منو مو قادره تسيطر على ....؟

[أم سارونه المزيونه]

أختي معاش 500 دينار ما يصير
اهو شنو يشتغل؟؟
وين العلاوة الزوجية؟؟
وبعدين بدل ايجار 150
الظاهر اهو عنده قروض ومن بعد القروض يظل 500
ادعي رب العالمين من بعد صلاة الفجر لي طلوع الشمس كل يوم ان الله يزيد في رزقكم
وانشاء الله تفرج
ودوام الحال من المحال
انشاء الله تشتغلين وتتغير الامور

 

[q8sweeta]

يكفي بالعكس اذا صافي 500
الماجلة 100 دينار
كل شهر
الطلعات والعشوات والغدوات كل اسبوع كل ويكيند
يعني بيقط مطعم 20 + سينما 8 دنانير مع نفيش وغيره يعني اكثر شي 30 دينار
هذي 120 دينار مصروف الطلعات
جم يبقي 280
100 دينار مصروفج الشخصي كل شهر
وانتي خو مو كل تشترين هدوم يمعي
يبقى 180 دينار
150 مصروف ريلج
و30 دينار توفير

 

[لاكوستة]

حبيبتي اهم شي انكم مرتاحين و سعيدين مع بعض و الفلوس خلوها اخر همكم بالدنيا
و اذا عرفتي شنو تقسمين الراتب عدل بيكفيكم ان شاء الله
و بعدين انتي ان شاء الله قريب تتوظفين و يصير عندكم بدال الراتب راتبين و راح يتعدل الوضع يعني صبري شوي مجرد فترة و تعدي

 

[سموة الزين]

رد : منو مو قادره تسيطر على ....؟

الف الف الف مبروك حبيبتي والله يوفقكم
اظن البنات كفو ووفو والله يهنيكم وعيشي على قد معاشكم المثل يقول مد ريولك على قد لحافك
وان شاء الله باجر بتوظفين ووالفلوس وبتستانسون والمواجيب اصلن معذوره ماعندج معاش اشلون توجبين والله يهنيمك

 

[a7la_7b]

حبيبتي اهم شي
عندج مكان تنامين فيه
عندج شي تاكلينه
عندج صحه

هذا اهم شي
صدقيني الله يفرجها ماتضيق الا وتفرج

 

[om MaRyooM]

والله اللي معاشه حتى 1000 بيقولون اقساطنا وايد وكل شي غالي ..

يعني ياقلبي انتي لازم تأقلمين نفسج على وضع زوجج .. وبعدين اذا انتي شاكة بمصاريف زوجج راقبي .. يمكن اصلا معاشه مو جذي خصوصا اذا اهوا كويييتي !!


ومافي مانع البس شي بسيط مو شرط غاالي . اهم شي الذوق

والله يعينكم ويحسن اموركم

 

[modern]

رد : منو مو قادره تسيطر على ....؟

حبيبتي في ناس عايشين اقل منكم اشكري ربج

 

[حبيبي مالكني]

رد : منو مو قادره تسيطر على ....؟

ذكرتيني بحالي قبل ما اشتغل
الله يعينج ومثل ما قالوا الاخوات حاولي تقتصدين شوي
تركي الكماليات واهتمي بالضروريات

 

[AL-N7EESAA]

رد : رد: منو مو قادره تسيطر على ....؟

اول شي مبروك الزواج و عسى الله يوفقج

اول شي تسونيه تحمدين ربج النعمه يبيلها حمد و شكر

غيرج للأسف مو لاقي ياكل

الشي صعب ترى خصوصا اذا انتي متعوده على اللبس و المشترى بس بشويه ذكاء باذن الله بتنفرج

اول شي شيلي من ال500 التزاماتج (اجار.. ماجله .. فواتير ...الخ)

و الباجي شيلي منه مبلغ و حطيه في حساب و سميه حساب طوارىء

حتى لو مبلغ بسط 30 دينار ترى تنفع 30 كل شهر يعني 360 بالسنه

و متى ما ربي سهل و توظفتي انتي هم ساهمي بهالحساب

و اذا على الطلعات و المشترى حاولي تدبرين نفسج باللي عندج لما ربي يفرجها

بس حبيبتي بعطيج نصيحه وحده كوني ايجابيه

اذا شفتي اللي عندج شويه فعلا بتحسين انه شويه و ما يكفي

و اذا حسيتي انج بخير و نعمه الحمدالله انتي من داخل بترتاحين

ترى الفلوس مو كل شي بهالدنيا يا حبيبتي صج هي مهمه بس ترى الاهم الصحه و العافيه و الراحه النفسيه

كوني ذكيه و استغلي كل دينار عدل

و ترى زوجج اذا شافج ميتسه و متعاونه بيحطج بعيونه و بيدللج لانج وقفتي وياه

و اذا ربي رزقه راح تشوفين المردود

اما اذا كشرتي و صرتي تعايرينه راح يكره عيشته وياج

حبيبتي هذا امتحان لج صيري ذكيه و كسبي رضا ربج و زوجج و راحتج

و انشالله ربي يبارك لكم بارزاقكم و يزيدكم

الله يوفقج حياتي

عدل كلامها ، والله يوفقكم وايسرلكم

 

[co0oca]

لله يرزقكم ان شالله من فضله

 

[ترووفه]

حبيبتي

الحمدلله ريلج ياخذ رايج يقولج قسمي

انتي اهني اخذي اللي تحتاجينه بس

وقولي له الباجي تخلوونه لكم مو لاازم الفلوس ترووح بسررعه

والحمدلله شي احسن من لا شي

 

[كويتيه مذهله 87]

لا تتضمرين بعيشتج قولي الحمدالله
جان خذيتلج واحد فلووووس اذا موعاجبج عيشتهم
ميخالف كلنا جذي وحامدين ربنا علي المعمه الي عايشينها وقدري ريلج


,,,

 

[احساس2]

رد : منو مو قادره تسيطر على ....؟

مبروك الزواج والله يسعدج حبوبه
من رايي اجلو مساله العيال شوي حتى انتو بعد تستمتعون مع بعض ولين الله يرزقج
وايد ناس قعدوا سنه او سنتين بعدين فكرو باليهال
ويارب يوفقكم لمايحبه ويرضاه

 

[كـ غلا ــلي]

رد: رد : منو مو قادره تسيطر على ....؟

مبروك الزواج والله يسعدج حبوبه
من رايي اجلو مساله العيال شوي حتى انتو بعد تستمتعون مع بعض ولين الله يرزقج
وايد ناس قعدوا سنه او سنتين بعدين فكرو باليهال
ويارب يوفقكم لمايحبه ويرضاه

انا رايي مغاير للاخت اذا انتي تحبين البهال و خاطرج بياهل ليش تحرمين نفسج و ثقي بالله

الياهل ايي ورزقته معاه لا تحاتين واذا على سالفه المراجعات راجعي بحكومه والولاده بس خليها بخاص

و مولزوم مستشفى غالي عندج مستشفى لندن الولاده فيه اب 180 دينار والله بلاش مقارنه بغيره

اما بالنسبه للتوفير البنات كفو وفوا وما تضيج الا تنفرج يا اختي ولا تنسين حالتج ترا مثل حالت غيرج

راتب كبير وكله رايح عالقرض بالتالي ما يبقا من الراتب الا الشي القليل وها الحمدالله عايشين

 

[غيمه ظميانه]

يكفي انشاالله دام توكم

بالنسبه للمعاش تقسمينه شوي شوي يضبط

100 مصروف لج مو كافي
50 ماجله انتوا اثنين كله معلبات ومثلجات يعني ماكو طباخ طباخ
واجار شقه اذا فيهواذا ماكو يبقى 350
100 لزوجج من من بانزين ومصاريفه
باقي 250

50 حق طلعات وروحوات

200 دينار منها للاجار اذا في واذا وفرتوا يكون احسن يعني شهر والله ارهوا على عمركم خيطي فيه اصرفي ال100 كلها الشهر اللي وراه ما تحتاجينه وفريه للحاجات اذا عندكم عرس مناسبه


بالنسبة للخدامه والولاده

الياهل لا تشيلين همه يولد ورزقه معاااااه سبحان الله اللله يسهلها

ادخلي جمعيه 100 دينار لمده 8 شهور شتسين راح تجي لج تقريبا 1000 دينار غير اميتج

300 للخدامه
300 للولاده

باقي 400 لتجهيز الولاده وملابس البيبي

وتجهيزج انتي انشاالله بيصير من الهدايا اللي توصلج من المولود الاول خخخخخخخخخخخ

موفقه

 

[قطعة ألماس]

فديتكم رفعتو معنوياتي

 

[حربيه وبس]

رد : منو مو قادره تسيطر على ....؟

كل شي راح يتعدل مع الوقت

انه الله مع الصابرين

 

[semaasem]

ماعليه حبيبتي انا كنت طالبة وعلى معاش واحد منتف وقرض واجار والتزامات يعني انتي توج في بداية حياتج الزوجية وشوي شوي راح يتعدل وضعج أكيد وتتوظفين ويصير عندج معاش وتلبسين وتسافرين وتستانسين المسألة مسألة صبر وصدقيني اذا زوجج زين ويستاهل والله ميخالف وهالامور هذي يذكرها الريال الزين ماينسى صبرج انا اذا زوجي الله وسع عليه وشرى لي هدية وقلت له ليش كلفت على عمرك يرد يقول نسيتي يوم بعتي ذهبج علشاني؟؟ انا حتى ذهبي بعته كله لان كانت عليه ديون أقساط متراكمة من التسهيلات بعته وسددت اللي عليه والحمدالله انه موناسي هالمواقف ولا ناسي صبري عليه ورضاي والله ان مرات نتذكر هالايام نضحك على روحنا ضحك مرة آخر الشهر وماعندنا شي ويواعة وفاصلين نبي فطاير لا تشوفينا يمعنا الخردة حتى 20فلس حطيناها علشان نطلب لووول والله كانت ايام والحمدالله عدت على خير واشتغلت وتبحبحنا وقمت أقدر أيمع وأسافر وألبس وأكشخ وأوجب و....الخ بالعكس انا عندي اذا كانت بداية الحياة صعبة تتعلمون قيمة الفلس أما اذا كان كل شي متوفر فالفلوس مالها قيمة صبري عليه اذا كان يستاهل والفلوس مو كل شي بالدنيا.

 

[كارلوفي فاري]

ماعليه حبيبتي ذكرتيني باول عرسي احمدي ربج احنا اللقمه مانلقاها عشان ناكل كل مرة يطر من اخواته الدينار عشان يجيب لنا اكل مو خرابيط لين ياربي لك الحمد تخرجت وتوظفت وتعدلت حياتنا 180 درجة صبري وراح ترتاحين بالاخير

انا معاها