موسوعة لبنان المتجدده . . . (تم دمج المواضيع المختصه)

[كولوراديه]

رد: لبنان يا بنات . . .

ثانكيو عالمعلومات

 

[منجة]

رد: لبنان يا بنات . . .

حبيبتي اكسسوارات تلقين بالسوليدير كله محلات اكسسوارات و هم في محلات بدل سهره

مشكوره حبيبتي :tek:

 

[miss.kash5a]

رد: لبنان يا بنات . . .

فووووشيه
مشكورة ياعمري
اكتبي لنا معلومات عن محلات الاطفال عالعااام ربي يوفقك
وذا تعرفين محلات تبيع تايورات فخمة نبي نترزز بالعيد

 

[فووشيه]

رد: لبنان يا بنات . . .

خلاص ولا يهمج حبيبتي اخذ الأسامي و العناوين من امي و اكتبلكم اياهم بالعام

 

[sKyLiTeGirL]

رد: لبنان يا بنات . . .

بنات نصيحه لاتاخذون من السوليدير

تلاقون نفس البضاعه بالكسليك أرخص وايد وهم فرن الشباك لاتحقرونه تلاقون بدواعيسه وايد اشيا حلوه

 

[miss.kash5a]

رد: لبنان يا بنات . . .

مشكورة عالنصيحة

 

[~!@FOFY~!@]

رد: لبنان يا بنات . . .

يعطيكم العافيه على المعلومات

ابي سينمات تكون قريبه من عين صوفر

 

[J.e.N.a.A.a.N]

رد: لبنان يا بنات . . .

حياتي بليز ابي اسامي المحلات الاطفال وعناويهم

ومشكوووووووووووووووووووووووووووووووورة

 

[أم منصـ 85 ـور]

رد: لبنان يا بنات . . .

فرن الشباك تلقون فيه الهوايل بالدواعيس

 

[miss.kash5a]

رد: لبنان يا بنات . . .

مشكورة يا ام منصور
وياليت لو احد عنده فكرة اكثر بأسماء محلات معينه يفيدنا

 

[~!@FOFY~!@]

رد: لبنان يا بنات . . .

ان شالله باجر بنرووح لبنان

زودونا بالمعلومات

وشكرا

 

[اوركيدا]

مرجع للمسافرات للبنان ..

السلام عليكم ..
الحمدلله بعد مارجع الوضع شبه طبيعي للبنان ..
تزاحمو الناس .. وصارت الحجوزات كلها فل ماشاءلله
حق عطلة العيد الاضحى .. مافي حجز خالي عيز يبي .. على كذا خط طيران مافي! ..
والحمدلله انه احنا حاجزين من قبل ..

اتمنى كل خبيرات لبنان يساعدوني

نحط هالموضوع مرجع ..
لكل محل .. مطعم .. مدينه .. فندق او اي شي شفتوه مميز بلبنان ..
عشان كلنا نستفيد ..

طبعاً المطاعم اللي بذكرها غنيه عن التعريف .. لكن للي بيروح اول مره .. لازم مايطوف هالمطاعم ..
منيــــــــر في برمانه ..
فضيـــــــــع فالصيف والربيع .. المنظر حلو واكله وايد حلو ..
وفالشتى في صاله كبيره .. وللي بيروح فالعيد يفضل يحجز قبل ..
وبحاول اييب لكم الرقم ..

مزتهم كلها حلوه لكن لاتطوفون .. جبود الدياي بدبس الرمان ..
والقشطه مع الفراوله .. يمـــــي ..

المطعم الثاني منويلا ..
موقعه جونيا ..
افضله انا فالليل .. منظر البحر وكازينو لبنان وليلتاته تتلامع مع البحر وايد حلو ..
ونفس الشي في قعده داخل وقعد برى ..
اكله مب بمستوى منير لكن حلو ..
تغيــير للي بيطول بلبنان ..

المطعم الثالث ياباني .. متخصص بالاكل الياباني ..
غريب .. للي مل من اكل المزات والمشاوي! ووده يغير .. وطريقته المطعم غريبه بعد
تحت الارض .. ينراح له بمصعد .. ينزل تحت الارض وتشوفون الشارع فوقكم ..

لمحبي الاكل الايطالي .. المطعم الايطالي اللي في فندق فينيسيا وايد حلو .. وقعدته حلوه ومرتب ..
وفي مطعم كاسبر اند جنبيني فالكويت عندكم منه احنا ماعندنا فالبحرين فنستانس عليه وموقعه فالسوليدير ومجمع ABC الاشرفيه ..

هذي المطاعم اللي تحضرني حالياً ..

بالنسبه للأماكن السياحيه .. طبعا فالشتى فريا والارز للي يبي يشوف الثلج ..
انا الارز رحت بالصيف .. وكان المشوار طووووووووويل .. لكن فريا رحت اكثر من مره .. ماشاءلله روووووعه
وفي انشطه وايد .. وملابس وكل شي ..
احلى شي الواحد يسويه للي مايعرف حق السكي .. يأجر اللي نفس الجت سكي مال الثلج ناسيه اسمه ..
ياخذونكم في رحله مع واحد يقود لقروب او تتمشون فالجبال الثلجيه .. غالي تأجيرهم لكن وايد ممتع ..
وعندهم بس شي نفس الصنيه .. ينقعد عليه ويزلق من الجبل لي تحت .. واااااااااااااااااااااااااااااايد ممتع خصوصا للي معاهم اطفال ..

تحذير اللي بيروح فريا لازم يخلي رحلته من وقت الصبح ..عشان يطلع قبل لاتظلم الدنيا وتصير الشوارع Black Ice يعني الثلج اللي يزلق واحيانا تزلق السيايير يعني خطر .. فأحسن تنزلون قبل لاتغيب الشمس ..

ونصيحه اللي بيروح ياخذ معاه اكل .. لانه ماعندهم مطاعم غير كانتين عادي جداً .. ودانكن دونت بس بعيد شوي ..
في فندق للي حاب يبات ليله .. لكن معظم اوقات الشتى هالنفدق فل ..

برنامج ثاني .. السوق القديم في الجبيل .. لاحظت انه مافي خليجين وايد يروحون .. لكن السوق ممتع في بضايعهم القديمه .. وحواليه مطاعم .. يونس ..

وطبعا مغارة جعيتا .. روعه خصوصا فالصيف .. بارده وتونس .. ويمها قصر موسى ..
قصر موسى له قصه .. سألو عنها اذا رحتو .. :dddds:

هممممم .. للي رايح ويا يهال .. انصحكم بحديقة حبتور .. لكن بررررررررد لانها على جبل .. فالصيف الجو فيها حلو لكن فالشتى لازم تتدفون عدل ..
الحديقه وااااااااااااااايد حلوه ومرتبه مسوينها على مستوى .. ويمها مجمع وفندق حبتور .. مجمع متعدد الطوابق .. نظامه كأنه مجمعاتنا صاحبه اماراتي ..

وبعد ؟؟
اي للي يبي ياخذ صوغه .. انصحكم ببقالة Goodies تلقون منتجاتهم بعد فالمطار .. عندهم الاجبان والزيتون ودبس الرمان الاصلي .. وهالسوالف مالة اكلهم كلها معلبه ..

ومن احلى الكنافة اللي احنا دايما نشتريها صوغه اذا رحنا لبنان كنافة فندق فينيسيا .. عندهم نوعين دايت او عادي وطعمها روعه وشكلها وايد راقي .. وسعرها نفس الحلاب وفي محل ثاني اسمه امل بحصلي بعد الناس يحبونه بس انا افضل فينيسيا ..

في محل اسمه باقيل شي جذي .. باقاتيل او باقيل .. يبيع ورق عنب خياااااااااااااااااااااااالي .. اهوا المحل مو مطعم ولا شي .. بس ياخذون Orders حق عزايم او حفلات او هالسوالف .. كيكاتهم وايد حلو لكن الورق عنب ماصار! ..

وفي بيكري اسمه كانال .. عندهم كيكات على مكرون .. يعني تخيلو المكرون ايي كبير .. كبر الكيك او محشي فراوله فرش وكريمه واشيا .. وايد لذيذ مره خذينا منه او شلنا لي البحرين فالطياره حطولنا اياه بالثلاجه وصج كان يسوى هالشقله ..

وهالمحلين بالاشرفيه .. اخر شي كأنكم بتروحون السوليدير ..

في محل فالحمرا .. محل عادي مال شوارما اسمه ملك البطاطا ..
لاتطوووووووووووفكم البطاطا ساندويش عندهم! .. ادمان .. معانها عاديه لكن للي رايح يتمشى في شارع الحمرا .. هذي بتكون احلى عشوه وحتى الشوارما اللي عنده لذيذه .. لكن ترى المحل كلش عادي .. نفس محلات الشوارما ..
وتذكرت ورى الجامعه الامريكيه .. اللي فالحمرا .. بالضبط بضهرها .. في مخبز مناقيش على قولتهم ..
بعد رووووووووعه مناقيشه ..

هذي اللي قدرت اتذكرهم اللحين ..
يالله بانتظار مشاركاتكم .. عشان نخلي هالموضوع مرجع للي بيسافرون لبنان والكل يستفيد منه ..

 

[ساره 20]

رد: مرجع للمسافرات للبنان ..

شكرا حبيبتي انا الحين معاناتي بالسياره وايد غالي استئجار السياره بسواق عندهم مافيه حلول ياربي طلع على الاجار يعادل الفندق

 

[اوركيدا]

رد: مرجع للمسافرات للبنان ..

اهلاً ساره ..
مو مهم تأجرين سياره طول اليوم ..
عندهم شركات تاكسي مثل شارلي وستار اسعارهم معقوله ويونج بأي وقت ..
وعندهم سيارات بجميع الاحجام ...
اذا تبين اقدر اعطيج رقم الشركه اللي عندي ..

 

[ساره 20]

رد: مرجع للمسافرات للبنان ..

ايه والله ربي يعافيج وكم تتوقعين مشاويرهم انا بسكن بجونيه بمنتجع صن هيلز مدري كم المسافات راح تكون مثلا للسوليدير والا للمجمعات بحدود جم

 

[اوركيدا]

رد: مرجع للمسافرات للبنان ..

هذا رقم ستار تاكسي ..

+961308705
واذا بتتصلين من داخل لبنان ..

0308705
شارلي تاكسي ..

+9611285710

0128571

مااذكر بالضبط جم بيكلفج .. تقدرين تتصلين لهم وتقولين لهم المسافه او بيقولون لج ..
مااظن المشوار اكثر من 30 ألف ليره ..

احنا منطقتة شقتنا تبعد 10 دقايق عن السوليدير .. لكن مثلا عاليه وبحمدون بعيد فتكلفنا 30 الف ليره ..
ومادري اللحين اذا قلت الاسعار او زادت ..

 

[ساره 20]

رد: مرجع للمسافرات للبنان ..

يعطيييييييييييج الف عااااااااااااااافيه حبيبتي

 

[منوووووله]

رد: مرجع للمسافرات للبنان ..

انا مره وحده بحياتي رحت لبنان وكل الي رحته عند دكتور تجميل (( الدكتور نزار اشهاب ))

في بيروت شارع الحمرا سنتر سارولا << استاذ بمعنى الكلمه

ورحت مجمعات يم السنتر ومحلات اغراضهم اتينن يم السنتر بالضبط في محل مادري شسمه والله بس عنده حبت بجايم وقمصاان مو صج

وغير هاذا رحت السولييدير وكنت ساكنه بفندق والله اني للحين موعارفه اقول اسمه هههههههههههههه

انا بقول الي اذكره وانتي عدلي عاد (( بورتيميلوو او بارموتيلوو )) << اذا اتعرفينه قولي اسمه عدل هههههههههههههه


بس بصرااحه يضيق الخلق وكئييييب احلى شي بالفندق الصالون قصااته اتينن وشغل حلوو بس هاذا الي اعرفه عن لبنان لاني رحت بس 3 ايام فقط << ليش رايحه مادري هههههههههههه

 

[اوركيدا]

رد: مرجع للمسافرات للبنان ..

ساره الله يعافيج ..

منووووله وان شاءلله تكررينها وتشوفين لبنان كلها ..
شارع الحمرا كله محلات بس يبيله جحته .. واحيانا المحلات اللي بالدواعيس احسن من اللي عالشارع العام ..


تذكرت في محل كبير فالحمرا .. او في منه عاليه اسمه أولدرادو اهوا كبير في هدوم بس حالتهم حاله .. وفي جزء داخل المحل .. يبيع الفضه مع كرستال كأنه ألماص ماتفرقين ..
تراجي او قلوب او خواتم .. او يقلد ماركات مثل بولقاري او كارتير او شوبارد .. بس شغله زين ويعيش ..

بعد وينكم يابنات فيدوناااااااا

 

[%قبلة العجمان%]

رد: مرجع للمسافرات للبنان ..

منووووووولة قصدج فندق متروبوليتان؟؟

صراحة اذا رايحة لبنان انصحج بفندق فينيسيا او موفمبيك

موفمبيك تحت في تأجير يخوت ممكن تآخذين الغدا معاج تيك اوي وتروحين برحلة بحريه من الروشة

ياحلو لبنان وياحلو شعبها المضياف