من تدش وياي خمس ايام فقط

[مجنونه هواهـ]

حبيبتي يعني شلون ما اقدر يا ربي ودي اسوي وياكم الرجيم بسال الدكتورهـ واجوف اذا بتسمح لي

 

[السنيوره@]

ياقلبي معروف الحامل لازم تتغذى زين وعشان الجنينين بعد شفيج انتي والمرضع كمان وخاصه هالريجيم صعبه والله بتضحك عليج الدكتوره خلي بعدالولاده اوعدج امشي معاج بريجيم روعه انتي باي شهر الحين

 

[السنيوره@]

وينكم يابنات
وين الحمااااااااااااس
طبعا انا الحين بروح ارتب البيت وبغسل ملابس بحرك جسمي احسن من الفضاوه
وتو شربت المشروب عشان يساعد ع الحرق
ولاتنسووووووووووون تشربون مويه كثير يابنات

 

[مجنونه هواهـ]

حبيبتي انا بالشهر الرابع

 

[اسطوره الاغراء]

بنااااااات انا ان شاء الله معاكم
ببدا من بكرا الثلاثاء والاربعاء - الخميس عندي بارتي بخبص هههههههه وبرد الجمعه والاحد
والا شو اسوي ؟؟
لان توني اشوف الموضوع

 

[بنت.المطيري]

قووووة
شلونج حبيبتي شخبارج
ها بشري جم بنت معانا
انا الحمد الله يارب سويتلي جدول قعدت اليوم الصبح رحت الجمعية شريت لبن اكتيفيا قليل الدسم مالقيت غيره وشريت روب هم قليل الدسم
وشريت تمر
عاد تريقت الصبح 7 تمرات ولبن
وتغديت قبل شوي 7 تمرات و روب معصور عليه ليمونه احسها تسد النفس عن الاكل هههههه
وشربت قلاسين ماي لحد الحين خصوصا اني كللللش مااشرب ماي الا قبل لا انام
وووو قررت اني العب رياضه بسيطه
20 مره ضغط )للبطن(
واصعد وانزل الدرج 20 مره
ابي تنشد فخوذي وبطني ان شالله عاد استمر حدي متحمسه خلكم معاي لحد يخون
اي صج يمكن باجر اصوم لان علي دين جذي راح يكون الرجيم اسهل بعد
وترا صج مافي جوع لحد الان الحمدالله
ورجيمي قاعده ادرب فيه نفسي ان كل انواع الككاو جدامي والبطاط والاكل اللذيذ واتذكر شنو ابي البس وشنو الصوره اللي ابي اوصلها ومااشتهي الاكل
برمجوووووووو عقووووووووولكم
والله المستعان

 

[بنت.المطيري]

الحامل
انا الصراحه مااشوف ان الرجيم فيه شي مضر وبعدين كللللل الفيتامينات والمغذيات فيه واتوقع الدكتوره واصفتلج كالسيوم وحديد فماله داعي ماتسوين هالرجيم قبل على ايام الرسول صلى الله عليه وسلم بس هذا اكلهم وصحتهم احسن من صحتنا الصراحه ان شالله بس احملا ان شالله راح اسوي هالرجيم مابي امتن

 

[بنت.المطيري]

وزني امس 61اليوم 62
وربي قهر تهقين لان امس دابتها ؟؟؟

اي صج ترا في ناس يمتنون من الماي مو كل وحده يناسبها
كل وحده تعرف جسمها اذا فيه دهون او ماي

 

[السنيوره@]

هلابج حبيبتي بنت المطيري ماشالله عليج
انا صحيت الظهر وكليت سبع تمرات بس الروب ربعه بس والحين تغديته بعد لسى ماخلصت الروب ماحبه حيل
وشوي عالساعه 9 ببتكون اخر وجبه
ايه حبيباتي بقولكم الزبادي انتبهوا يكون كامل الدسم لازم قليل الدسم
ايه حبيبتي من زمان سمعت ان المويه قدتسمن بعض الاجسام ب س احس مو مصدقه
كيف اعرف ا1ذ سمنتي ماء او دهون

 

[السنيوره@]

ماشالله وزنج61 مايحتاج ريجيم كم طولج انتي

 

[بنت.المطيري]

انا الله يسلمج سمتني بالارداف بس ومن فوق ضعيفه حيل وطولي 158 فتخيلي وزني الزايد كله تحت:/
اي
ابشرج ترا بعد ماكتبت الرد ماشالله رحت للدرج 30 مره صعودونزول.
الله يستر باجر لااقوم متكسرة
اي صج انا من وصل وزني 59 طلعتي كرشة هههههه

اي صج ،،،مابي اقول لاحد اني مسويه رجيم ابي اكتمها عشان تتم ان شالله

 

[بنت.المطيري]

جم مرة قلت (اي صج) هههههههههه

انا جسمي مااصن يمتن من الماي لاني مااشرب وامتن من الاكل وبالاماكن المتينه مثل الفخوذ لو ترعصينها تشوفين شحوم معناته متنج دهون لكن لو كان متناسق شوي وماتشوفين سيليولايت مثلا معماته متنج ماي

اي دليل ثاني

اذالعبتي رياضه وجسمج طلع منه ماي وايد اذا متنج ماي
لكن لو شويه فمتنج دهون والله اعلم

 

[السنيوره@]

حبيبتي ماعندج وزن زايد الا كيلوين يمكن طولي تقريبا مثل طولج ووزني 78
احسن شي ان من فوق نحيفه هذا اففضل من ان الجسم من فوق سمين مشكله
انا مثلج اكثر سمنتي من تحت بس هالسنتين حسيت انو من فوق كبرت شوي يعي عريضه احس ظهري من تحت السنتيان شوي فيه عظمتين يمين ويسار زعلت يوم شفتها يعي عرض بس الحم\دلله جسمي حلو فيني خصر والوروك اكبر من فوق يعني جسمي متناسق بس فيني زوايد

 

[السنيوره@]

كمان بصعد الدرج وانزل حلو للمنطقه التحتيه للارداف

 

[بنت.المطيري]

لا انا احس 5 كيلو شحم شايلتهم تحت هههههههههه بدون مبالغه وملابسي كلها ضيقه والصراحه مابي امتن اكثر تحسبا للحمل

ولا ابي اصير امتن من زوجي لان ضعيف حيييييل ولا يحب المتن اللي وصلته الحين: (

 

[بنت.المطيري]

وييينج

مو قادره انام. يمكن لان معدتي خفيفه
الصراحه بس اشتهيت ككاو
فأكلت قطعتين بسكوت دايجستف المخصص للرجيم
وشربت ليلحين5 قلاصات ماي
انجاز

اشوفج بكره على خير
gn

 

[السنيوره@]

هلابج حبيبتي معذره ع التاخير بس كنت طالعه ايه نفسي لازم الخربطه بس مشكله لوقطعة حلا لان التمر فيه حلا فالزياده مشكله تصدقين اليوم كله ماكملت علبة الروووووب بس ماحسيت بدوخه ولاشي ولله الحمد
باجر بنكون اكثر تقييييييييييييييييييييييييييد

 

[برستيجي مآركة]

هلااااااااااااا والله بالدبدوبات...اخباركم مع التمر واللبن...

انا كنت صايمه واول ماا افطرت بتمره وماي...
بعدها الساعه ست اكلت 6 تمرات مع كوبين لبن...
والساعه 8 سويت لي كوب زنجبيل..
والساعه 10 وربع اكلت 7 تمرات وعلبتين لبن صغار طبعا كلوه قليل الدسم...
وع الساعه 11 سويت لي دله فيها شاي اخضر وزنجبيل...
واللحين بقوم اكل 7 تمرات ولبن...
على فكره بقول شي بس لاتهاوشين سنيورة وانا سويت العشاء لااهلي معكرونه ذقت منها حبتين خفت انضلهم هههههههه..

وسويت تمارين لمدة نص ساعه للزنوود والافخاذ والبطن...وبعد شوي بركب ع السيكل واحرق 400 سعره حراريه...

 

[برستيجي مآركة]

يلا بناااات بوكرااول ماتصحون عليككم بالميزان وخل نبشر بعض من نقصت كيلو او نص ع الاقل...

وموفقين حبايبي...

 

[بنت.المطيري]

مايبن الحين الوزن
انا مااعتبر نفسي كسرت النظام لان بسكوت دايجستف بس قمح مافيه شي
اما اليوم ان شالله حتى بسكوت مافي
بس في شغله ازمتني يختج
6 مرات قعدت من النوم حسرانه عالاخر! !!! كل هذا من الماي!!!!
وليلحين تخيلي:/