منو معاناتها نفس معاناتي مع خالتها ؟

[دار الوقار]

تبين رايي بصراحة ترى خالتج تحبج و خايفة عليج و على حفيدها الي ياي بالطريج
انا اقول تحمليها اشوي يا اختي عديها امج لا تصيرين حنبلية
و انا اشوف تدخلها بحسن نية مو قاعدة تسويلج مشاكل
و الله اهي من فرحتها قاعدة تسوي جذي و الله لو مو عادتج مثل بنتها شان ما قالتلج اكلي و لا ما تاكلين
ترى المرة تبيلج الزين
اتمنى انج ما تزعلين من كلامي

 

[أنا أنا]

الله يسهل عليج

حرام ترى الظاهر انها خااااااااايفة عليج بس ما تعرف تعبر

عديها بحسبة امج وقولي لها بالهداوة ما ابي احد غير امي وريلي يدخل معاي الولادة هذي عورة وما ابيها تنكشف عند احد..

واذا ما تقدرين وما عندج جرأة كتبي بملفج ملاحظة بالاشخاص اللي تبينهم معاج بالولادة
(مع اني ما اشوف له داعي احد يدخل معاج لان حزتها شكلج بيكون مأساااااااااااه )

وابرة الظهر ماراح تدري عنها
انتي في غرفة الولادة طلبيها..

واللي تشتهينة روحي لامج واكليه او خلي اهلج يطرشون لج مع سايقهم (اذا عندهم سايق)
واذا قالت لج خالتج ليش قولي امي بعد عمري تقول عادي لا تخلين شي بنفسج


وبعدين حبيبتي تعلمي انتي وزوجج اللي يصير بينكم محد يدري فيه
خصوصا قراراتكم الخاصة
حاولي تقنعينه قولي له امك على عيني وراسي بس الشي اللي يخص حياتنا المفروض محد يدري عنه

 

[viva la glam]

الله يعينج

 

[مـزآج ــــية]

يمكن من زود حرصها عليج


بس لا تخلينها تدش وياج غرفة الولادة

قولي لها انج تستحين احسن


و الله يسهل عليج يا رب

 

[يمة يادلبي]

واي ام ريلج كاسرة خاطري الظاهر تبي تحسبج مثل بنتها بس انتي ماتبين عالعموم كيفج
بس حبيت اقولج ان اهيا مرة كبيرة واكيد لها خبرة بسوالف الحمال والولادة وارا صج الوجبات السريعة موزينة حق الحامل

وذا انتي تبين تسوين الي براسج سوي بس لاتقولينلها وجامليها واخذي بخاطرها شكلها خوش وحدة فلا تخسرينها نادر ماتلقين ام ريل مثلها والله يتمم عليج ويسهلج الولادة

 

[سكووون]

لحظة لحظة .. شنهو تدخل غرفة الولادة .. سواء الوالدة و لإ الخالة ..

عن نفسي و لا طفطوف اقبل بأنه يدخل ما عدا ابو الشباب .. ليش الحجي سمردحة علشان الكل يشوفه ؟؟؟؟؟؟

صراحة أول مرة اعرف ان الاهل يدخلون غرفة الولادة .. < ===== معليش الاخت شرقاوية و عندنا النظام السعودي (( الزوج و يالله يوافقون على دخوله .. مو بعد الأهل!!!!!!!!!!))

 

[كيــوتيــه]

انتي من صجج ؟ بلاج مادريتي عن ريلي .. بس أقوول آخ .. أشوووفه طار و قال لأمه !! تبيني أولد و يصك حلجه و مايقووللها :krkrkr:!!! والله شكله بيقوللها من أول طلقه :eh_s(1):

هههههههههههههههههههههههههههههههههههه
عندنا وعندج خييير :eh_s(14)::eh_s(14):

 

[أمانيQ8]

اولا ما انصح ان زوجج يدش وياج غرفة الولاده

وثاني شي عادي كل الخالات يتدخلون والله مايقصدون شي بس احنا حساسين انا بداية زواجي كنت مثلج ووايد يتدخلون وتحملت وكبرت عندهم ييتهم صغيره وكبرت واستوعبت الحين كل شي كان يصير وفهمت ليش وترا هم انا ماخذه وحيدهم الله يحفظه وتدخلوا بإبرة الظهر وغيره وغيره بس اكيد قصدهم الخوف علينا ...وبالبدايه ماكنت اتحمل شي كل كلمه تقولها اتحسس منها وبصراحه ساعات تكون متعمده بس غالب الاحيان مايكون قصدها شي ..والحين والله امووت على شي اسمه خالتي وعمي ما اعدهم الا امي وابوي ...ويابنت الحلال حتى لو في بعض الشغلات تصدر منهم وتغثج طوفي عديها فكري اشكثر بنعيش معاهم مو معقوله بنتم طول عمرنا متكدرين!!

 

[الحــــلوه]

يحليلها يارب انه الله يسخرج لها
والله لو عندي ولد وحيد ومرته تبي وولدي وامها
اذبحها بصراحه تقعد
..<<<<خاله نسسره
لاحرام مادري تخيلت نفسي مكانها تحبج اهي حرام امانتج لاتقولين لها شي
ولاتدخلين احد معاج الولاده خليج انتي وربج والدكاتره وامج خليها تزرق عشان تذكرج
ووزوجج شكو خليه برا
بس اميته بتلاقينه باجر ومرت اللي بطنج بتشتكي منج تخيلي

الله يسهل عليج
ودخلت الولاده قولي استحي ياخاله بضحك امبيه خله لالا استحي حتى فلان ماراح يدخل واذا اهي تقول لا بدخل
قولي بتخافين علي بعدين تتدودهون الاطبه
حرام دام مالها الا هالولد

 

[أم محمد2]

الله يكون بعونج و يسهل ولادتج بكل الأحوال

 

[الحــــلوه]

نسيت صج ترى هذا البجر بس والا رقم 2 و3 و4 و5 و6 و7 و8 و9 و100 مايطقون لج خبر تتطرينهم طراره يدشون معاج

 

[@@jwan@@]

حرام خايفه عليج بس صج الوحده تستحي احد يدخل معاها الولاده فشله يمكن بس قصدها خوف عليج بس انشالله بيصير اللي انتي تبينه وعسى ربي يرزقج بالذريه الصالحه حبيبتي

 

[زينهـ قطر]

شنو ليش تدخلينه معاج بغرفه الولاده / مع انه عادي بس لاتخلينه يشوفج بهالوضع عقب لمن تخلصين الاربعين يمكن يكون منقرف منج


اسمحيلي ع هالكلمه / اعرف وحده دششت ريلها ويااهاا ومن عقب الاربعين ياته كاشخه ومتزهبه وشحلاتهاا كل مايااهاا وخلصواا راح يرجع


اخر شي عرفت السبب لانه شافهاا وقت الولاده ..... خلي امج تدش ويااج


وسالفه ابره الظهر انتي الغلطانه ليش تسولفين من امورج الخااصه جداامهااا هالامور المفروض بينج وبينج امج ترى مو كل شي

تقولينه حق خالتج ، نشديني اناااا ، كنت معتبرتها امي واخر شي قلبت علي وريلي سمعأ وطاعه لو تقوله طلقهاا بيطلق ...