مو راضي يشيل هدومه ذبحني

[Lulu_Perla]

اشوى انا ريلي كبته بروح و كبتي انا بروح
و كبته مرتب لان ما يحب وايد هدوم.. يشتري شوي يكدهم و يقطهم و يشتري غيرهم << خلي ريلج يصير جذي

بس مو هني المشكلة
انا داشة الموضوع عبالي بتتكلمين عن الهدوم المحذوفة عالفراش او عالكرسي و لا يتكلف يشيلهم


هني من صج انا اتنرفز

 

[*لذيذة حدي*]

سوي اللي انا اسويه
بين فترة و فترة ابطل الكبت و اطلع كل هدومة و اهوا طالع طبعا

اشوف الزين و اللي يناسب الفترة يعني شتوي او صيفي .. اذا صيفي اشيل الشتوي كله و احطة بالجناط .. الملابس القديمة و اللي اشوفهم رايحين فيها اشيلهم و احطهم بصوب ..

و بس يوصل استلمه .. و اطلع له قطعه قطعه .. هذا تبيه هذا تبيه ؟؟ اذا اي ارده بالكتب اذا لأ احطة بجيس سواء يتوزع اذا كان نظيف و مرتب او ينقط اذا رايح فيها ..

و اقعدله قعده طبعا مرات يقول اي ابيه و اهوا ما يلبسه من سنييييين .. فاخليه غصب يوزعه او يقطه ههه

شكرا
​

 

[حجيه هيونه]

لوول حيلج فيهم


شيليهم ورتبي الكبت ودام ناسيهم ماراح يسأل عنهم


واذا حصل قولي كاهم اختار الى تبيه وشيل الى ماتبيه


هالرياييل ماوراهم الا عوار القلب

 

[FeShinGoOo]

انا حطيت عباس علي دقباس وجعستهم بالجنطه والشتا الياي كيفه خل يفجج عمره

 

[ام ريتاج.]

ماتسوى عليج اتقطينهم من غير مايدري

 

[الشهد كله]

أذكر مرة حماتي قالت لي آنا أقط ملابس ريلي بدون ما يدري ، بمعنى أي شي منتهية

صلاحيته تقطه ، وسبحان الله ما يسأل عنهم !!!!!!!!!

انتي لا تقطين ، شوفي الملابس اللي لبسهم هالشتا ، والملابس اليديدة والنظيفة

شيليهم حقه ، أما الملابس القديمة والذبلانة واللي طايح حظها شيليها بكيس اللجان

الخيرية الأحجام الكبيرة ، ودقي على أي لجنة تاخذهم بحيث يكون مو موجود عشان ما يتفقدهم ،

صدقيني ماراح يلبس شي منهم ، وإذا سألج وين ملابسي قولي له شلتهم كلهم ، على ما

إيي الشتا الياي إلا ناسي شنو عنده من ملابس ، وييييييييه لاعت جبدنا من الدثرة والوساخة

بصراحة مليناااااااااااااااااا:eh_s(14)::eh_s(14)::eh_s(14):​

ولا راح يتذكرهم ،

 

[جــــاذبية]

سوي نفسي بالضبط لاتقطينهم ولاشي
إنثري الملابس على الأرض وأول مايجي قوليلة يالله تعال جرد جرد
أنا سويت جرد على ملابسي وألحين اللجنة تبي تجي وتاخذ الأغراض
لأني إتصلت عليهم وقالولي بعد ساعة نجي ناخذهم وعطيتهم العنوان
خلنا نتصدق فيهم دفعة بلاء ..
الرجال إختبص قام يشيل ويحط معاي وقام يقط حتى إللي يبيهم هع
ويوم إستوعب قال لحظة هذا أبيه هذا ما أبيه أبيه ما أبيه مسخرتة هع
وعقب يوم شطبنا وخلصنا قلت يالله ياعمري ياحياتي
دق عاللجنة قالي مو دقيتي قلت بلي دقيت قلبت عراقية هع
ويوم دق قلت ترى مادقيت كذبت عليك وإلا الأخ رادين عليه
وعطاهم العنوان دقيقة وإلا عند الباب ..
قالي والله شاطرة بس ثاني مره لاتكذبين علي ورديت بكل وقاحة
عادي حبيبي كذبة بيضااااااااااااااااء هع ..
ويقولي كل هذا عشان تاخذين نص كبتي عنده إحساس أبو الأحاسيس ..

 

[خشف العذارى]

اب اب اب

 

[ام شووووق]

حطيه جدام الامر الواقع وشيليهم بروحج

 

[بيروتيه]

شيلي الهدوم الي مايلبسها وخشيها لاتقطينهم وشوفي عنه يفقدهم ولا لا اذا يبيهم موجودات انا طريقتي جذي

 

[نانو نانو]

نفس المشكله عندي بس انا بالبدايه شلتهم وحطيتهم بجنطه الله وكيلج قعدت 3 سنين ما سال عنهم قلتله ترى بتبرع فيهم ووافق
بس الحين لا على طول اذا حسيت في اشياء ماتنلبس اقوله تبيها والا اقطها وساعات والله اقطهم بدون مايدري:wqedqw: