مناقشات وسوالف بنات نادي الكتاب

[أنثى اليمامة]

هههه ، حلوة هذي زحمة .. أنا اليوم قضيته كله نصه بالمستشفى ، ايدي تمردت واعلنت الثوره ، وطالبت بتغيير الحُكم ,, ولكِن بدأت القمع عليها ..


​

 

[كراميلا مرة]

سلامتك انثى
شفيها ايدك ليش تمردت ؟

 

[أنثى اليمامة]

من كراف الدوام ... هذا الي حصلناه .. تكسرنا وحنا صغار ..

 

[كراميلا مرة]

صباح الخير

انثى سلامتج ماتشوفين شر

 

[ليلو جبريت]

سلامتج انثى


حاليا اقرا في رواية شغف ، ما ادري اقطها من اقرب دريشة او احرقها

احترت صراحه

 

[سمسمة كويتية]

صباح الخير

سلامتج أنثى

هههههه ليلو ليش؟ و منو كاتبها ما أعرفها

كراميلا صدمتيني من الي حاطته بتويتر عن السعرات الحرارية يعني لو جمعت البيبسي مع البرجر مع البطاط شنو يصير انفجااااااار

متى بتبدون ببابا سارتر احتمال اقراها معاكم

 

[ليلو جبريت]

حق نهاد سيريس عن نساء حلب

بس على فكرة الاسلوب يشد وكيف الانتقال والتداخل بين الاحداث

بس الجنس فضيحة

 

[كراميلا مرة]

على الجنس تعودنا
مادري اشلون مايستحون اهلهم يقرون اللي كاتبينه:eh_s(10):

وسمسه اجل احنا شمتنا غير هالأكل

 

[سمسمة كويتية]

صح دايما أفكر ما تستحي من أهلها ؟ مادري شنو يستفيدون من كتابة الفاصيل يمكن يحسون بمتعة من هالشي
أررررررف

 

[Mrs Al-Nasser]

قوه شلونكم بنات
واي منبطه جبدي اليوم انشغلت وماقريت ولاا شي : (
احس يومي يظييع بدون كتب
عالفراش بنام بس ظايق خلقي اقول بقرا جم صفحه ههههه

 

[كراميلا مرة]

عاد اتخيل شكلي وانا كاتبه كلام جريء
وابوي واهلي يقرونه جان على طول اقرب نافذه وانتحر

مسز عادي عوضيها بكره
وشكله عندكم ليل

 

[أنثى اليمامة]

الله يسلمكم بنات .. شكرا ً..

للو افضل حل ان تحرقينها ، وبعدين تجمعين الرماد بعلبة وتقطعين العلبة بالزبالة ..

 

[Mrs Al-Nasser]

اي عندنا ٣ الفير
انا بامريكا

 

[غيدآء]

السلام عليكم

انثى ماتشوفين شر

مسز الله يعينج !

ليلى يا كثر ما تبين تقطين وتحذفين من كتب هههههههههه


انا خذيت لي روايتين انقلش من جرير وببتدي فيهن بصراحه متعطشه اقرا روايات اجنبيه!

الاولى اسمها a grown up kind of pretty لـ joshilyn jackson

نوعها تشويق بس حبيت الرفيو تبعها ..قصتها عن ثلاث اجيال من النساء مشكلتهن انه كل وحده فيهم لمه تبلغ عمر 15 سنه تحمل !

فا شنو هالسر انه عقب كل 15 سنه كل وحده فيهم تحمل!

الروايه الثانيه اسمها

the flight of gemma hardy لـ margot livesey

هالروايه اللي شدني بالرفيو تبعها انه المؤلفه استمدت قصتها من جين اير لشارلوت برونتي
لكن الاختلاف في الزمن يعني بالقرن العشرين بحدود عام 1960 في اسكتلندا gemma تنتقل من حياة الى اخرى بس بمنظور عصري تختلف فيه الموازين والنظره للمراه عن عصر جين اير !

 

[ليلو جبريت]

استحي اخليها في المكتبة

المهم الي حاب يتعرف على الكاتب
http://ar.wikipedia.org/wiki/%D9%86%D9%87%D8%A7%D8%AF_%D8%B3%D9%8A%D8%B1%D9%8A%D8%B3

وهذي الرواية
حالة شغف: صدرت عام 1998 في بيروت. ترصد الرواية عالم النساء والطرب النسائي في المدينة خلال ثلاثينيات هذا القرن وتفصل في ظاهرة بنات العشرة. انها رواية مشوقة عن حالة شغف بامرأة أصابت الرجال والنساء على السواء. حالة شغف بامرأة ثم شغف بالحكاية تنتقل بعد ذلك إلى القارئ

على فكرة الكاتب دائما يكرر ثم وكانت وكنت وكان وغيرها في نفس الفقرة
وما اشوف حد انتقده او قال عنه ضعيف
بالعكس النقاد اشادوا بأسلوبه

 

[كراميلا مرة]

لولو من اسمها مشبوها
فكرت كاتبه طلع كاتب
هههههههههه

انتهيت من رسائل غسان الى غاده
الرسائل تعور القلب حيل ودي اقرأ رسايلها له
وبعدين اهو لما حبها كان متزوج؟ وليش ماتزوجها ؟

 

[ليلو جبريت]

ياااااه قلبتي علي المواجع

 

[كراميلا مرة]

ولا نسيتي !!

 

[ليلو جبريت]

رسايله تحسسج أنه حي​

 

[كراميلا مرة]

اي صحيح انا بجيت :eh_s(11):
من كثر ماهي حزينه وصادقه