مواقفكم قبل وبعد التخدير ...!!

[freethinker]

حياااتي اسووله سويها وافتكي

لا انشالله مايطيحني على دكتور عصبي والله اتهاوش معاه ! انا امسك اعصابي عقب انفجر ! الله رزقني بدكتور اعصابه بارده لوول

بس هم مالومج اذا سكتي يمكن انا تطلع مني نفس ردة الفعل ! هذا دكتورج لازم تسوينه يادهينه لاتنكتين
يعني هم من حقج تراعينه هذا اخر شي بطيحين جدامه لاحول ولا قوه ويضبط ايدج انشالله هذا عين السيح ! ( عشان لو طلع من النوع الي يحقد مايضرج ) لووووووووووووووووووووووووول ( هذا الي بيعطيج ومسكنات باليوم الي امج ماراح تفيدج بالعوار ) دارييه داريييه

 

[freethinker]

وترى ناطرين تجربتج @@ مو تنسين تكتبين الابديت لمن تقومين بالسلامه :*

 

[8soola]

هههه ضحكتيني وانا ف عز ضيقي
ودي اداريه بس انا فيني عناد مب طبيعي اطفش الواحد غصب عنه لوووول
ان شاء الله باخذ معاي الايباد وبوافيكم بالتفاصيل والصور اول بأول < اذا كان عندهم شبكة هع

 

[8soola]

هاي بنوتات
ييت لكم من بعد رحلة إلى عالم ثاني


2


طبعا امس كانت عمليتي
كان موعدي الساعة وحدة الظهر ردت اتصلت لي السكرتيرة خبرتني الموعد تأجل 2:30 وترد تتصل مرة ثالثة قالت موعدج 4 لو خمس فخبرت امي عشان اتيي معاي
ولما صارت الساعة 3 اتصلوا قالو تعاليلنا الحين 3:30 العملية < يـه :eh_s(1):
وقمت جهزت ع السريع ومامداني آخذ امي معاي رحت بروحي وقلبي يرقع بالسيارة واشخط بسرعة 140 واهما قالولي لازم اصوم 8 ساعات قبل العملية عالأقل
لما وصلت نطروني وايد على الدفع كلحين يتصلون لاحد مب عارفين جم السعر ..
انا قاعدة وارتجف قالولي بدل قعدتج جذي قومي العيادة ياخذون عليج فحوصات
خذوا قياس _الحرارة / الضغط / الطول / الوزن..
رجعت دفعت لهم والسكرتيرة وصلتني الطابق الثالث ودخلوني غرفة عمومية فيها ناس وايد بس كل سرير مغطى بستار
والممرضة اللي هناك وايد فرندلي تمسح على كتفي وظهري وتقولي بدلي هدومج لازم ماتلبسين اي شي وانا مارضيت قلت مابفصخ الداخلي لكن لما شفت لبس العملية قلت يالله معليه لانه خلقه مب شفاف لبست اثنين واحد من جدام وواحد من وررا وربطت الخيوط زين مازين ههه واليد مالته قصيرة مب 3/4 وغطا الراس شفاف ..
ويبتدي فيلم الاكشن لما بدو يسحبوني بالسرير بين ممرات المستشفى لغرفة العملية وانا اطالع السقف والناس الي تطوف تبحلق فيني يييييه حسيت اعيش اجواء فيلم أجنبي
كنت متوترة وايد بس الممرضات يحليلهم كيووووووت كله يخلوني اضحك يتحجون لي بلهجتنا واهم فلبينيات عقب تقولي يو ار بيوتيفووول واي نوت ماريد .. ستل سيرجنج؟ خخ اقولها جريب ان شاء الله بعد ماخلص جامعة والثانية تقولي ابي عيوووونج احنا عينا كله مسموتة ههه
بدت ساعة الجد دخلت غرفة العمليات ودكتوري كان واقف بالممر قالي شخبارج قلت له الحمدلله اوكي قالي تبين تقولين لي شي قلت له لا .. قالي باااي بااااااي < حسيت بدخل مقصبة لما ودعني :eh_s(2):


.....يتبع :bbbiu:

 

[freethinker]

اسووووووووووووووووووووووله كنت ناطرتج يابعد عمري والله

الف الحمدلله عالسلامه .. وماتشوفين شر ؟ ها بشرينا عن عمليتج ؟؟؟ انشالله كلشي تمام

واشوه ان الروب مو نفس الي انا حاطته ! الي انا حاطته مال السونار طلع مو مال العمليه :$


وكملي كملي ناطررررررررررررررررينج :**

 

[8soola]

3

لما دخلت لصقو سريري بسرير ثاني ضيج لووول وخلوني انتقل عليه وانا اتلفت في المكان اجوف اجهزة رفوف ادوية خرابيط: لا شعوريا وبعفوية سألت طبيب التخدير هني غرفة عملية ولا ستور قام يضحك يقول عايزة كيف تكون بئى
وانا طلبت تخدير عام والسبب فيني فوبيا من الابر وماجوفه الا مطلع لي ابرة بدخلهافي ايدي ف الوريد قلت له لااااااااااااا مابي وخشيت يدي تحت البرنص وشوي وابجي :eh_s(2): قالي بصي اهية صغيرة اوي ماتخاافيش قلت له نو وي وفجأة كلهم تعاونوا علي اهوا والممرضات يودوا يدي وانا اسحبها اهو ريال ويده قوية ماشاء الله ماقدرت عليه و طقاني اياها كانت تألم وايد وعلى الجهة اليمين الممرضة تحاول تطلع يدي اللي فيها الجرح من الثياب اهو اوردي يده قصيرة شكو تطلعين يدي كامل شغله ف الذراع بس
وهالطبيب مال التخدير بس ماسكها ضحك علي يقولي هما معودين يعملوا كده هاي شغلتهن كل يوم وانتي مغطية حالك وانا ذاك الوقت متوترة ماارد على أحد ...
وبعدين صار السحر العجيب الغريب اللي ماتوفيه تعابير الدنيا شلوووووووووووون نمت ؟ ماحطلي كمامة ولاشي ولا اتذكر كان فيني نوم ولا حسيت بإغماء ولااتذكر انه سولف معاي ..بمووووت ابي اعرف شلون تخدرت
ماحسيت الا وطبيب التخدير والممرضات ينادوني باسمي فييييئي فيئئئئئئي يا ..... خلصت عمليتك
انا صحيت متخرعة ودايركت فزيت هو يحاول يبطحني وانا ماسكة يده حاضنتها ماتركتها يقولي عاوزة تستفرغي قلت له لا < اشواق فديتج تريقنا على موقفج والحين تعشي فيني <الدنيا دوارة :krkrkr:
كنت خايفة بس ماعرف من شنو وهو يقولي سييبي يدي سيبي انا مغمضة بس ساحبه يده عشان احس بالامان لوووول لاتفهمون غلط بس ذيك الحزة ماتعرفين شتسوين وتصرفاتج موبيدج ولا في وعيج يابو لي شي صغير حطو على صبعي ماعرف شنو اهو مايألم لكن مابيه ههههه كلما يحطونه اشيله وهو يقولي سيبيه يا ... وانا بس اهز راسي ماتكلم يقولي تحكيلي بالاشارات تكلمي بئى عايزة ايه بالغصب نطقت قلت مابي هذا وشوي افتريت ع المخدة قطيتها ع الارض وهو يضحك يقول وكمان شو ذنبها هيدي :eh_s(22):
وييت بسحب الابرة اللي ركبها لي قبل العملية ماخلاني وانا متضايقة وايد منها يقولي ماينفع تشيليها منشان التغذية وانا معاندة اخرته تعب مني قال خلاص بئى انا حشيلها لك يقولي انتي كتيييييييير صعبة وخوافة ودلوعة يا...... ايه بتعملي لما تتزوجي وتحملي وتولدي قيصري < مب فاضية اسمعك هعهع :ch12:
بس كان طيوب واعليا عليه طبعا دكتوري ماجفته خير شر الا لما ودعني قبل العملية في الممر شكله مستعيل خلص عمليتي ومشى
سألني طبيب التخدير مين اجا معك قلت له محد ييت بروحي يقول ماينفعش تسوقي خطر عليكي

........يتبع :eh_s(4):

 

[freethinker]

اسوووله كملي حبيبتي

ضحكتيني على مسكة الايد < مابي اتشمت :$ لاتصير فيني

انزين في شي محيرني ليش بلشتي اب 2 و3 وين رقم 1 من السالفه ههههههههههههه ولا للحين اثر المخدر فيج

لايوقف لايوووقف :*

 

[8soola]

الله يسلمج والشر مااييج فري
اليوم بدا الألم في يدي وبكتب التفاصيل في البارت الاخيري
ولبس العملية الحمدلله وايد ارتحت لما جفته واقول اشوه مب نفس اللي نزلتيه ههه
يسلمو قلبي على المتابعة ,,

 

[freethinker]

ولو حبيبتي حتى انا ارتحت انه مو نفس الي نزلته لووووووول :$

 

[8soola]

لوووول فري
رقم واحد موجود بأعلى الصفحة هع بس شكلج نسيتيه
لا الحمدلله راح اثر المخدر هعهع نطريني بعد المغرب بكتب اخر شي يدي عورتني من التطقطق

 

[freethinker]

يلا ماعليش حبيبتي ريحي انتي ولاحقه عالكتابه

واحنا ناطرينج بعد المغرب فديتج :*

 

[رقـة الاحسـآس]

الحمدالله ع السلامه ^^

 

[8soola]

4

قام طبيب التخدير يمسح شفايفي بفوطة مبللة بموية بعدها طلعوني من غرفة العملية ودخلوني غرفة خاصة عشان ارتاح ساعتين ل 4 ساعات ولقيت اختي مسكينة كانت تنطرني ودقايق وانا نمت عنها بعدها قعدت عطشانة ابي ماااي احس بجفاف وألم في حلقي مادري شنو سببه, مارضوا يعطوني قالوا لازم تمر 4 ساعات وانا اصريت عليهم قالوا اشربي شوي بس, اذا مستفرغتي تقدرين تشربينه كامل
بس التخدير صج وايد متعب تقعدين وترقدين وماتدرين شتسوين تحطين حرتج بأي شي ههه :krkrkr:جفت اختي طلعت سيدة قمت بروح وراها وطحت ع الارض يتني دورة ..يت الممرضة شالتني ورفعت لي حدايد السرير حتى ماتحرك بعد لووول واذا يسألوني ليش سويتي جذي كله اقول مادري ماعرف ماتذكر ارد انام ...

كان فبالي اخذ معاي كاميرا خاطري في صورة وانا في العملية بس من العجلة نسيت وصورت جم صورة من تلفون اختي لعيون فري.. اذا يت بيتنا بنزلهم لكم,,بعدين على الساعة 8 وشي يابو لي عصير فواكه قلت ماشرب الا مانجو ويابو لي .. وزبادي بطعم النسكافيه لما اكلت حسيت صرت احسن ورد لي عقلي :n2006107:
سألت الممرضة وين دكتوري وطبيب التخدير قالت اثنينهم طلعو كنت ابي اكلمهم واعرف شلون خدروني هههه وشنو سويت ماسويت لهم :tomato2:
قلت لاختي خلاص انا اوكي برد بسيارتي بس مارضت خافت علي وييت البيت على طول نمت ولما قعدت الصبح احس يوم امس مر علي مثل الحــــــــــــــــــــــــلـــــــــــــــــــــــــــــــــــم :ada:
بالنسبة ليدي حطوا علي لصقة كبيرة وقالو يوم السبت روحي عيادة الدكتور واهوا بشيلها لج وانا ماعندي صبر ابي اجوف شكلها شلون صار حاولت اشيل شوي لكن وايد قوي اللصاق حسيت بقلع جلدي ومادري اذا بقدر اصبر للسبت لو لا < حدي عجولة وربشة :gr4uu:
اليوم بدت تألمني شوي والدكتور قالهم وقت الألم خل تشرب بروفين ..

وهاي الحكاااااااية

والسلام ختام يا صديقاتي الالكترونيات الصدوقات :bye22:

 

[8soola]

فرفورة :... :eh_s(17)::eh_s(22):
رقة الاحساس : الله يسلمج نورتيني :eh_s(17):

 

[فنيسيااا]

رفيجتي تقول لما قعدي يحطون لها المخدر بالوريد تقول قعدت امسح على بطن الدكتور واتقول ما نعدك كرش لوووول


اما انا اذاني يقولي قولي بحبك
فراغه
قلت لا
جان يقول قولي تخدير بالانقليزي جنو اقولها
الرايل ياس مني وقال لا هاذي بطول
لووول

 

[freethinker]

اسووله يابعدهم والله

قوليلنا عن الالم ؟؟ وانتي مانمتي بالمستشفى صح ؟؟

وناطرين صورج فديتج

وريجج كان ناشف وتبين اتوقع من الانبوب مال التخدير يمكن

 

[freethinker]

فنيسا مو صج لووووووووووووووووووووووووووووووووووووووووول

 

[8soola]

قوية ذي ماعندك كرش وتمسح على بطنه ييييييه هههههه
مواقف التخدير توحفة
يسعدج ربي فنيسيا على المرور نورتينا

 

[8soola]

فررري,, لا مارقدت بالمستشفى بس 4 الى 5 ساعات راحة وطلعت
وثاني يوم ولد اختي طاح على يدي وذبحني الألم بس الحين الحمدلله صار اوكي والم بسيط كلش...

امس رحت حتى يبدلون لي اللصقة ومرة وحدة قلت بسأل الممرضة حطوا لي ذاك مال تخطيط القلب لو لا
جان تقول اكيد !! مرة وحدة انصفقت هاااه ..تقولي خلاص خلصت عمليتج لاتفكرين
بعدين قالت لي جم مدة العملية قلت لها ساعة الا شي تقولي عيل احتمال ماحطوا لج
< مادري اهيا تبي تواسيني لو صج

عاد الطامة الكبرى شنهي ؟؟؟
دكتوري المغرور تحول لكائن أليف ويضحك ويبتسم ويتغشمر معاي < ابد مايطيح عليه
وانا ارتبكت شنو السر وشمعنى ورا العملية ناغزني قلبي وبقوة :yaaaaaarb:....الله يستر علينا بستره

 

[freethinker]

اسوله : دام عمليتج اقل من ساعه اشك انهم حتى حطولج بربيش

فلا تحاتين انتي بالسليم

واكو مثل يقول

what they dont know wont break there hearts



فنصحيه لا تسألني شنو صار وانتي مخدره خلج جذي احسن لووول واتوقع ان ماصار الا الخير

وشلون ايدج الحين انشالله ماتأثرت لمن طاح عليها الولد ؟ شفتيها ؟ انشالله يازلج شكلها ؟؟ طمنينه عالنتايج حبي