مندي الدجاج , ولا ألذ

[إستبرق الكويت]

مندي دجاج

المقادير



دجاجة مقطعة لـ 4 قطع



2 جزر مبشور



2 علبه مكعبات ماجي



2.5 كأس رز



4 ملعقه كبيرة سمنه



هيل



زيت



فحم


الطريقة


نحط السمنه في قدر الطبخ ونضيف له الجزر المبشور ومكعبات الماجي والهيل ونحركه بإستمرار الى ان يذبل الجزر و يتغير لون الزيت ويتلون بلون الجزر



نضيف الدجاج على الجزر والزيت ونقلبه لمدة 3- 5 دقايق



نضيف له ماء مغلي



نتركه يستوي نص سوا ونطلع الدجاج من القدر ونحطه بمشخال الي أن ينشف



بهاللحظة احط الفحم على النار



واقلي الدجاج بالزيت



واجبس العيش بماي الدجاج والجزر



والحف كوب قهوة بقصدير ونفس الطريقة غطاء القدر



بعد ما يقرب العيش من السوا احط الكوب بوسطه



بنفس الوقت اكون مخلصة قلي دجاج فأصف الدجاج فوق العيش وحوالين الكوب



اصب الزيت الي قليت فيه الدجاج بوسط الكوب



اهم لحظه هذه , امسك الفحم بالمنقاش باليد اليمنى وبأيدي اليسار غطاء الجدر الملحف بالقصدير , اقط الفحم بوسط الكوب الي فيه الزيت وعلى طوووول اسكر الجدر



عشان إدخنة و ريحة الفحم ما تطلع بره الجدر ويتشبع منها العيش والدجاج



اخليه يتسكر على نار هادية لمدة ربع ساعه وبس بالهنا والشفا

​

* ملاحظه مهمه : لو تلاحظون المقادير بدون ملح لاني اكتفي بملوحه الماجي , يعني الملح حسب الذوق , عليكم انكم تذوقون ماي الدياي اذا يحتاج ملح زيدوه شوي ملح او ضيفوا له ماجي

* ملاحظة ثانية : انا رؤى في موقع آخر يعني الصور خاصة​

 

[جارة القمر]

تسلم ايدج



وتبارك الرحمن

أنا جربت الورق عنب والقبوط


روووووووووووووووووعه

 

[إستبرق الكويت]

بعد روحي جارة القمر إشلونج !

انا متابعه تطبيقاتج وطبخاتج , فنانة اسم الله وماشاءالله عليج وتبارك الرحمن

انا تلميذة وانتي الاستاذة حبيبتي جارة القمر

جربي المندي والله لذيــــــــــــــــــذ ما بتتحسفين

 

[جارة القمر]

استبرق




بعد عمري



مشكووووووووووووووووره

 

[ABEER FLOWER]

ما شاء الله تبارك الله
مبين عليه خوش شي
تسلم الأياااااادي
و يعطيج العافية

 

[ياسمينا]

تسلم ايدينج زين ماحمستي بصل بمروق الدجاج عشان الطعم
عالعموم اعجتني الطريقة

 

[إستبرق الكويت]

هلا فيكم بعد روحي

لا ما حمست بصل

بس تحمسين الجزر مع الماجي و4 حبات هيل تقريباً

يطلع الطعم ولا اروع وزفرة الدياي تطير

 

[Dare to challenge]

تسلم ايدج

شكلهاااا رووووووووووووووووووعه

هذي طريقه يديده للمندي توني اتعلمها

يسلمووووووو

 

[إستبرق الكويت]

ايه حبيبتي

والطريقة جداً سهلة

والاهم ان الطعم فوق الروعة

للامانة اول مرة سويته عزمت صديقاتي عندي البيت , والله وبالله عقبها لين اقول لهم تعالوا بيتنا يقولون نيي بشرط انج تسوين لنا مندي

جربوه انا ما احب انزل طبخة انا مو متأكدة منها

وترقبوا مطبق سمج حلوايوه بعد قليل ان شاءالله

 

[flowerlife]

تسلم ايدج

صج رووووعه ما شاءالله

 

[Snow angel]

ماشاء الله تبارك الرحمن

هذي كبسة سعوديه هي اللي نحط فيها جزر مبشور

ماشاء الله شكلها عجييييييييييييييب تبارك الرحمن

بالعافيه عليكم

 

[إستبرق الكويت]

حبيبتي فلور لايف وجودج بصفحتي الأروع

شكراً على التشجيع

حبيبتي ضيفه سعودية , توني ادري منج ان الكبسة السعودية فيها جزر

الظاهر الفرق الوحيد الي غير الطبخة من كبسة الى مندي هو الفحم :eh_s(6):

 

[بحرينية محرقية]

الشكل وايد حلو
يعطيج العافية حبوبة وتسلمين
ماشالله الصور واضحة وباينة الطبخة انها رووعة ...

 

[إستبرق الكويت]

عيونج الحلوة حبيبتي

الشكل حلو والطعم احلى صدقيني

وعلى الفكرة , الي علمتني الطريقة بحرينية :ggdw:

 

[بنت الفقيد]

تسلم ايدج حبيبتي

 

[ريمه الكويت]

يبلي انشالله اطبق طريقتج لاني وايد احب المندي وشكله عجيب ماشالله عليج

 

[ام عمار]

تسلم ايدك

 

[إستبرق الكويت]

هلا وغلا فيكم

يسعدني تواجدكم يا بعد روحي

والله يسلمكم من الشر

عزيزتي ريمه , انا اكلت مندي بكذا طريقة , للامانة كلهم حلوين بس هالطريقة احلى وألذ

جربيها وعطيني رايج

 

[خالديه سعوديه]

الجزر والدجاج المحمر ذكرني بالرز البخاري
بس شكله جدا شهي
تسلم يدينك

 

[حلوة ومملوحة الكويت]

:ggdw:
برافوووو..وتسلم ايدج
فعلا شكله يشوق
عساج على القوه حبيبتي