يحليلج معاناتج نفس معاناتي
من اول ما درت اني حامل و اهي الي تقرر و انا انجبر انفذ لان زوجي نوعه امي تفهم و بس انزين حتى انا عندي ام وليييه
بس بعدين اعلنت العصيان و تهاوشت مع زوجي و قطعت كرت العيادة الي اختارتها حقي جدامه و قلتله ما راح أروح و دام محد مهتم فيه انا بعد ما راح اهتم قصدي البيبي و بعدها سكت عني
و الحين كل شوي تفتح معاي موضوع المستشفى تبيني اولد بحكومة و انا اقولها اي اكيد بالحكومة وين يعني الله يسهل معنى بجر و لازم اهي تقولي روحي الخاص
بس قلت انا بس ادخل التاسع اسبوع و اروح اقعد عندي امي عشان حزة الولادة اروح المستشفى الي ابي و احجز غرفتي و ادخل للوضع بعدين اقول لاهلي يبلغون زوجي و بتفق مع الدكتور ان ما يدخل اي احد عندي حتى امي لان انا نوعي ما احب احد يشوفني أتألم و أهلي متفهمين بس حمولتي يقولون كلنا بندخل شنو فوضى
الله يتمم علينا جميع و لازم نعيش جذي و نمشي امورنا لان هالشغلات بسيطه ما تحتاج نغتث عشانها
واي ذكرتيني بالماضي الاسود
ديري بالج تسمعين كلامها او تولدين بالحكومة
انا ام ريلي جذي قالتلي اولدي بالحكومة او هناك عندهم تجهيزات احسن
او صورتلي اني اذا ولدت بالخاص يابيطلع الياهل معوق او بيموت لا سمح الله
او من صجي سمعت كلامها والله تبهدلت واهيا اشعليها قاعده بره بالبراد تنطر خبر ولادتي
او آنا اللي ماكله تبن
بس ولادتي الثانية ولدت بالخاص او بردت قلبي بس ما خلتني دشت غرفت الولادة غصبن عليي
واي قاعدة اكتب وآنا أغلي من الحرة احسها وايد تتدخل وتمشي رايها
بس نصيحة اللي براسج سويه
محد بيفيدج
