رد: مرجع للمسافرات للبنان ..
قوة يا بنات يعطيكم العافيه خوش موضوع
انا بشهر 12 انشالله بروح لبنان وهذي بتكون اول مرة انشالله نروح فيها لبنان
اذا سمحتوا ابي تعلموني وين نروح وشنو الاماكن اللي نقدر نلاقي فيها ملابس حلوة وملابس سهره بعد
لان انشالله اختي حزتها بتكون مالجه فنبي نجهز لها شوي من لبنان
واكون شاكره لكم 
اهلين اختي ..
تروحين بالسلامه ان شاءلله .. شهر 12 عيد الاضحى ان شاءلله .. والعيد اهناك وايد حلو ...
الاماكن ذكرتها في بداية الموضوع .. وملابس السهره وهالسوالف ماعندي فكره بصراحه لكن اذا سمعت عن شي او تذكرت شي بقول لكم ان شاءلله وان شاءلله البنات مايقصروون ..
حبيت أشارككم الموضوع
فيه مطعم اسمه عرزال على طريج فاريا عجيب ورخيص وللي يحب الامريكي فيه مطعم تشيلز بالاشرفيه ومطعم جريب وي ومطعم بوبز في مجمع abc الاشرفيه هذا بالنسبه للمطاعم
أما المجمعات فيه مجمع سيتي مول حلو وفيه مجمع بيروت مول بس مو لي هناك يعني ماعجبني بس ميزته فيه العاب فوق حق اليهال
وعندج بالفردان مجمعين مجابلين بعض فيهم محلات وايد حلوة فردان 730 فردان 732
وايد سمعت بعرزال وللاسف على كثر روحاتنا فريا مامريناه السنه ان شاءلله انتغدى فيه ..
كريب اوي مايعجبني اكلهم في شي معين تطلبينه حلو؟ خل نجربه ..
فردان احب القعده اهناك .. والمجمعات ماحستها عدل ان شاءلله على هالمره مشكوووووووووره ..
مجمع بيروت مول ولا مره سمعت عنه .. وان شاءلله بنمر عليه .. ماقصرتي حبيبتي ..
هلا برواد لبنان
عندي رقم تاكسي شارلي للي يحبون يتعاملون معاه
01285710
ويوصلك من المطار لتقريبا جونيه أو حتى أبعد من ذلك بما قمينه عشرين $ =ثلاثين ألف ليره
والأسعار ما تغيرت رغم ارتفاع سعر لتر البنزين
أعبي سيارتي اربع سلندر بما قيمته 35 كويتي ، الله يديم الرخص بديرتنا
أنا عيشيتي فيها أكثر شي ناحية جونيه بعيدا عن صخب بيروت أو ازدحام الخليجين في بحمدون وما حواليها
الكلام يطول جدا عن لبنان ، البلد اللي فيها سحر الطبيعة التي لم تمسحها قنابل الحرب
eng.jacvara ..لي رحلة أيضا -إن شاء الله تعالى - في نفس الشهر لمدة عشرة أيام
بين جبال فاريا نفترش صقيع الثلوج بالقهوه العربيه والشاي المنعنع
أوركيدا .. تقريرك جدا راائع ، ولولا الوقت لدونت خبرتي في الجانب الشرقي من البلد
شكراً لموضوعك القيم .
بالنسبه لتشارلي تاكسي .. رقمج غير عن الرقم اللي عندي .. فياريت ساره تجيك الاثنين يمكن الرقم اللي عندي قديم .. ومشكوووووووووووره حبيبتي ..
اسعدني واثرى موضوعي مرورج عزيزتي وبانتظارج عندنا شهر لي ديسمبر نجمع فيه اللي نقدر عليه
