موضوع خاص للبنات الثلاثينيات

[مؤمنه بربي]

ياحياتي توج صغيره اشتركي بنوادي رياضيه
نقدرين اشدعوه اشعليهم بالعمر مثل كيرفز /سكاي
وغيره نوادي عالميه مالهم بالعمر والله اشوف
اعمارهم عال45 واكبر من جذي ويدخلون انديه
ادخلي تحسين براحه ونفسيتج تتعدل
غير جذي عندج الممشى ماله عمر معين روحي
تمشي وتمشي وريحي بالج صفي ذهنج خصوصا هالايام الجو رهيب حلو //// انا والله طاقه جبدي ولايعه احس اني كبيره بالعمر ماادري ليش يجيني هالاحساس مع اني توني عمري 23 يمكن لاني اكبر اخوان وشايله


وهم لاعت جبدي من اساله الناس انا تاخرت
وايد بالتخرج وكل مااشوف احد ليش ماتخرجتي
ومتى تتخرجين اقول لمن يكتب الله لي ويشاء انا مريت
بظروف مرضيه وظروف غيرها كثيره وتحملت كثير احس حق نفسي ماانجزت شي بسبب المرض
مع اني والله كنت احب يكون لي انجاز دايم اشجع غيري واشجع نفسي واقول لازم انجز من صغري
وغير طبعا كل مااشوف لي احد ماتزوجتي ؟؟؟ ماانخطبتي :/ شي صج يضايق بس والله صار كلام الناس
ونطرتهم لي رلا شي ابي اهملها واتجاهلها واعيش حياتي
الله يرزقنا ازواج صالحين ،...
يمكن الله يعوضني لا دخلت الثلاثين يمكن تصير حياتي احلى انا عندي امل بالله كبير ابي القى السعاده
حتى لو بال30 لان بصراحه العشرينات اسوأ مراحل حياتي جربت الموت وذقت المر والهم واشوف جدامي
اهلي يتالمون واخواني اللي احبهم ينضرون ولا اقدر اساعد واخوي عمليات وغربه وامي وابوي بعيدين عني
وشايله مسؤوليه ابو وام بنفس الوقت لاني بغربه
بس اقول تنفرج لابد كل ازمه لها فرج باذن الله
انتي موضوعج ذكرني بشي كبير ان يمكن القى عمري بالثلاثين
ان شاءالله ربي يعوضني سنوات المر والقى سعادتي نصيبي وصحتي يارب
انا متفائله وااايد الحمدلله يارب يارب تكون اجمل حياتي ثلاثينات وطالع
والحين بعد توني ببدايه العشرين فودي احقق بالعشرينات
واسوي كل اللي ماقدرت اسويه وانحرمت منه //
بنات انا احس انه افضل عمر 30 لان تكونين مستقره نفسيا ودراسيا مخلصه دراستج
كذلك يكون عندج وظيفه وراتب زين فيصير اهتمامج كله بنفسج وتفكيرج ارقى وافضل
لان العاطفه تكون مو مثل المراهقه ويكون عندج خبره اكثر


ثلاثينيات هذا احلى عمر استمتعووووووووا فيه

 

[Jojo1000]

يوه تراكم بالثلاثينات مو الخمسينات
والله وأنا اقرأ الموضوع حسيتكم بالخمسينيات
انا أشوف الثلاثينات يا ان حياتك تكون جداً جميله ومرتاحه او العكس
لان ببداية العشرينات الواحد قاعد يدرس بالجامعة وتفكر بمستقبلها
مافيه شي يشغل بالها لا وظيفه ولا عنوسه ولا شكلها
وصدق جيل الثمانينات كان حبهم بالرسائل تذكرت أيام ابيض واسود
اعتقد أيام مراهقتهم كان فيه جولات
اللي بالثلاثينات ولا متزوجة ولا موظفه ولا حققت شي بحياتها تتلاحق على عمرها لان سمعت الثلاثينات تمشي بسرعه

 

[بـ سـ كـ وتـ ة]

اشلون تتلاحق على عمرها اللي بالثلاثينات وما تزوجت؟

هذا نصيب ... اللي ياها نصيبها تيسرت راحت بيت ريلها

واللي ما ياها نصيبها لازم ما توقف حياتها

ما أعتقد في طريقة تزوج نفسها يعني اهي تجمع المهر وتروح تخطب مثلا؟ ههههه

وإذا يعني الوحدة مو مكتوب لها اتزوج طول عمرها؟ تموت؟

لا طبعا تعيش حياتها وما تخلي شي بخاطرها ما دام ما يخالف الشرع وما يخالف مبادئها

طبيعي البنت تتمنى تكون أسرة بس اهي ما تدري إن مادام اهي مو متزوجة بعدها حرة نفسها

باجر يصير عندها مسئولية حتى الشاور بالحسرة

تفكر تشترك بنادي ولا تسوي رجيم ومحاولاتها دايما تتأجل لأن يطلع لها شي أبدا

انتي الحين مسئولة عن نفسج وبس

باجر تصيرين مسئولة عن العايلة كلها ... الزواج يعني لما زوجج يمرض انتي 24 ساعة معاه ومجابلته

وعيالج أول ما ينولدون انتي جدولج مبني على حياتهم

تقعدين لما يقعدون ولما يبون ينامون تفكرين تاخذين وقت حق نفسج بس اتحسفين تقولين انام أحسن

مادري متى اتييني فرصة ثانية أنام

هذا غير ألم الظهر والركب عقب الولادة





حبيبتي إذا ياج نصيبج لا تردينه

بس إذا ما يا عيشي حياتج

يمكن الله كاتب لج شي أحسن ويمكن انتي جزاج مو في هالدنيا الفانية

وكاتبة الموضوع أعتقد إن رفيجاتج إذا عرفوا عمرج بيستانسون

وبيخلونج قدوة لهم لأنج عايشة حياتج

وما تسوى عليج تنحطين بموقف بايخ يشوفون بطاقتج المدنية بالصدفة ولا يزل لسانج وتقولين عمرج

ولا تضيقين خلقج على شي ما يسوى

 

[بنوته كيكه]

والله تصدقون احس السن ثلاثين عجيب وفي العكس سن في المناسب اخوي عمره 29 وكله سوالف وضحك عايش عمره كنه اصغر حتي مراة يقول احلا عمر يكون 30 فاهم الدنيا وعرف صح وخطا احسن من العمره 20 مراهق وهذا اهو عادي مو بس البنات الكل سوا بنت او رجل 30 ماتزوجو حتي مراة اكتب. له اقول متي تزوج ونشوف عيالك يقول اذا جا النصيب بس صح قهر انه تشوفين واحد او وحده طيبه او طيب وحبوبه او حبوب وخلاق ودين مو متزوجين الله يعطيكم طولت العمر توكم ترا في رعيان الشباب

 

[2joooraa]

الله يوفقكم كلكم أنا عمري مو 30 بس عجبني الموضوع وحبيت أشارك :*

أنا من ناحيتي ماحب أعطي أي نصيحة وشغلي عمرج وشغلي وهذا وهذا لأنة أعتبر هالكلام شوية فيه استخفاف لأنة انا مامريت

بهالتجربة فشحقة أعطي نصايح وانا مو حاسة بهالشي والنصايح موجودة بكل مكان وبوايد مواقع

أتمنى هالموضوع يكون ممتع وتعارف فية وأشياء بالإهتمام بالبشرة و بكل شي

ووايد ناس بعمر الثلاثين أشحلاتهم وجمال وأشكالهم جنة بداية العشرين ولا جنهم الله يرزقهم يارب كل ما يفرحهم من زوج ووظيفة

وعيال وصحة وراحة بال

الله يوفقكم يارب خواتي :**

 

[French Vanilla]

اي والله صاجه

 

[مطرر]

يحلات ردودكم بنات ودي اعلق علا كل مشاركاتكم بس احيانا الوقت ياخذني وانا فيني مرض اسمه التأجيل

منو نفسي اليوم قاهدة بالبيت والناس كلهم طالعين خخخ


بس تدرون بنات لاول مرة بحياتي صايرة هالفترة دايم افكر بعمري احس خلاص صج كبرت مع اني مو مستوعبة هالشي لسنين قاعدة تركض اشياء وايد كان ودي احققها بس الضروف ماساعدت شهر 2اصير 34. يااااي وربي موقادرة اصدق الحمدالله علا كل حال احس كثرت المواقف المحبطه تخلي الواحد يخااف من كل شي ومن الي ياي

عموما بنات هذي كانت فضفضة لاني قاعدة بروحي ومو عارفه شهبب بالمواد الي عندي ومو عارفه ادرسها هع

 

[*الهنوف*]

موضوعج حلو
مطر...انتي نفسي شهر 2 ادش 32
والكل ينصدم مني عبالهم ان عمري 22

ترا في اسباب كثيره تخلينا نحس بخوف من هالعمر
ولا لو هالاسباب مو موجوده والله ماتلتفتين لعمر ال 30 وتخافين من الكبر

1.الفراااااااااغ
2.العزوبيه اوتاخر الزواج
3.مشاكل الاهل اللي ممكن تنمعج من تحقيق احلامج واهدافج.خاصه اذا كانو الاهل ناس مو متعلمين وكل شي عندهم عيب
انا اهلي مايرضون اروح نادي ..او اطلع مع رفيجاتي..الخ
4.رتابة الحياة حتي لونج موظفه
اقوم اروح الدوام ارد اتغدا واريح واتابع تلفزيون ونت وارد انام.عشان يتكرر المسلسل
حتي لو صادفج ايام طلعتي فيها او رحتي مناسبات هم بيبقى يوم عارض


الحلول:
احنا مانبي بس نندب وضعنا
نبي حلول
عجبني رد وحده من الخوات لما قالت ماراح اقولج روحي اشتركي بنادي او سوي وسوي الخ...
لان الواحد مايدري شنو وضع اهلج يوافقون او لا!ط

لكن...
بكتب حلول عل وعسا احد يستفيد
طبعا كل وحده لها طاقتها وميولها
مو كل وحده ينفع معاها حل...النادي او الدراسه او الطلعات
بس فعلا انج تشغلين نفسج بأي شي والله والله هو الحل الوحيد..انا قمت اشغل نفسي اتعلم من اليوتيوب اسمع محاضرات تنمية ذات

صحيح اوقات امل او تخلص محاضره فمالاقي شي اشغل حالي فيه فارجع للاكتئاب والفراغ

كتبو حلول..
كل وحده شتسوي عشان تشغل هالوقت وتخلينا مانفكر لا بعمرنا ولا تاخر زواجنا ولا رتابت حياتنا

وادعوا الله لي ولكم انه يشرح صدر كل وحده ويرزقها بالزوج اللي يحبها وتشوف احلا ايام عمرها معاه​

قولو امييييييييييين

 

[مزيونة الخبر]

انا سبتمبر الماضي صرت 28 وبالهجري 29 يعني خلاص قريب الثلاثين ماتعدلت ظروفي وحياتي الا بهل عمر وحققت اشياء واجد لكن صرت الحين اتمنى بهسنة الجديدة اني اتزوج واستقر واجيب عيالي ادعولي بنات تكفون

 

[تولة مسك030]

انا ع ابواب الثلاثين عمري 26
واحس نفسي ماحققت شي
في وايد اشياء ف بالي
واتوقع انها تتحقق في القريب العاجل وف عمر الثلاثين
ان شاء الله
والله يعطييينا طولة العمررر

 

[برنسيسة2007]

يمااااااي بنات انا جدا خايفه من ال 30
والله اني في حالة كآبه من التفكير فيها

 

[تولة مسك030]

برنسيسه شهالكلام

المفروض تتفائلين

 

[sunwater]

مراحب
قريت كل ردودكم
ما ادري شرد اوافق على كلام بعض ولا ارفض كلام بعض
انا عن نفسي مو حابه افكر بسالفة العمر ولا حابه يحوشني الاكتئاب منه ولا حابه تحوش الرتابه حياتي ولا الملل يحوشني ولا الخوف من المجهول
بس هالشي ينفرض فرض
يعني غصبن عنج شوفي ترى هالموضوع مشكله بالنسبه لج
انزين شسوي؟؟؟
انا عمري 38 وما تزوجت ويتيمة اب وام وحتى رفيجات قاموا يلهون بحياتهم وازواجهم وعيالهم وماتقدرين تجبرين احد يجابلج ويهد التزاماته
انزين شسوي
اداوم يوميا الصبح وكل 3 ايام يحوشني صبح وعصر
بس هم فراغ هم ملل هم ضيقه
الخوف يحاصر من كل صوب
انا الحين بصحتي وعافيتي وحياتي فاضيه عادي يمر اليوم محد يدق يقول شلونج او وينج
شلون باجر لما يمضي فيني العمر واحتاج لمن يعيني
حبة دوا .. قلاص ماي ... طبيب ... اي شي
منوا وشلون ووينه هالانسان
ادري مو كل شي مضمون وممكن اكون متزوجه رجل ناكر او عندي ولد جاحد بس على الاقل يكون في موضوع افكر فيه او انشغل فيه
مو فراااااااااااااغ ما ادري شلون يتعبى

بس الواقع انا انسانه جدا مرحه وانا نفسي اتضايق من نفسي لما يحوشني جو الاكتئاب او ادخل بموجة تفكير وخوف من المستقبل
بس شسوي هالهاجس ينفرض فرض مافي حل
خصوصا لما اشتهي اطلع ولا حتى اشتهي اطبخ بس ما لقى اللي يشاركني هاللحظات
مفتقدة الاسره الكبيرة واللويه بالبيت تدورين كرسي تقعدين ماتلقين

 

[بنوته كيكه]

والله بنات تبون الصج انا سوية مثل وحده قالت بس مو لي علي خوي سوية فيه خليته يتوظف وسجلة في معهد كان كل وقته فراغ بس اكل نوم وسهر واخر شي خليته كله جدوله ملينا عصب ههههه اهو مثل اعمركم الحل عندي وقت فراغ لزم تسون فيه شي فيه بنات سجلو في نادي وفيه بنات مايقدرون يسجلون في نادي انصح اللي مايقدر يسجل في نادي يصير اجتماعي يعني شلون مثل تجمع حريم او تجمع مع اهلها تقعد معهم سوالف ونصيحه في الليل تقربو من الله صلاة ودعاء

 

[تحت ظلك]

تبون الصراحة؟!!!

العمر ماصار يهم ولا شي في هالدنيا يهم

كنت ومازلت امر بلحظات تعاسة واشوف الدنيا بسواد قاتم لكن!

أقلمت نفسي أني أعيش يومي فقط حاولت استرجع الضحكة الي فقدتها

تعرفون أجمل شئ عرفته بحياتي واحاول اطبقه رغم عن كل شئ

التفاؤل واعلق أملي باالله , رغم الأشياء المحبطة بالدنيا العريضة هذي

الا اني مالقيت الراحة الا اذا رفعت راسي للسماء فوق وقلت يـــــــــاالله

أيقنت يقين تام أنه عنده كل شئ وبيده كل شئ

اعيش يومي بيقين تام بما عند الله ولو مر العمر ولو راح

الرزق مو بحاجة معينة نوقف عندها ونزعل وننكد على نفسنا

والأمل بطول العمر بنفس الوقت يغرنا انه بنعيش لليوم الألسود الي مانلاقي فيه من يمد يد العون لنا اذا ضعفت قوتنا !

الحياة مو كذا ضيقة مثل ماصور لنا الشيطان

الحياة مع الله ماتنحسب بالعمر


لو اقل شي نرتاح

بالدعاء

الدعاء

الدعاء

أتركوا هم العمر ولايمر يوم في حياتكم الا زرعتوا فيه عمل خير لو أقل القليل.

 

[المبهمه]

انا عمري ٣١ وللحين ماتزوووجت
وخايفه من الثلاثين مررره اخاف يتعدى عمري بعد واجلس في البيت

 

[مطرر]

بنات شلونكم

وي المنتدى صار متوفي هاها. قاعده افكر اسجل بنادي تشامبيون ان شاءالله وطبعا هم بدت الجامعه فحلو شوي نكسر الوتين

 

[حصة2010]

الله يرزقك يارب الرجل الصا لح اللهم أأأأأأأأأأأأأأأأأأأأأاااامين قولى يارب

 

[مطرر]

يجياتي فديتج ويرزقج ياارب

 

[أحلى البشر]

والمشكلة الي من نفس عمري او قريبين بفرق جم سنه، اذا مو متزوجة كلامها كله عالزواج والرياييل ومشفوحه وتتشكى الحال والضيم وهذا كل همها ولا احسهم حقودات وغيورات ..

الزواج فطرة الانسان السوي وامنية كل بنت الاستقرار وانها تكمل نصفها الثاني فطبيعي البنت وخصوصا بهالعمر بيشغلها موضوع الزواج ابدا مو قصة شفاحة مثل ما انتي سميتيها وثانياا انتي تبين صديقة؟ والصديق مو بس وقت الضحك والفرح والوناسة وعقبها خلاص الصديق وقت الضيقك تشكيله ويشكيلك فطبيعي تشكي الحال وتفضفض لصديقتها والا ليش سميناها صداقة !! وثالثا : تحسينهم حقودات وغيورات بس لانهم ماتزوجوا !! حبيبتي ترى انتي غلطانة وصححي معلوماتج وبعدين تالي دوري صديقة دام هذا تفكيرج عمرج مابتلقين صديقات صدوقات