مني الغدااا ,, ومنج الريوق ,, ومنها العشاااا ,, اكلات مفيده لعيالنا ابتداء من عمر سنه

[kanoosh]

:wqedqw:

عدنا من جدييييييييييييد

فنووون والامهاات الباجيين خلونا نتكلم عن وجبات السناك المفييده ولا عليكم امر

حبيت اذكركم بهالاشياء اكييييد عندنا <<من جيله رمضاان ومخلينها

كريم كراميل

محلبيه بجوز الهند او البسكووت <<واذا اكبر وتقدر تاكل المكسرات اضييفه لها

جلي

حليب بالشوفان والعسل والزبيب<خذيتها من الاخت حرووووووومه

مشمش مجفف

روب بالعسل او اي انواع المربى <<افضل المشمش او الرقي

:gr4uu:

بس ماعندي واايد مواالح لهم كسنااك غير الفطااير :denya:

 

[حرم راشد الماجد]

سناكس ( موالح )
باف بستري
تقصصينه بالشكل الي تحبين تدهنين الوجه بزبده وتحطين فوقه زعتر
وتحطينه بالفرن وتقدرين تسوين نفس الشي بس تحشينها بالجبنه . اللبنه . ..... الخ

وممكن تسوين توست بالبيض والجبن تخفقين البيض وتضيفين له جبن او زعتر وتغمسين التوست المقطع قطع صغيره يعني مكعبات بحجم جين الكيري
وتقلينها
وتقدمينها لهم هم حلوه

وبالعافيه

 

[kanoosh]

ثاااااانكس حرووووومه ما نتحرمش ياخجيييي

عجبتني سالفت البيض واايد

وهم تصدقيين ذكرتني اختي

بالنخي

والذرره

 

[eman12]

السلام عليكم اشلونكم امهاات
عندي طبق يحبون الكبار والصغر تفوحون البطاط وتهرسونه وتسونه كور مثل الكبه وتصفونه بالبايركس وتحمسون دجاج مع سبانخ وليمون وسماق وتصفونه فيق البطاط وتصبون فوقه كريمه حامضه مع ماي وجبن موزرولا وتدخلونه الفرن بس 10 دقايق حلو حق العشا ومغذي وتقدرون تستعنون عن الدجاج اذا بس تبون بطاط وسبانخ

 

[تاجي الفضيلة]

وااااااااااااااي جد فنانة اسم الله عليج بسوي حق بنتي مثلج لما تروح المدرسة
بس المعكرونية شلون طريقتج فيها
ومرق السبانخ؟؟

 

[Alcaponiah]

مشكورة فنانة 79 على الموضوع المميز
بما اني حاليا اجازة حابة اهتم باكل عيالي ..ياحلوكم وياحلو وصفاتكم
بنات عودوا عيالكم ياكلون التمر ويشربون لبن ..
الصبح احب اعطي اليهال القشدة مع العسل الطبيعي ومرات بيض مفيوح او مقلي ومرات لبنة مع زعتر ,,والزعتر بروحه مع زيت زيتون وصمون همن مفيد , كورن فليكس ..
الغدا طبعا غدا البيت مع التنويع عشان مايملون
والعشا وصفاته سهلة شوربة خضار او عدس او ذرة ,عيش مفيوح , معكرونة , همبورجر مشوي , اقليلهم بطاط لان يهال ويحبونه
بين الوجبات : تقدرون تعطونهم مكسرات تعطيهم طاقة وهمن مفيدة لهم بس طبعا اليهال فوق سنتين .. فاكهة , قطع كيك صغار , بسكوت مع حليب او بروحه , ملك شيك تسوونه بالبيت بنكهات مختلفه , روب بالفاكهه احسن من الايسكريم , عصير طازج , سلطة فاكهه .

 

[الفنانه79]

حياااااااااااااااااااااكم الله يابعد قلبي

ولكم اعيوووووووووني والله

السناك انا احيانا اقلي لهم سمبوسه داخلها جبن سايح وذره او سمبوسه كيري واحط فوقها شيره


انواع الخضروات (خيار - تفاح - جزر الصغاااار مال مركز سلطان - موز ) احط يمه صلصات مثل جبن الشدر او كاكاو او قيمر اخلطه مع العسل وايغمسون الفواكه فيه

او الباااان كيك مع كاكاو نوتيلا <<< دمااااااااااااااااار شامل اصلا راح ايأذووونج فيه <<< والصراحه اهو مفيد (حليب طحين بيض )



اي حبيت انووووووه على شي مهم مهم مهم

ان العصير اللي اشتريه حق اعيالي (لاااااااااازم يكون مكتوب عليه نكتااااار )

مااشتري اللي مكتوب عليه شراب او عصير << لان حده مده قده >>> على قولة اعيالي مو مفيييييييييييييييد

احيانا احطلهم ناااااتشوز وفووقه جبن كرافت وادخله المايكرويف ويقرمشووون فيه هههههه وايد حلو واطشر فوقه زيتون اسود واحيانا احط كريمه حاااامضه معاه




ها كنووووووووووش اشرايج بالسناااكس ​

 

[Alcaponiah]

يسلموا فنانه
ماشاء الله عليج صج فنانة
لايوقف نبي بعد حركات ووصفات حق عيالنا اسم الله عليهم .

 

[تفاحة حمرة]

ماشاء الله عليكم والله اكل مفيييييييييييييييييييييييييييد


كنووش شلون طريقة الحليب بالعسل والشوفان

بليز بنات اكتبو الطريقه

فنانه بسوي طريقة البان كيك وبقولج اذا ضبطت

ولي رجعه باذن الله عجبني الموضوع

 

[ktkota_we9we9]

ماشالله عليكم كيفتو ووفيتوو
بس نطمع بالمزيد من الافكار

بالنسبه لبنتي عمرها سنه وشهرين الريوق :
جبن ابيض وخبز ايراني << تموووت عليه
او جبن قلاص
او بيض مفيوح
عقبها الممه اول قبل الريوق


الغدى من غدانا و احرص تاكل سمج واشوه تحبه


العشى يا من عشانا يا اطلعلها من الغدى يا تسويلها بيض او نقتس (شغل بيت خالتي تسويه ).

 

[love love]

خووووش موضوووع للامانه قريت اول صفحتيين


بس عندي اقتراااح


ليش بدال لا نذكر المقادير والاطباق نصوور كل يووم شنو سوينا لاعيالنا وبالمقاديير

منها تكون مدعوومه بالصوور ومنها نتشجع نطبخ لهم كل يوم شي مفيييييد>>حق الكساله نفسي ههههه مرات اتعيز_shh_:

انا بتابعكم لي اقدر اطبخ لاني حاليا من غير خدامه ولاهيه مع اليهال والبيت

 

[love love]

فناانه شنو يعني نكتار؟؟ وشنو العصااير؟؟
مشاءالله واااااااااااااايد استفدت منج مو بس هالموضووع كل المواضييع

عاد في موضوع بنزله من زمااااااان واكثر الردود ناطرتها ردج ان شاءالله اليوم انزله

 

[سوسو الأموره]

أنا بنتي جننتني ماتاكل أي شي فيه خضره غير البطاط

وإذا حطيت لها لحم أو دجاج ماتاكله كلش

 

[الفنانه79]

فناانه شنو يعني نكتار؟؟ وشنو العصااير؟؟
مشاءالله واااااااااااااايد استفدت منج مو بس هالموضووع كل المواضييع

عاد في موضوع بنزله من زمااااااان واكثر الردود ناطرتها ردج ان شاءالله اليوم انزله

ياااااااااااحياتي انتي انا حااااااااااااااااااظر ومن اعيوني باللي تبينه

العصاير تكون مضافه عليها اشياء وماي والوان وغيره واتكووون مو مفيده

والشراب يكون فقط ماي وسكر ونكهه اصطناعيه ولون

اما النكتار يكون الفاكهه عصيؤ ومركزززززز حيل واهي طبعا اللي تكون مفيييييييييييييده حقنا وحق اعيالنا

 

[love love]

اهاااااااااااا مشكووورة على المعلوومه

 

[spain-kw]

خوش موضوع
بنات أذكركم
تطبخون المعكرونه أو الدجاج أو أي شي تفوحونه مع إكليل الجبل (الروز ماري ) لفوائدها العظيمه للعظام والبردقوش جدا جدامفيدين للجسم
اللي تسأل عن مقادير البان كيك ؟ ترى تنباع خلطتة طحين جاهز بالميره ماركة العلالي وماركه ثانيه نسيتها وطريقته سهله مكتوبه على الكرتونه .
بنات حابه أذكركم بالبروكى جدا مفيد تفوحينه وتغمسينه بالروب وتقدمينه لطفلج طبعا تقطعينه قطع صغيره عشان يكون سهل الهضم .
والزهره كذلك والقرع .
والمعكرونه اذا بتطبخينها تبشرين فوقها جزره كامله عشان يصير ماي المعكرونه اللى تنسلق فيه كأنه عصير الجزر والجزر مفيد جدا للعيون .

 

[أحلى الجياكر]

ما شاء الله ..عجيبة صورج الفنانة انا اشتهيتهم ...

بالنسبة لى ...عندى بيبى عمره سنة و نص ...عسر حده ولا يقبل بأى اكل جديد ..لى الحين ما يبى بيض

...الريوق: توست مع جبن جلاس و حليبة
سناك : بسكوت و عصير
الغدا : من غدانا ما عدا السمج والربيان
السناك الثانى ..روب فواكهة
العشا : نفس الريوق ..و متولع بالفرنش فرايز ..بس حاقرته ...

موضوعكم يهبل ..كملوا بنات ..

 

[مستقبل]

حبيت أتأكد من سالفه العصير و الشراب و النكتار

اللي اعرفه انه الشراب ماي+سكر+اصباغ و نكهات

النكتار عصير+سكر+اصباغ و نكهات

العصير اهوا اللي يكون عصير فقط بدون اضافات

 

[مستقبل]

انا اولادي عمرهم اربعة سنين افطرهم بيضة مقلية او مسلوقة مع حبة جبن مثلثات وخيار وطماطم مقطعة صغار وكم حبة زيتون ونص صامونة وكاسة حليب \\\\\\\\\\\\\\\\ الغد طبعا من غدانا بس لازم يحتوي على كل العناصر الغذائية اسوي عيش ومرقة لحم مع بامية وفصوليا خضرا وسلطة مبشورة جزر وخيار وطماط وبقدونس وليمون ورش احيان عليها شوي زيت زيتون وموزة وبرتقالة \\\\\\\\\\\\\ العصر عصير مانقو او برتقال الموجود اعطيهم منة واحيان عصير زبيب مفيدددددددددددددددددد يروح فقر الدم ويخلي الخدود حمررررررررررررر \\\\\\\ العشاء اغلب الاحيان بيض وزيتون وجبن ومربى وخيار وطماط تقريبا نفس افطور واحيان مكرونة باللحم والجبن او سندوشتات تونة مع سلطة وقبل النوم لازم كاسة حليب

شلون عصير زبيب ؟؟ تنقعينه وللا تضربينه بالخلاط مع الماي؟؟

 

[aso00ora]

موضوووع روووعه

ومفيييد

يعطييكم العاافييه