Řōѕē ρâŕỉѕ;32137768 قال:
هلآ يَ الغآليه
هآذي طريقتي بعمل الفطآير وعمل البيتزآء وجدآ رآئعه
لينه ولآ أروع منهآآ وكل من ذآقهآ يمدح فيهآآ ومقآديرهآ سهله
المقآدير :
3 أكوآب دقيق الكويت
1 ونص كوب مآء دآفي
ملآحظه : طبعآ الكوب اللي تستخدمين فيه الدقيق نفسه تستخدمينه بكوب الماء
يعني مايكون كوب الدقيق كبير وكوب الماء صغير يعني متساوين ..
الطريقة :
تحطين كوب دقيق بالخلاط وتحطين فوقة السكر والنيدو والزيت وبعدهآ تحطين ملعقة الخميرة بكوب الماء الواحد (مب النص) الكوب الماء النص بنستخدمه بعدين وبعدين تحركين الخميرة مع الماء شوي وبعده تصبينها فالخلاط فوق المقادير وتشغلين الخلآط وتخلينهآ لمدة 10 دقائق وهي تخلط
وبعد 10 دقايق تضيفين الكوب الثاني من الدقيق بشويش وهي تخلط وتضيفين نص الكوب ماء وتضيفين الكوب الثالث بنفس الطريقة بشويش وهي تخلط تخلينهاا
وبعده تطفينهاا وتضربينهاا بيدينك شوي ( إذا تبين العجينه تكون هشه كل ماضربت العجينه كل ماصارت هشه )
وتستخدمينها على طول لوحابه أو تستخدمينهآ بعد نصف ساعه
والله روعة وتحشينهاا باللي تبين سوى فطاير او عجينه للبيتزاء
مآبي منك الأ الدعآء لوالدتي بالشفاء وأن يطيل الله في عمرهاا
وأن يسهل أموري ويرزقني بالزوج الصالح ..
عجينة الاخت جداً ممتازه شوفي انا عجينتي تختلف شوي لكن ارشحلج عجينتها لان كمية السوائل الى كمية الطحين مناسبه جداً من ميزاتها ماتلزق بايدج ابداً
ملاحضه بضيفها:
لما تعجنين راح تقول ناشفه واتحسين ان الماي شوي ماعليج استمري بالعجن وانتي تعجنين فككيها راح تلقين اللي داخل رطب خلطيه بالناشف واستمري بالعجن وراح تضبط
الزيت حطيه اخر شي يعني عجني واستمري بالعجن لاصارت عندج عجينه متماسكه اهنيه ظيفي الزيت وعجني
وانتي اتحشين الفطاير شبي الفرن فوق وتحت لازم اتدخلينها وهو حار(تحت180-فوق كبير)
وتحطينها بالنص
لاتخلينها تحمر جداً لانها بتصير يابسه وعموما حتى لو صارت يابسه علا طول من الفرن حطيه في حافظه ولاتحطين تحتها اي شي يمتص الرطوبه مثل المناديل وصكيها وخليها لين تخف حرارتها وبتشوفينها لينه وهشه
لازم بعد ماتطلعينها من الفرن تكتمينها بحافظه
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 523x350.
