منو الي زوجها يدرس بره الكويت واهي قاعده معاه

[عشق الشوكولاته]

مساء الجوري

منو الي ريلها يدرس بره واهي معاه؟؟؟؟

انا بتكلم عن نفسي انا ريلي يدرس بسكوتلانده ،،24 ساعه دراسه ولا طلعه ولا روحه ولا اخليني اطلع بروحي او اكمل دراستي معاه،، طوول وقتي غسيل وتنظيف وطباخ وانا صارلي 8 اشهر متزوجه والله مارزقني الذريه ليلحين والحمدالله على كل حال ،،

لو انتو مكاني شتسوون ،، على العلم اني حنيت ابي ارد حق اهلي لمده شهر وارد اهني مره ثانيه

 

[MiSS B.K]

الله ييسر امورج حبيبتي

 

[ماني من الناس]

معقول مايطلعج تغيرين جو افا


قعدت البيت تجيب الاكتئاب اصلا ناقشيه موزين الوضع يستمر جي بعدين تتأثر نفسيتج

 

[اخت خالتهم]

انـا زوجي يـدرس بـره لكـن نظـامة شوي غيـر يعنـي بالشهر يـروح أسبوع
أو البشهرين اسبـوع و أروح معـاه و مثلج حكـرررة بس لما يروح جامعتـه مرات اروح معـاه عشـان نطلع نتغدا عقب بـرا أو نتعشـا

 

[د. فاطمة]

اممم أنا زوجي مب مغترب بس بقول لج كم شغلة
حددوا لكم كل أسبوعين يوم رسمي تطلعون فيه حتى لو كافي شوب قريب حيل منكم تجلسون فيه ساعة وتتمشون وتردون
اسمها تغيير جو
حاولي أحيانا تغييرين من جو الشقة
شموع ومن هالشغلات عالخفيف
اشتروا لكم أفلاء بالويك اند حطوه الفيلم كله على بعضه ساعة ونص
سوي لكم بوب كورن ومن هالأكلات والخفايف وتونسوا مع بعض
اقنعيه حتى لنفسيته هالشي حلووو وتنفتح عالدراسة
والله من تجربة كنت ذابحة عمري هالترم لدرجة حتى تلفزيون ماعندي..!!
ولما اتبعت هالشغلات وربي صرت اجيب درجات افضل بحكم نفسيتي تغيرت
بالتوفيق يارب

 

[عشق الشوكولاته]

مشورين عالرد بس شسوي فيه انا قاعده اغيرله جووو وشموع وسوالف وضحك وافلام اهو حده مستانس من الوضع بس انا الي زهقت ابي سوالف يديده ابي ويوووه يديده وانا مومقصره معاه كلش والله اعيني وارد ديرتي

 

[love love]

انا

حددي يوم بالاسبوع مثلا من ظهر لي بدايه المغرب لكم وطلعتكم تغيرون جو وتكونون مع بعض بس بعدين يرد عالدراسه وطول اسبوع خليه براحته لانه اهو ياي حق دراسته مو سياحه


انتي شغلي نفسج ترا القعده اتيب الكائبه

درسي لغه تعلمي طبخ حطي مسلسلات وتابعي اي شي تحبينه

 

[شيخه كويتية]

الله يعينج
.......

حبيبتي


حاولي تكسرين الروتين

بحركات بالبيت

سوي رياضه من اليوتيوب

وحددو يوم تطلعون فيه مع بعض

واذا عن الاكل زيدي الجيله والباجي ثلجيه وخشيه حق الحاجه انا اسويها مرات

والله يعينج لازم يتفهم حاولي تقولين له بدش معهد لغه ع الاقل وليش موراضي تكملين دراسه حاولي معاه

 

[وحيدة خالد]

الله يعينك

 

[sosowaty]

ااااااااااب

 

[Australia girl]

جذي صعب انا كنت مغتربه 3 سنين مع زوجي استراليا بس كنت اطلع مع رفيجاتي مع اني مادرس واتمشى وازور واطلع وياه تعرفي على بنات تستانسين

 

[عشق الشوكولاته]

وي حبيباتي حنيت ادش معهد لغه موراضي راسه يابس وطلعه ابروحي انسي من المستحيل اووو عالطبخ انا فنانه فيه واسلي روحي بالاكل والله لو الف الديره مافي وحده تصبر عالغربه وعالحبسه كل اسبوعين او ثلاث اطلع ولا نص يوم والله كريم انشاالله :eh_s(7):

 

[Kensington]

حبيبتي انا اول ماتزوجت قعدت كم شهر بلندن لشغل زوجي مودراسه بس كان يطلع متاخر الساعه 5
فاكنت اقضي يومي اتمشي بالشوارع واتسوق ومطاعم بس بروحي لحد مايجي
ودخلت معهد لغه
ومع هاذا كانت صعبه لان مافيه احد اتكلم معه وطلع معه في باقي الوقت
لين مايجي تعبان يبي ينام
الله يعينك مجربه هالوضع وانا اطلع شلون انتي
الله يسخره لك شوفي لو حديقه جنب بيتكم اي شي قولي له بس بقعد فيه شوي
يمكن هو خايف تحتكين بالخليجين لانهم يتحرشون بالخليجيات برا
حوالينهم الشقر المفاصيخ ويدورن الخليجيات ولا الاجانب محترمين مره

 

[barbie girl]

حبيبتي بكتب لج عالسريع لاني شابكه بالتلفون واعذريني عالبدليات

احنا بالديرة وببن اهلنا ورياييلنا حاكرينا فمابالج انتي بالغربه اكيد خايف عليج
لا تضغطين عليه كافي دراسته واذا عالشغل والكراف لو كنتي بالديرة هم بتتعبين من الغسيل والتنظيف وترى هم احنا ملينا من الروتين والشغل والتدريس بس الشاطرة اللي تكسر هالروتين
انصحج تتعرفين على زوجات ربعه الطلبه العرب و اعزميهم عندج عشان ما تطلعين
وفي اقتراح ثاني خلي احد من اهلج او اهله يزوركم ويقعد معاكم اسبوع والتذكره عليج هههههه

والله يهون عليج الغربه يارب

 

[عشق الشوكولاته]

وي طلعه مايرضا وعلى سالفه اتعرفي على زوجات رفجانه الحريم كلهم هجو وردوو الديره عقبالي??? لالالا مااقدر اهده
اما بالنسبه حق اخلي واهلي ايون الحين سويتها شيشت اختي العزوبيه اتيي عندي والتذكره عليها والاقامه علي بس المشكله شقتي صغيره غرفه وحمام وانتو ابكرامه وصاله وانا بنومها بالصاله???
ادري انا مجرمه بس شسوي ???
وسلامتكم ومشكورين عالرد يلا مابقى شي وارد الكويت كلهاا 6 اشهر ??هانت
و3سنين على مايخلص

 

[كويتيه شماليه]

اهم واحد بالدنيا زوجج اذا كان يخاف الله فيج وحاشمج ويخاف عليج يكفي انه ماخذج معاه معناته مايستغني عنج وسالفة الحكره في متزوجين هني لامسافرين ولاهم بغربه محكورين وتوج ببداية زواجج باجر ان شاءالله الله يرزقج بمولود يملى عليج حياتج وتنشغلين معاه وسالفة التنظيف والكراف لو انج بديرتج بعد تبين تنكرفين وتشتغلين في بيتج والحمدلله عندج النت اشغلي وقت فراغج فيه دخلي مواقع اقري تثقفي
انا في بداية زواجي واحنا لاغربه ولاشي زوجي كان حاكرني مايحب اني اطلع اي مكان وكان فيه شك خفيف ومع الايام عرفني عدل والعشره الحمدلله الحين غير اطلع بس هم بالمعقول الله يوفقج حبيبتي وانصحج اوقفي مع زوجج ولا تحسسينه انج مليتي منه او من القعده هناك عادي ثلاث سنين تروح والله يوفقكم مع بعض وما انصحج تجيبين احد عندج دام شقتج صغيره ماراح تاخذون راحتكم وانتي وكيفج هذا رأيي *

 

[الريم اللعوب]

مااقدر افيدك بشي الا انوو احذري اختك تجي عندك
صعبه تنام في الصاله وزووجك
انتبهي

 

[عشق الشوكولاته]

مادري بنات الحين اختي حاجزة وبتيي ووكلها اسبوع واهي عندي وبتقعد شهر شسوي ؟؟؟؟؟؟؟
اووووووف خليتوني احاتي?????

 

[*peace*]

اختج جم عمرها؟

 

[ana_q8eya]

اذا بتيي اختج

اهم شي شاورتي ريلج قبل لا اتيي اختج ولا لأ

يعني مو اتيي على غفله

ولا انها اتيي واهو مايبي قولي له بطلع وياها


اذا اوكي وعادي ماكو الا العافيه ان شالله

وبالنسبه لج

اذا انتي شاطره بالطباخ مثل ماتقولين جربي تسوين كب كيك كوكيز من هالسوالف

تبيعينه على الكافيهات الي يمكم

ماهي سالفه ماديه ,,,,بس شغل تستمتعين فيه وتشوفين نتيجته جدامج

راح تشغلج هالفكره

او فكري في بزنس خاص صغير يساعدكم يسليج

وحتى يفتح لج الباب شوي

مادري هذي فكره في بالي يمكن تفيدج



وعلى قولة البنات حتى الي بالكويت في بنات مايطلعون ولايروحون



بعد فكره دخلي روحج في كتبه ودراسته

قولي له علمني شنو تدرس

اخذي كتبه لخصيها اذا تعرفين لها

حسسيه انج صج متملله

مو بالكلام بالافعال افضل

انه كيدهن عظيم