منــــــــــو اخـــتار حبيبـــــــي ولا زوجــــــي؟؟

[ناعمه ودلوعه]

في بنات نظام احنا فاهمين وموضوعج جذب وتاليف ليش انتو اشدراكم وليش يعني انا لهالدرجه سخيفه؟؟ والله اتوقع انتو السخيفين لان كلن يرا الناس بعين طبعه!!
انا لما ييت اكتب الموضوع ادري راح تصير ردود بعض البنات سخافه وتطنز وجريــــــح! بس والله ماكتبت الا لاني محتاره وكلكم ادافعون عن ريلي ليش على طول دافعتو عنه انتوا تعرفونه؟؟؟
وفي بنات يسالون ليش ماتقدملج ياليت تقرون الموضوع عدل لما انا ملجت عمري 16 واهو 17 الولد ناطر يتوظف
عالعموم انا والله ادري ان الصح اتم مع ريلي بس اهو همن شاغل بالي ولانه يقربلي وشبه يومي اجوفه شلون انساه بسهوله مالي قلب؟؟انا ابالي اتم مع ريلي وما اتطلق بس مثل ابي وحده تنصحني توقف معاي اتاكدلي ان ريلي احسن لي بس للاسف في وايد بنات ماعندهم هالاسلوووب ومشكوريييييييييين عالردود الحلوووه!

 

[الـ ج ــوري]

رد : منــــــــــو اخـــتار حبيبـــــــي ولا زوجــــــي؟؟

انا اقولج خلج مع ريلج الي شراج من البدايه وبالنسبه للاخ الي حليتي بعينه بعد ما ملجتي اتركيه وينه عنج كل هالفتره تقولين كانت مستحي ليش يبه مستحي هذا زواج وحب ومشاعر مافيها السالفه حيا واشمعنه الحين صار جريء وراح عنه الحيا ... حبيبتي دام ريلج يحبج ويموت فيج خليج على ريلج وانسي الماضي مافي وحده ما حبت بس جم وحده تزوجت الي تحبه قليل جذا واذا تركتي ولد خالتج الحياة ما راح توقف ولا هذا اخر المطاف .. ويقولج من بغى عافيه على عافيته زاده الله الف سقم ..يعني اذا تبين تطمعين وتبين الاكثر لحياتج صدقيني ربج ما راح يوفقج وارضي بزوجج الي يحبج وانسي الماضي

كلامها صح 100%

صح لسانج اختي

 

[Stylista_Q8]

حبيبتي خلاص انتي الحين مرة متزوجة
وعييييييب مجرد التفكير بهذاك !! حرام اصلا !!
ريلج اللي تقدم لج وعطاج اسمه و شايلة شرفه المفروض تحطينه بعيونج وتصونين بيته ..

اما اخته سوالفهآ مووو سنعه شنو بنص العرس اتييلج الكوشة وتقولج اخوي يقولج الف مبروك ..
شنو اهي ياهل ولا مرآهقة !! عيييييب والله كثر ما اقول عيب ما اوفيها حركتها اللي سوتهآ

اهووو مرده بيتزوج تووه اصلا ً صغير 20 سنة ما طلع من البيضة مع الايآم راح ينسآج
وانتي لا تتواجهين معاه
وحاولي كثر ما تقدرين ما تروحين الزواره اذا اهو موجود
واذا اخته لمحت مجرد تلميح له سكتيييييييها وقولي لها لو سمحتي انا الحين مرة متزوجة وعيب هالكلام استحي !!

والله يوفقــــــــــــــــــج

معآهآ !
شهالقلة الادب حتن أمه الحين انتي على ذمة رييااال توهم يتحجون ؟

لا تقولين كنتي مالجة سنتين مآلنا شغل وينهم أول ما ملجتي ؟ جان لمحوا ع الاقل مو الحيييييين لما تزوجتي و بس :23_asmilies-com:


يعني جد مادري شنو تتوقعين نقولج ؟ تطلقين عشان تروحين حق حبيب الئلب ؟!

وبصراحة احس مجرد التفكير والمقارنة بالثاني معه ريلج يعتبر خيآنه

يعني حطي نفسج بمكان ريلج .. ترضينها على روووحج ؟؟

تخيلي وحده بعايلته تحبه وتموووووت عليه ؟ بترضينهاآ ؟؟؟ انه يفكر ياخذها ولا لا ؟!

الله يهديج بس

 

[محبوبه25]

رد : رد: منــــــــــو اخـــتار حبيبـــــــي ولا زوجــــــي؟؟

في بنات نظام احنا فاهمين وموضوعج جذب وتاليف ليش انتو اشدراكم وليش يعني انا لهالدرجه سخيفه؟؟ والله اتوقع انتو السخيفين لان كلن يرا الناس بعين طبعه!!
انا لما ييت اكتب الموضوع ادري راح تصير ردود بعض البنات سخافه وتطنز وجريــــــح! بس والله ماكتبت الا لاني محتاره وكلكم ادافعون عن ريلي ليش على طول دافعتو عنه انتوا تعرفونه؟؟؟
وفي بنات يسالون ليش ماتقدملج ياليت تقرون الموضوع عدل لما انا ملجت عمري 16 واهو 17 الولد ناطر يتوظف
عالعموم انا والله ادري ان الصح اتم مع ريلي بس اهو همن شاغل بالي ولانه يقربلي وشبه يومي اجوفه شلون انساه بسهوله مالي قلب؟؟انا ابالي اتم مع ريلي وما اتطلق بس مثل ابي وحده تنصحني توقف معاي اتاكدلي ان ريلي احسن لي بس للاسف في وايد بنات ماعندهم هالاسلوووب ومشكوريييييييييين عالردود الحلوووه!

حبيبتي حتى لو الولد مايشتغل
عالاقل ملجه رسميه وعقب ما يتوظف ياخذج
بعدين من صجج تبين تطلقين
حق الفضايح والله والكل راح يسال ليش
شنو سوالج فلان
عشان تطلقين
وصج قلة ادب احس العايله كلها رايحين فيها
لا من الام ولا من الاخت ولا من حبيبج
يعني ماحليتي بعينهم الا الحين :eh_s(14):

 

[دلوعه ناعمه]

رد : منــــــــــو اخـــتار حبيبـــــــي ولا زوجــــــي؟؟

محبوبه 25 مشكوره حبيبتي بس مادري يمكن اهم ابالهم اني اكون له واذا كبرت يخطبوني يمكن صج قله ادب يمكن من حرتهم علي لانهم يبوني لودهم والله مااادري !!

بس ان شاء الله خيره

 

[دلوعه ناعمه]

رد : منــــــــــو اخـــتار حبيبـــــــي ولا زوجــــــي؟؟

محبوبه 25 مشكوره حبيبتي بس مادري يمكن اهم ابالهم اني اكون له واذا كبرت يخطبوني يمكن صج قله ادب يمكن من حرتهم علي لانهم يبوني لودهم والله مااادري !!

بس ان شاء الله خيره

 

[الليلاس]

رد : منــــــــــو اخـــتار حبيبـــــــي ولا زوجــــــي؟؟

حبيبتي خلج مع زوجج
وامي كانت الله يرحمهاتقول نصيحه مافهمتها الا الحين
كانت دايما تقول الوحده تاخذ الي يحبها مو الي تحبه
فهمتي
والله ياقلي كل ممنوع مرغوب
انتي بينج وبين الاول ذكريات طفوله باجر تكبرين وتكونين مع زوجج ذكريات حلوه ومره وراح تبقى بذاكرتج
اذا رجلج زين خاف يالله فيه وصونيه ولا تفكرين مجرد التفكير بالاول
ومحد ياخذ كل الي يبيه
باجر الله بيرزقه ابنت الحلال الي تصونه اهو بعد وراح يتفهم وضعج وراح يعرف ان هذا الحب الاول
محد ينسى الحب الاول بحياته بس محد يضيع حياته علشان حب او ذكريات
دايما ادعي اللهم اجعلني قرة عين زوجي واجعل زوجي قرة عيني
واستغفري ول شي ابدايته صعب قرري بينج وبين نفسج واحسمي قرارج وانتي الي بتساعدين نفسج
ولاتخلين للشيطان لج مدخل
الله يوفقج مع زوجج

 

[تبقى حبيبي..!]

رد: رد : منــــــــــو اخـــتار حبيبـــــــي ولا زوجــــــي؟؟

الله خوش قصة تبجّي
يلا كملي الاجزاء ناطره النهاية اوكي

..

... ...