موضة الحمل بتوأم رايكم بصراحه

[بحرينيه كوول21]

انه بصراحه افكر بتوام وموضوعج خلاني افكرر والنتيجه طلعت
بعدددد ابييي تووام ياااربي يرزقني بتوام ياااااارب
ومستعده اربيهم واهتم بهم دام اني فاضيه ماعندي شي ليش لا
ادددععووووو لييي اييب توووام عااد

 

[ضحاوي الديره]

جوابي على كل سؤال من اسئلتج لا لا لا لا ماااااقدر على مسؤولية طفلين
طفل واحد ويالله يالله يعيني هالمره 2 نووووو وي
انا اشووف هالموضه هذي مال امها داعي
اذا حملت وربي رزقني بتوأم من دون حول لي ولا قوه بقول الحمدلله على كل حال واللي من الله حياه الله
لكن اني اروووح للدكاتره وادور التعب والشقا بنفسي لا مستحيل اسويها

والله يعييييييين امهات التوائم ويواجرهم ياربي
حلاته بيبي واحد عشان بالاربعين وعقب الاربعبن تفضين لنفسج ولجسمج وتردين نفسسس اول قبل الحمال
مع ال2 ماظن الوحده تفضى لشي ابددددد

 

[منو انت]

لو كان طبيعي ومن الله اكيد اسعد اللحظات

لكن ابر وعلاجات بصراحه احس الموضوع صعب حق وحده ماتعاني من مشاكل لكن لو فيها ضعف اكيد عادي

والله يرزق الجميع

 

[بربيره]

اشكر كل وحده ردت و اثرت موضرعي بمشاركتها لي عوده ارد على وحده وحده

 

[رتو الكيوت]

اي كثرانين الي يجيبون توم مو اثنين ثلاث بعد :/

انا وحده خوافه لايمكن اجازف واعالج لتوم بالله طلعو متلاصقين ولاشي :/

 

[دآنة آلرشآيده]

كلامج صحيح والله
مشكوره ع الموضوع ​

 

[ام الحوراء زينب]

بربيررررره صاجه
استغفرالله التوم مؤذيين بس شكلهم حلو حق الطلعه
احنا عندنا التوم وراثه من يدتي
بنت خالتي يابت توم صبيان من عيون الاوادم واحد من اليهال نزل طبيعي والثاني صعد لي فوق زين ما ماتت اهي وياه
طبعا طلع اسوووود مختنق
تعقدت حتى لمن نطلع كل طلعه ناخذ واحد ويانا ونخلي الثاني بالبيت هههههههههه

لالالالالالا للتوم
مو شرط حتى المتأخره بالحمال انا تأخرت بالحمل واجهضت من قبل وماعندي عيال بس من دريت اني حامل استانست ويوم السونار ايدي على قلبي خفت توم لانه استغفرالله تعب

 

[غالية22]

موفقه

 

[سيلينا]

اكيد ان التوئم يبيلهم ضعف المجهود الي الام راح تسويه مع بيبي واحد اكيد ما نختلف بهالموضوع

ما اتوقع ان الي تسوي طريقه او تاخذ علاج لتوم مو عارفه ان يبيلهم مسؤليه يمكن مو عارفه انه نوعا ما حياتها لفتره راح تختل راح تنحرم من شغلات وهي الي بالاول وبالاخير الي بتاكلها

معاج بالكلام الي قلتيه بس انا اشووف انها حره تجيب 2 ولا 10 لاني مو انا الي بربي ولا انا الي بتعب

وما اجذب اتمنى الله يرزقني بتوم بس مستحيل اخذ علاج لهذا الشي لاني اخاف من الامراض سواء الي تكون بالنظر او السمع لانه صار شي دارج بالتوم مو شرط ضروري كل توم يكون فيهم هالشي بس في احتمال وهم اخاف من ان بطني يترهل انا واحد وبطني يكوووون كبير فما بالج اثنين

بس في ناس عندهم الي يساعدهم يعني اهلها عندها خوات واجد او امها صغيره بالعمر وتقدر تساعدها لي فتره لين اشووي يرتفعون
والحين الخدم تسااااعد وعلى عينها لو تشيل واحد عنها لي بجي او تمسكهم عنها عشان تريح وبدال الوحده لو تجيب ثنتين كل وحده تمسك واحد معاها مدام انها قادره على هالشي كلن ينام على الجنب الي يريحه

ماني ضدهم بس احس انهم حرين وماني في محل افضل منهم عشان انتقدهم بصراحه مو انقدج انتي لا حشى بس احس الي تبي هالشي وتبي تتحمله كيفها تدير حياتها بالطريقه الي تريحها مثل ما انا لي فكر معين بالحمل والولاده والفرق بين العيال او تربيه العيال اوتدريس العيال كل وحده لها فكر معين بانها تحدد انها تبي توم وتاخذ علاج او ان الي يجي من الله حياه الله

والحين سالفه التوم مو بس عندنا شوفي الممثلات كل وحده عندها توم ساره جيسيكا باركر و انجلينا جولي و جوليا روبتس ......

عجبني موضوعج صراااحه مشكوووره

 

[Violetta]

يعني اشيسوى عليكم يلي مافيهم شي
يرزقهم بتوم مو صاحيين انا اقول يخلون الشي حق الناس الي تعالج بسبب
اهيا الزبده يبون يحملون مره وحده

 

[حرم حبيبي]

التوأم مو موضه حبيبتي كلن له ظروفه يمكن وحده فيها ضعف او زوجها وحاولت تستغل فرصة علاج زوجها واخذت منشطات سبحان الله الواحد حسب حالته

 

[نـعـومـه]

اييي والله وايد هبو بشي حتئ وحده بدوام قالتلي طقي ابر قلتلها شحقه الحمدالله مافيني شي اقدر اييب بدون ابر

وطبعا كل واحد واسبابه

ناس لانهم يعالجون

وناس يقولون عشان حمل مره وحده ونساة وحده وولاده وحده

وناس بس جذي خاطرهم توم على قولتكم موضه

 

[زوغه طلال]

مو كل من حمل توام يعني اقلد او موضه .....

انا ابوي وعمتي توام و من اهل امي ماشاء الله وايد توام

يعني لما احمل فجاه اصير مقلده او ناويه ؟؟؟!!!! لان اختي عندها توام ماشاء الله تبارك الرحمن



كلامكم صح ونصايحكم حلوه بس اصابيعكم مو سوى :eh_s(7)::eh_s(7):
​

 

[بربيره]

زوووغه الله يسلمج ردودكم الحلوه بس طلعتوا شوي برا الموضوع انا ما يبت طاري الحمل بتوأم عن طريق الوراثه و استثنيت الي عندهم مشاكل بالحمل

الي خصيت موضوعي فيه الراغبات بالحمل بالتوأم من باب حبهم لهالشي و اكرر اني ما اوجهلهم نقد لكن كان ودي اسمه ارائهم و انبهم والله يرزق كل وحده خاطرها تحمل بتوأم اذا كانت لها القدره صحيا و جسديا على ذلك

 

[بربيره]

نعومه

الحمل بتوأم صار شي ممكن طبيا ووايد ناس اعرفهم حملوا بهالابره لكن الحياه بعد التوأم يبيلها تفكير جدي و تحليل و دراسه وكل وحده و امكانياتها بس في ناس بسرعه تتشيش فتقرر وتالي تتعب. و الاطفال يضيع حقهم من رعايه و حنان

 

[بربيره]

حرم

اتوقع قريتي العنوان ما جيكتي عالموضوع عشان جذي صار عندج لبس

 

[زوغه طلال]

زوووغه الله يسلمج ردودكم الحلوه بس طلعتوا شوي برا الموضوع انا ما يبت طاري الحمل بتوأم عن طريق الوراثه و استثنيت الي عندهم مشاكل بالحمل

الي خصيت موضوعي فيه الراغبات بالحمل بالتوأم من باب حبهم لهالشي و اكرر اني ما اوجهلهم نقد لكن كان ودي اسمه ارائهم و انبهم والله يرزق كل وحده خاطرها تحمل بتوأم اذا كانت لها القدره صحيا و جسديا على ذلك

بعد قلبي علي اسلوبج الحلووووو :eh_s(7):
​

 

[طيــــــــــــف]

فعلا انا معك طفل واحد ويبهذلك فكيف بالدبل

 

[camilia]

شرايج باللي تبي توم بس عشان مظاهر
وماتتعب عمرها
حق كل بيبي تحطله مربية تجابله!
ابشع شي بالدنيا لما اشوف وحدة تقط البيبي عند خدامة
انا لو عند اختي بقعد احاتي هالنوب خدامه
يبووووووي
والله ياما بينت اشمئزازي لهم والاقيهم يطلعون الف عذر وعذر وان الخدم شر لابد منه
لابد منه حق تنظيف مو حق ملاعب ومجابل عيالج!
ادري شطحت عن موضوعك بس هم بعض اللي يجتهدون ويدفعون فلوس حق الحمل بتوم تلقينها ماتفكر بينها وبين نفسها بالمسؤولية الضخمة اللي راح تواجها

انا عن نفسي افضل الحمل الفردي وان يكون بينهم شوي فجة عشان اعطي كل بيبي حقه

 

[camilia]

وطبعا لكل قاعدة شواذ
بربيرة اعتقد ماكانت تقصد الحمل الطبيعي بالتوم
تقصد اللي تقط فلوس وتعالج بويضاتها عشان تييب ثنائي لمجرد المووووضة
ركزوا على (الموضة ) لان والله فيه بنات ناقصات عقل وتهمهم المظاهر حتى لو على حساب انسان ثاني!