منــــــــــو اخـــتار حبيبـــــــي ولا زوجــــــي؟؟

[حور الصبايا]

رد : منــــــــــو اخـــتار حبيبـــــــي ولا زوجــــــي؟؟

حبوبه نصيحة مني انسي الثاني و عيشي مع ريلج حلالج..

الرياييل كلهم جي البنت ما تحلى فعينهم إلا لي صارت على ذمتة ريال ثاني..

و بعدين أنتي شوو الي يضمن لج انج بعد ما تطلقين ياخذج..

ف اتعوذي من ابليس و حاولي تتكيفين مع الوضع و حبي ريلج و مع الأيام بتنسين..

و الله يوفقج إن شاء الله..

 

[ماني من الناس]

اختاريني انا هههههه

 

[Tom ♥ Jerry]

.


رييييييييييييييييييييييييييلج صار ريلج
يعني صار حلالج شلون تقولين حبيبتي و لا ريلي ! @@

خلاص انسيه و آنتي اصلا مآ كنتي حآطته في بآلج
يعني لو أهوه مآ دق و بجى جان أنتي الحين مستانسه ! @

خليه و النصيب يصيب و صدقيني أول فتره بتكون صعبه عليه
و رآح يتعب بس مآ رده آن شاء الله يصير أوكي و يفهم أنه كل شي قسمه و نصيب
و محد يآخذ غير نصيبه ! ريلج يحبج لا تسوين فيه جذي
ديري بآلج تكلمينه بالمسنجر و لا بالتلفون و لا مسجآت
بلوك دليت من المسنجر على طول .. و اذا دق عليج لا تردين كللللللللللش
لا يقص عليج الشيطآن .. الي صار صار
و أحنآ عيال اليوم ! ريلج يبيج و يحبج .. لو درا مآ تقولين شرآح يصير موقفه ؟
حطي نفسج مكآنه و الله حرآم !


انسيه حياتي و كملي حيآتج و مو ذنبج آنج تزوجتي !
يعني أهوه كآن نآطر تتزوجين عشان يقولج انا احبج ! وينه قبل الزوآج !
الله كريم و رآح تنسيه و اهم شي بيتج و عيالج

 

[om-7many]

رد : منــــــــــو اخـــتار حبيبـــــــي ولا زوجــــــي؟؟

الله يهديج بس
وحبيبتي انا رااي من راي البناات خلج ع ريلج احسن لج ماتدرين هذاا يمكن بعدين يقطج ولا تهمينة بعد لان حب مرااهقة
والله يوفقج حبيبتي
والبناات اللي يقولوون ان اتجذب ومادري شنو عيب يعني البنت تقووول شي بحيااتهااا الله يهديكم

 

[♥ ݤليے ﻁﻔووله ♥]

قولي لخته لاعاد تييب طاري اخوهآ عندج ..

والله اخته بعد سالفه بروحها .. بطت جبدي لانها لو تبي مصلحتج ماقلت لج اخوها للحين يبيج وفوق هذا جان انتي لو تحبينه صج ماوافقتي على ريلج .. وبعدين عمره 20 يعني يااااهل توه .. لو بتطلقين يقوولج زين سويتي بس نطريني اكمل دراسه وبعدها اتوظف شوي شوي ينساج ويكمل حياته ويفكر مثل ماخليتي ريلج بتخلينه بيوم من الايام ..



مامآ عيشي حياتج وحبي ريلج وحمدي ربج على النعمه الي عندج
في بنات موحاصلهم نص ريل


اتمنا اي ماطولت عليج

 

[هيبة ملك]

مالج إلا نصيبج

حافظي على زوجج وبيتج

 

[أسم والسلام]

حبيبتي لاتهدمي بيتج عشان واحد توه ياهل وتصوري زوجك عرف تدرين وش بيسوي؟


أخت رفيجتي أنخطبت لواحد من بعيدبره العائله وثم جت خالتها العقربه وقالت شلون وماشلون ولدي بيموت عليها

وراحت الخبله قالت لخطيبها أن ولدخالتها عقله طاير يبيها وطلقها ناشز صارت 14سنه معلقه

تدرين خطيبها عرس وخلف 3عيال وقيس بن الملوح ولد خالتها تزوج ولا جاب لها خبر
وهي اللي أكلتها ضاعت سنين عمرها في السراب

وأنتي بتكون وقعتج سوده على قولة المصريين لأنج متزوجه بيعتقد ريلج أنج غلطتي مع قريبج وبتفتحي على نفسج باااااااابن ماينتصكر>>>زي ماتقولها جدتي الله يرحمها

 

[بنت.المطيري]

سمعيني ى

انا حاسه فيج وفاهمه شعورج..وصارلي نفسج ..يعني مادري مايصحون الا عقب مانروح والا شنو ؟
صح انه خوووش واحد وسبق وتقدملي وتم كل شي ووصل لي النهاية وتفركش وصح انه حاول مره ثانيه وثالثه حسب ماعرفت ..بس وصل لمرحله انه اقتنع ونام شوي على روحه .. واجل موضوعي الى اجل غير مسمى
معانه يناسبني وايد ونفسي بكل شي وكان يعجبني بكل شي وماشوف فيه سلبيات تقريبا
وكنت ابيه وشاريته واحبه بس خلاص صار فيني
بطقاااااااااااااااق اهو اللي جاب هالشي لنفسه ..اقول بطقاق لاني تعبت وانا الوم نفسي ..
لازم يقتنع اني مو له ..توه عقب ماملجت الظروف فرجت عليه ؟؟ توه فكر يتحرك وتوها تتسهل اموره
كنت جدام عينه 4 سنين مايعرف يتلحلح ؟؟ مايعرف يضبط ظروفه مايعرف يشد حيله ؟ مافكر يتصرف يكلم اهلي يرجع يخطب ..يحجز ..يملج يسوي اي شي ..
ابوي موراضي اتعلق وتطول الملجه صح ..بس كان ممكن راح يقَدْره لو ابوي درا اهو شكثر مستذبح و شاريني ..
بس دام نام على نفسه وكل من يتحكم بحياته ويمنعه وكل من يتشرط عليه كمل دراستك والا اشتغل والا مادري شنو
خلاص خل يخليني بحال سبيلي ويتحمل النتايج ...
ادري حدي منفعله مع موضوعج لان سالفتي توها فرش ..

بس تدرين احنا اللي فيه اهو الصح..
خلاص هذا نصيبج امشي فيه ليش تروحين لثاني ..لو حياتج معاه بتكون اخير من حياتج الحين جان ربي سهل دربج وخذيتيه ..بس اهو ماحسب حساب هاليوم
-يوم يخسرج -
ادري انه مسكين بس هم ريلج مسكين ..حط اللي وراه ودونه عليج ويبيج وشاريج وحاطج بعيونه .. حرام اللي تسوينه
اهو اللي يستاهل قلبج ومايستاهل تتذكرين دقيقه من ذكرى الثاني ..
هذاك بييله اليوم اللي يتأقلم عالوضع وتصيرين له ذكرى ..ومحد بيموت صدقيني يتعب يتعذب يمرض حتى لو انه مجنونج بالكثير سنتين خلاص بيتعود والله ومرات الواحد لي بغا ششي حييييييييييييييييييل ومن قلب
يكرهه والله نطري عليه وبيوصل لهالمرحله
انه يقتنع عالاقل
ويمكن لو خذاج عقب ماطولت الفترة اللي تعذب فيها لو خذاج راح يروح تعرفين الياهل اللي يموت وياخذ اللعبه بس تحصل له يعافها
خليه بحال سبيله ولاتتعاطفين معاه ولاتعطينه امل خلاص انتي على ذمة ريال حتى لو انه ضمن لج حياتج معاه .. ربي اهو اللي بيده كل شي بيده قلب حبيبج وقلبج وممكن يتغير شعوره وبييده مايوفقج لان
انتي ظلمج لريلج بيصير اكبر من ظلمج للحبيب
وحوبة ريلج ماراح تتعداج ففكري بعيالج باجر وفكري بربج وكل شي حرام
وانا ادري انج تحبين زوجج ادريييييييي
وادري بنفس الوقت تحنين لحبيبج وودج فيه ..بس الخيره فيما اختاره الله ..لي طرا على بالج لاتذكرينه كلش ولاتحاولين تقارنين او تفكرين تتعبين والله
وتستاثمين بزوجج ..يمكن هذا ذكراه حلوة بس ان شالله زوجج الواقع معاه احلىىىىى مليون مره
لو طرا على بالج تذكري شكثر تعبتي وانتي تنطرينه او شكثر كنتي وحيده واهو نايم بالعسل ..
لو تطلقتي بيقعدون اهل زوجج يتحسبون عليج ليل ونهار وريلج كذلك
انتي هذا نصيبج وخلاص خل يقتنع بهالشي واللي صار ..صار بايده ودام قالج مبروك خلصننننننننننا
ربي يصبرهم
ويوفقنا ويوفقهم
اسفه طولت كلامي كان من القلب :$

 

[ترووفه]

حبيبتي حاسه فيج والله

بس نصييحه مني

لاتفرطين بزوجج اللي يحبج

هذاك لو كان يبيج صج جان تقدم لج مو لماا تزوجتي قال ابيهاا

وبعدين شلوون يرضى يخرب حياة ريال عشان سعادته اهو

هذا اناني

ولاتثقين فيه

لان لا سمح الله لوتطلقتي وعشتي معاه ممكن بعدين يحب وحده ثانيه ويتزوجهاا ويخليج

فنصيحه خليج مع ريلج اللي شاريج ويحبج واهتمي للي يحبج مو اللي انتي تحبينه


والله يبعد عنج هالريال اللي مايبي الا خراب وتعاسة حياتج لويخاف الله مايقرب صووبج

 

[كارلوفي فاري]

حبيبتي كبري عقلج ليش ماتكون لعبه علشان يحرونج مثل ماولدهم انحر 000000تقضبي بزوجج مادامه حابج وشاريج وانتي للحين صغيره لاتنجرين ورا عواطفج

 

[حلم السراب]

رد : منــــــــــو اخـــتار حبيبـــــــي ولا زوجــــــي؟؟

الحب غصب عنج وعنه والله يصبر قلبج على فرقاه حبيبتي استخيري بالاحسن وشوفي شيصير معاج

 

[عيوووش]

عيشي حياتج مع ريلج وغري تلفونج
وقطعي اي شي يوصلج له من اخته وغيرها
وعلى ما اعتقد زمن حب قيس وليلى انتهى
الحين زمن الراحة والمصلحة واني اعيش بامان واستقرار
واللي تقولين عنه حبيبج ماظن معاه الاستقرار

الله يهديج ويوفقج معريلج حلالج

 

[لوازم العائلة]

الله يهديج
الي تقولين عنه حبيبج هدا ابليس مو بشر
مثل الياهل يبي كل شي حتى لو وحده متزوجه وعند ريلها
حسبي الله عليه وعلى امه واخته
يابنت الناس استري على نفسج واتقي الله في ولد الناس الي شيلج اسمه

 

[دانة بعين بحاري]

المثل يقول اللي فات مات اللي تحبينه ماراح يفيدج بشي مسكي زوجج وعيشي معاه دام ريال زين وحرام اصلا انج تكلمينه لانها تعتبر خيانه لزوجج والله يهديج

 

[بنت شرق]

حبج للاول حب مراهقه اقول قظبى ارضج ولا تفرطين بزوجج

 

[Miss McDonald]

رد: رد : منــــــــــو اخـــتار حبيبـــــــي ولا زوجــــــي؟؟

انا اقولج خلج مع ريلج الي شراج من البدايه وبالنسبه للاخ الي حليتي بعينه بعد ما ملجتي اتركيه وينه عنج كل هالفتره تقولين كانت مستحي ليش يبه مستحي هذا زواج وحب ومشاعر مافيها السالفه حيا واشمعنه الحين صار جريء وراح عنه الحيا ... حبيبتي دام ريلج يحبج ويموت فيج خليج على ريلج وانسي الماضي مافي وحده ما حبت بس جم وحده تزوجت الي تحبه قليل جذا واذا تركتي ولد خالتج الحياة ما راح توقف ولا هذا اخر المطاف .. ويقولج من بغى عافيه على عافيته زاده الله الف سقم ..يعني اذا تبين تطمعين وتبين الاكثر لحياتج صدقيني ربج ما راح يوفقج وارضي بزوجج الي يحبج وانسي الماضي

كفت ووفت

 

[G!RLooNa]

لا تفكرين انج تتطلقين كلللللللللللللش حراااااام اصلا تفكرين بريال ثاني وانتي على ذمه واحد و مو اي واحد واحد يحبج ويموت فيج تظمنين انه الثاني اذا خذاج بحبج جذي يمكن يكون متعلق فيج لانكم رابين ويا بعض و لو يحبج صج خلاص انتي الحين حق ريال ثاني و عيب على امه واخته ايونج قبل عرسج باسبوع و يقولون لج تطلقي واخذي ولدنا وعيب على اخته يوم عرسج تهمس لج اخوي يقولج مبروك العروس من غير شي حالتها حاله ليش يسوون جذي و عقب ما تزوجتي اييون يحنون تطلقي وتطلقي ولدنا يبيج وينهم من الأول ترضاها الام على بنتها عقب ما تعرس اييون لها ناس مادري من وين طلعو بخربون حياتها و يطلقونها خلي عقلج براسج ولا تاخذج العواطف و اذا احد فاتحج بالموضوع مره ثانيه عطيهم العين الحمره قوليلهم ظفر ريلي يسوى عندي رياييل الدنيا كلها و سكتيهم و عيشي حياتج توج عروس استانسي و حطي روحج مكان ريلج عقب ما خذاج قالج بطلقج واخذ اللي كانت تحبني كل هالسنين ترضينها على روحج

 

[حكستار]

ركزي على حياتج مع زوجج

 

[Om 3zo0oz_2011]

رد : منــــــــــو اخـــتار حبيبـــــــي ولا زوجــــــي؟؟

امبيه اي شي ويايه بعد تاخذين راينا
انا اقوووووووول استحي علي ويهج لا صج استحي علي ويهج وقضبي بيتج وريلج احسن لج

صج الي استحوا ماتوا

 

[أحـلام * ورديـة]

رد : منــــــــــو اخـــتار حبيبـــــــي ولا زوجــــــي؟؟

حبيبتي مدام انه ريلج يحبج ويخاف الله فيج خافي الله فيه ولا تفكرين بحبيبج

واهو بيعيش هالفتره صعبه شوي عليه وانشالله بعدين بيكبر ويتزوج واكيد

بينساج ، عيشي حياتج مع زوجج وانسي سالفة ولد خالتج