مو راضي يشيل هدومه ذبحني

[۩۩ الجـــــود ۩۩]

انفرجت عندى عقبال ما تنفرج عند ج
قطيهم بفراشه ما يقدر ينام من الحوسه وعقب بيشيلهم

 

[عاشقة-الكفيل]

:/ لوووووووووووووووول الجووووووووووووووووود بياخذهم ويقطهم عالارض ويحط راسه ويناااااااااااااااااااااام :<

مجربته من قبل وانصدمت لووووووووول

 

[nflash]

الحال من بعضه

 

[زوجة عزيز]

امبيه لا لا اتشيلنهم يمكن يعصب

 

[وطن عمري]

واااي معانات والله
انا ريلي ملابسه اكثر مني
ونصهم يدد مو ملبوسين

فانا شنو سويت الويك اند اللي طاف

طلعت كل الملابس اللي بالكبت وحطيتهم على السرير دش الغرفه انصدم
قلت في فقاره يبون ملابس قلت منها نتصدق بلي مانبيه ونعدل الكبت
فضطر يسوي الجرد معاي

يعني حطيه جدام الامر الواقع فضي الكبت وقولي يالله تعال معاي نضبط الكبت
واللي ماتبيه قطه


وبس

 

[Miss Chanel]

شيليهم واهو موجود احسسسن خل يشوف
الي يبيه والي مايبيه

 

[حبـ admant ـك]

على حسب طبيعه زوجج
لو زوجي عادي اشيلهم واحطهم بالشنطه

 

[~.ąvȍƈaȚ.~]

احسسسسن حل شيلي قطعه قطعه بدووون ما يحس موو مره وحده


و صدقيني ماا درى عننج

 

[غدووور الكويت]

ما يصير تتصرفين بهدومه لازم تستأذنين منه ويكون راضي
أنا طريقتي أقوله في ناس محتاجين هدوم رجاليه وحالتهم صعبه شوف اذا عندك ملابس ما تلبسها والحمد لله يقوم ويسوي جرد وانا أعطيهم للمحتاجين

 

[اشتياق]

بسيطه تدرين انا شسوي؟
احطهم كلهم بنص الدار
واقول وانا مشتطه
يالله بسرعه فلان بسرعه نبي نقط شوف اللي تبيه
واسوي روحج مستعيله خلاص بنظف
راح يوقف طبعا ويأشرلج هذا خليه ابيه وهذا بي شخباااااااري من صجج قطيه خيولي
وهذا شاااريه من دبي انا ورفيجي وكانت اياااااام
وهذا مسوي فيه حادث لوووووووووووول

مسكي اعصااابج وطوفي تعليقاته والله يعينج على ماتخلصين
اهم شي حطيه جدام الامر الواقع وقولي يالله يالله يالله بسرعه دقت ساعة القط دقت ساعة النظافه
وبيتحرك غصبا عليه

 

[نفهمها صح]

ههههههههههههههههههههه
انا اشيلهم واذا مسال يرحوون برزقهم
لكن موو كلهم كل مره اشيل شوووي عاد
يووم عدا الاربعيين صار زي
شياب يحتفظ بكل شي الله يعيين بس

 

[ريتااجي]

أنا كنت مثلج أعاني

بس يوم جيت وفتحت الكبت وطلعت كل ملابسه الصيفية والشتوية اللي مايلبسهم

ورميتهم ولما رد البيت قلت له تراني نظفت الدواليب ومعظم ملابسك صارت في خبر كان

وماقال شي لان معظم الملابس ماكان يلبسهم ​

 

[Tulips]

حبيبتي سهله وايد

فضي نفسج باجر وطلعي كل الملابس من الكبت و تالي و اهو قاعد بالصاله ناديه قوليله تعال

وقوليله يالله تعال قولي شنو اللي تبيه واللي ماتبيه

لانه اذا بتنطرينه على هواه ماراح يترتب الكبت

 

[فضيات]

والله حبوبة انا نفس معاناتج بس مو بالهدوم بالأوراق ... ويا كثرها الأوراق اللي من 10 سنين ..

المهم شنو أسوي عشان أخفف ... يكون قاعد على اللاب او التلفزيون وأنا اجيب شدة أوراق وافتحهم له وأقعد .. تبي هاذي ؟

وهاذي وهاذي .. صدقيني ما آخذ دقايق الا احنا خالصين .. هي سالفته عجز فيه ما يبي يحرك شي وهم خايف أقط شي هو يبيه ,,,,

جربي انتي بعد جيبي له كل يوم خمس قطع أو أكثر على حسب طولة قعدته وقعدي سأليه .. وصدقيني لو قطيتي منهم ما راح يسأل

بشي تدرين ليش ؟ لأنه أصلا ناسيه .. والسنة الجاية اشتريله هدوم جديدة عشان ما يحس باللي انفقد ..

 

[ترجمة احساس]

اب اب طمووووشه

 

[Hello_kitty]

لوووول لما قريت الموضوع مت من الضحك لان توني يالله مخلصه جرد كبتي وقبلها كبت اليهال
ولازم كالعاده اخر شي يكون كبت ريلي كل يوم يقول بجرد ملابسي مادري متى وانه مليت كبته زحمه ماشالله كل يوم يشتري اهدوم بس غرق الكبت
واهدومه عزيزين عليه كلش ولا احد يلمسهم شسوي ولا يمكن اتجراء واتصرف بملابسه هذولي راس المال والحلال يستنفر علينا
مالج الا تنطرين لين يجردهم معاج احسن

 

[ميشو المالكي]

والله بنت المطر صادقه صلحي مثل ماقالت وأذا مابغاهم خليه يتصدقها

 

[عسل النحل]

انا اقول جرديهم حطيهم بجنطه واذا انتبه انهم مو بالكبت صدقيني ماراح ينتبه ذيج الساعه طلعيله الجنطه عشان ماتتوهقين ويقول ليش قطيتي هدومي

 

[نجديه مبسوطه]

قوووه بنااااات ...


طبعا الحين خلصنا من فصل الشتااا ودشيناا اشكره على فصل الصيف بدون مقدماااات ..

فأكيد لازم الملابس الشتويه تنشال .. ماشاء الله وايد ثقيله هدوم الشتا وتاخذ مساحه كبيره من الكبت ..

المشكله وين ..؟؟

المشكله بابو الشباب مو راضي يشيل هدومه من العام الشتا اللي طاف ويقولي خليهم .. وفي هدوم قديمه حيل ماتوقع بيلبسهم واساسا هالاشتا ماجااااسهم .. يقولي بعدين نقعد انا وياج على يوم ونسوي جرد اللي ابيه والي مابيه ..

انا انبطت جبدي الحين سنتين والهدوم على حطتهم بالكبت ..


مادري اشتنصحوني اشيلهم واصرف الي احس انه مايبيهم بدون استئذان لان مثل ماقلت في هدوم جد قديمه وشكله اهو ناسيهم مايدري عنهم وملوعين جبدي من ابطل الكبت واشوفهم اتنرفز ..


منو الجريئه الي اتشجعني وتقولي اي قطيهم لاني ابي الشاااره لووووووووووول

قطيييييييييييييييييييييييييييييييييييييييييييييييهم

 

[زينبو]

لا لاتقطين من كيفج لان ان دور شي ومالقاه بيقعد يزف

انا اقول كل يومين ثلاث وريه جم شغله وقوليليه تبيهم ولا لا لين ييخلصون كل الهدوم