مواقفكم قبل وبعد التخدير ...!!

[freethinker]

وبخصوص دكتورج يمكن مزاجي اهوا لوووول

يعني يمكن تكونين طحتي عليه بوقت مزاجه حلو ولا سامع شي زين ... الله يهديه الله يهديه ههههههههههه < احس اني عيوزه

 

[8soola]

ههه فديتج فري وحشتيني :eh_s(17):
له يومين النت مقطوع

الحمدلله يدي الحين مافيها ألم ومكان الجرح صار حلو ضعيف بس لحين فيه السيم وما التئم مية مية
بحاول اقنع نفسي بكلامج جايز يكون سامع خبر حلو بس نظراته ماتقول جي

ع العموم انا كنسلت دكتوري والسبة اني رحت له مجرد اسأله متى ببدأ ليزر وجي وربي ماصار لي 5 دقايق حتى جان تقولي السكرتيرة 20 دينار @@
شدعوووه احنا مب عيزانين ندفع بس ليش هالاستغلال عيني عينك!!

 

[sosowaty]

انا بعد التخدير اول مافتحت عيني اهز راسي حيل و بسرعه يمين و يسار هالشي حسيته مو بايدي مو قاعده اتحكم فيه انا

المهم الدكتورة اتقوول لااا لاااا مو زين و تمسك راسي و انا اهز و ااصيح مااابي وخري ههههههه

 

[• الْـڪَـونّتيسَـہٌ «]

سبحان الله والله المخدر نعععمه !

أتذكر مره سويت بنج عام لان كنت اخاف من دكتور الاسنان خوف مو طبيعي صدق !

وكان يعطيني والله 10 ابر بنج ويالله يالله تتخدر ضروسي ويبالي شغل وايد باسناني خصوصا العصب

فـ قلت حق الوالده ابا تخدير كامل ولا بموت من الالم : قالت خلاص موب مشكله

المهم حطولي ابره المغذي وودوني غرفه العمليات وانا قلبي يدق طبول من الخوف هههه ويايه بسحب الدكتور واقوله خلاص

اقلع لي ضرووسي كلها مابي عمليه مابي شي وقلت خلني اصبر ههههه هاذي كلها سوالف مع عقلي بيني وبين نفسي

وانتظرت شوي لين وصلت دكتورة التخدير وحطولي البنج بمكان ابره المغذي ويمكن اربع دكاتره بالغرفه وواحد منهم مسؤول عن

الاحساس كميه البنج فـ شو سوى هاذا ( تدرون ثوب المستشفى لا يغطي ولا شي ) المهم رفع طرف فخوذي وانا يايه ابتضارب هههههه

وغز لي ابره عشان يجوف ااذا تخدرت ولا وانا اتضاررب و انزل الثوب وحركتي جدا بطيئه و تضحك والسسترات يضحكون

بسبب التخدير وطبعا الابره ماحسيت فيها

المهم استغرقت العمليه 4 ساعات خياطه وتجليع وسالفه هههههه وصلوني غرفتي واول مانشيت من البنج

الا اشوف الغرفه اضائتها هادييه جدا والدموع تنزل لا ارادي واقول ماما يعور مع اني عمري ماقلتها ماما كله امي !

والا يعطوني بره تخدير ثانيه هههههههه وارد ارقد ويوم نشيت اتقولين سكرانه اسولف واضحك وابا اطلع من المستشفى

وامشي مافي توازن ادعم البيبان هههههههه والصراحه على طول الحمام لاني كنت احس بالغثيان احساس خايس

وعقب ماسرت الحمام ( تكرمون ) حسيت شوي بالبنج بدا يخف ,, وعقب ساعتين تقريبا خلاص رديت طبيعيه وبث ^____^

بس الغريب اني جراحه اسنان ولبسوني هاللبس اللي ماادانيه تهقون ليش ؟

ايي تتوقعون يكشفون جسم المريض اذا تخدر ؟ لين الحين هاذا السؤال افبالي هع هع

 

[رتو الكيوت]

fooooooooooooooooooooooooooooooooooooooooog !!

 

[Beautiful soul]

احس البنج يخلي الشخص يجيب العيد ويخررر كل علومه ههههههههههه
هذي فكرتي عن البنج

 

[sheraZia_Q8]

انا اول ما قمت من البنج خفت حيييييل لان ما اذكر متى نمت
المهم لمن ودوني غرفتي هسترت من الضحك @@! وحطيت حمره شكو ما ادري @@ لوووووول

 

[مطيرية والعزليه]

انا عمليتي [ قيصريه ] عقب باجر تكفوووووون ادعولي حدي خايفه

اما بقيصريتي الاخيره قبل ٣ سنوات طلعت من الافاقه ابجي وتذمرت عمي وبس اسال عنه . الله يذكره بالخير

 

[شندوخه]

مواقفك عجيبه
بقولهكم هالموقف انا كنت داشه غرفه العمليات مسويه عمليه جايده وتعبت حيل بعدها وردو دخلوني العمليات مره ثانيه
المهم عمليتي الاولى كانت 6 ساعات وطلعت بعدها بالغرفه وكنت اهلوس مو حاسه بشي واختي نامت عندي وبالليل قمت اسويلها باي باي وبوسه بالهوى اختي اخترعت قامت تبجي ههههه تقول خفت انج تودعيني بتموتيين مسكينه من عقبها طلعت خصله شيب بشعرها من الخرعه

 

[رقـة الاحسـآس]

يا حليلها اختج
و الحمدلله ع سلامتج

 

[رتو الكيوت]

اب

اب


اب

 

[أبله أريج]

الحمد لله على السلامه

 

[لبى ابو متعب]

هههههههههههههههههههآآآي
الحمدلله على سلامتكم

 

[مشاعلksa]

انا سويت عملية تجميل الانف قبل 18 يوم المهم لما اخذوني علا غرفة العمليات والاقي طبيب التخدير قلت انت اللي بتخدرني قال ايه قلت انتبه مو تموتني لاتزيد الجرعه ولاشي قام يضحك قال اطلع قلت لا بس انتبه حط لي شوي مو كثير اموت ههههههههههههههههههههههههه المهم جاني بروده مو طبيعيه جلست اسناني تصكصك مع بعض قالي خايفه قلت لا بس بردانه جابولي شي زي منفاخ عند رجولي يطلع هوا دافي واسولف مع الدكتور كل ماقال يالله قلت اصبر ليش مستعجل ههههههههههههه قال ماراح اعطيك لين تقولين قلت طيب يالله بسم الله المهم عطاني ابره واحس التخدير يمشي بجسمي قلت جالسين تخدروني صح هههههههههههههههه غبيه اجل وش يسون المهم قال ايوه وخذي هذا كمان كمام اسود كان و من بعدها مادريت الا بغرفة الافاقه يقوموني