موضوع خاص للأستفسارات المتعلقة بالأسنان

[دكتورة أسنان]

دكتوره

عندي سؤال ابي اعرف الحشوات التجميليه شنو انواعها وهل قوتها تتحمل خاصه في اسنان الطواحن؟؟ لان عندي ضرس معالجه عصبه وصارله 9 سنين بس انا مالبسته الدكتور بس حطله حشوه بيضه واللي يمه في حشوة سوده وبينها صاير فراغ يدش فيه اكل ومضايقني عاد انا قلت ابي اغيرهم واحط حشوه تجميليه واصكر هالفراغ مادري شراريج؟؟ والا اسوي تلبيس؟؟ وشنو احسن تلبيس للاسنان الخلفيه(الطواحن) اللي مع معدن والا الفينير بدون معدن؟؟

هلا حبيبتي .. الحشوات التجميليه اهي الكومبوزيت .. و الفراغ اذا كان بين الاسنان بالعكس مفيد لانه يساعدج بالتنظيف اما اذا كان في الحشوه نفسها هني لازم تتغير الحشوه .. وللاسنان النعالج عصبها يفضل التلبيس احسن من الحشوه العاديه .. و احسن و اقوى الانواع الي تتحمل ضغط الطواحين هي الفينيرز المبطنه بالمعدن ..

 

[دكتورة أسنان]

دكتوره سؤال ثاني

انا سويت زراعه عظم وضرس بس للحين ماخلصت العلاج وصارلي 6 اسابيع

بعرف جم المده عشان ينمو العظم حوالين الزرعه ؟؟

بدون زراعة عظم تحتاجين 8 اسابيع بس لانج زارعه عظم يعتمد على كميته و غالبا 10 اسابيع

 

[دكتورة أسنان]

مشكوووووره دكتوره
ماقصرتي يعطييج الف عافيه

حياج الله حبيبتي :eh_s(6): الله يعافيج

 

[دكتورة أسنان]

السلام عليكم

دكتورتنا عندي استفسار عن عيادة الخفجي اشرايج فيهم و مستواهم و سبب رخص الاسعار عن عياداتنا هل هو رداءة المواد و اذا فعلا رديئة شلون ماشية عادي باكثر من دولة مثل سوريا و ايران و تنصحيني ازرع اسنان عندهم او لا

وعليكم السلام ورحمة الله و بركاته .. والله حبيبتي انا ماشفت بعيني علشان احكم مادري شنو اسعارهم و ليش رخاص بس اللي اعرفه و متاكده منه و اقدر افيدج فيه اني شفت بعيني حالات جدا جدا سيئه مسوين بسوريا و ايران وللاسف ماقدرنا نساعدهم لان المواد اللي كانت مستخدمه لمن طرشناها المختبرات عندنا قالو اننا بطلنا عنهم بالكويت من زمااان فماقدرنا انكمل شغلهم ..

 

[دكتورة أسنان]

حبيبتي دكتوره إخوي حاب يسأل سؤال: إهوا أسنانه الأماميه شويه صغيره مووايد بس تدرين يسمع بصرعة وموضة الحشوات التجميليه

أنا نصحته دام أسنانه سليمه لايبردها ويلعب فيها خصوصا عمره صغير 19 سنه بس حاب يسأل شنو الحل الثاني يكبر فيها شوي أسنانه

مثلا اللومينير ؟ تضبط وإلاشرايج ؟؟

قصدج الامينيت ؟ لا حبيبتي حرام لايجيسهم طالما انهم صغار خلقه يعني مو متاكلين او مكسورين حرام يجيسهم لا لامينيت ولا فينيرز ولا حتى كومبوزيت ..

 

[دكتورة أسنان]

شلونج دكتوره ؟
عزيزتي انا ثاني مره اركب تقويم اسنان لانه عندي بروز بالفك العلوي ..بس مادري ليش الدكتور ركب لي تقويم
ويوم عن يوم احس انه البروز بلش يزيد مادري اتوهم ولا صج البروز يزيد

ودي اسوي عملية ارجاع الفلك العلوي لوضعه الطبيعي مع اني رحت حق عيادة الثريا اللي حاطه عندهم هالتقويم والدكتور قالي لا ماله داعي عملية ارجاع الفك العلوي انتي واضبي علي السيوور عشان فكج اللي تحت يبرز ليجدام :/
والله حسيت انهاعياده اي شي
مادري شنو اسوي

بخير حبيبتي عساج بخير .. اذا شاكه بكلامها روحي عياده ثانيه او اذا تبين نصيحتي روحي حكومه بس سمعي رايهم مو الا تسوين عندهم روحي يوم الفحص و ساليهم لان هالشي مايتقرر عمياني لازم اشعه و فحص ..

 

[دكتورة أسنان]

:~



انا حطيـــت تقويم من قبــل وشلتــه وقطيت المتحرك واختربت اسنآآني اقدر ارد تقويم مره ثآآنيه ؟؟




ومششكورهـْ~



:~

اي حبيبتي تقدرين حياج الله

 

[دكتورة أسنان]

HeLLO !!!! وينج دكتوووره غاب القمرررر مره ثانيه ؟؟؟؟ ننطرج

يااا بعد ال hello كلهم :dddds:

 

[دكتورة أسنان]

دكتوره وييييييييييييييييييينج ؟؟

ادري وايد اسألتي الظاهر من جذثي مختفيه

اسناني صارت حساسه بعد سحب العصب وواحد من اللي سحاحبه عصبه في التهاب داخل بالعظم او حوالين اللثه بعرف هل يروح بالمضادات والا لازم جراحه والا اشلعه وازرع مكانه؟؟

هلا و غلا شتصيرلج ربوعه الحلوه :dddds:
لا حبيبتي حياج الله سالي اللي بخاطرج متى ماصار عندي فجه برد لاتحاتين بالعكس مونسيني

اخذي مضاد 5 ايام كورس كامل تالي سوي اشعه و شوفي اذا كان ماثر على جذور السن لازم ينشال اما اذا كان مو ماثر عليهم خطاج السو

 

[دكتورة أسنان]

حبيبتي اشلونج؟يعطيج العافيه
انا الحمدالله اسناني اوكي بس بخاطري اركب حق اسنوني الي جدام الفوق والي تحت سراميك
تنصحين فيه ولا لا؟وابي اعرف ياثر عالاسنان الي تحت؟ولا يطيح مع الايام والسنين ولا لا؟

بخير عساج بخير الله يعافيج :eh_s(6):
طبعا ما انصحج لان التلبيسات لها عمر افتراضي و طالما اسنانج زينه لاتجيسينهم حرام ..

 

[Be colorful]

السلام عليكم

انا اسناني مو طالعه جدام بس فيها فراغات خفيفه جدا
شنو تنصحيني فيه
احط تقويم ومن اي نوع
وشكر مدته على اسناني

 

[احلى غلا]

فديتج يابعد عمري مشكوررررررررررررررررره

 

[miss_math]

جزاج الله خير ما قصرتي

دكتورة انا كنت اعالج اسناني وعالجتهم كلهم ولله الحمد

بعد فترة حسيت بألم صوب ضرسين من اللي عالجتهم

رحت العيادة وقالي الدكتور بعد ما شاف اشعتي انه التسوس واصل للعصب والمفروض ويعلاج الدكتور العصب مو يشيل التسوس ويحشي السن

الحمد الله على كل حال

وانا لما رحتله وصفلي هالدوية لانه خدي انتفخ وقال عندج التهاب

مضاد حيوي لمدة خمس ايام

وحبوب diclo مرة يوميا بس ماقالي اشكر استخدمهم جم يوم لانه بالعلبة 10 حبوب

وحبوب flagyl 200 mg حبيتين مرتين يوميا وهم ما قالي جم يوم اخذهم

المهم ما لقيت موعد لعلاج العصب الا 2-11 وبصراحه خايفة يأثر هالشيء على الضرس ولا الالم يذبحني

شرايج اخذ موعد عند عيادة ثانية ؟ لاني بسوي علاج للضرسين وصراحه احس كرهت العيادة من عرفت انه الدكتور اللي يعالجني مو شيء

وشرايج بالادوية ضروري التزم فيهم كلهم ولا بس المضاد لانه بصراحه وايد خذيت مسكنات وخايفة على معدتي

وجزااج الله الف خير

 

[نـ(المطيري)ـازكـ]

مرحبا دكتور ..

بقيت استشيرج .. انا عندي سن من اسناي مسوس نصة .. وقالي دكتور الحكومة لازم ينشلع

يعني ممكن اروح لدكتور خاصة يسوية لي والا مافي امل مثل الحكومة ..

وانا مابي اشيلة .. شالعمل

 

[Pearl Qatar]

السلام عليكم

شحالج اختي ان شاء الله طيبه

الشيخه انا امس جلعت ضرسي علشان اركب تقويم والدكتور حطالي استيكات المهم اول يوم ماعورني شي لكن اليوم الثاني حسيت بألم فضيع وقالي يوم السبت بيركب لي تقويم وكل ربعي يقولون يعور وانا مقبله علي امتحانات .. ابيج تنصحيني في حبوب أكلها علشان تودي الالم او اي حاجات طبيعية تسكن الالم ويعطيج العافيه

 

[sal000000ha]

السلام عليكم كيفش دكنوره انا قصتي قصة والحين نفسيتي جدا سيئة حتى اكل كلش ماااأكل حتى زوجي منقهر مني
والله طول اليوم ضيقة فيني وصيييااح دموعي ما توقف
ياطويله العمر انا يتيمه امي توفت وانا عمري 3 ونص يعني مهما كاان الاهتمام مو مثل الام فمحد عودني على تفريش اسناني
فاسناني موكلش صحيح في اللي اعظم مني بس الحمدلله المهم انا الحين عندي الاسنان الاربعه الاماميه مبرودين من 25 رمضاان وحاطة مؤقت والحين قررت احط الزيركون لان من خلال بحثي عرفت انة يلتحم مع اللثة ومايسبب روائح مثل غيرة
وعندي ضرس العقل مسوس قلت بشيله والفك العلوي اليسار تخيلي مافيني الا الضرس الاخير والناب بس واحد شلته و2 مسوسين على الاخر يعني اتوقع لازم خلع ابي نصيحتك الله يخليك في اقرب وقت ممكن نفسيتي جدا سيئه ومأثرة على ولدي عمرة2 ونص كاان نفسي اتكلم مع الدكتورة بس مااادري شلون خفت ابشي فرجيها علي الله يفرج عنش ولش دعوه حلوه مني


:e3:

 

[sal000000ha]

هل بعاااني اذا ركبت التلبيسة الزيركون وشلون اقدر احاافظ على اسناني وهل الافضل اركب كل واحد لوحده ولا كلهم في وحده يعني كل ضرس تلبيسة لحاله والاسنان اللي قلت لش محتاجين خلع في الفك العلوي طيب لوخلعتهم اقصى حد للزراعم بعد كم لاني ما بسويه الحين نصحيتك الله يوفقك ويعلي مقامك ويخليك اللي تحبنهم

 

[sal000000ha]

استنى دكتورة الله يخليش لاتنسيني

 

[جےـود الحےـزن]

::

مرحبا دكتوره انا بغيت اسنفسر منج
شنو الفرق بين تركيب الضرس وزراعته ..؟
انا عندي ضرس مخلوع .. يعني مكانه فاضي بحاله هذي يسون زراعه او تركيب ..؟
واذا عندج فكره بالنسبه للحكومه كم يحتاج من الوقت عشان تتم عمليه الزراعه ..

؟؟
ويعطيج الف عافيه لا خلا ولاعدم ..~

..

 

[صح آو خطاء]

السلام عليكم
كيف الحال دكتوره
انا عندي ضرسي اللي تحت فيه سوس ومنكسر كسره صغيره
ونتفخ خدي اتوقع انه خراج
لكن السؤال هل لازم يخلعون السن
طيب يصير ينظفونه ويلبسونه بدال ماايخلعونه