مني الغدااا ,, ومنج الريوق ,, ومنها العشاااا ,, اكلات مفيده لعيالنا ابتداء من عمر سنه

[3rosa]

عاشو البنات .. عاشووو صج البفك مو زين لليهال


اب اب اب


لا يوقف لا يوقف

 

[قمري]

خووووووووووووش موضوع عاد انا بنتي حبيبتي امس موديتها الطبيب وقالي وزنها اقل من المطلوب عصله و قررت اني اجابل اكلها

 

[فديت ولدي]

ولدى عمرة سنة....وزنة قليل عطانى الدكتور نظام غذا وبيشوفة مدة اسبوع.....
ونصحنى بالبطاطا الحلوة يقول تعطى الطفل وتعطية نضارة من الداخل والخارج
وشفت ولدة ماشاالله ع البطاطا الحلوة.....وانتى نوعي له مرة بالفرن
ومرة مع خضار........

 

[Toulin RTN]

رد : مني الغدااا ,, ومنج الريوق ,, ومنها العشاااا ,, اكلات مفيده لعيالنا ابتداء من عم

والله احس بفك بوسفينة احسن بوايد من انواع ثانية

 

[عبث طفله]

بفك سفينه حلوو وايد تموت عليه بنتي .. بعدين خلونا نكون واقعيييييييين

مستحيل نقدر نمنعهم عن هالخرابيط دايما .. الخاله توكل من وراج .. امج توكل من وراج .. والعمات والخالات .. يعني ما تقدرين تتقيدين حيل بخصوص هالموضوع ..

 

[كبرياء ومهابه]

رد : مني الغدااا ,, ومنج الريوق ,, ومنها العشاااا ,, اكلات مفيده لعيالنا ابتداء من عم

والله انا ولدي ماله وجبه معينه بصراحه كل وقت ياكل ماله وقت معين وهذا غلط

 

[توته شيطونه]

وي وي وي بنتي عاد مشكله كله تاكل خرابيط ما تحب الاكل الصحي واذا شافت البطاط المقلي تموووت فيه

 

[اللهم الجنة]

نبى افكار بعد

 

[ام علي الصراف]

السلام عليكم

والله الموضوع وايد مفيد ويعطيكم الف عافية
انا بنتي عمرها الحين اسم الله عليها سنة وشهرين وماعندي غيرها اول مشكلة اعاني منها اهي اكلها الي للحين بالخلاط واذا عطيتها مو مخلوط تاكل قفشتين ثلاث بالكثير وبالباقي تقطه وتنحاش وانا وراها وماكو فايدة حتى لو اجوعها ارد واعطيها بالخلاط اقول بس تاكل وقبل فترة وديته الطبيب قال وزنها قل نص كيلو من جذي مابي اشد عليها اقول بس تاكل.
وثاني شي اهي الصبح ريوقها اساسي روب فواكه كل يوم شكل + انوع لها ما تحب التوست كلش ساعات اسوي لها شوفان بالحليب وساعات سيريلاك ومرات بيض مقلي الي تاكله شوي ما تحبه وايد.
الغدا احاول اعطيها من غدانا بس ما تاكل وايد وتحب اكلها الي متعوده عليه ( قرع بصل بطاط كوسه بروكلي طماط مع لحم أو مع الدياي)
والعصاري فواكه اما خوخ وتمر مهروس مع عسل أو عرموط ووجبة العشاء غالبا معكرونية حروف مع سبانخ و بطاط وكوسه + جبن شيدر وزهقت احاول اغير لها تاكل شوي وما تحب التغيير مادري شسوي معاها

 

[كتكوته22]

الموضوع وايد مفيد ومنكم نستفيد


بس بسالكم امهات متى ابدي اوكل بنتي 4 اشهر ولا 6 وشنو ابدي معاها ودي ابدي من 4 اشهر شرايكم ولا مو زين انطر شوي

 

[مراااايم2]

موضوعكم ينن يزاكم الله خير
انا بنتي عمرها9 شهور الصبح شوربة شوفان مع قليل من السكر
الغدا عيش وشوربة عدس
العصر فاكهة
العشا زبادي
-

 

[مضيعة برقعها]

واااااااااااي بنتي عيشتها مهب عيشه
عالككاو والبفك والمصاص والخرابيط

 

[محبوبه25]

رد : رد: مني الغدااا ,, ومنج الريوق ,, ومنها العشاااا ,, اكلات مفيده لعيالنا ابتداء م

خووووش موضوووع للامانه قريت اول صفحتيين


بس عندي اقتراااح


ليش بدال لا نذكر المقادير والاطباق نصوور كل يووم شنو سوينا لاعيالنا وبالمقاديير

منها تكون مدعوومه بالصوور ومنها نتشجع نطبخ لهم كل يوم شي مفيييييد>>حق الكساله نفسي ههههه مرات اتعيز_shh_:

انا بتابعكم لي اقدر اطبخ لاني حاليا من غير خدامه ولاهيه مع اليهال والبيت

والله الموضوع عجيب يليت يكون فيه صور

 

[دانة الأمورة]

السلام عليكم
موضوع جدا جميل انا عندي بس بنات الله يخليهم لي من عمر 3سنوات و 4سنوات
الحمدلله على اكلهم وايد زين عندنا الريوق كورن فليكس او بيضة مفيوحة مع خيار و زيت زيتون و اجبان
الغدا عندنا مجبوس دجاج او لحم و الحمدلله ياكلون سمج و ربيان و قباقب مع انه القبقب لو اموت ما احبه بس اهمه شافوا الناس ياكلونه صاروا يخرعوني فيه
و العشا معكرونة مرت علي فترة يبجو يبون اندومي فصرت اسوي شعرية شكل الاندومي مع خضار و طلعت تينن و البنات ماتوا فيه و لا يسمونة الا الاندومي
قووووووووووووووووووووووووووووووولوا ما شاء الله

 

[كثبان رملية]

رد : مني الغدااا ,, ومنج الريوق ,, ومنها العشاااا ,, اكلات مفيده لعيالنا ابتداء من عم

انا الحمدالله عيالي ياكلون واعمارهم بين 10و9و7و 2سنوات و10 شهور

فطور ...اسويلهم خبز البيت مع الجبن السائل احيانا كورن فليكس ..اما اليهال اللي يبقى من خبز البيت اخلطهم مرة صغييير يصير فته مع الحليب والسكر او عسل

غدا ....غدانا...وحتى اليهال لهم عيش مهروس حتى يقدرون يبلعونه

العصر ...شاي مع البسكوت او اسويلهم حليب بالمكسرات

والمغرب يتعشون....اسويلهم معكرونة او بيض او خبز همبرجر في البيت قصدي المجمد اقليه في البيت

وعيالي يحبوووووووووون العصاير الفرش ....بس يا امهااااااااااااااااااااااات اتمنى انكم تساعدوني

اريد عدة طرق للعصاير الفرش بالذات لانهم يبون مع الفطور والغدا والعشاء

لان عيالي ملووووووووووووووووا من عصير اللي اسوي لهم ( برتقال+تفاح_جزر) ابي انوع مرة جذي ومرة جذاك

ياريت لو تعطوني افكار واللي يعجب عيالكم الله يخليهم ويقويهم

ونسيت اقولكم شي مهم ....عيالي الحمدالله والشكر يحبون التمر بشكل عام عاد يوم اسويلهم على الناراحمسه مع نزع النجوة
مع زيت سمسم و رشة
هيل و قرفة والطعم روووووووووووووووووووعة والريحة تجنننننننننننن اتمنى تجربونه

 

[كثبان رملية]

رد : مني الغدااا ,, ومنج الريوق ,, ومنها العشاااا ,, اكلات مفيده لعيالنا ابتداء من عم

للرفع ....................

 

[مدمنة ككاو]

الريوق
احنا نسميها بيتزا البيض ))

تاخذين بيضه وتحطين عليها شوية حليب بمقدار نص استكانه ورشة ملح وتخلطينهم عدل وتييبين توسته وتنقعينها بالبيض من الويهين لين تمتص عدل البيض اقليها على نار هاديه من الويهين لين تصير ذهبية اللون وشيليها وخليها تدفى شوي وحطيها عليها مسحة عسل وقصصيها مربعات صغار



الغدا لسان العصفور بالخضار

فوحي بماي الدياي (كوسا وقرع وبطاط وجزر وبروكلي وفخذ دياي مو كامل بس الساق وقفشة عدس) لين يستوون عدل ومع شوية من الماي اللي فيهم حطيهم بالخلاط يصيرون لج مثل الشوربة تكونين سالقه لسان العصفور خلطيه معاه طبعا كل ما يكبر الياهل تقدرين تحطين اضافات
يعني اكبر من سنه ونص تقدرين تحطين بالخلطه طماطه بدون قشر ولا بذر وبصله صغيره وتحطينهم بالخلاط وسوي لحم مفروم بروحه ولسان العصفور تسلقينه بروحه وخلطيهم مع بعض بصراحه مفيييييده وكل شي فيها وتشبع
انا اسوي جدر يكفي يومين اعطيهم عالغدا وبعض المرات العشا

العشا
اسوي شوربة الكويكرز مع الدياي والبروكلي بالذره واحطها بالخلاط وااااايد يحبونها ومفيده

 

[k-prinsses]

اذا بتغييرين في العصاير ,جربي المنجا مع الكريمة في الخلاط, او شمام معالحليب و شوية ماء زهر, فراولة و موز و ايس كريم فانيليا,اناناس و منجا و حليب جوز الهند, هذول خلطات بناتي المفظلة,انشاء الله يعجب عيالكم

 

[mariam_q8]

انا ولدي ما ياكل شي
ياكل مجموعه الحليب مثل : لبن - حليب - جبن- روب
ومجموعه الخبز : معكرونه - توست - كرواسون
و الفاكهه : عصير كوكتيل - تفاح
و ياكل نادرا عدس و عيش ولا

ما ياكل خضرواااااات و لا لحووووووم ولا بييييييييييض
ياريت تحطونلي طريقه تساعدنيي ان اطبخله و ياكل
و الي تعرف اكلات للتوونه الفريش و السالمون لان انا مو بالكويت و هذا السمج الي موجود بليييز ساعدونييي

 

[اسهلهالك]

:eh_s(8):
هااااي انا الريوق شابوره كيييك مع حليب طازج ولا بسكوت ماري وحليب بس وعصاير افرش بالخلاط لييين الغدا
اما الغدا مرق سبانخ ومعكرونيا ولا مجبوس دجاج او لحم ولين العشا اعطيهم داناو الفراوله وفانيليا والعشا كورنفلكس