منو الي زوجها يدرس بره الكويت واهي قاعده معاه

[shosho26]

هلا حبيبتي انا كنت بغربه نفس حالتك بس الفرق انا كان معاي عيالي صغار كانت ماساه بمعنه الكلمه
حبيبتي كلها حديد سهل وتخلصون مرات اقول موصج انا اكيد حلمانه هذا كابوس واقعد .
بس الحمد لله خلصنا وصارت كلها سوالف
تعرفي علا خليجيات ترا وايد طيبين هم ازواجهم ربع زوجي كنه نيجمع يوم الجمعه عقب مايخلصون الرياييل من الجامعه الحريم بييت والرياييل بييت ويوم الاحد نروح مول نقعد بستار بكس ونلعب اليهال بس ما اقدر اتسوق كانت لندن نار الجنيه اكثر من 600 فلس
استانست وايد يوم امي يتني بالصيف كان عقب 3 سنوات كان كل يوم رحله صج استانسنا
الله يهون عليك الغربه صج تفقدين الاهل والدلال واهم شي الخدامه بس تكسبين زوجك
بس اختك ليش ماتيي مع احد امك او ابوك لاتخلينها تنام بالصاله انتي وهي نامو بدارك وخلي ريلك بالصاله اوينام مع رفيقه لاتخلين اختك تطيح الميانه مع زوجك ديري بالك

 

[dimple]

الله يعينج و يصبرج ...

 

[دلوعة يدها]

مسا الجوري
انا الايه معكوسة مثل ما يقولون انا اللي ادرس بره و ريلي معاي انا ادرس ببريطانيا (( قريبة منج يعني))
و ان شاء الله بباجر راجعه بريطانيا
شوفي جربت الغربة مع الوالد اول كورس بعدين مع ريلي و بروحي
شوفي الدراسه مو هينة ببريطانيا كلها سواء سكوتلاندا او انجلترا او ويلز
فاكيد يبي يدرس و اجابل عشان اخلص و يفت ما يبي يعيد المواد ولا يبي اطول غربته خصوصا اذا تخصصه علمي
و ترا حتى اللي شاطرين بالانجليزي و اللي لغتهم الام قاعدين اواجهون صعوبات شلون اللي مو لين هناك بالانجليزي
شوفي سكوتلاندا مو امان وايد لين اهناك و هي كمنطقه كئيبة بالشتا لان الشمس تقريبا ما تشرق و طبعا بريطانيا اغلب السنة شتا
و اهناك واااااايد ناس يسكرون و عادي يسكرون طول اليوم السكر شي جدا طبيعيي عندهم و البارات و الديسكوهات شي خيالي هناك بين كل محلين في بار ولا ديسكو
و ترا فيهم نسبة من العنصرية طبعا يعتمد على المنطقه اللي يدرس فيها زوجج

عن نفسي ريلي مانعني من الطلعه بروحي معني ادرس بس مستحيل اطلع بروح
من البيت لين الكلية و من الكلية لين البيت و اهو اللي اوديني و اييبني الا اذا زعلت و طنقرت خذيت الباص و رحت بس الرده اكون ناطرني عند الباب عشان ياخذني
ما اعرف وايد بنات هني ولا اطلع معاهم لان ما يظمن البنات على قولته اذا ما كانت متزوجه لانه كان يدرس بره و شايف يقول ما اعمم بس فيه هالنسبة و ما نقدر ننكرها
اذا البنت متزوجه لازم يتعرف على ريلها اشوف مايته
علاقتي فيهم بس بالفون و مره وحده زاروني يوم ريلي تعرف على رياييلهم
و لي سالته ليش جذي يقول من خوفنا عليكم و حرصنا ان ما يصيرلكم شي و انتو امانة برقبتنا
و احنا رياييل نشوف اللي انتو ما تشوفونه و نسمع سوالف و اشياء

شوفي اذا لغتج الانجليزية مو لين هناك اتفقي مع مدرسة تييلج البيت تعطيج دروس تقريبا اهمه ايون يومين او ثلاثه بالاسبوع
اتفقي مع ريلج يوم السبت يطلع معاج تتمشون و تتقضون للبيت لان السوق مفتوح عادي و يوم الاحد خل يدرس
ريلج يدرس فاونديشن ولا بكلريوس ولا دراسات عليا ؟؟
مثل ماا قالو البنات شوفي ربع ريلج اللي حريمهم موجوين تعرفي عليهم و تجمعو يوم بالاسبوع
في وحده من البنات بعد قالت ان درسي معاه صح ترا شوفي شنو يدرس و قوليله ابي اساعدك لخصيله اذا قدرتي اذا عنده بحث ولا اساينمنت سوي معاه او سويه عنه
بغيت اسالج انتي مخلصه جامعه ولا لا؟؟

الله اوفقج و اهون عليج حبيبتي

 

[فديت من سماني]

الله يعينك انا مغتربه بس هو يعتمد ع شخصية الزوج و زوجك رايح دراسه يعني يبي يشد حيله و ما يلهي نفسه

حاولي فيه تطلعين بالويك اند تتغدون برا و تغيرين جو و تعرفي على بنات تقزرين الوقت معهم

 

[غرام 20]

انا زوجي يدرس بالرياض بس اسبووعين يقدم الامتحانات ويرجع وهذ اخر سنه له
وشهر 5 زواجنا وشهر 6 اروح معاه لرياض هوا يقول لازم تجيين معاي وانا موافقه عادي لازم اداري زوجي اخليه لحاله هناك حرام

وبس

 

[عشق الشوكولاته]

صباحووووووو حبيباتي

انا ريلي يدرس دكتوراه تصميم داخلي ،، وانا شهادتي دبلوم وموظفه بس الحين عندي تفرغ من الدوام ،، وبالنسبه الي تسال عن جم عمر اختي عمرها 22
وريلي راضي انها اتيي ماعنده مانع،، وعن اييب مدرسه موراضي ابدا قالي اياها ابصريح العباره مابيج اتعرفين انجليزي

واشكركم على الردود الله لايحرمنا من طلتكم

 

[ثريا الكون]

ريلج دراسته تقريبا مثل دراستي يعني مو لهل درجه دراسه كل يوم كل يوم وانا متغربه بعد وعلى طاري ان يعرفون البنات زينين ولا لأ هذا مو كافي في ناس تتبلى عالبنات وانا بهل غربه اسمع شنو يقولون عن البنات بس نصهم من الحره او اذا شافوا بنت كلمت واحد بالجامعه طلعوا عليها حجي سوالف التخلف ماتخلص عموما الله يوفقج واذا ريلج مانع عليج كل شئ ماكو الا حل واحد شوفي دروس باللغه على النت وحاولي ان يشتريلج كتب تعلم لغه الانغليزي يعني حاولي تسووين شئ مفيد تعلمي فوتوشوب شئ يفيدج وونسج كلش كلش اشغال يدويه يا كثر البرنامج والدورات والشروحات عالنت والله يوفقج

 

[ريما الهاجري]

انااااااااااااااااااا مثلج اختي وصارلييييي 7 شهور عن الكويت وبس طباخ وتنظيف وملل:eh_s(11): وتو متزوجه صارلي سبع شهور:eh_s(16):

 

[نوتيلابالعسل]

:eh_s(2)::eh_s(2):حاسه فيك لاني مريت بنفس وضعك بالضببببببببط ممنوع اطلع لحالي منعا باتا

حكره وملل لدرجه قربت ارجع الديرة
يرجع متاخر ومذاكرة وانا
بس نت والا نوم والاطبخ:eh_s(4):

الموهم كنت بس ازن واحن على الطلعه والحمدلله سكت ورضى عالاقل روحي جيبي اغراض البيت
حديقه
كنت احب اروح بوتس بسبب وبدون سبب:eh_s(9):
انتي اصبري وبتعدل

عالاقل كل ويك اند تطلعون مره انتي كلميه وسايسيه وانشالله يتعدل

 

[نوتيلابالعسل]

ايه صح بقول شغله
شوي شوي وصدقيني بتتاقلمين عالوضع

 

[Mrs Al-Nasser]

انا ريلي يدرس بره وانا معاه وانشالله ببدي ادرس معاه بس بعد جم شهر

بس عادي كل يومين ٣ ايام نطلع نغير جو نتمشى
انطالع مسلسلات وايد
افلام
نلعب اونو ومونوبولي
كل شي نسوي والوقت يمر
​

 

[Mrs Al-Nasser]

حبيبتي ريلج راضي تطلعين مع اختج؟
اذا مو راضي ما تسوى اختج اتيي وماراح تطلع ولا تفتر بتحكرينها بالشقه بتمل

وبعدين عادي اتيي وياكم شفيها
بس احس ما بتاخذ راحتها اذا بتنومينها بالصاله
لانها غريبه عن ريلج فـ بتنحكر شويه
اذا لها غرفه خاصه بالعكس وايد وناسه وبتستانسون ويا بعض بس صعبه تنام بالصاله
​

 

[انثى عاشقة]

الله يعينك بجد الغربة صعبة ..
انتي كلميه نزلي دمعتين قولي له مخنوقة ابي اخرج اغير جو ومن هالكلام ..
الله يردكم لديرتكم سالمين غانمين​

 

[لمى الهاجري]

اب اب

 

[Mrs. AL Ajmi]

بصراحه وضع ريلج غريب.. انه ما يبيج تطلعين وجذي اوكي مشيناها انه خايف عليج..
24 ساعه دراسه, مع انها صعبه بس همن اوكي..
بس شكو ما يبيج تتعلمين انجليزي؟ انا ما ابي ازلغ,, بس صراحه ماله حق, وما عنده سبب.. ولا يتعود من اولها يقول لا بدون ما يبرر.. شنو بس تحكم؟؟ وشفيها اذا تعلمتي يعني؟

صج رياييل غريبين.. هذا وهوا قاعد يسوي دكتوراه بعد.. مفروض يكون متفتح واهو اصلا اللي يشجعج انج تتعلمين.
سوري بس انا اتنرفز من اللي جذي .

 

[أنوثهـ حتى الثمالهـ]

لا وضعك صعب هو متزوج بنت ناس لها عليه حقوق مو اله تشتغل 24 ساعه من غير بريك
واجهييه ولا تتنازلين عن حقك يحمد ربه بتتغربين عشانه

 

[عاشت بلادي]

وااااي بعد عمري حاسه فيج لاني نفس وضعج بالضبط بس عاد انا العن منج مخليه ولدي بالكويت
وغير جذي ريلي انسان كسول يالله يداوم وكله تعبانه من قولونه واخرشي يقولي انه متضايق والكل حاط عليه
وحزتها احس انه الدنيا صاكه فيني وانه الي اتحمله مومقدره مني ومايرضى اطلع مع احد وحالي نفس حالج
اطبخ وانفخ وانظف ولا اطلع الا لتيسكو معاه اتشرا اغراض البيت وهذي الطلعه الوحيده الي انطرها مناطر
بعد عمري والله اكثر انسانه حسافيج والله اكتبلج ومن الضيقهنزلت دمعتي
بس شنقووول الله يصبرنا ويهديهم

 

[شيخة المعازيم]

والله انا مستغربه فيكم ....انا كنت بنفس وضعكم سافرت مع ريلي بس والله اني كنت مرتاحه احسن من هني ببلدي كنت اطلع وادش بكيفي تعلمت لغات اروح المستشفى اطلع مع صديقاتي حريم زملاء زوجي نروح السوق نسوي رايضه نتيمع شبلاكم انتو معقدين روحكم الحمدالله اهم شيء روحي بالباص ولا تروحين اماكن بعيده وما فيها ناس يعني مو لهالدرجه يعني ....وبالعكس زوجي كان يشجعني والحمدالله ولا مرة صار موقف سخيف عاد تصدقون الواقف السخيفه صارت من العرب انفسهم اذا حسو البنت عربيه يطيرون بالسماء على بالهم الديرة وبيغازلون يصدقون نفسهم يعني ...والله حتى الصالون رحته شنو يعني ما اطلع ويع كان مت من الغلقه ...الله يكون بعونكم بس

 

[serina]

[font=&quot]حبيبتي حاسة فيج.
[/font]
[font=&quot]
[/font]​

[font=&quot]وأنا بالغربة مرت علي نوعية ريلج الله يهداهم. وايد بنات أقصد حريم يتشكون من حبستهم بالشقة وإشلون رياييلهم مانعين عنهم يتواصلون مع الناس.[/font]
[font=&quot]
[/font]​

[font=&quot]أول نقطة وأهم وحدة الصراحة إنج لازم تتعلمين انجليزي. ندري إنه ريلج ولازم تطيعينه بس في هذي غلطان. إنتي في غربة وأهوا مو حواليج 24 ساعة يقضي أمورج فرضا طحتي مريضة وهوا بعيد ولا أهو طاح مريض الله لا يقول إشلون تتصرفين مع الأوادم وإنتي لغتهم ما تعرفينها؟؟؟ الحين الانجليزي مو بس ضرورية في بلاد الغربة حتى في ديرتنا أساسية. لا تتنازلين عن تعلم اللغة بأي طريقة حتى لو مدرسة اتيي البيت مثل ما وحدة من الخوات قالت. هذا أقل من حقج إنج تتعلمين لغة الديرة اللي راح تقعدين فيها سنين. شكثر مروا علي حريم ما يعرفون انجليزي بالغربة وإشلون مبتلشين وحجيهم بالإشارة يالله يفهمون اللي جدامهم.[/font]
[font=&quot]
[/font]​

[font=&quot]بالنسبة للأمور الثانية حبيبتي، إخذي ريلج بالمسايس. قوليله يا ولد الحلال مثل ما لك حق علي أقوم ببيتك وأوقف معاك بغربتك أنا لي حق عليك إنك تخفف عني إحساس الوحدة. مثل ما الغربة صعبة عليك إهي بعد صعبة علي. على الأقل عندك اللي يلهيك ويشغلك لكن حط في بالك إني مرا وقعدتي بالبيت بروحي من غير شي تزيد ضيقتي ضيقة. الغربة من غير ونيس صعبة. والقعدة بالبيت 24 ساعة 7 أيام بالأسبوع تييب الاكتئاب. شنو فيها لو طلعنا مرة بالإسبوع غيرنا جو؟ مو بس أنا راح ارتاح حتى إنت راح ترجع تدرس بمخ صافي ومرتاح.[/font]
[font=&quot]
[/font]​

[font=&quot]وبعدين إذا تعدلت الظروف معاه طلبي منه تتعرفين على بنات كويتيات أو خليجيات محترمات عشان يهونون عليج. على فكرة البنات في اسكتلنده أغلبيتهم طب وما شاء الله بنات الطب بالغربة تكانة وأدب وأخلاق. يعني مو معقولة ما في بنت سنعة تتعرفين عليها اهناك!!! ووقولي حق ريلج إن الوحدة تحتاج صديقة تفهمها وتفضفض لها وتونس روحها معاها خصوصا بالغربة لما ما يكون في أحد حوليها. فرضا كنت بالجامعة مشغول وتعبت نفسيتي على الأقل يكون في وحدة يمي أو وحدة أدق عليها عايشة الغربة وحاسة فيني. مثل ما إنت تحتاج يكون لك ربع أنا أحتاج صديقات يشاركوني.[/font]​

[font=&quot]إذا في مجال روحي مع ريلج الفعاليات اللي يسوونها الاتحاد في منطقتكم يمكن تتعرفين على خوش بنات أومتزوجات تونسون بعض. وحسسي ريلج إنج مثل ما إنتي قد مسؤولية وقفتج وياه بالغربة راح تكونين قد اختياراتج لمعارفج هناك فضروري يثق فيج.[/font]
[font=&quot]
[/font]​

[font=&quot]أما سالفة إختج تزورج أحسها صعبة شوي خصوصا إن شقتكم صغيرة ما تاخذ راحتها. تأكدي بالأول من ريلج. حرام اتييبينها كل هالدرب وأخر شي حبسة بالبيت.[/font]​

[font=&quot]
[/font]
[font=&quot]بخصوص تكملة دراستج الصراحة هالشي يعتمد على شخصيتج و شخصية ريلج وأسباب رفضه فما أقدر أحكم.

[/font]​

أتمنى ما أكون طولت عليج. الله يهونها عليج وعلى باقي البنات في الغربة.

 

[kAmMoOnH]

الله يكون بعونك