مناقشات وسوالف بنات نادي الكتاب

[ليلو جبريت]

اي كان

أوليفر تويست 576 صفحة !!!!

النسخه الي عندج تبع اي دار ؟


حاليا اقرأ مهزلة العقل البشري لعلي الوردي

و ترمي بشرر ل عبده خال

والشعر بعدي في ديوان السياب المكون من 900 وشي \:

 

[البارونـه]

ليلو هاي من سلسله روائع الادب العالمي
مكتوب "المركز الدولي للصحافه"

توني انتبه ><" ,, لان مو انا الي شاريتها

 

[ليلو جبريت]

اها لان حتى دار الحرف نسخهم مختصرة

 

[رحيل المرافيء]

القوس والفراشة هي اللي مزعلتج
وبعدين البوكر ترى اي كلام وتدخل فيه الواسطات
تعرفين عالمنا العربي
وكذا مرة انقدوا عليه
مثل عبده خال وايد قالوا انه مايستحق وخذا البوكر اكثر من مرة

 

[ليلو جبريت]

رحيل حدج عليه

انا اليوم معترفتله بحبي

وبصراحه الي قاعد يصير عيب وعار على الثقافة العربية

عيب عليهم هالاتهام الباطل وقمة في السخافه والتخلف

الي ماتدري وش السالفه

تشوف هالرابط

http://www.youtube.com/watch?v=I4xeZqEZdqY&feature=related

وجنبه فضيحه المثقفين في الماريوت

الله والفضيحه عاد

 

[غيدآء]

السلام عليكم

حاليا اقرآ مسرحية

you never can tell

لـ برنآرد شوو

 

[مُخملْ]

ياني احباط ، استويت بطيئة في القِراءَة :/
بعدني للحين في -تزوجتُ بدويا -:/
بعده راح أبدى ب - تحت شمس الضحى - أو - السيرة الطائرة - لابراهيم نصر الله

،

 

[ليلو جبريت]

حتى انا \:

هالايام محتاجه لجبران

 

[رحيل المرافيء]

تحبين عبده خال ولا جبران حددي لووووووول
كل ماقريتي لواحد حبيتيه يا أم الرياييل

////////
وبالنسبة لعبده خال وايد ناس اقرأوا له وانتقدوه يقولون كتاباته كلها جنس بجنس
وولده مهدي عبده عنده كتاب الفلم

 

[ليلو جبريت]

هههههههههههههههههههههههههه
هههههههههههههههههههههههههههههههههه


موتيني ضحك

انا ادورها هالرواية وماكنت ادري ان ولده

 

[7ikayat]

ترمي بشرر لعبده خال كتاب غير مريح ومؤرق خصوصا المقتطفات في النهاية "فيه صور حقيقية"
اسلوبه ممتاز رغم الجنس في الرواية, لكن القصة مؤرقة ومزعجة ومخيفة​

 

[3oosh <3 MJ]

ليلى دام تحبين عبده خال اقري الاوغاد يضحكون ، قصص قصيرة حلوو تكسرين بها الروتين

 

[ليلو جبريت]

ترمي بشرر لعبده خال كتاب غير مريح ومؤرق خصوصا المقتطفات في النهاية "فيه صور حقيقية"


اسلوبه ممتاز رغم الجنس في الرواية, لكن القصة مؤرقة ومزعجة ومخيفة​

شفت الصور بس صور البنات احسهم صور فنانات :eh_s(10):

انا عاجبني اسلوبه واستغرب من الي يقول انه ركيك !!!

 

[ليلو جبريت]

ليلى دام تحبين عبده خال اقري الاوغاد يضحكون ، قصص قصيرة حلوو تكسرين بها الروتين

بقرأ بس اخلص من الي عندي :eh_s(7)::eh_s(7):

 

[ليلو جبريت]

اليوم رحت المكتبة

وخذت مهزلة العقل البشري ( عندي نسخه pdf )
وخذت دمعة وابتسامة ( بعد عندي اياها )

خذتهم لان احس اني ابي اعانقهم وانا اقرأ
ومايصير اعانق الابتوب ((؛

وخذت القرآن والتوراة والانجيل والعلم ل موريس بوكاي

وخذت مجموعه قصصية خاتم في اصبع القلب ل عبدالوهاب مطاوع ( امي تحب القصص من جي خذته ولان خاطري اقر له )

 

[سمسمة كويتية]

ليلى
ههههههههه ضحكتيني على سالفة العناق

عبدالوهاب مطاوع خذيتله كتابين بس طلعو مو قصص كانت رسايل من الناس فيها مشاكلهم و اهو يرد عليهم

 

[7ikayat]

لا ليلو أقصد صور الشخص اللي خسر فلوسه في حقيبة البورصة !
أظن ان صور البنات لعارضات ماكياج او ازياء​

 

[ليلو جبريت]

سمسمة مو بس اعانق لكتاب انا اشم الصفحات وامسحهم بخدودي

شاسوي احب الورق

 

[ليلو جبريت]

لا ليلو أقصد صور الشخص اللي خسر فلوسه في حقيبة البورصة !


أظن ان صور البنات لعارضات ماكياج او ازياء​

اي شفتها العاري مو ؟


وبنات شنو رايكم بالفضيحة الي صارت في السعودية ؟؟

فضيحة المثقفين :bbbiu:

 

[غيدآء]

السلام عليكم

بما انج سالتي ليلى بكون صريحه

طبعاً محد يقبل انه تتحول الاجتماعات الثقافيه الى اماكن للغزل والترقيم ..وحسب ما قريت من مصادر كثيره وشفت اللقاء اللي انتي حطيتيه...انه الفضيحه كانت بنت شالت حجابها وقعدت معاهم وانقلب الجو الثقافي الى جو اقرب الى الانفتاح الغربي !

لكن اعتقد انه اغلب اللي كانوا متواجدين توجهاتهم ليبراليه ماتهمهم لا عادات ولا تقاليد ..ولو هالشي صاير عندنا ابدا محد راح يقبله .. خصوصا انه هالشي صادر من ناس مثقفه المفروض تكون قدوه باخلاقياتها وافكارها وتوجهاته!

لكن مانقول غير انه المسؤول الاول والاخير هي الجهه الاعلاميه المنظمه للملتقى !

خصوصا انهم في مجتمع سعودي !!!

وبس