موضوع يجنن بصراحه وياليت المشرفات يثبتونه :rerrerek:
بالنسبه لي عندي واجد افكار
1- مسويه لعيالي غرفه للوناسه يعني هي عبارة عن غرفه قعده أرضيه وزوليتها ملونه وطفوليه حيل وملزقه إستكرات عالم مائي على الطوفه ( من وحده بالمنتدى هني ) وفيها صناديق الألعاب ودفاتر التلوين والتلفزون مالهم والدفيدي ورسيفر فيه بس قنوات أطفال والغرفه الثانيه مالتهم حق نوم بس فيها سراير والكبت بسسسس يعني إذا أبيهم ينامون سكرت غرفه الألعاب بالمفتاح وبس
2- الورقيات مثل الشبنت والبقدونس أغسلمهم عدل وأعبيهم بكياس بلاستيك على شكل حصص متساويه وأحطها بالفريزر وكل ما أحتاج شي منهم أطلع كيس وأغسله بماي فاتر على طول يفك وتصير كأنها فريش
3- بالنسبه لغرفتي عندي غرفه صغيره مقابله حمامي تكرمون فيها شوفنيره فيها الفوط وروب الحمام وكلينكس الحماموجنبها ثلاجه صغيره فيها عصاير العيال وككاوياتهم وتكون مقفلتها بمفتاح علشان ما ياكلون حلويات طول اليوم لأ بس العصاري
4- الكوفورت وشامبو العبايات حاطتهم داخل الغساله لأني بحمامي ما عندي مكان كبير
5- أنا شاريه تب وسط أشتري صابون تايد وأحطه فيه أرتب وأنظف من الكرتون
6- عندي صندوق بلاستيك حاطه لأغراض بنتي مثل كيس شباصات وكيس للتيجان وكريم الشعر والمشط وكريم الجسم مالها وإذا بغيت ألبسها وأجهزها الصندوق يكون جنبي ويوفر وقت
7- علشان حوسه العيال الصبح قبلها بالليل أجهز لبسهم كلللله
8-بعد ما أبخر البيت وأخلص أزيد البخور على الفحمه وأحطه داخل الكبت وأسكره علشان الهدوم تتعطر
9- عندي جنطه دايما يكون فيها غيال للصغار يعني بدله ولبس داخلي وبامبرز وفوطه وتفيدني حيل إذا بطلع وللزاوره بعد وإذا رديت البيت ثاني يوم أرد أرتب الجنطه وأحط غيارات للعيال نظيفه تجهيزا للطلعه الجايه >>> حلوة تجهيزا لوووول
هاذا اللي أذكره ألحين ولي عوده إن شاء الله
