلها والسبه اسألتج عنها

يبا خلاص خليه ينساها اشفيج اتطرينها واجد

وحماتج محتره منج و تبي تحرّج

خلج واثقه من نفسج ولا تبينينله انج خايفه انه يردها او تغارين منها

 

[المدى74]

:eh_s(10):زوجك لو يحبها ما تركها
ولو يفكر فيها يرجعها وحركات حماتج (( حركات الحموات )) طنشي لها واذا شافت انها
ماتأثرت فيك طاري الطليقة بتنسى الموضوع اهم شيء لا تبينين لها انك متضايقة من طاريها
ردي عليها عند مدح الطليقة 00000ابتسامة ماشاء الله يحليلها:ggdw::ggdw::ggdw: ان يستر عليها تساهل بنت الاجاويد
بكذا قابليني اذا مرة ثانية جابت طاريها
اما زوجك انسي :eh_s(4)::eh_s(4)::eh_s(4):ان كان بحياتة طليقتة وتذكري انها صفحة ممزقة من كتاب زوجك وذكرياتة القديمة
اتمنى يكون كلامي يريحج وسعدك ربي
ولا تعكرين مزاجك باشياء ما لها اساس من الصحة:eh_s(7)::eh_s(7)::eh_s(7)::eh_s(7)::eh_s(7)::eh_s(7):

 

[" ام حمود "]

أمبيه غلطانه غلطانه شكو تسألينه تحبها ؟ تبي تردها ؟ نسيتها ؟
انتي جذي قاعده تردين لافكاره اللي قبل تخلينه غصب طيب يفكر فيها ليش حرام جذي
اهوه اكيد ما طلقها اللي اهيه فيها شي منكده عيشته مأذيته لو يبيها جان ماطلقها
وحماتج وخري عنها اذا قالت لج عن طليقته قولي اي اي وامشيء او غير موضوع ولا تقعد ترس مخج بافكار مادري شلوون
استغفري ربج والله كافي اهوه خذاج وفضلج عليها شاف انتي غير عنها
لا تسوين شيء تدمرين حياتج وتخربين بيتج
ذكري ربج وتعوذي من أبليس وغيري طريقتج مع ريلج أحسسسسسن
الله يوفقج ويهنيج حبيبتيء

 

[(دنيتي)]

مثل ماقالو البنات. لا تذكرينه فيها ولا تهتمين لكلام

حماتج اهتبي ببيتج وفيه وانسي طليقته والله يوفقج ياقلبي!

 

[دندن_الكويت]

حبيبتي مدام زوجج شخصيا ما يجيب طاري ماعليج

لو زوجج جاب طاري هني لج حق تتضايقين و توسوسين