من الافكار الحلوة في بيتي : .................................... اكملي الفراغ

[لمن اكون]

سبحااان الله
استغفر الله
>>> للافع الموضوووع

 

[أإلع ـشق دلع ـهـأإ]

مآشآء الله تبآرك الرحمن ..

صج صج سنعآت .. عسآكم على القوه ..

أحب البنآت اللي تنصح وتفيد غيرهآ .. مو مثل اللي بس يسمع ومآيقول شي ...

عجبتني فكرة الركن حق الكفي حييييييييييييييييييل عجبتني ..

 

[VIP Lady]

ما تقصرين حبيبتي ^ ^ احنا موجودين نفيد ونستفيد وحاضرين

 

[شماليه أصليه]

من الأفكار الحلوة في بيتي ......

1- أنقع الجدور و الغواري و المقالي في ملح الليمون و أتركهم لمدة ساعتين تقريبا و بعدها بتشوفون شي غريب كل الحكاك الاسود رااااااااااااح والى الابد

2- أحط بالكواية البخار كومفرت المركز مع الماي وأشغلها تترك البيت ريحة حلوووووة

3- القطع المتبقية الصغيرة من الصابون ما أرميهم أحتفظ فيهم وأحطهم بعلبة زجاج يكون شكلها حلو طبعا الصابون يكون بالوان مختلفة وأحط غرشة الزجاج في زاوية الحمام بيكون المنظر رووووعه

4- العباية بعد ما تغسلينها بايدج طبعا و هي مبلولة عالحبل( لاتحطينها بالنشافه ) اعصريها بايدج رشي عليها خلطة دهن عود مثلا عشان تبقى الريحة مركزة اكثر حتى لو لبستيها بعد يومين من الغسيل .

5- قشور الليمون والبرتقال حطيها مع ليفة المواعين عشان ما تنشف الايدين .



لاتنسون تدعون لي الله يهدي زوجي

واذا تذكرت شي بقولكم

 

[شماليه أصليه]

لي رجعه ..

 

[looksh]

يعطيكم ا عااااااااافيه عالافكاااااااااااااااااااار

واستفدت منكم فكره كمفرت اللي تسخدمونه بكل شي

ماشاءاالله عليكم هههههه

انا عندي بعض الافكار واتمنى تكون جديده عليكم

1< لما اشتري الخضره اللي بفلين ولا كرتون عالطول اقط الفلين ولا كرتون
واحط الخضره او الفواكه بكيس الجمعيه واحطهم بالدرج الثلاجه لان الفلين والكرتون
مليييييييييييييان جراثيم وبيض الحشرات وياخذ مكان بالثلاجه..

2< عندي بخور موعاجبني ريحته ومتوهقه ابي اخلصه ابخر فيه البيت اول شي
منها يقضي على ريحه الطبخ ومنها اخلصه وبعدين احط البخور اللي احبه واللي عاجبني..

3<كل مااسوي عشا اوريوق يبقى خبز لبناني مأكوول او نص خبزه مثلا بالسفره اجمعهم
واخلي الخدامه تقصهم بالمقص على شكل شرايط طويله او مثلثات وتقليهم للسلطه وتحطهم بعلبه
زجاج او كيس خبز اكون استفدت من الباقي الخبز ومنها جهزت كميه للسلطه واسهل لي يكونون بعلبه...

واذا في شي جديد بكتبه لكم
تحياتي

 

[Bedra]

أنا اول ماشتريي الخضرة الورقية على طول اغسلها وبعدين نقعها شويه بخل التفاح والملح عشان تروح منها المواد والمبيدات الكيماوية ولي يبيله تقطيع اقطعه عشان يكون جاهز للاستخدام مثل بقدونس كزبر شبنت بس البربير والجرجير لا انظفهم واحطهم بتبر وير أحط من تحت ورق نشاف مال المطبخ اللي نستخدمه حق المقليات عشان يشرب الدهن المهم أحط ورقه من تحت وحده اغطي فيها الخضره واسكر التبر وير. واحطه بالثلاجة ما شالله يتم اسبوع جنه توج مقطعتها اسرع حق شغلج بالمطبخ*

 

[رفيعة الشآآن]

[اذا تبين تخلصين من ريحة بالثلاجة حطي فحم البخور بروحة تلقين ريحة ختفت

انا اول ما سمعت هالمعلومة عبالي اشب فحم بس لا

حطي فحم بدون لا تشبينهFONT="Comic Sans MS"][/FONT]

 

[شماليه أصليه]

up
up

 

[سعودية بالكويت]

قوة بنات

صراحة والله استفدت من كل أفكاركم

وجاري التطبيق الله يعطيكم العافية

والله يبيله لايوقف هالموضوع

ماعندي شيء أفضل من اللي قلتوه

بس لما أغسل مدري شنو يسمونه الريش

مالت المكيف أرش عليهم عطر مركز أو معطر

البيت وأبخرهم بعدين أركبهم دقيقة ثم أشغل التكييف عالبارد

وأسكر الغرفة تطلع الريحة حلوة وثابتة بالغرفة

ماحبيت أطلع بدون مشاركة وهذي اول مشاركة لي بهالقسم


غــمـــازة فديتج من وين شريتي أكياس الشيفون للأندر وير والله

أني أحتاس بسيورهم إذا غسلتهم ماعرف عدل بالكويت الله يعافيج​

 

[الامل بالله 2]

ملابسي الداخليه خاصه (الحماله ) شاريه جياس ملوت القرقيعان شيفون ساده احط كل واحد بجيس وبالغساله

يطلعون نظاف و لونهم مو متغير و سيور الجتف مو متعقده مع الباجي
والله خوش فكره ماشاء عليج وانا بعد احتاس مع هالمشكله بس والله فادتني هالمعلومه يعطيج العافيه

كلكم ماقصرتوا يعطيكم العافيه ومشكوره صاحبة الموضوعءءءءءء

يمكن قديم اللي راح اكتبه بس للتذكير0000000000

البقصماط اطحن كميه كبيره واحطهم بالبراد وبعد البسكوت اطحنه واحطه بالبراد للشيز كيك وغيره 00000
اكياس المغسله استفيد منهم اصفط الشراشف رولات واسويهم مثل الحلاوه وبعد للزباله تكرمون 0000

بس اتذكر برجع لكم000000000000

 

[تووكي]

مرحباااا بنااات افكااااركم وااايدحلوه واستفدت منها والاغلبيه اسويها
اذا عندج اشرطة الفيديوووو القديمه لعروووس او اي شي حطيتهم بصندوووق مبيت وحطيته بالغرفه مالتي منظر حلووو
بعد عندكم بغرفت الاستقبال اذا زاروووج ضيوف وجا وقت الصلاة حطي سجاة الصلاة مع لبس الصلاة ومصحف بصندوووق مبيت قديم وخليه على جنب للي يبي يصلي ومنها منظر حلووو
ويعطيكم العافيه ومشكوووره على الموضوووع الحلووو نفس راعيته

 

[ام كوثر2007]

استفدت وايد من افكاركم يزاكم الله خير كلكم وصاحبه الموضووع اولكم .


بالنسبه لي ذاك اليوم جربت البيكنج باودر مال الكيك علي مغسله المطبخ كانت مصديه اشوي رشيت عليها بيكنيج باودر مع وندكس مال الزجاج وخليتهم بو خمس دقايق وفركتهم بالسنفجنه ردت المغسله يديده ما شاء الله ..



بخاخااات بو اميه وايد مفيده حطي فيهم ديتول وكومفرت وماي ورشي بالحمام لا خلصتي جنه ملطف جو..


حق شباصاات البنات شريت السلات الصغار اللى بمحل صادق بحولي علي 150 فلس للسله


وحطيت فيها شبابيص بناتي .


واذا تذكرت بعد شغلات برد واقولكم عليها نفيدكم ونستفيد ..

 

[Zen&7ala]

مشااااااااااااء الله عليكم سنعاات


بفيدكم بمعلومه ان شاء الله تفيدكم

انا قبل لا اييب بنتي كنت اعطر البيت (او كنوع من التعطير) استعمل الفواحه الي تنحط تعتها شمعه و فوقها قطرات عطر


فلما يبت بنتي خفت اشب الشمعه و تلعب فيها او شي المهم


قمت اخذ العطر مال الفواحه (من سنتربوينت او بدي شوب) و احطه بعلبه رش فاضيه و احط معاها ماي


و ارش بالبيت تصير الريحه فاااااااااايحه تينن

و من العطر احط شوي مع ماي و كونفرت و امسح الارض فيها تطلع الريحه وايد حلوه


و وراها احط بخور تصير الريحه خيال

ادعولي

 

[مهووووش]

مشالله عليكم مررره حلوه افكاركم بديت اسويه
انا بقولكم فكرتي تعرفون العيون حقت الغاز انا اشيلها واجلس واجيب ملح خشن وليمون واحط الملح وافركه بليمون وااااو النتيجه لمعان ونظافه
انشالله اذا تذكرت شي جديد اقولكم ادعولي ربي يرزقني ب الحمل *

 

[اسرار70]

انا بسال عن الخضره لما نغسلها ونحطه بثلاجه ما يخترب
لانى سامعه الخضره ما تنغسل اذا انغسلت تخترب
واقدر احطها بلفريزر

والله وايد استفدت وانا سالفه الكمفورت للرخام استعملها من زمان وايد حلوه

 

[الامل بالله 2]

اب
اب
اب

 

[Bedra]

انا عندي استهلاك خضره وانا اغسلها واحطها بتبر وير أحط تحته وفوقه ورق النشاف عشان ما يحوشه هوا وكل ما افتح التبر وير وأخذ منه اخضه شويه عشان الرطوبه ماتخربه لما تحطينه بالفريزر غير يكون استعماله مو حق تبوله وله سلطه حق مرق حق مطبق سمج او حشو جذي يعني اتمنى أدون افدتج جربي وشوفي

 

[رحاب2]

لما يكون عندي ريحة سمك مقلي أعمل على وضع شوية قهوة بالمقلاة وتحميصها وبعين بتلاقي ريحتها تفوح بالبيت بدل ريحة السمك

 

[اطياب طيبه.أم عبدالله]

موضوع حلو
نبي تثبيته من المشرفات