مني الغدااا ,, ومنج الريوق ,, ومنها العشاااا ,, اكلات مفيده لعيالنا ابتداء من عمر سنه

[star_tete]

الموضوع مهم
ياليت مايوقف...همتكم يامهات اهل الخبره
والله ضايعيين عيالنا مايكلون

 

[sara999]

بنات لا عت جبدي ولدي ما ياكل غير بطاط وما بطاط وكوكيز
ولا شي مفييييييد ولا شي ولا شي حدي خايفه عليه
مره اذكر من زمان كتبت عن هالسالفه والبنات ما قصرو عطوني افكار بس مافي فايده للأسف حدي خايفه عليه

 

[منور24]

بنات لا عت جبدي ولدي ما ياكل غير بطاط وما بطاط وكوكيز
ولا شي مفييييييد ولا شي ولا شي حدي خايفه عليه
مره اذكر من زمان كتبت عن هالسالفه والبنات ما قصرو عطوني افكار بس مافي فايده للأسف حدي خايفه عليه

الله يعينج انا اقول ودي طبيب سالي الطبيب
انا ولدي على المزاج ساعات اتشوفينه يقول ابي عيش ومرات يسكر حلجه اذا بعطيه
وبنتي تاكل جم قفشه وبس مادري شنو اسوي معااها
ويموتون على شي اسمه بطاط وككاو

 

[um_yoyo]

موضوع حلو حيل بالنسبه لي فيني هوس على الخفيف بالنسبه لاكل عيالي
و تعلمت شغله وايد مهمه الطفل ذكي جدااااااا يعني لازم كل شي تطبقينه عليج قبل ما تطبقينه عليهم يعني ما اقول ممنوع البيبسي و انا بالغدا و العشا حاطته اشرب منه !! هذا كمثال
من اهم صغار عودتهم مافي بيبسي بالبيت ( ما اشتري نهائيا )

وجبات سريعه مافي الا بحالات نادره طالعين مع عيال اختي يشوفون اليهال يبون بس طبعا بدال البيبسي عصير

بفك و هوت دوج و مكعبات و شوربات ماجي ممنوعين ( بناء على نصايح دكتور عبدالله المطوع و الي قريته بكتب التغذيه عنهم )

الكاكاو و الحلاو و العلوج اخذ لهم افضل السيء يعني ما اخذ الي فيهم الوان صناعيه الي على بيتزا و هالسوالف الرخاص لا اخذ لهم كندر مثلا نوتيلا

تعلمت ان تكون كلمتي وحده معاهم لو ساعات عيونهم تترجاني يبون حلاو بوطقه المتروس الوان صناعيه ادوس على قلبي و اقول لا عمري ما هقيت هالكلمه جذي صعبه !

بما اني ساكنه مع حمولتي و دلع جدتهم ماله اول من اخر كل شي يبونه يصير الله يخليها لهم تعبت وايد على ما وصلت المعلومه ان هالاشياء ممنوعه عليهم و بالنهايه الحمدلله قام يصير الي ابيه لو ان ساعات تتزرق اشياء من وراي

لفواكه شي رئيسي لما صار هالشي عاده و روتين و طبعا الفاكهه قبل الاكل مو بعده ( الافضل علميا) او بعد الاكل بساعه

التمر شي رئيسي و صج هالشي على التعود يعني الي تقول عيالي ما يحبونه خل تراجع نفسها و تتذكر متى اخر مره قدمت لهم تمره انا من بعد الاربعين اعودهم على منقوع التمر و بعد 7 شهور اعطيهم تمر العادي و كل يوم اعطيهم تمره على الاقل لان اذا فجيت او نسيت يومين وره بعض راح يرفضون ياكلونه

المهم عندي نوعيه الاكل مو كميته يعني ما اسوي حلبه مصارعه علشان يخلصون صحنهم الي شبع يقوم عادي لو انشالله بعد 3 قفاش اعوضه بعدها بوجبه خفيفه و هالشي علشان لا يكرهون الاكل ساعات اشوف امهات انا ودي اصارخ و اقولها بسسسسسسسسسس ما يبي يبي

الحليب كامل الدسم من بعد السنه و اضيف له عسل بدال السكر

قفشة عسل هم من اشياء رئيسه

البيض اساسي

احاول اشتري دايم خضار فرش مو مثلجه

احاول احط لهم البهارات المفيده باكلهم مثل الكركم و كمون و ثوم

وجباتهم المفضله اندومي مع خضار ( جزر ,بروكلي ,زهره,ذره ) بس ما احط بهارات الاندومي احطلهم ملح و شويه بهارات

معكرونه مع خضار و جبن

هريس و نخي

ملوخيه دجاج

مرق دجاج
مرق عدس


اسباجتي

شوربه خضراوات


و الحين قاعده احاول اقنعهم بزبده الفول سوداني و المربى ( توني اكتشفها )

 

[غلا الروح79]

يعطيكم العافيه على الموضوووع الشيق والمفيد
ودى استفيد منكم لان ولدى البجر توه 4اشهر
واب

 

[مخدددده]

انا عيالي هالايام قاعده اسويلهم الميش بتيتوا

اسلق بطاط واهرسه مع جبن قلاص قفشه احط واخلطهم ... طعمه روعه ومفـــيد وواايد حبوه ,, نفس مال فرايديز
واسوى خبز بالبيت طحين +بيضه+سكر+هيل واخلطهك يامع حليب او مع ماى << يكون مثل المهلبيه سائل

وايب المقلاااه واصب فى من الخلطه وتطلع خبزه تهــــــــبل اسويها لهم حزت العصارى او المغــرب واحشئ لهم بلبنه او جبن قلاص او زعتر اللى يبونه

والهلبيه او كريم كراميل اسويها لهم حتى لو مو رمضان يستانسون عليها وتبرد عليهم بهالصيف واحسن لهم من الحلويات والكيماويات افيـــــد بوايد ويحبـــونها

وســـــلامتكم

 

[مخدددده]

غــلا الــروح
ولدج بهالعمر يبيله نتيفه بطاطه وجزره وكوسا مع عيش مصرى تسلقينهم وتهرسينهم بالخلاطه بيترررررربرب نفس عيالي

وتمر مع ماى دافى تنقعينه وتشخلينه وتعطينه بالمميه او توكلينه

ممم طبعا مع سيريلاك والبسكوت

انا اكل الاطفال الغراش ماحبـــه كلششش

انتى اهرسي موزه وكليه

 

[مخدددده]

صــج نسيت لا اقولج قـــرع بعد لينه ويلين بطنها وواااايد مفــــــــــيد

وعندى بنتى ماتواطن تاكل الا كل شئ ابيض اى شئ فى معجون طمام او محمش او احمر ولا الوان ماتواطن
فاسويلها معكرونيه اسلقها واصفيها واخلط معاها كريمه وجبن قلاص وتحب هالوجبه

او عيش اسلقه بحليب

او همبرغر انا اسويه بالبيت مو الجاهز
وفليه السمج اسويه بالبيت بالبقصماد وواااايد يحبونه <<بدال النقتس وهالسوالف

دياي صدور
شورما
سلطـــــه فــــواكــــــهه يحبـــــــونها وايد
بقصـــم وحليــب
مممممممممم هذا اللى ابالى اللحين

 

[مستقبل]

الله يعين اليهال علينا ، احنا اكلنا كله خرابيط و نبيهم ياكلون اكل صحي ، اول خطوة احنا نعدل اكلنا عشان نصير قدوة لهم
و طبعا مشكلة الحمولة كل من يدلع من صوب و يبون الياهل يحبهم يقومون يترسون بطنه حلاو و كاكاو

القمردين مفيد و ممكن تقصين عالياهل و تفهمينه انه حلاو
الفاكهه المجففه بشكل عام أفيد من الطازجه
الروب اللي على فاكهه
السمسمية بس ديروا بالكم لا تكون من النوع اليابس تعور ضروسهم ترا حيل مفيده كلها كالسيوم
التمر مرات اخلطه مع بسكوت مطحون أو سمسم أو اوريو و اسويه على شكل كور يستانسون انه شكله كره و ياكلونه عبالهم كاكاو
و مثل ماقالت الاخت اللي قبلي اختار الاقل سوء يعني بدال الكاكاو الصجي في الكورن فليكس بار يكون فيه فيتامينات مضافة عليه عالاقل احسن من اللي كلهم صبغ و دهون مهدرجة و بلاوي

 

[lo0ora-q6r]

اشكرك على الفايدة

 

[بحر الغموض]

انا عن نفسي اهم شي في بالي
انه يبتعد عن الككاو
البيبسي
البفك احاول اقلل كثر ماقدر
وبالنسبه للاكل ياكل مع البيت واذا بغير اييب له هريس او يريش
ولدي عمره سنه وجم شهر
وعلى فكره في عصير طبيعي تفاح تلقونه بمركز سلطان وعلى اشكال حلوه يحبها ولدي

 

[@الياسمين@]

وانا الحمد الله اكلي يعتبر صحي فبنتي تاكل معانا يعني ما يكون شي خاص لها ..
بس اهم شي احرص على انها ما تروح صوب الخرابيط بطاط وهالسوالف ..
البيض اساسي ــ العسل ـ التمر ـ الحليب
الخضار والفاكهه ... دايما اقصصلها العصاري فلفله بارده وجم نوع فاكهه ـ وشرايح جزر
وترى اهم شي ان الام تكون واعيه وتعرف شلون تعلم اسرتها على نظام غذائي صحي

 

[3rosa]

لا يوقف لا يوقف

عاشو البنات عاشو

 

[أم حمد =)]

يعطيكم 10000 عافية

 

[meen_ana]

نصاايح واايد حلووة نااطره المزيد

 

[tmtmt]

حبيبتي فنانه ويينج ؟
فاقدتج ان شاءالله المانع خير

 

[مساء مونترو]

انا مع البنات..
طبعي ولدي ..
اعطي دانيت بجميع الانواع ويحبهم ...
اكيد ضعف ليش ان وايد حركي ..
بس بنات ابي وصفة السيرلاك مع الكيري منو تعرفها؟؟

 

[صيته مناحي]

يسلموووو موووضوع رائع جدااااا

 

[روعة الأمومة]

رد : مني الغدااا ,, ومنج الريوق ,, ومنها العشاااا ,, اكلات مفيده لعيالنا ابتداء من عم

مشكوورين بنات صراحة استفدت من خبلااتكم

انا بنتي اسم الله عليها بجري فهذي اول تجربة لي عمرها الله يحفظها سنة و نص تقريبا

ام يويو عجبتيني صراحة الله يقدرني و اصير مثلج ​

 

[روعة الأمومة]

رد : مني الغدااا ,, ومنج الريوق ,, ومنها العشاااا ,, اكلات مفيده لعيالنا ابتداء من عم

سووري " خبراتكم"

بدلية معلش الوقت متأخر