$$$ ملف كامل وشامل لتجاربنا مع دكاترة مستشفى الصباح$$خلوه مرجع لنا نستفيد ونفيد حياكم

[haninoooo]

ام زوزو انا رفيجتي كلت شهرها كله وراحت الصباح وولدوها عقبها باسبوعين

الله يسهل عليج انشالله

 

[شفافة]

بنات منو تعرف الدكتورة ايمان الشمالي بمستشفى الصباح ؟؟

 

[صدى الأفراح]

انا قريت كل تجاربكم
انا جربت ولادتهم بابني الوحيد كانت روووووووعه دخلت الساعه 2 الفجر مفتوحه 3 سم وحكالي الدكتور مافي ماي عالبيبي وحولني ولاده علطول ماكنت عارفه عن ابرة الظهر فاعتقد استخدمولي الكمامه السودا كنت اول مره اولد وماعندي حدا فهمني كيف الولاده وربنا يسرها بشكل مو طبيعي كان في دكتور مصري يمر كل شوي يشوف ويروح واخر مره شكله وسع او سوا شي زاد الألم وراح وسكر الباب وراه واللي كانت معاي هي اللي ولدتني سستر ايرانيه ماكانت تفهم عربي هههههههه بس ربنا سهلها 7 الصبح كنت والده

وهلأ انا حامل بالسابع وناويه اولد عندهم بس الله يخليكم كيف احدد موعد تولدني فيه دكتوره من عندهم متل اسيا اللي مدحتوها او ايمان ؟؟؟
يعني اروح من الشهر التاسع اراجع عندها؟؟؟
او من الشهر الثامن؟ وشلون اطلب منها تولدني الله يخليكم ساعدوني
اما عن الغرف عرفت ان عندهم جناج رووووعه ب 30 دينار باليوم ياريت لو عندي واسطه أو اعرف اي حدا في المستشفى يااااااااااريييييييت

 

[صدى الأفراح]

؟؟؟؟؟؟؟؟؟؟؟؟؟

 

[haninoooo]

صدي الافراح الله يتمم عليج انشاءالله ويسهل ولادتج


منو قالج عن الجناح اليديد بو 30؟؟؟؟ شفتيه

 

[haninoooo]

اب اب اب اب ب اب اب

 

[oum^zozo]

انا الحمد الله ولدت بالصباح عقب ماصبروا علي الدكاتره و لا انا كانوا امقررين لي قيصريه بس جابلوني 4 دكاتره و اصبروا علي و الحمد الله ولدت طبيعي

و الله لو خاص جان شقوا بطني ماصبروا و انشاء الله بعدين اقولكم القصه كامله بس و الله الصباح رعايه و اهتمام بغض النظر عن الغرف
دكاترتهم ممتازين

 

[ZOHOR]

اختي زهور

اختك مجربتها وهل كانت تراجع عندها او بالصدفة ولدتها ؟؟

حالة اختك كانت تحتاج قيصري والا الدكتورة ما انطرت عليها واستعجلت وولدتها قيصري؟؟

اللي فهمته منج ان الدكتورة ما تولد طبيعي
مع ان وحدة واجهتها بالمستشفى تقول ولدت بنتها ولادة طبيعية صعبة وكان البيبي نازل بمقعدته يعني صعبة الطبيعي

هي تخصص قصيري بس لي اعرفة انا ...

 

[صدى الأفراح]

حبيبتي انا قريت بالمنتدى عن الجناح اللي ب 30 دينار وناويه اروح اراجع عندهم علشان اتفق مع دكتوره تولدني واشوف هالمواضيع الغرفه زابرة الظهر ومابعرف لو عندهم خياط داخلي تجميلي عفوا يعني تضييق أو لأ بس المهم تكون دكتوره وانا رح أسألها اللي بخاطري ههههههه ياريت لو حدا عندو معلومات يفيدني

 

[haninoooo]

انا الحمد الله ولدت بالصباح عقب ماصبروا علي الدكاتره و لا انا كانوا امقررين لي قيصريه بس جابلوني 4 دكاتره و اصبروا علي و الحمد الله ولدت طبيعي

و الله لو خاص جان شقوا بطني ماصبروا و انشاء الله بعدين اقولكم القصه كامله بس و الله الصباح رعايه و اهتمام بغض النظر عن الغرف
دكاترتهم ممتازين

الحمدالله على سلامتج حبيبتي ومبروووووووووك مايبتي
بس الله يهداج مو كل وحده زين لها تشرب خروع
والله صاجه لو بخاص جان على طول فتح بطن بس صج دكاترة الصباح ممتازين والاهم الله فكج من القيصريه والحمدالله
منو الدكاتره اللي معاج ياليت اتقوليلنا
انا ولادتي هناك انشالله مابقى شي الله يسهل علي بس انا قيصريه
يتربي بعزكم انشاءالله وتفرحين باخو له انشاءالله​

 

[haninoooo]

حبيبتي انا قريت بالمنتدى عن الجناح اللي ب 30 دينار وناويه اروح اراجع عندهم علشان اتفق مع دكتوره تولدني واشوف هالمواضيع الغرفه زابرة الظهر ومابعرف لو عندهم خياط داخلي تجميلي عفوا يعني تضييق أو لأ بس المهم تكون دكتوره وانا رح أسألها اللي بخاطري ههههههه ياريت لو حدا عندو معلومات يفيدني

هلا صدي الافراح

شلونج

انا انشالله بولد بالصباح وادري مسوين اجنحه يديده وحلوه بس مادري عن بو 30 دينار
ودكاترتهم والله ماعرف احد فيهم بس روحي راجعي وشوفي دكتوره اسيا يمدحونها حييييل والباجي والله ماعرفهم

 

[حرم حسن]

حنوووون حبيبتي ان شاء الله يتثبت موضوووعج ياااارب

انا بقول لكم تجربتي بالصباح قبل سنه بالضبط ......
اول شي حملي كان صعب وعقب علاج وانا كاتبه قصة حملي الاول بهالرابط
http://q8yat.net/showthread.php?t=373484

المهم بتاريخ 14-8-2008 كنا انا وريلي عازمين اختي وريلها على سينما وعشا لانهم كانوا توهم معاريس ... رحنا الافنيوز ومشينااااا مشيييييييييييي ودشينا السينما وانا بطني يششششد ويرخي ومادري اذا كان طلق والا لا لانه اول حمل لي ومادري وين الله قاطني
المهم على ماخلصنا تمشينا الساعه كانت وحده بالليل ورحنا شارع الخليج ندورلنا مطعم مفتوح ...تعشينا وخلصنا والعوااااااار يزييييد وانا ما ابين لهم عشان لا اخرب الطلعه ....
واحنا طالعين الساعه ثنتين تقريبا ... والا نشوف التاير مبنجر
طبعا قلت حق ريلي خل نكدش النسيب اليديد من اول يوم ونخليه يسوي البنجر _03BA:

وانا واختي قاعدين على البحر والا العواااار يزييييييييييييد هني قمت ابجي بصوت عااااااالي مو متحمله العوار والرياييل مايدرون عننا لاهيين بالتاير :dddds:

هني اختي كلمت ريلي ولما شاف ويهي اخترع اكثرررر ... وانا اقول له تكفا بروووح المستشفى مووووقادره اتحمل خلااااااااص

المهم دقيت على دكتورتي وعيادتهم كانت مسكره وانا كنت مقرره اصلا اولد بالخاص ..... قالت لي دكتورتي روحي الصباح ويبين بالتخطيط اذا طلق والا لا ... واذا طلق في ادويه يعطونها لج مو موجوده اصلا عندنا بالخاص ... وانا متنحه لاااااا ماااااااااااابي الصباااااااح .... واهي تقول لي روحي الحين والصبح تعالي الخاص ... المهم ريلي سيييييييييييييده على الصباح .....يوم وصلت الطوارئ وبالفحص بين انه طلق لاني اصلا كنت مسويه ربط فلااااااااازم فحص.....

المهم دخلوني المستشفى وعطوني دوا يخفف الطلق اسمه تركتوسيل .... هذا مدته يومين بالمغذي فكان لاااازم اكمل المغذي لحد مايخلص ......

بالتخطيط كان الطلق يوصل 100% ومع الدوا شوي خف العوار وقالوا لي الدكاتره بس يخلص المغذي ويوقف الطلق نرخصج ....

يوم 15-8 الساعه 9 ونص بالليل يالي دكتور وقال باجر الصبح نرخصج بس لازم افحصج عشان اسجل بملفج انه ماكو طلق والا صغط على عنق الرحم ....
المهم فحصني ولما طلع ايده والا .....












دم :eh_s(1):
وقال بسرعه تنزلين الولاده انتي مفتوحه 3 سم والمشكله انج مسويه ربط واذا الحين مافتحنا الربط راح ينفجر الرحم ....
وانا منصدمه واعييييييييييييييييييييييييييييييييييييييييييييييييييييييييط :0bee2e8d89:
وقال بسررررررررعه .... وانا اصرخ ودوني المواسااااه ... ابي دار الشفاااا.... ياحلو السلاااام ... وشفيه الهادييي :tomato2:

كنت صج اهلوس ومنصدمه وخااااااااااااااايفه ......
وريلي ماكان يبيني اولد بالصباح وبلمح البصر شفنا السسترات يابوا الترولي وقعدوا يبدلون ثيابي بسرررررعه....

المهم نزلت تحت ..... وبسررررررعه فتحوا الربط وانا كنت بالاسبوع 28 ... وخلال ساعه والله وصلت 10 سم .... والطلق واااااااااااصل حده

المهم البيبي موقادر يطلع لانه صغييييير .....والماي مانزل ....وكانوا 5 دكاتره على راسي ....3 امراض نسا و2 دكاترة خدج .... وانا اسمعهم ينتاقشون جدامي .... يبيون يبطون ماي الياهل بس بنفس الوقت مايبون يخاطرون بحياتي انا او ولدي لانه كان صغيرررر حييييل وماراح يطلع لانه عندي ورمه مسكره عنق الرحم ومايبوني اتعذب اكثر بالطلق ....

المهم قرروا قيصريه .... وبالفعل بالضبط الساعه 12 بالليل يوم 16-8 يبت ولدي ( حشى سندريلا)
والعنايه اللي شفتها عقب العمليه مووووطبيعيه وهالشي اللي خلاني استمر بمراجعاتي عندهم والحين راح اولد هناك ان شاء الله ....
وماقولوكم حزة العمليه شنو ؟؟ دكتور التخدير قاعد يمي ويسووووولف ويطمني طبعا هذا عقب مانصحني اخذ البنج النصفي .... واول ماطلع ولدي وشفتهم يركضون فييييه ويسووون له الاسعافات الاوليه لاني يبته كيلو بس :0bee2e8d89:
قمت ابجي بصوت عااااااالي وادعي ربي يحفظ لي ولدي .. ما اشوف الا دكتور التخدير يابلي تلفونه وقال لي كلمي ريلج عشان ترتاح نفسيتج .. وانا طحتله سوالف مع الهزبند وهذا كله ليلحين مفتوح بطني ماخيطوا الجرح :dddds::dddds:
يعني صج صج يراعون نفسيتج


وبالحمل هذا كل شوي يحوشني طلق بس بالهم طويييييييييل معاي ويصبرون علي وقبل شهر نزل ماي البيبي ونطروا شوي ماولدوني وشافوا الماي رد شوي شوي طبيعي.... يعني اذا اسبوع بالبيت اسبوعين بالمسنشفى .... ودكتوري واااااااايد صابر علي وكله يقول لي لاتحاولين ... ماراح اخليج تولدين الا بالتاسع :dddds:

وبالخاص يقولون لي اذا كملتي حملج زييييييين :eh_s(1):

والله والله والله عن تجربه ....دكاتره الصباح من احسن الدكاااااااااااااااااااتره


وانا بقول لكم سالفة وحده تعرفت عليها بالمستشفى



وحده تعرفت عليها تقول صارلها 16 سنه متزوجه وماحملت وماخلت اي مكان بالخاص ماراحتله ....وماكو علاج او عمليه ماسوتها ...المهم قبل فتره قالت انا جربت كل مكان ليش ما اجرب الصباح ؟؟؟
وراحت وحدة اطفال الانابيب وسوت الفحوصات اهي وريلها ....وشافها دكتور الرميح ... اتوقع اسمه حازم الرميح ....المهم قال لها يبا انتي مافيج شي كل اللي فيج ان برويضاتج يبيلهم جم ابره عشان يكبرون ... وتحلف تقول والله عقب شهر من العلاج حملت ... واهي الحين اتوقع بالسادس الله يتمم عليها ياااااااااااااااااااااااااااااااااارب
ودكتورها الحين اسمه دكتور حاتم قمه قمه بالاخلاق ....


ادري واااااااايد قرقت :gathering::dddds:

 

[haninoooo]

حرم حسن بعدعمري
والله ادعيلج انا وبنات تجمعنا ان الله يثبت حملج وماتولدين الا بوقتج

يارب ياكريم يامنان يا رزاق


بس ريحي نفسج هذا اهم شي

 

[haninoooo]

اب اب اب اب اب

 

[sweet-rose]

السلام عليكم ،

مافيه تجارب توها حديثة يعني قبل شهر شهرين

 

[حرم حسن]

اسفه على الغلطه ... انا كتبت دكتور حاتم وهو اسمه دكتور طارق

حنوووون الف الحمدلله على سلامتج حبيبتي

 

[haninoooo]

الله يسلمج حرم حسن وحمدالله على سلامتج ومبروووووووووووووووووك مايبتي

 

[haninoooo]

ابشركم بنات واللي متابعيني


انا الحمدالله ولدت بالصباح ويبت ولد
طبعا ولدت قيصريه لان ولادتيني اللي قبل قيصريات

دكتوري: توماس

صج شاااطر بمعني الكلمه والله ماهداني طول الوقت واهو بنفسه اللي كن يراكض بتحاليلي وفحوصاتي قبل لا ادش غرفة العمليات اهو بنفسه اللي راح ياب نتايج تحاليلي صج ماقصر معاي

وعمليتي زينه والحمدالله واهيا خياطه تحت اليلد تجميلي مايشيل الغرز ولا شي
الله يعطيه العافيه ماقصر

طبعا خذيت ابرة ظهر ولاول مره وصج حلوه للي يولد قيصريات عشان مايحس بعوار العمليه عقب مايخف البنج الا خفيف عوار يروح وايي بالتدريج لكن الابره تاثيرها كلش مو حلو كان لها تاثير نفسي قوي على بس الحمدالله على كل حال

وتوني من اسبوع طلعت من النفاس​

 

[صدى الأفراح]

حمدالله على سلامتك يارب ومبروك ما اجاكي يارب وتفرحي فيه
انا قررت أولد بمستشفى لندن وماباقيلي شي اسبوعين يمكن الله يهونها
انا سمعت عن الدكتور توماس سوري صح ؟؟؟
ألف مبروك ان شالله

 

[haninoooo]

هلااا صدي

الله يهون عليج انشالله وتقومين بالسلامه انتي والبيبي

اي نعم دكتور توماس سوري ارمني