موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

[ريري1]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

حبيبتي في ناس يحطون المواجيب للحريم المتزوجات بس
يمكن اهما جذي يعني أنا بنت ماأوجب لما أتزوج
أنا من راي عطيها عشره عشان خالتج وكشتي بالمناسبات الثانيه يعني زواره مو هديه

 

[انا مو هني]

كلمن يتعامل مع الناس بطيب اصله
انتي صلج طيب
كسري عينها وبينيلهاا ان انتي توجبين
وسنعااا
وجدامها بيني ان انتي توب
ولمن تقعدين معاها الله يعافي النغزات
عطيهاا قولي عن رفيجتج ان هيلقياا ماتوجب ومن هالحجي وفشليها وجنج ماتغصدينهاا لوول

 

[هامورة]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

قريت اغلب ردودكم وتخيلت نفسي شاريه هديه ورايحه احساس مو موريح اكيد بنات بتحسون بشعوري اهي كللللش ولا مره بالغلط طلع منها شي انحس مخلوقه قابلتها بحياتي ادري موحلوة اقول عن اخت زوجي بس للاسف اهي السبب ماعندها احساس ولا سنع ولا حتى كلام طيب !؟ ترى بدون سبب لا عمري رافجتها ولا صار بيننا اي احتكاك ولا لي معاها اي موقف اهي طبعها بس ادري فيها انها تتعمد بعض التصرفات يمكن بسبب غيره او شي ثاني العلم عند الله

انا يمكن ازورها علشان خالتي وريلي بس موضوع الهديه لانه ادري يمكن خالتي تزعل بس مرات افكر شكوو تزعل يعني اهي ماتدري انه بنتها مو زينه معانه كلللش على اي اساس اشتري لها شي؟ واهي لا توجب ولا تقدر

موقف صعب ومحرج ودي ابدي بزينه بس جربتها وماكو فايدة ترى هم خالتي اكيد بتفكر ببنتها انا اظل جنتهم

 

[الهندية]

حبوبه لو انا منج اروح واكشخ بس ما اييب شي حبيبتي مثل ما الناس تقدرني اقدرها

معاها

 

[ريتااجي]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

اذا هيه توجب غيرج وماتوجبج

فإنتي ماانتي مجبورة توجبيها

بس إذا هذا اسلوبها مع الكل هذا اسلوبها وماتقدري تغيريه

يعني كسري عينها وروحي لها وأخذي لها هدية

 

[.،:"$الـعـوبــــة$":،.]

إذا بحط نفسي مكانك لا والله ماراح أجيب لها شي ،،
أنا طبعي أعامل الناس مثل ماتعاملني ،، طيبين أصير أطيب منهم ، رديين أصير أردى منهم !!
بس اذا مالك خلق مشاكل وحنة وكلام سخيف ، اشتري راحتك واشتريلها شي بس مو أول ماتزورينها ؟ لأ خليها شوي لين قبل اتطلع دزي هديتها أو وديها أنتي اذا لك مزاج !
بس نصيحة مهما كانت ، إما إنك تمدين مده سنعه أو لا تمدين ! << أنا هذا طبعي .​

 

[العفاسيه]

روحي لها منتى خسرانه بالعكس بتكبرين بعين زوجج وخالتج واهم شي رضاهم

تحمدي لها بالسلامه وردي واذا لازم لازم تعطينها هديه قولي لها ترا هذى من اخوج

 

[Daleela]

سمعي حبيبتي اللي مايوجبج ما توجبينه اممممم انا امشي على هالشي بس مو دايما

يعني اهل ريلج لازم يعني راح تكبرين بعين ريلج وامه

واخذي الفلوس من ريلج وانتي لاتدفعين ولا فلس

 

[*-*Lo0o0Raaa*-*]

شوفي انا اقوولج


صيري انتي اطيب

ووجبيها مره مرتين

حسيتي انه ما بين بعينها

وما استحت على ويهها

طنشينها ولاعاد توجبينها

بس اول مره عشااان ريليج عشاان يعرف انج انتي طيبه وتستاهلين احد يعاملج بطيب

وعشان يعرف انج وجبتي واهيا ما وجبت بتكبيرن يعين ريلج واااااايد

يعني هذا مو عشااانها عشاان تكسبين ريلج :eh_s(6):

 

[đeɱɛɼɑ™]

شي يحر صرآحة
وامها ما تقولها شي :/ !!
شلون مرت اخوهآ تولد واهي ما تروح ولا توجب @@ عيب صرآحة

المهم روحي لهآ
عن خآطر ريلج ، لانه له عليج حق ..
بس لا تودين هدية
كفآية روحتج لهآ و تحمدج لهآ بالسلآمة

 

[غنوة ستايل]

كلمن على طبعه يجيبه حليبه .
اذا اهي طبعها مقرف جذي انتي احسن وافضل منها
كسري عينها

 

[قرص عقيلي]

روحيلها مع زوجج واخذي كاكاو ويخب عليها

 

[kuwaitya_zoGaa]

شوفى حبيبتى انا حاسه فيج
بس ماتدرين يمكن هالهديه تفكج من سوالف وايده
قكري ... من ناحيه ثانيه زوجج وامه بتكبرين بعينهم ... ووديها لمايكون زوجج معاج وامه
خليهم شهود ... وبعدها شوفى تغيرت خير وبركه تمت مثل ما اهيا ... طلعتى بأصلج وبسنعج جدام حمولتج .

 

[فوفا العوبه]

خليج أطيب منها والله راح تكبرين بعين زوجج
اذا هو يستاهل اسويله الي يبي لو يبي عيوني يستاهلها....
والعفن لاتصرين مثله خليج اطيب منها
اكشخي واخذي معاج هديه الي تكسر عينها
واخذي فلوس الهديه من اخوها عشان متحسافين بعدين ..هع هع هع هع
سوخير وقطه بحر

 

[**وقفة فرس**]

حبيبتي خلي عنج سالفة أكسر عينها ما أكسر عينها وأحرجها يمكن تحس هالنوعية فاقدة الإحساس أصلا....عاملي بالمثل بالضبط...تحمدي لها بالسلامة وبسررررررررررررعة بعد ولا تودين معاج العود...آنا قاعدتي أوجب اللي يوجبني بسسسسسسسس وبقدر توجيبه بعد....
ذكرتيني بوحدة الله يشفيها من مرضها النفسي لي ولدت رحت المستشفى على طول وفطاير وحلو غير الطلاعة...ويوم الله قدرها وجتني مرة بالمستشفى جابت بوكيه يلوع الجبد وأصفر بعد بالذمة أحد يهدي مريض ورد أصفر وعباد الشمس بعد وربي مت مت من الضحك وكل من جاني قال منو عديمة الذوق اللي جايبته وتالي قطيته بالزبالة....
الهدية تدل على ذوق صاحبها....والهدية السنعة للناس السنعة بس

 

[الا انــــــا]

حبيبتي خلي عنج سالفة أكسر عينها ما أكسر عينها وأحرجها يمكن تحس هالنوعية فاقدة الإحساس أصلا....عاملي بالمثل بالضبط...تحمدي لها بالسلامة وبسررررررررررررعة بعد ولا تودين معاج العود...آنا قاعدتي أوجب اللي يوجبني بسسسسسسسس وبقدر توجيبه بعد....

:icon30::icon30::icon30::icon30:

 

[حبـ admant ـك]

انا نفسج الي يوجبني اوجبه
بس صيري انتي الحليوه وودي هديه عاديه
مو لازم تكلفين على عمرج دامها ماكلفت على عمرها ويابت لج
بس عشان ريلج و ام ريلج ودي شي بسيط

 

[هامورة]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

يرفع..

 

[هامورة]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

وينكم بنات ودي اقرا ردود اكثر ابي اعرف

 

[سفيره الهم]

روحيلها واخذي معاج صحن حلو بس