هلا عزيزتي..
أنا كملت31 ودخلت ب32..
ليش أخجل من عمري؟؟
ربي مطول بعمري وعاطاني الصحة والعافية ألف الحمد لله والشكر عالنعمة..
بالنسبة للاهتمامات..
اهتمي بنفسك..ادرسي..اشتغلي..مارسي هواياتك..والناس عطيهم مو الطوفة إلا سور الصين العظيم ..وطنشيهم..مرة مرتين راح يطفشوا وبيقولوا هالبنت ماتحس وبعدها بدل مايستفزوك إنتي اللي راح تستفزيهم بتطنيشك لهم..
بالنسبة لي الحمد لله جامعية وجلست بالبيت4سنوات وألحين أشتغل صار لي سنتين حتى كنت باطلع من شغلي تالي غيرت رايي قلت عاد ليش أطلع من بيقابلني إذا زهقت وطفشت خليني أكمل حتى لو الدوام فيه مشاكل قابلة للحل ولا جلسة البيت والزهق والناس تعيرك لا شغلة ولا مشغلة..
وإذا عالزواج..هذا موال ثاني..
أنا أتمنى يجيني إللي يستاهلني وبسس مايجو ناس يخطبوني ومايصير نصيب واتحطم وأصير مسخرة للناس,,خليني كدا أفضل..
مو ماكلة حلال أحد وأكد على نفسي ومستقلة ماديا ومن اشتغلت ماخد من عند أحد ولا ريال إلا نادرا..
الزواج مايزيد البنت كرامة..الزواج إضافة على حياة البنت لا أكثر..ممكن تكون اضافة جميلة..وممكن لا تحطمها..
إذا أحب الله عبدا ابتلاه..وإن شاء الله الله يقدرنا على طاعته وهذا أهم شي..
الله يسعدك دنيا وآخره..
