ملف للوسائل التعليمية لجميع المراحل ...بالصور

[أسوولة]

سلام عليكم:أبيكم تساعدوني أبي أسوي وسائل للصف 2ابتدائي اشلون

 

[الحياة]

أسولة مثل شنو تبين تسوين وسائل وحق اي مادة...؟؟
ترى احنا ابلات روضة نفيدج بكل مجال لانه احنا ندرس كل المجالات

وعليه علينا يا ابلات الروضة​

 

[masaa]

يعطيكم العافيه ياقلبي ماقصرتو وسائل مفيده ولكم الاجر انشالله

 

[أليلاس]

السلام عليكم ورحمة الله وبركاته

ماشاءالله جهود رائعة وقمة في الابداع , الله يوفقكم ويلهمكم دائما الافكار الجميلة والرائعة , يعطيكم العافية...

 

[kraza]

عندي فكرة حلوة حق خبرة البحر
الادوات
علبة زجاجية ذات غطاء مثل علبة المربى
زري نثر او ورق الزينة
اسماك صغيرة بلاستيك او تقصصين انتي من الفلين المضغوط
ماء
الطريقة مافي تعب تحطين الماى والسمك والزري بالعلبة وتصكينها عدل

 

[الحياة]

اي حلوة هذي بعد لو تسوينها على علبة مثل المربى بس كبيرة واااااااايد تطلع حلوة بعد وحلاته بعد تلصقين داخلها بيت السمج صغيرونو ويكون ثابت واللماعي ينزل عليها تطلع حلوة

انا الحين ببسوي مجسم لبيئة البحر وايد حلو والسمج من كرتون البيض بتطلع حلوة وايد لاني شايفتها مرة بمدرسة ام القرى اللي برميثية كانو مسوين معرض فني حلو​

 

[أوركيد]

بنات ..

تقدرون تسوون لخبرة الماء والهواء شغلة واايد حلوة ..

بطل ماي الصحة الكبير ..قصيه من فوق ومن تحت ..يصير بس اسطوانة ..

ولزقي فلين الابيض الخفيف ..اللي بسرعة ينكسر من الجهتين ..

وداخل العلبه حطي فلين الكور الصغار..

عقب ماتلصقون الفلين من الجهتين يصير عندج اسطوانه شفتفة ومن الطرفين فلين ابيض مثبت كقاعدة من الجهتين ..

ييبي السشوار وشغلوه من تحت الفلين ..راح يطير الفلين الصغير داخل العلبة ..

ان شاالله فهمتوا علي

 

[الحياة]

اممممم يمكنيطلع نفس الليببالي بس ما فهمت شلون بتتحرك الفلينات اللي داخل ..؟؟ من وين يدش الهوا​

 

[قلب راشد]

ابي وسائل انجليزيه بلييز

الموضوع روووووعه

 

[قلب راشد]

رد: مشاركة: ملف للوسائل التعليمية لجميع المراحل ...بالصور

منقول
==



نكمل :

5/ (( وسيلة سباق الفراشات ))

الأدوات :

1/ أزهار بعدد التلاميذ في الفصل .
2/ صور وأسماء التلاميذ .
3/ عدد من الفراشات صغيرة الحجم + عدد من النحلات
4/ اشرطة التشتش اللاصق .

الخطوات :

1/ نقوم برسم أو طباعة أو شراء ملصقات على شكل أزهار ذات اوراق متفرعة كعباد الشمس.
2/ نضع في كل ورقة من كل زهرة قطعة صغيرة من التشتش.
3/ نضع صور الطالب في وسط الزهرة ، ونكتب اسمه إن اردتم .
4/ نطبع عدد من الفراشات ،وعدد من النحلات( هناك ملف مرفق للنحلات والفراشات بالأسفل )
5/ نغلف الفراشات والنحلات بالجهاز الحراري ، ونضع وراء كل قطعة الجزء المقابل للتشتش الموجود بالزهرة .
6/ نلصق كل زهرة خاصة بالطالب على طاولته .

طريقة الأستخدام :

يتم توضيح أهمية الفراشات والنحلات للتلاميذ ، ونقول لهم أن النحلة صحيح مفيدة ، لكنها تلسعنا ، لذلك يجب الحذر منها فهي قد تضرنا ، أما الفراشة فهي جميلة الشكل والمنظر ، وهي أيضًا مسالمة لا تؤذينا ، ونحن نحب الفراشات ، ثم توضحين لهم أن التلميذ الشاطر المتفاعل والمثالي دومًا سيحصل على فراشة ، والعكس صحيح بالنسبة للنحلات . (( فهيا نتسابق في جمع اكبر عدد من الفراشات في زهراتنا ، ومن يكمل زهرته بالفراشات من غير أي نحلة سيحصل على الهدية )) وبذلك يتم تشجيع الأطفال على التفاعل مع الدروس وتعزيزهم بالحصول على الفراشات .

وتفضلوا الصور أللي راح تتكلم عن نفسها وما تحتاج شرح :

===========

نبي الصور بلييز

 

[أوركيد]

اممممم يمكنيطلع نفس الليببالي بس ما فهمت شلون بتتحرك الفلينات اللي داخل ..؟؟ من وين يدش الهوا​

الحياة ..

راح يدش الهواء من الفلين اللي مثبته كقاعدة للعلبة..وزيادة سوي بالفلين ثقوب عشان يصير دفع الهواء اكبر

 

[معلمة رياض اطفال]

ابى صور لوسائل
اعداد وكلمات للاطفال

 

[saroon_143]

ابي اسوي ورشه عمل حق المدرسات عن الالعاب التربويه
حق الروضه بس الالعاب اللي عندي اشوي ابي اكثر
اذا ممكن تساعودني ما باقي شي على موعد الورشه


:eh_s(6): :eh_s(6): :eh_s(6): شدو حيلكم معاي
علشان اصور لكم ورشتي

 

[أم منيرة]

الله يعطيج العافيه على هالافكار الحلوة المفيدة



والله يرزقج ويرزقني ويرزق كل محررررومة ان شااااااااااااااءالله


عجبتني سله البيض وبسويها ان شالله

 

[كويتية حلوة2]

قوة بنات الله يعافيكم نبي أفكار حق الحصص المساندة اذا عندكم شي عن المهارات اللغوية شلون نخليهم يكتبون الكلمات غير الطين وبطاقات الأحرف

 

[مشغوله و محتاسه]

قوة بنات الله يعافيكم نبي أفكار حق الحصص المساندة اذا عندكم شي عن المهارات اللغوية شلون نخليهم يكتبون الكلمات غير الطين وبطاقات الأحرف

اذكر بالجامعه يابت الدكتوره رغوة الحلاقه .. العاديه مالت الرياييل ... و رشتها على الطاوله و ووزعناها بايدينا و كتبنا باصابعنا
وناسه .. بس يبيله كمية كلينكس للتنظيف بعدين ..

الحلو بالموضوع ان الطاولات طلعت انظف !! هههههه :eh_s(20):

 

[لوميه]

والله يا بنات يا ريت تحطون لنا وسائل النشاط الصباحي للمسابقات الفرديه للخبرات ......... وبالاخص الجمعيه والاسلام ديني .......... والبحر

مع الادوات و طريقة العمل ...

ما عليكم امر

 

[معلمة رياض اطفال]

شكرا

 

[saroon_143]

ليش النحاسه ؟؟؟؟؟؟
ليش ما تكتبون شي

 

[الدرالمنثور]

وسائلكم ما شاء الله رائعه وافكاركم تبارك الرحمن عجيبه بس ناقصها الصور اغلبها صورها مو طالعه!! ياليت تحاولون تطلعونها لان بصراحه الشرح مع الصورة اكيد راح يكون احلى :eh_s(8):