مناقشات وسوالف بنات نادي الكتاب

[أنثى اليمامة]

بنات احبكم كلكم
​

 

[كراميلا مرة]

مشكوره انثى
وانا بعد احبكم كلياتكم

 

[سمسمة كويتية]

و أنا بعد أحبكم :eh_s(22):

 

[ليلو جبريت]

اسفة كنت برع البيت

باريح شوي وبارجع لكم

 

[زهـرة أيـلول]

مرحبا أنـا بنوته يديده معاكم وحبيت يكون أول رد لي بهالصفحه الي دايم أمر عليها من كانت 70 صفحه وحدي مستاااانسه أني معااااكم

أنا أنجذب لكتب القانون والعصور التنويريه والحقوق الفكريه بس ماكو مشاكل أقرا روايات وشعر ..
وأحب أفيد وأستفيد ومثل ما فدتوني من قبل بحاول جاهده إن أحط لكم كل شي مفيد : )

وأحبكم كلكم

ليلو وأنثى اليمامه لكم معزه خاااصه

طولت عليكم أرجع بكتاب مفيد

 

[غيدآء]

سلامات أنثى, خفي شوي على إيدج




و عليكم السلام و الرحمه

شكلها حيل مثير للاهتمام, و بالذات إنها بالستينات.
بس جين إير أصلا من أكثر الروايات التقدميه اللي قريتها, يعني شارلوت برونتي زرعت استقلالية و إحساس بالذات و بالمسؤولية بجين إير على الرغم من الزمن اللي كانت عايشه فيه.

ودي أقرا هالروايه, بس حايشتني حالة كره عميق و مؤجج للروايات الإنجليزيه من خلصت an expert in murder قبل شهر.
على ما أتشافى بتكونين إن شاء الله مخلصتها غيداء و يا ريت تحطين لنا انطباعج عنها

انا حاشتني حالتج من قبل واتجهت لكتب السيره الذاتيه والمسرحيات والقصص القصيره وادب الرسائل !

وان شاء الله اول ما ابلش بالروايه واخلصها بحط تقييمي هووون ولا يهمج ^_^

وعلى طاري جين اير الكاتبه اقصدت انه احداث قصتها بتكون بزمن فيه الانفتاح من ناحية المراه اكثر عن قبل خصوصا انهم اوائل عام 1960!

 

[ليلو جبريت]

سمسمة وايد ناس قالوا ان الرواية دون المستوى

راح اقرأ واشوف


اما بالنسبة لحالة شغف اعرف ان لي ص 50 وشي فيها جنس واشياء تقرف لكن كمليها


كوكو لا صراحه احس لازم ارجع اقراها

وبالنسبة للحمام الفضل يرجع لعاملات النظافة

انثى نبع من المشاعر والاحاسيس

امل حياج الله واشكرج على هالمعزة ان شاء الله نكون قدها




..............................

من شوي خلصت قائمة الكتب للمعرض الي صار لي 6 شهور اكتب فيها خخخخخ

بس لاجل اتأكد ان هالكتب مش موجودين في المكتبة الوطنية

حاليا 61 كتاب

همممم

بشوف التقارير ومحور الكتب وبرجع لتعديل القائمة


معرض الكتاب في السعودية بعد قريب

 

[كراميلا مرة]

صباحكم خير
اشوي واخلص من كخه يا بابا

 

[زهـرة أيـلول]

كراميلا أنا قريت كتاب عبد الله المغلوث من قبل (كخه يابابا) .،
مع إني ما أقرأ هالنوع لكن عجبني أسلوبه السهل ما عقد القارئ كلامه أكثره صحيح .. أصداء الكتاب تسبقه مسوي ضجه في تويتر

حسيت إنه مايستاهل هالضجه عموماً
بس أهديت منه جم نسخه لأختي الصغيره وصديقاتها حسيته يصلح للصغار يصلح أخلاقياتهم إذا فيها غلط ..

 

[كراميلا مرة]

انتهيت لتو من كتاب كخه يا باب
كتاب خفيف في انتقادات لاذعة للمجتمع
راق لي طريقة في النقد
ولكن ارى به بعض المبالغات مثل نسبة بعض الافعال السيئه الى السعوديين فقط
فكثير من المواقف نراها كثيراً في مجتمعنا وفي بلادنا العربيه و
غير متوقفه على المملكه
تكلم ايضاً عن كثير من المنازعات القبلية والمذهبيه اللي حاصله في المجتمع
والتفاخر بالقبيله والمنطقه وغيرها
_ ابكتني بعض المواقف المؤلمة اللي ذكرها عن احوال السائقين والعمال في المملكه وغيرها من الدول
وهذه بعض الاقتباسات من الكتاب
"وقد كانت المفاجأة عندما قال لأحد الصغار وهو يهم بظغط زر الكاميرا "ابتسم ياحمار"
للاسف هذا واقعنا بدل مانحبب الطفل في الشيء نكرهه فيه
بدل كلمة ياعمري ولا حبيبي نلقبه باسماء حيوان
ونطالبه باالايتكلم بهالالفاظ ونحن اللي نشربه اياها

" عندما نغادر وطننا ونشاهد شخصاً قطع اشارة او رمى على قارعة الطريق
سيجارة سنتوقع انه سعودي "
في مبالغة لانه هالشيء صحيح منتشر عندنا بس مايقتصر على السعودي فقط

 

[كراميلا مرة]

كراميلا أنا قريت كتاب عبد الله المغلوث من قبل (كخه يابابا) .،
مع إني ما أقرأ هالنوع لكن عجبني أسلوبه السهل ما عقد القارئ كلامه أكثره صحيح .. أصداء الكتاب تسبقه مسوي ضجه في تويتر

حسيت إنه مايستاهل هالضجه عموماً
بس أهديت منه جم نسخه لأختي الصغيره وصديقاتها حسيته يصلح للصغار يصلح أخلاقياتهم إذا فيها غلط ..

يمكن مايستاهل الضجه الكبيره
بس انا اشوف يصلح للكبار قبل الصغار وهالاشياء اللي ذكرها الاغلب يقع فيها كبار

 

[ليلو جبريت]

السلام عليكم

اليوم مالي خلق قراءة

 

[سمسمة كويتية]

احنا عندنا عطلة لغاية يوم الاثنين انشالله بهالفترة اخلص محال ( وصلت ص 59) و حالة شغف شجعتيني أكملها ليلو، بس ما أتوقع أقدر أقرا أكثر لاني بالعطلة بكون لاهية

 

[سمسمة كويتية]

و بالنسبة لمحال أنا للحين مستمتعة فيها انشالله تظل بنفس المستوى

 

[ليلو جبريت]

الله يخس هالحالة \:

........................

بنات ليش اليوم هدوء

 

[كراميلا مرة]

انتوا مختفين

لولو رجعتي لهالحاله
تركي الكسل واقري

انا
بديت في سعار لبثينه العيسى
قريت جزء منها ومالي خلق اكمل اليوم

 

[ليلو جبريت]

راسي يعورني من كذا مالي خلق اقرا رواية او كتاب

لكن مايمنع اقرأ مقالات

 

[أنثى اليمامة]

اقرأ المنبوذ لعبدالله زايد ..
والى الآن .. اسلوب الكاتب ، ونوع الروايه عاجبني ، والقصه جديده ..


​

 

[رحيل المرافيء]

بنات ضرسي يعورني عطوني حل
بموت ذبحني

 

[كراميلا مرة]

صباح الخير

رحيل حطي عليه مسمار يقولون يخف
وسلامتج