منو مو قادره تسيطر على ....؟

[قطعة ألماس]

مشكووووورين حبايبي

 

[كرز حالي.]

رد : منو مو قادره تسيطر على ....؟

حطي فلوس الاشيا الضروريه بصوب
وبعدها قسمي الباجي

 

[هيبة ملك]

ألحين أنت عروس أكيد مو محتاجة

باقي أمورج شوي شوي دبريها مع زوجج

وخلي بالج طويل

 

[أنا Top أنا]

رد : منو مو قادره تسيطر على ....؟

الله يسهل اموركم

 

[روحي ابوي]

مثل ماقالواا البناات 500ديناار خير وبركة وانتوااا ماعندكم يهاااال
توج عروس واكيد جهاازج يديد ،، اصرفي لفلوس على الشي الضروري
والمهم ،، وبعدي عن الخراابيط اللي مالهاا معنى وروحاات السوق
والله يسهل اموركم ياااارب

 

[قطعة ألماس]

الله يوفق الكل يااااارب

 

[قطعة ألماس]

بنات ما أحد جاوبني بخصوص الخدامه والولاده شلون أنظم هالشغله

 

[سر الجنان]

رد : منو مو قادره تسيطر على ....؟

ما بعد الضيق الا الفرج انا كنت نفسك والحمدالله الحين في خير ونعمة اللهم لك الحمد وانتي بتوظفين وبتعيشين حياتك واهم شيء ان الرجال يكون طيب واصبري وانا اختك

 

[قطعة ألماس]

رفع

 

[قطعة ألماس]

رفع وينكم

 

[ملواكي]

الله يعينج وييسر اموركم
حبيبتي كلنا كنا جذي لين توظفت والحمدلله تعدلت امورنا

 

[مشتاقه لك يبا]

رد : منو مو قادره تسيطر على ....؟

الله يفتحها عليكم ويرزقكم الرزق الحلال انشاء الله

 

[غمزه وإبتسامه]

شوفي الاتزامات الي عليه جم ومن بعدهاا طلعي مبلغ صغير خشيه يفيدج وقت الزنقه ومو لازم كل شهر تطلعون مكان تدفعون فيه المبلغ الفلاني رووحو بحر رووحو تمشوو بسياره رووحو يوم البحار المهم تشموون هواا
وجم ماجلتكم يعني انتو معاريس حدها 30 دينار
ولا تجرحينه مو بيده

 

[اشتياق]

ميخالف شوي شوي ويتعدل الحال
وانتوا اثنين يعني شتاكلون والا شنو مصاريفكم

تزوجت ريلي الاولي كانت السياره تنتع مافيها بانزين
ونيمع الخرده عشان يعطيني اياها مصروف مدرستي
وكان لمن يطلعني نطلع الفير قبل شقت النور ونشتري جباتي وسمبوسه ونشوف الشمس عالبحر ونستانس بالمظهر ونرد بيتنا
ولي طلعنا بالليل خذينا صمون من بدر البدور وكلينا وردينا ونتمشى بالسياره نسمع لنا اغنيه وننطر المعاش لووووووووووووووول
طبعا هالمواقف اهو ذكرني فيهم عقب ومتنا ضحك خخخخخخخخخخخخخخخ والا اصلا كنت ناسيه
ومقزرينها مره اكل بيت امه مره امي
وكنا ندفع اجار شقه ومعاشه حده حده
والله ماحب اقول هالكلام بس ببين لج شكثر عانينا و سبحان الله ماكو فوق راحة البال شي
كنا راضيين وعادي
ولاعمري طلبت ولانطقت ولا بطلت حلجي

ولاحتى قطيت نغزات كنت اراعيه واقول حرام من وين له؟
وكانت الحياة من احسن مايكون
عقب
كثر الرزق وصار تاجر وكثرث المشاغل والمشاكل
وصارت الفلوس تحته بالهبل
صار اللي صار وتطلقنا لووووووووووول اهم شي الستر والعافيه ياختج ارضي بالقليل ترتاحين
وخلي عنج الكماليات وشحاطة الحريم

وامي بعد الطلاق لمن يقولها خل تردلي تقوله عزرت فيها وماشافت عندك سنع
يقولها لاتقولين جذي عمتي كنت فقران وكانت قنوعه خخخخخخخخخخخ

<<بس شواقه طلعي البنيه استفادت لين قالت بس خخخخخخخخخ:fun:

 

[زهور المحبة]

رد : منو مو قادره تسيطر على ....؟

اول شي يالغاليه انتي قلتي انج عروس
نبي انعرف جم شغله
جم صار لج متزوجه؟
وهل انتي بشقه او بيت حموله
وهل انتي حامل او لا؟

شوفي يا قلبي اذا انتي على كلامج توج متزوجه معناته انج مجهزه عدل ماحليتي بدله بالمشاغل الا وفصلتيها صح؟
واكيد عندج بدله او ثنتين انتي مالبستيهم صح؟

وطبعا مليون بالميه اغلب بدلج مالبستيها الا مره
هل فيها شي لو لبستيهم مره ثانيه ؟ ترى والله عادي لو تلبسينهم مرتين وثلاث طلعي قيمتهم مافيها شي
واذا عندج شي مالبستيه للحين خشيه للعيد


بقول لج شغله
ترى انا اول ما تزوجت كان معاش زوجي كامل مع بدل ايجار 250 دينار لانه مو موظف تخيلي الوضع بس عرفنا شلن نقزرها لين ربي فرجها

جاوبي على اسئلتي علشان اعرف واعطيج حلول ونقدر انقسمها عدل

 

[@فطفوووطه@]

حبيبتي اذا تبين خدامه قطي قطيه مع ناس تعرفينها لو 30 دينار مع 10 بنات يعني 300 دينار تقدرين تيبن خدامه للانج لوقلتي بخشهم راح تاخذينهم عن تجربه خخخخ يالله مماعليه الحياه حلوه عيشي حياتج لو بالقليل ااهم شي راحة البال

 

[الورد667]

اول شي مبروك الزواج و عسى الله يوفقج

اول شي تسونيه تحمدين ربج النعمه يبيلها حمد و شكر

غيرج للأسف مو لاقي ياكل

الشي صعب ترى خصوصا اذا انتي متعوده على اللبس و المشترى بس بشويه ذكاء باذن الله بتنفرج

اول شي شيلي من ال500 التزاماتج (اجار.. ماجله .. فواتير ...الخ)

و الباجي شيلي منه مبلغ و حطيه في حساب و سميه حساب طوارىء

حتى لو مبلغ بسط 30 دينار ترى تنفع 30 كل شهر يعني 360 بالسنه

و متى ما ربي سهل و توظفتي انتي هم ساهمي بهالحساب

و اذا على الطلعات و المشترى حاولي تدبرين نفسج باللي عندج لما ربي يفرجها

بس حبيبتي بعطيج نصيحه وحده كوني ايجابيه

اذا شفتي اللي عندج شويه فعلا بتحسين انه شويه و ما يكفي

و اذا حسيتي انج بخير و نعمه الحمدالله انتي من داخل بترتاحين

ترى الفلوس مو كل شي بهالدنيا يا حبيبتي صج هي مهمه بس ترى الاهم الصحه و العافيه و الراحه النفسيه

كوني ذكيه و استغلي كل دينار عدل

و ترى زوجج اذا شافج ميتسه و متعاونه بيحطج بعيونه و بيدللج لانج وقفتي وياه

و اذا ربي رزقه راح تشوفين المردود

اما اذا كشرتي و صرتي تعايرينه راح يكره عيشته وياج

حبيبتي هذا امتحان لج صيري ذكيه و كسبي رضا ربج و زوجج و راحتج

و انشالله ربي يبارك لكم بارزاقكم و يزيدكم

الله يوفقج حياتي

مع حجي الأخت حجيها درر

 

[مندوبة ام بندر]

الله يعينج

 

[روح المرح]

الله يسهلك يارب
بس طالما الوحده ماتشتغل وجالسه بالبيت وماعندها الا ولد واحد مثلا ليش تجيبين خادمه ..؟
بنت عمي عندهاا طفلين عايشه بدون خادمه
زميلتي تدرس معي بالجامعه وعندهاا بنت وحامل ماشاء الله ماعندها خادمه ولاحتى اهلها عندهاا بينهاا وبينهم 2000 كيلو ولاحتى اهل زوجهاا بعد الحياة اذا انتي سهلتيها تسهل وبتصعبينها بتصعب
عموما الله يوفقك بحياتك

 

[حرم سي السيد]

حبيبتي مالج الا الدعاء وانتي الحين باختبار والله المستعان