موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

[Dancing^Queen]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

لااتحترين حبيبتي
ولاتكسرين شر لان ماكو شر ان شاءالله

ولاتفكرين فيها من ناحيه اهي ماقدرتني ماقدرها
انتي تقدرين ريلج
اهله
وتوجبينه اهو
وامه قبل لاتوجبينها

برايي اشتري هديه بس لاتتكلفين فيها
وروحي بس مو عشان تحرينها والا تحطين ريل علي وريل وتقعدين بعينها
لبسي لبسج اللي تحبينه وحلو عليج لانج تبين تكونين حلوه مو عشان تحرينها صدقيني اهي مو قاعده تطالع او تقارن!

 

[ريمية مزيونه]

هامورة جنج حاسه فيني

انا لامرة حماي ولا خوات زوجي اهدوني ليييش الله العالم

فقررت اني اسكت واحقر ولا ابين لهم ولا لزوجي وبردلهم مثل ماسولي بخلي الايام تمشي وبسوي نفسي لاهيه بالدنيا

 

[ريمية مزيونه]

دانسكن لااا نصيحه الطيبه مماتتنفع الحيين والله سالوني انصدمت وانا مو مقصره معاهم

لاتقولون سوا طيب وحذفوه بحر ماله وجود الطيب بهالزمن

 

[نجمه*]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

روحيلها واحتسبي الاجر وطيعي زوجج واكبري بعينه

ماتدرين يمكن هالموقف يغيرها ويحسسها بتقصيرها معاج

صدقيني اهم شي كسب رضا الله >>>>>أحلى نعمه

 

[ام طلال]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

لا اروح ولا اوجب واللي مايقدرني مااقدره

 

[Ameeraaaaaa]

الله يعينج
ترا اكو ناس عديمة الاحساس
ومقولة تستحي ويبين بعينها ,, ما اعتقد ,, صار موديل قديم الحين الناس عينها قوية
انا اقول طنشيها والمعاملة بالمثل
واذا تبين خاطر زوجك روحي معاه واشتريلها هدية من سوق شعبي للبيبي ( وايد عليها )
او صحن بيتي فور القديم عرفتيه اللي يمكن الصحن بدينارين ( صدقيني بتوصل لها الرسالة )
عشان يوصل المسج !!!!!!!!!!

ملينا واحنا نوجب هالحموات ,, بس ماكو فايده .
)))
جنه كانت طيبة
وصارت الحين شريرة
))))))))))))))

 

[هامورة]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

بنات اول شي اهي متزوجة قبببببببببببببببببلي وعندها عيال يعني موبجر والله اول ماكنت عروس ومادري شسالفه لمن نسافر اييب حق عيالها تالي انصددددددددددمت البنت نحييييييييييييييييييسه طبع ومعامله مادري شنو مشكلتها !! احس صعبه علي اقدرها بعد واهي ولامره وجبتني

وانا متوقعه خالتي بتزعل مني شوي انا وريلي لانه دايما العين علينا والترقع حق بنتها لا تقولون كلامي غلط هذا الصج

مرات اقول بشتري لها واصير الاحسن وعلشان ريلي وخالتي بس احس شلوووون تهون علي نفسي ترى الفلوس ماتهمني لكن كرامتي؟؟؟
الاخت ولالالالالا مره قدرتني مع اني اقدرها وتشوفني من كنت عروس ليمن صرت ام !!

مااااااااااكو

اسمع من خالتي انها توجب الناس بشغلات عادية بس اخوها ومرته !!! الاقرب لالالالالا ولا نبي منها شي الحمدالله بس مواقف تضايق

 

[دكان الفريج]

انا رايي انج تزورينها تحمدين لها بالسلامه ولاتجيبين معاج شي عشان بس تحسسينها

 

[قمر2009]

كسري عينها ويبي هدية حلوة انتي الربحانة من كل النواحي وكلن يعمل باصله

وياها :ggdw::ggdw::ggdw:


كلن يعمل باصلههههههههههههه

 

[هامورة]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

حياكم الله وبانتظار الباجي احب اعرف رايكم

 

[&& قيثاره &&]

حبيبتى روحيلها عشان زوجج وخالتج وعشان ماتطلعين بالشينه بس الهديه اشترى اى شى رخيص لانها ماتستاهل اسم انج رحتيلها ووجبتيها جدام زوجج

 

[سفيرة العشق]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

اللي يوجبج وجبيه والي يطنشج سحبي عليه سيفووووووووووووون

 

[غرشة عطر]

من فرش له فراش يقعد عليه
اللي ماتجوبني ماوجبها ليش علي راسها ريشه ؟؟

 

[رحيل المرافيء]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

مافيها شي روحي لها
هذي اخت زوجج وعمت عيالج عشان زوجج وخالتج على الاقل
والهدية مو من جيبج من جيب اخووهاا وهو قالج روحي روحي
الرسول صلى الله عليه وسلم كانت هند بنت عتبة كل يوم تقط الوصخ جدام باب بيته ففي يووم افتقد الوصخ ماشاف وصخ
فاستغرب فلما سأل قالوا له مريضة فراح زارهااا
وحدة كافرة فيه وتشيش الناس عليه وماتؤمن برب العالمين وتهاجمه شوفي شلون تعامله معاهاا
وانتي اخت زوجج ماتبين تزورينها زيارة المريض واجبةو
ماراح تكلفج شي لو علشان زوجج ومن باب التودد الي الزوج
لاتحسسينه انج متضايقة
قوليله ان شاء الله بروح لهااا
وماعليج من سوالف الحريم خليها تولي ومدري شنووو روحي وماعليج

 

[NauGhty nuRse]

ميخاااااااالف حبيبتي روحي بس لاتشترين هديه غاليه
وقولي لريلج انج رايحه بس عشااااااااااااانه وجذي تكبرين بعين زوجج

 

[jtbnmk]

امبي بنات انا انصدم والله لمن تقولون انه حماتكم او مرت حماتكم ماتوجب
معني مو متزوجه بس والله لمن حريم اخواني يولدون اعطي البيبي فلوس مو عشان شي عشان اخواني
المهم دشيت بالموضوع عرض لوول
انا مع اختي الجادل بصراحه كلامها حلو انتي صيري احسن منها ودي هديه ذربه ومو غاليه والحين السوق تنزيلات والله حتى لو تاخذين بجامه او قميص نوم حق الام على 5 تحصلين
يمكن لمن تودين لها تنكسر عينها وتتفشل والمره اليايه توجبج سوري بنات قرقت وايد:>


يارب توفقني وترزقني بلي في بالي

 

[حنون المزيون]

رد : موضوع مضايقني وابيكم تشاركوني فيه (المواجيب والهدايا ) !! للكل تهقون يستاهلون؟

يقول الإمام الشافعي..

زن من وزنك بما وزنك ومـــــــا وزنـــــــك بـــــــه فـــزنــــه
من جاء إليك فـرح إليـه ومـن جـفـاك فـصـد عـنـه
مـــــــن ظـــــــن انـــــــك دونـــــــه فــاتـــرك هـــــواه إذا وهـــنـــه
وارجــع إلــى رب الـعـبـاد فـــكــــل مـــــــا يــأتــيـــك مــــنــــه



يعني مثل ما إهي حاقرتج طنشيها ولا توجبينها دام ما تستاهل

 

[لهفة المشتاقه]

انا عن رايي رووحي لها وكسري عينها وربي راح تستحي اهم شي خلي زوجج يفرح باللي تسوينه
والكل راح يعرف انج اصيله وراعية واجب

 

[بناتي زينة حياتي]

حماتج مالج صده عنها
وجبيها لأن أخت زوجج وعمة عيالج
سوي إلي يرضي الله _

 

[الـهـآم]

قولي لها الحمدلله على السلامه ووبس .. مثلهآآ ,,