موضة الحمل بتوأم رايكم بصراحه

[توكلت على الله 22]

الله يرزقناااا بالذرية الصاالحه

ويعيناا على تربيتهم سوااء توم او وااحد

الموضوع حلووو والنقاااش حلوووو

 

[Om_Ksha]

واي لا انا كل اجوبتي لأسألتج لا
لا
لا
لا
لا
تعب احس مسؤليه كبيييييييره ولويه !! واااي احس معاناه

 

[ايمانو حلوة]

صاجة الحين موووضة الكل يبي تووووووم

اللي عندها عيال ماشالله 4 و 5 و 6 وتبي بعد وتوووووم

واي ياربي وجان زين بعضهم يربون كللللل خدم اهي بس تجابله عقب ماتشبع نوم الخدامة اهي اللي مجابلة
وييع من هالناس ربي لاتبلانا

 

[بربيره]

ارائكم حلوه لي عوده اعقب على رد رد و تسلم اناملكم الحلوه ع هيك مشاركات

 

[اينااس]

احس تعب والله

الو احد اذ جه وصغير يبيله سنتين على ماايتعدنومه وحنته

حتى نفسيه تتعب من اليهاال شلون ثنينن

جربت بنت عمتى والله انه ماتت جابت بنات توم تعبت حيل
ولا كان معااه احد يشيلهم بس اهيه
بس مااشاء الله الحين بنات اطول منه
اكبرو ونسااه تعبه الى تعبته

 

[فرفشه منعنشه]

انا الحمدلله حملي بالتوم وراثي لان من امي خالتها واختها اللي هي خالتي حملوا بتوائم وخالتها كان حملها توائم ثلاثي ماشالله وبنتها حملت بتوائم ثلاثي وانا خالتي كانوا اثنين بس الله ما كتب ونزلوا وعمتي اخت ابوي توائم وماتوا بعد الولاده وولدها ياب توائم بنات وماشالله بعد 4 سنوات حملت مرته ماشالله لا اله الا الله توائم مره ثانيه بنات وانا يوم حملت ما تم غير واحد والثاني نزل بس عمري ما فكرت العب بنفسي مجرد علشان يصير عندي توم
وانا من النوع اللي اجابل عيالي بنفسي ولا اخليهم عند الخدم وماتقعد عندي خدامه بسبة اني ما ارضى على بيتي باي تقصير او ينمسون عيالي منهم باي حركه وسويت عملية دسك من تعبي وكرافي ومجابلي لعيالي والبيت يعني باختصار التربيه عندي تربيه من كلشي مو بس اغير حفاظ وارضع لا كنت ادخلهم تعليم مبكر واقط مصاريف علشان بس اربيهم احسن تربيه واعلمهم احسن تعليم
وعيالي ورا بعض كأنهم توم خاصه البجر وبنتي الثانيه لاني حملت على ولدي كان عمره 9 شهور فكلشي بالدبل وبعدها بسنه وثلاث شهور حملت بالثالث وكان عن طريق اللولب وانهرت لاني جد تعبانه كنت وكان حملي التوم ومت يوم قالولي توم لاني صج ماكنت متحمله زياده واحد وهالنوبه توم @@ وقدر الله نزل واحد وتم الثاني والحين حملي الرابع نفس مده اللي بعد الثاني سنه و3 شهور يعني تقدرين تقولين الحمدلله تعودت على العيال والمسؤوليه وما احب احد يساعدني بعيالي ولكن خدمي الحين بس للشيل والحط والتنظيف مازلت اوكل واشرب واسبح وانا اللي اجابلهم ما احب عيالي يتربون تربيه خدم
وسوري للقرقه الزايده ولكن هذي تجربتي بالحمل مده قصيره بين الطفل والثاني


^_^

 

[شيخة الغراشيب]

صبحكم الله بالخير
مشكورة على الموضوع حبيبت اوضح لج ترى مو كل توم يكون بارادة الانسان الا اللي يعالج انا عن نفسي اتكلم
خالتي وعماتي ويداتي كلهم يابوا توم مو معناته تعالجوا من الله وانا بحملي الاولي كان توم بس ربي ماكتب واحد طاح
والحمدلله بنتي الله يخليها عاشت ماتعالجت عشان ايب توم عيل شو تقولين اللي عندنا من اهل ريلي تبارك الرحمن كل
وحده على 3 تيب ماشاءالله الحمدلله والوحده لين بتيب عيل مابتعيز عنهم اكيد انا ارمس عن عمري ماحب سوالف خدم
حق عيالي واسمحي لي يالغاليه واتمنى تقبلين ردي بصدر رحب

 

[" ام حمود "]

صاجه صح تعب تعب والمسؤوليه تكون كبييره خصوصا اذا الام ماعندها
احد يساعدهاا في حريم يعني واحد مطلع عيوونه كافي السهر والنوم معفس
وبجي ومغص بطنه ووديه الطبيب واااي تعب تعب لو اثنين راح اصير مينونه
واقعد ههههههههه
مشكورة ع الموضوع حبووبة

 

[شوكلاتة سويسرية]

انا طول عمري اتمنى وادعي ربي بتوام بنت ووولد
وكنت اقول يارب اذا كنت تشوف اني استحمل التوام ارزقني فيهم
واجمع صور توام وخاطري احمل فيهم بس كنت اقوم ابي من رب العالمين اذا فيهم خير لي بيرزقني فيهم من غير علاج ولا شي
ولما قعدت مع نفسي وفكرت اكتشفت اني مو واثقة هل اقدر اتحمل مسؤلية طفلين مرة وحده ولا لا
لاني بكرية وخصوصا اني بمدينة وامي بمدينه ثانية
حسيت انه صعب
والله رزقني وحملت بواحد , والحين شايلة هم المسؤلية هذا وهو واحد شلون اثنيين ربي له حكمة ويرزق كلن على قد تحمله.

ولكن احتمال افكر اجيب الثاني والثالث تؤام يمكن وقتها اكون اقدر اتحمل مسؤليتهم
>وعسى الله يرززقني كان فيهم خير لي

 

[ام ساره 4]

اللي الله كاتبه بيصير سواء واحد والا اثنين انا عندي خوات توأم أمي حملت فيهم من أيام السبعينات بدون لا علاج ولا شي وخالتي نفس الشي حملت بتوام بنات وخالتي أم زوجي حملت بتوام صبيان يعني تعرفون حريم أول لا علاج ولا كلوميد ولا أبر واختي ومرة اخوي عالجوا بكلوميد وابر وجابوا بس واحد وحماتي مريضه مسكينه وتعبانه من الغده وسبحان الله حملت بتوام بنت وولد يعني موشرط العلاج يجيب توأم ومو معناته إذا طلعت أكثر من بويضه تحملين بتوأم مو شرط واللي الله كاتبه بيصير وكل شي بيد الله سبحانه

 

[* Snow White *]

كلش مافيها شي وشي طبيعي اللي يصير سواء توأم او لا!
يعني افرضي يبتي ياهل السنه الاولى وياهل السنه الثانيه، يعني رويسيه بيكونون
وهم نفس الشي بيكون طريقة تربيتهم اذا كانو توأم او لا!

انزين بنات انا مو متزوجه، بس ان شاءالله اذا تزوجت امفكره اسوي هالطريقه اني اييب توأم حلمي لان والله
ودي اييبهم من اول حمال، بس ابي استفسر اهوه حرام ولا لا؟ وشنو الاعراض اللي تصير لي بعد الحمل؟ ما ودي امتن

 

[روزاليندااا]

موضوعك حلو
بس دايم ادعي ربي يكون عندي توام ذكور
لان عندي بنتين وزوجي يلح يبي ولد واقول يارب اجيب توام وجلس لي فتره طويله وارتاح
وانا لا اروح مشاوير ولا عندي احد اروحله اجسل ا قابل اعيال التوام يارب ترزقني فيهم يارب

 

[أأأميرة الورد]

موضوعج حلوووووووووووو
والله يعطيج العافيه

 

[ام عثومي]

اللي متأخره بالحمال عادي بس اللي عندها ومافيها شي لاهي ولا زوجها وتاخذ علاج عشان تجيب توم
هذي بصراحه مشفوحه الحين الله معطيج احمدي ربج ولا لازم تلوعين جبد الريال بكبر بطنج واذا خان تقول ليش يخون

 

[ياغفور اغفر لي]

اللي متأخره بالحمال عادي بس اللي عندها ومافيها شي لاهي ولا زوجها وتاخذ علاج عشان تجيب توم
هذي بصراحه مشفوحه الحين الله معطيج احمدي ربج ولا لازم تلوعين جبد الريال بكبر بطنج واذا خان تقول ليش يخون

هههههههههههههههههه والله ضحكتيني

صاجة معاج بالراي

 

[طيــــــــــــف]

اب
اب
بصراحه موضوع حلو وترى عطيتك رايي ياصاحبة الموضوع

 

[روح مووود]

كلامك صح ميه بالميه وكلن على حسسب ظرروفه وطبعا قبل كل شئ الله هو الرازق

 

[أكذب عليك]

اهم شي مصاخه
انا اشوف اغلب اللي يحملون توائم يكون قبلهاا علاج
فيعني ربي يرزقهم
عن نفسي امنية حياتي الله يرزقني بتوئم
الحمدالله كل شي من الله نعمه وخير
اما عن التربيه وغيره فالحمدالله الخير واجد
والحياة راهيه شاللي يخوفنااا
بالعكس رزق من الله

 

[أشبـاهـ المطـر]

ما تناسبني والله الحمد لا احتاجها
لكن انصح بها المتأخره بالحمل والي تولد قيصريه ...
او الي عندها اجهاضات متكرره خصوصاً اذا كان سبب اجهاضاتها اجسام مضاده ...
لانها تتعب حيل بحمالها وابر سيوله وشقا مـره وحده توأم والله يعينها على تربيه والرعايه ​

 

[بربيره]

ام عثومي ردج قوي هههههههه لا صاجه بهالنقطه تعب وين ترقعين بهالكرشه بعد الولاده