مناقشات وسوالف بنات نادي الكتاب

[رحيل المرافيء]

ليلووو
هذي مجلة تصدقين كاتبتهااااا بخط صغير مدري من بيقراها

سمسمة
روايتها عن شنووو اتوقع جنس بجنس لانها فري حيل
وعلياء الكاظمي مثل ماقلتي سوالف دراما وسوالف بنات كاتبتها بكتاب وناشرتها

 

[غيدآء]

رحيل...

انزين اهي ليش جذي صغيره مخطوطتها شنو بتستفيد منها !

واااي منو الي بيقرا هالمخطوطه يبيلها مجهر :/

 

[عادت ذكرياتي]

آنا حاليا أقرا مسرحية آرثر ميلر ((salesman death))

للحين بالآكت الأول


منو قرأها ؟؟؟؟؟؟؟؟؟؟؟؟؟؟؟؟


باللغة الانجليزية طبعا

 

[غيدآء]

عآدت ذكريآتي تقصدين مسرحية death of a salesman تناولنا نبذه عنها بدراستي اهي من المسرحيات الي خذت جوائز كثيره من اواخر الاربعينات من القرن المآضي

ميلر قرآت له مسرحية all my sons اقل ما يقآل عنها روعه وواقعيه بحته

 

[عادت ذكرياتي]

غيداء إي تصدقين عاد ما ادري ليش آنا اميل للروايات القديمة والطابع الكلاسيكي والمسرحي اكثر قرأت لشكسبير روميو وجولييت وقرأت لشارلز دكنز ديفيد كوبر فيلد وما أدري ليش آنا جذي لوووووووول


بس قراءة الادب الكلاسيكي يأخذني لعالم آخر

تشكرات غيداء حبيبتي

 

[ليلو جبريت]

اليوم ما قرأت وايد لان مشغولة حدي

والحمدالله اللحين اخلص اخر التزاماتي

 

[ليلو جبريت]

خلصت كوخ العم توم

ماعجبني وايد

الفكرة الي تناقش موضوع العنصرية راقت لي

لكن مشاهد الموت ومشاعر الابطال حسيتهم سطحين
وماعجبني موضوع المسيح .
ولما يدعي توم يقول لقد استجب الدعاء !
وتوم حسسوني انه نبي مو انسان !

 

[ليلو جبريت]

واقرأ حاليا
القوس والفراشة الي خذت جائزة البوكر في 2011

 

[سمسمة كويتية]

ليليو
منو مؤلف القوس و الفراشه
اسمها يجذب

 

[ليلو جبريت]

محمد الأشعري

بحطلج مقتطفات منها

 

[ليلو جبريت]

كلنا ننهزم أمام الموت ، لكن لاشيء أفظع من الهزيمة أمام الحياة

‎ان الذين لهم آمال غير محدودة يصيبونني باليأس أكثر من اليائسين

الحياة تكون أفضل عندما تحتفظ بكل قدرتها على مفاجأتنا

حبك قبل أن أحبك..أحبك منذ أن كنت مجرد فكرة في هذا الكون. أحبك خارج الزمن الذي يجمعنا..أحبك في زمن لم يعد لنا، أحبك للأبد

تتحقق أي لحظة سعادة كثيفة أو هشة إلا من خلال التفاصيل التي نعثر عليها في دواخلنا

الحب هو فقط أن تكون قرب امرأة في الوقت المناسب

الخراب الأكثر جمالا هو الذي نراه حولنا كل يوم مما يتهاوى من أحلام

 

[سمسمة كويتية]

كلام جميل
كتاب المغرب العربي لهم اسلوب خاص
ذكرني بأحلام مستغامني

 

[3oosh <3 MJ]

من بداية هالسنة ما قريت عدل
الحمدلله اجزنا وبحط حرتي فالكتب الحين ^^ ..

 

[وهج الحب]

السلام:
بناء على نصيحتك ليلى قريت كتاب ( وردة لصنع الله ابراهيم ) هو صج يشوق لانه من نفس النوعية اللي احبها تاريخية وكانها مذكرات وانا الحين عند الصفحة 119 ...
وكنتي تتسالين مرة ان وردة بحرينية كما قيل لك ... الرواية مالها اي علاقة بالبحرين لا من قريب ولا بعيد ووردة اصلها عماني من الجبل الاخضر وانتقلت للسكن في عدن بعد افلاس ابوها بالتجارة ومن هناك راحت تدرس بمصر وقت الثورة واعتنقت الفكر الناصري ومن ثم الاشتراكي والقومي بعده ورجعت لعمان للقيام بثورة هناك وكان اسمها شهلا واسمها الحركي وردة ..

صحيح رواية ممتعة اشكرك لانك نصحيتي بقرائتها ورغم كم المعلومات الذي يشتتني احيانا فاضطر ان ارجع مرة اخرى للصفحات ...ورغم اني لا احب مصري يكتب بالتاريخ الخليجي لانهم دائما اسلوبهم من ناحيتنا الاستهزاء ..لكني مستمتعة ..
تقبلي تحياتي ...

والله اني لدي مشاغل كثيرة التي حرمتني من هدوئي السابق والتي لم اعرف من اين اخذت تتحذف علي من اواخر السنه الماضية ..بس فتحت النت اليوم فقط لاشكرك ولرد على استفسارك بشان وردة ..

 

[ليلو جبريت]

المغربين ادبهم رائع


وعواشه مبروك عليج العطله


ووهج الحمدالله عجبتج الرواية

لما بحثت عنها قالوا ان هدى البحرينية الي في الرواية
(تم ذكر اسمها )

هي شخصية حقيقية وعندنا في البحرين واسمها الحقيقي هو ليلى فخرو
والبعض يزعم انها هي وردة لتشابه حياتهم

المهم ليلى فخرو بعد ماتوفت نزلوا كتاب عنها يتكلم عن حياتها وعن رحلتها الى عمان
ولو تبحثين عنها في غوغل تلاقينها وفي صور لها

المهم الكتاب اصدار دار الايام بالبحرين
لما رحت المكتبة مالقيته فاتصلنا بالايام البنت اول شي قالت ماتعرف بعدها قالت ساحبينه وبعدها قالت راجعينا في يناير لان بنسوي جرد

وشكلها ماتدري بالدنيا \:

المهم اني راح اجيك عن اماكن بيع الكتاب لان هالقصة مو راضية تفارج عقلي

 

[غيدآء]

السلام عليكم

شلونكم بنوتآت

انا حاليا قاعده اقرآ رواية

one flew over the cuckoo's Nest

" وحلق فوق عش آلمجآنين"

لـ الكاتب كين كيسي

الروايه اقل ما يقال عنها رووعه

طبعا غلاف الروايه اللي عندي غير وقديم خذيتها من اخوي صارلها فوق 15 سنه عنده

طبعا ما قريتها الا عقب مدحه لي وعقب ما شفت الفلم اللي اقتبسووه منها ايام السبعينات ...

نبذه عنها

القصه تتكلم عن سجين ارسلته ادارة السجن لمستشفى الامراض العقليه لانهم شكوا في امكانيات عقله!

لكن من الوهله الاولى للقارئ راح يحس انه هالانسان جدا طبيعي وحتى يمكن ذكي وفيه مكر وفراسه بنفس الوقت من خلال ردوده على اسئلة الممرضات ومدير المستشفى..!

المهم نرد للقصه ..من اول ايام ارساله للسجن يكتشف انه المرضى قاعدين يتلقون معامله واهتمام جدا سلبي وقمع لدرجة انه الممرضه المختصه فيهم تسالهم اسئله تخلي الصاحي ينجن ...يعني مثلا تحرض المرضى من خلال اسئلتها على بعضهم وتخليهم يستهزئون في بعض ويستهزئون بالاسباب اللي اودتهم لهالمكان!

يثور بطل الروايه على معاملتها ويحاول يتقرب لكل مريض بنفسه ويشعرهم انهم ناس طبيعيين وبالامكان انهم يندمجون بالعالم الخارجي وبالمجتمع ...وفعلا يفكر انه يطلعهم فا يهربهم من خلال فكره جهنميه ابتكرها " مادري ليش تذكرت محظوظه ومبروكه وشكيت انهم اقتبسووا نحشتهم من هالروايه " المهم انه ياخذهم بره المستشفى من خلال يوم كااااامل وتصير معاهم مواقف لكن المفاجاه انه هالمواقف ما اكشفت للناس اللي بره المستشفى انهم مجآنين !!!!!

الحين انا في نهاية الروايه لمن ردوا للمستشفى وتغيرت فيهم اشياء كثييييره وابتدت ادارة المستشفى تتخذ اساليب جديده في القمع خصوصا مع بطل الروايه المنقذ الوحيد للمرضى !

 

[ليلو جبريت]

القائمة القصيرة للبوكر

ناصر عراق عن روايته "العاطل،اللبناني "جبور الدويهي" و روايته "شريد المنازل"، ربيع جابر عن روايته "دروز بلغراد"، عز الدين شكري، بروايته عناق عند جسر بروكلين، الجزائري بشير مفتي وروايته "دمية النار" التونسي حبيب السالمي وروايته "نساء البساتين

 

[وهج الحب]

المغربين ادبهم رائع


وعواشه مبروك عليج العطله


ووهج الحمدالله عجبتج الرواية

لما بحثت عنها قالوا ان هدى البحرينية الي في الرواية
(تم ذكر اسمها )

هي شخصية حقيقية وعندنا في البحرين واسمها الحقيقي هو ليلى فخرو
والبعض يزعم انها هي وردة لتشابه حياتهم

المهم ليلى فخرو بعد ماتوفت نزلوا كتاب عنها يتكلم عن حياتها وعن رحلتها الى عمان
ولو تبحثين عنها في غوغل تلاقينها وفي صور لها

المهم الكتاب اصدار دار الايام بالبحرين
لما رحت المكتبة مالقيته فاتصلنا بالايام البنت اول شي قالت ماتعرف بعدها قالت ساحبينه وبعدها قالت راجعينا في يناير لان بنسوي جرد

وشكلها ماتدري بالدنيا \:

المهم اني راح اجيك عن اماكن بيع الكتاب لان هالقصة مو راضية تفارج عقلي

السلام :
شوقتيني اقرأ قصة ليلى فخرو ايش اسم الكتاب ...
انا الحين اقرأ كتابين وردة والجسد المضيف بس مايله عندي كفة وردة ابي اعرف ايش بيصير لهم ...
ومن افتح الجسد المضيف تجيني النودة ..كله علثة لان وردة كتاب ما قبل النوم ...

مشكلتي بسافر ولازم اخلص هالكتابين قبل السفر ..

 

[رحيل المرافيء]

 

[رحيل المرافيء]

معاناة المرأة الصومالية في ثلاثية